يوميات رضيع

[رشا محمود]

إخوتى وأخواتى

السلام عليكم ورحمة الله وبركاته

هذه أول مشاركة لى فى درة الترفيه والوناسة

وحقا لقد مزق الألم قلوبنا وما عاد فى العيون متسع لدموع

لذا فقد وددت المشاركة معكم هنا بنص كتبته منذ فترة وهو باللهجة المصرية يغوص بنا فى عالم نقى وبرىء تماما فتعالوا معى نرى الحياة فى عيون رضيع لا يعى عن همومنا شىء
أرجو أن تنال إعجابكم إن شاء الله وترسم بسمة صغيرة على وجوهكم

****************************** ************

يوميات رضيع

أنا اسمى توتو .. توتو هو اسم الدلع بتاعى .. ماما سمتنى كده عشان مش بتحب اسم توفيق .. بابا سمانى على اسم جدو وماما بتقول ان الاسم كبير عليا وانا صغير .. انا مش بحب توفيق ولا بحب توتو انا عايز اسمى يبقى جيرى زى الفار اللى بييجى فى الصندوق الصغير وبيضرب القطة الكبيرة .. عايزين تعرفوا عمرى قد ايه انا مش باعرف اعد لسه بس من كام يوم كده عملولى حاجة اسمها عيد ميلاد وجابوا حاجة مدورة اسمها تورته وقعدوا يغنوا وجت عيلتى كلها تبوسنى وتقولى كل سنة وانت طيب يا توتو .. المهم انهم كلوا التورته لوحدهم قال انا لسه صغير ومينفعش آكل منها .. مع ان شكلها كان حلو اوى..

بابا وماما بيحبونى خالص ويقعدوا يلعبوا معايا بس ما بيتكلموش معايا زى الكبار .. صحيح انا مش باعرف اتكلم كويس لسه بس أنا بافهم هما بيقولوا ايه وباتغاظ منهم لما يلاعبونى بالشخشيخة واللعب الصغيرة .. ليه ما يتكلموش معايا.. بابا على طول بيتفرج على الحاجات اللى بتييجى فى الصندوق الصغير العجيب ده فيه كل حاجة بس ليه مش عارف بابا حابسهم فى الصندوق .. كمان ماما على طول ماسكة حاجة كده ليها ديل طويل وتقعد تكلم نفسها .. حتى القطة الكبيرة بتاعتنا على طول نايمة كل ما اجى العب معاها واشد ديلها تفتح عنيها شوية وترجع تنام تانى .. محدش بيتكلم معايا مفيش غير انى اعيط واصرخ عشان يعرفوا انى موجود..

وكمان لما باخرج معاهم بيحطونى فى العربية الصغيرة ويمشوا يتكلموا مع بعض ولا يسألوا فيا .. بس انا باتفرج ع الناس الكتير وكمان باشوف أطفال صغيرين زيى اللى راكب عربية واللى حاطينه فى شنطة .. تصوروا حاطين النونو فى شنطة .. ايوة هو نونو عشان لسه صغير وانا اكبر منه ومحدش بيقولى يا نونو ده مرة كنت فى الجنينة وكان فيه ناس جنبنا معاهم شنطة .. قصدى نونو وبعدين وهما ماشيين نسيوا الشنطة قصدى نسيوا النونو .. ما هما لو كانوا شيلينه معاهم ماكنوش نسيوه لوحده .. كويس انى باركب عربيه احسن ما كانوا يحطونى فى شنطة زى الخضار اللى بتشتريه ماما..

انا بحب نينة اوى كل ما تيجى تجبلى شيكولاته وحاجات حلوة كتير .. صحيح هى بتاكلها من ورا ماما .. هى تقولها انا جايبة الحاجات دى لتوتو .. وتوتو بعد كده يمص صوابعه .. يلا بالهنا يا نينة كفاية اللعب الحلوة اللى بتجيبهالى .. هى برضه بتقعد تلعب بيها .. اظاهر ان نينة ماعاشتش طفولتها .. هى بس ناقص تلبس البامبرز بتاعى بس ما يتهيأليش ييجى مقاسها..

كمان انا بحب جدو اوى .. جدو بيعاملنى على انى كبير .. بيشتريلى كتب ملونة ومجلات حلوة .. ويقعد معايا صحيح هو يقعد يضحك من غير ما يقولى على حاجة اظاهر كمان جدو ما كنش عايش طفولته ده انا حتى مرة شوفته بياكل من الريرى بتاعى .. بس يلا مش مهم انا بحب جدو..

كمان بحب خالتو شوشو أوى هى اسمها شكرية هى برضه مش بتحب اسم شكرية وبيدلعوها يقولولها شوشو .. آهو كويس عشان ما بقاش لوحدى اللى اسمى توتو .. شوشو بتحب تلعب معايا وكل ما تشوفنى تهرينى بوس .. بابقى شبه الأراجوز من الألوان الحمرا اللى بتحطها فى بقها .. وبعدين تقعد تتكلم مع ماما .. حتى انتى يا شوشو ما بتتكلميش معايا ..

اللى بحبه كتير هو عمو مصطفى هو مرة جابلى عربية صغيرة كنت فرحان قوى وبركبها وهى بتمشى لوحدها صحيح من ساعة ما جبهالى مبقاش فيه ولا فازة فى البيت وماما كانت زعلانة أوى وساعات بتخبى العربية منى .. المهم عمو مصطفى بييجى ومعاه بنته كاريمان هى أصغر منى شوية وملهاش اسم دلع .. عمو مصطفى بينادلها باسمها كله مع انه كبير عليها .. بس انا سمتها كوكو ..انا بحب العب مع كوكو بس هى على طول بتعيط لما العب معاها .. آخر مرة عمو مصطفى زعل أوى وحلف انه ميجبش كوكو عندنا تانى .. فيها ايه يعنى لما آكلتها أكل بوسى .. بوسى دى تبقى قطتى . أنا باشوف ماما لما يجيلها ضيوف بتقدملهم أكل .. يعنى الحق عليا انى باعمل مع كوكو واجب..

احكيلكوا على بابا شوية .. أنا باشوفه مرتين فى اليوم مرة لما بيرجع من الشغل ييجى يبوسنى ويقولى ازيك يا توفيق هو مش بيقولى توتو .. ومرة بالليل بس اكتر الوقت باكون نايم . بس مرة كان بابا جه بالليل وهو بيبوسنى صحيت من النوم .. كنت مبسوط انى شفته وعملتله هيصة كبيرة .. وطبعا ماما صحيت من النوم وزعقت مع بابا عشان كان جاى متأخر ... والله ما كنش قصدى .. بس بابا مش زعلان منى ..

أنا نفسى أكبر بسرعة .. واتكلم مع ماما وبابا وجدو ونينة وخالتو شوشو وعمو مصطفى .. انا بحب عيلتى كلها وهم كمان بيحبونى خالص ..

آه انا تعبت اوى ولازم انام دلوقت .....مع السلامة ..

[ابوفهد]

[align=center]
الغالية رشا محمود
يسعد الله أيامك بالخيرات

أضحك الله سنك وأدام الفرحة والسعادة على محياكِ يارب

ما أحلى كلام الصغار طعم أوووووووي

علي الأقل ميعرفوش يكذبو ودائماً بيؤلوا الحقيقة

يا ولدي توتو خليك كذا أحسن لك وبلاشي توجع رأسك بأحداث العالم

ما أحلى الطفولة وأيامها اااااااااااااااااااااه يا زمن

الف شكر لكِ على هذا الموضوع الرائع

وإن شاء الله نشوفك هنا دائماً

دمتِ بخير وحفظ الرحمن [/align]

[أم إياس]

[align=center]الله يسعدك يا رب

حلوة الحدوته دي

خخخخخخخخخخخخ
عامله نفسي اتكلم زيك

انبسطت فيها كثير

الله يسعدك يا رب دنيا وآخره[/align]

[ألنشمي]

000

00

0

يسعدك ربي رشا

الصغار حلوين حتى يكبروا

حفظك الله

[رشا محمود]

أخى الكريم / ابو فهد

كل الشكر والتحية لعمدتنا الفاضل

تشرفت بوجودك بين كلماتى

وتوتو سعيد جدا بزيارتك له ويرسل لك التحية

ويقول لنا من عالمه الحالم ....

أرجوكم اجعلوا فى عالمكم مكان يمكننى الحياة فيه

تحياتى

[الطائر الخجول]

ايوه انا افتكرت توتو مين ده

مره كنت مع ولدي بدر وجا توتو

بس بصراحة سكر ياناس مو توتو !!!

ولدي بدر الله يحميه

والله يارشا ايام الطفولة احلى ايام مرينا بيها

بس عاد الواحد تمر عليه المرحلة دي مره وحده مو اكثر

المشكلة اننا لماكنا صغار كانوا ابهاتنا يعلمونا الكلام

ولما كبرنا صارو يقولون لاتتكلموا ههههههههههههههههه

شكراً رشا حدوته لزوزة اوي

ارق التحايا للجميع

[بلوتوث]

[align=center][align=center]مشاركتك كانت رائع يااخت

|--*¨®¨*--|رشا محمود |--*¨®¨*--|.
.
ويعطيكي العافية
.
.
تحياتي [/align][/align]

[رشا محمود]

غاليتى / أم إياس

الله يسعدكِ دوما
شكرا لوجودكِ هنا
وزيارتكِ لتوتو السعيد بكِ
تحيات قلبى لكِ

[رشا محمود]

أخى الكريم / ألنشمي

فعلا ما أحلى زمن الطفولة

شكرا لك على مرورك الطيب

تحياتى

[رشا محمود]

أخى / الطائر الخجول

شكر لك على هذا المرور العطر

وتوتو يشكرك أيضا ويرسل تحياته إلى بدر

دمت بخير

[رشا محمود]

أخى الكريم / بلوتوث

شكرا لمرورك الطيب

تحياتى لك