________________________
السلام عليكم ورحمة الله وبركاته ,,,
في برنامج إذاعي عجبتني فكرته يدور حول مذيع يقابل أي شخص ويسأله عن محتويات شنطته ( محفظته ) إللي في جيبه ,,,
إشتغل ( عرق اللقافة ) فيني , وحبيت أنقل الفكرة عليكم ونشوف كل واحد ويش ( حاط ) في ( مخباته ) محفظته .
راح أبدأ أنا أول واحد ,,,
طبعاً محفظتي هي حبيبتي وصديقتي وأقرب من عيالي لي !!!! لييييييييييييه ؟؟؟
OK في أول الشهر تخليني ( أكشخ ) وأطلعها في كل محل !!! في السوق أو السوبر ماركت أو في أي مكان يحتاج لـ ( الصرف ) ,,,
هي تبقى على ذا الحال مابين خروج ودخول ( للمخباة ) لمدة تزيد أو تقل شوي عن 20 يوم ,,,
بعد كذا , تدخل في ( بيات ) شتوي إليم أول الشهر الجاي .
خلاص , على قول ( كوكب الشرق ) الفنانة الملتزمة جداً ( نجلا ) بححححححح !!!
وتتمتع أثناء هذي الفترة بكافة المميزات نايمة في العسل ( الجيب ) وتتنقل معي من ثوب لثوب ( أحلى سياحة ) وتلاقيها على طول في البيت فوق التسريحة ( تشمشم ) في العطور وتتطلع في ( خِلقتها ) في المرايا وتستمتع بالمكيف وكنها ( قنفذ قطبي ) !!!
بسم الله
فتحنا الشنطة
ـ صور الأولاد ( أموت فيهم ) .
ـ بطاقة الأحوال المدنية . ( أتمسك بدون بطاقة ,,, مشكلة )
ـ رخصة القيادة ( باقيلها شهرين وتنتهي , أكتشفتها اليوم بالصدفة وأنا بكتب الموضوع )
ـ صور شمسية لي ( سخصياً ) بعض الأحيان أحتاجها . ولاحد يسأل ليه !!!
ـ حبيب ألبي كرت البنك ( الصراف ) هذا إللي بيني وبينه مودة لثلثين الشهر وبعد كدا ( يديني ) ظهره وماكن بيننا عشرة وعيش وملح ؟؟؟ ( أليل ترباية )
ـ بطاقة العمل ( وهذي بيني وبينها الرسميات فقط لاغير ) .
ـ بطاقة التأمين الطبي ( أحس إني شايل المستشفى معي وين مارحت )
ـ ألـبيزنيس كارد لزوم الرسميات في العمل .
ـ حبتين بنادول ( إكسترا ) لزوم صداع الموظفين وبعض العملاء ( الغثيثين )
ـ القرنقش ,,, وهذا بيت القصيد وسطوحه كمان ,,,
فلسفتي مع ( القرنقش ) يمكن تكون غريبة شوي , أنا من النوع إللي يدي ( فِرطة ) ومركب لها ( مُنخل ) ,,,
يعني من يوم تكون في ( محفظتي ) فلوس تلاقيني أقعد أفكر وأتفنن كيف أصرفها ,,,
لذلك وصلت لطريقة حلوة
مايزيد المبلغ في الشنطة عن 100 ريال
كذا خلاص أعرف إن هذا المبلغ حق البنزين والبقالة القريبة ,,,
إذا أحتجت أكثر أمر على الأخ ( أبو صراف ) أي مكينة بنك وأسحب .
خلاص وصلنا لخط النهاية ,,,
هاتوا ماعندكم ,,,
وعلى فكرة , هذا الموضوع مو بس ينطبق على الشباب , كمان على ( الحريم ) يعني أتوقع بنشوف بلاووووووووي ( متلتلة ) في شناطهم .
باييييييييي