بليز
يحتوي هذا الفيلم على لقطات مخيفه للغايه
ــــــــــــــــــــــــــ
البطل سوف يفصخ فنيلته العلاق لذلك نرجو عدم أصطحاب بزارينكم
إدارة السينما غير مسؤله عن قواكم العقليه
بعد نهاية الفيلم وذلك لأحتواءه على مشاهد من الصعب على الانسان البشري العادي تحملها ( البطل يبلع لسانه ويحاول يطلعه بنفسه ) الفيلم من بطولة : الممثل الشهير ومحطم قلوب العذارى واللي يقدر يصفق سبعه ببقس واحد , وتدعسه الدبابه ولا يجيه شي , ويقدر يطيح الطياره باالنبيطه النجم: مدحت عضلات
فنانة الجماهير نجمة الشبابيك: سنيه الطبليه
وإخراج / باسكن بن بنك بانثر بن روبنز
ـــــــــــــــ
يبدأ الفيلم والبطل يمشي في الشارع
ويشوف له ذيك البنت اللي تقطع الشارع
ولا انتبهت لراعي القلابي
اللي مسرع , احس البطل انه لازم ينقذها ويقفز ذيك
القفزه ويرفس القلابي مع الرفرف اليمين وينقلب القلابي
المشكله القلابي يوم انقلب زحف وضف معه سبعة اوادم وخمس سيارات
............
اتجه البطل مدحت عضلات للفتاة وشافها وهي تلقط حبات الفلافل اللي طاحت منها في الارض , وبكل حنان الدنيا يقوم مدحت عضلات ويساعدها في تلقيط حبات الفلافل بعد سرق ولطش المحفظه في جيبه ويسألها : أنتي اسمك ايه ياحلوه ؟؟
ترد عليه وتقول : أسمي سنيه ويبندهو عليا المهببه ويدلعوني يأم عينين متخاصمه التفتت له البنت وقالت له ياحبيبي ـ المصريه دايم كلمة حبيبي لازقه في براطمها ــ
متشكره اوي انك انقزتني من الموت ونئزتني من العربيه, انا لازم اردلك قميلك ده أطلب اللي
انتاعاوزوه ؟ ( بكش ) قالها مدحت عضلات : انا عاوز آخد انا وانتي فره ( لفه ) على النيل انتي وراكي حاقه ؟
قالت : لاياحبيبي ( صايعة ) قالها : طيب قيبي الفلافل نأرمشهم في السكه
ـــ ينتقل المشهد لسيارة مدحت عضلات الكشف موديل 73 وهو مشغل المسجل على اغنية تقول كلماتها العذبه
تسألني تحبني آآآآآآآآآه بأؤولك برهبس يس برهبس نوو
ياحبيبي يمكن آآآه ويمكن لااااااا لاني مااعرفكش
ومدحت عضلات سفط يمين علشان يشتري بكت دخان ابو جمل و يوم طلع من المحل ويشوف سنيه ام القراشيع شايلينها ثنين يبي يخطفونها وهو اللي يصرخ سنيييييييييييييييييييه انا جااااااي وهو اللي يلقط الفلافل اللي طاحت منها اول ثمن يلحقهم بس كانت فيه هليكوبتر تحتريهم طارت الهليكوبتر وفيها سنيه الطرشا بس مدحت عضلات طلع ذهين ولقط رقم الهليكوبتر وسجله بورقه على القلم قعد مدحت عضلات ياكل من فلافل سنيه ويفكر وشلون ينقذها وفجأتن وهو قاعد يقرمش في الفلافل غص مدحت عضلات بحبة فلافل ويقعد يتدربى على الارض
ويصقع راسه في الجدار يبيها كودها تطلع بس ماش عيت تطلع , يوم خربها مدحت عضلات ودخل يده في وسط حلقه وقام يسحب الكوره لييييين طلعها , كوره مدوره صغيره زي اللي تجي في اول دربزين الدرج , ويجي مدحت عضلات يتعبث فيها ولا يوم انفتحت
نصفين ولقى فيها ورقه صغيره مكتوب فيها طريقة عمل طورطة الفول مع محشي الفلافل
........
يوم سمع مدحت عضلات صوت الهليكوبتر وهي راجعه مره ثانيه وهو اللي يقوم ويفصخ بلوزته الكاروهات ويبقى بفنيله علاق
آآآآآآآآآآآآآآآآآآآآخ طرطعرعطرطبووومو كان هذا صوت سبعة متفرجين
مااحتملوا المنظر مع اننا منبهينهم واغشى عليهم ويفصخ بنطلونه الشاموا المشكله في عز الحر ويطلع الشورت الاخضر , ويطلع مدحت نبيطته ( نبيله ) ويحط فيها ثلاث حصيان ويطلقها
وحده بنطت في مروحة الهليكوبتر والثانيه شقت تانكي البنزين شق والثالثه جت في راس سواق الهليكوبتر
يوم طاحت الهليكوبتر وطبوا منها 20 واحد قبل لاتنفجر وكل واحد معه مسدس ومدفع يوم قفلت مع مدحت عضلات وهو اللي يجدع النبيطه على جنب ويطب عليهم وهو يصرخ
حخليكو شاورما هنا انا حألب امها خبيتي هنا فين سنيه بتاعتي ويمسك مدحت عضلات اول واحد فيهم ويعفطه لين ماصار مدور ويدربيه على اخوياه ويطيرون 14 واحد مره وحده عاااااااااااااادي القمهور عاوز كده ولا فيه واحد مصوب عليه مدفع ويطلقه بس اشوا شطفت الطلقه مدحت عضلات وجت في الخمسه اللي ورا ويجيك مدحت عضلات ويمسك الضعيف مع اذانه ويرفعه فوق ويقول : أعترف فين سنيه ومين اللي خدها , رد عليه الضعيف وقال : المعلم بطاطس وا اللي آل قيبو سنيه وخدو منها وصفة طورطة الفول ومحشي الفلافل والله وياخذ مدحت عضلات وصف البيت اللي فيه سنيه , وصل مدحت عضلات للبيت اللي فيه سنيه وشاف في اعلىالبيت سنيه وهي تراكض والمعلم بطاطس يحاول انه يأكلها شاورما بيدينه
وتقفل مره ثانيه مع مدحت عضلات ويجي مشوت جهة الشجره ويطب عليها ويتشقلب ويوقع في السطح ويتعلق في الحاجز ويطب في البلكونه
ماشاء الله عليه تراه مانام من الصبح ويدخل عليه
وأول ماشافته سنيه طبت عليه ببطنه اقصد بصدره وهي تصارخ : مدحت الحأني ده كان ناوي يوكلني شاورما زياده شطه كتشب
وانا مابحبش الكتشب الحأني يامدحت ارقووووك يوم وخرها مدحت عظلات وخلاها ورا ظهره وهو اللي يفصخ فنيلته طووووخ طاخ طع
بووووم طخ طوخ طاخ اصوات اللي في الدرجه الثالثه في السينما وهم يصفطون على حقين الدرجه الثانيه من هول المشهد ويوم فصخ مدحت عضلات فنيلته العلاق برمها برمها ومحط فيها المعلم بطاطس وهو يقول : عاوز توكلها شاورما وكمان بكتشب يابن الـــــــــــ ايه
انا حوريك طيخ طااااخ طووووخ طيييينق اصوات مدحت عضلات وهو يصفق المعلم بطاطس على جبهته ويمحطه ويمحطه محطن
شوي وانفتح الباب ويدخل منه ضابط مصري وهو يقول : محدش يتحرك المكان محاصر أي حركه حضرب في المليان سلم نفسك يامعلم بطاطس المكان كله محاصر اوعى تفكر سلم نفسك انت وهووووه
وفي النهايه تم القيض على المعلم بطاطس وعصابته بعد محاولتهم الفاشله في اكتشاف سر طورطة الفول ومحشي الفلافل وقد تسلم مدحت عضلات وسام التبرع باالدم من الدرجه الاولى نتيجة لنجاحه في
إمتحانات الثانويه العامه متخصص جزم
هذه القصه جاتني على الإيميل .. وقد قمت بتعديل ما يلزم
وتقبلوا تحياتي ،،
