محدثكم جعجعوعه من استاد الملك فهد الدولي

[ناصر الأحمد]

السلام عليكم ورحمه الله وبركاته

بعد تقريبا اكثر من خمس طعش سنه مادري عن الكوره ولا ادري وش سالفتها

وعلى قوله الي قال

جلد منفوخ يلحقها دلخ مصلوخ

وبعد ماحصلت افضل فائده في الكوره والمباريات
واحلى فائده
ان الشوراع تكون فاضية

لدرجه اني فكرت اقول لامي اذا بغيتي مشوار دوري يوم فيه كوره
ولا ادور جدول المبارايات واعطيه امي


وبمناسبه ان الجميع يشجع بس مادري من يشجع

وبمناسبه اني حظرت اليوم مباراه وعلى قولتهم الختامية


محدثكم جعجعوعه من استاد الملك فهد الدولي

التفاصيل ...


دخول الملعب من باب وتطلع مع ماسوره


الرافعات مثبته في غرف تحت المعلب ومكشوفه من السقف
ومغطيه بشبك بعارين ( رافعات الصيانة )

كفرات الاعلانات المتحركه تسبب تلف لارضية الملعب الاسفنجية


افياش الكهرب بكل مكان
بس مافيه شي عند الجمهور


فيه وجبه عشى بعد كل هدف
تاكدت بعد ما شفت كل ماجابوا هدف يطلعون شله من الجمهور
سألت واحد قال مدري قلت يمكن فيه احد قالهم اقلطوا


الاعلانات الي مرجمه بكل مكان فليكس فيس مو بلاستيك


فيه ممر فوق الملعب معلق مع الكشافات بس كنه شبك حمام من بعيد


ذا بغيت باب محدد تشوف اقرب باب قدامك وذا كان رقم الباب اقل رقم دور بابك على اليمين وذا كان اكثر دوره على اليسار


تطاقيت مع كم واحد

بس مادري وش سبب المطاقه
ولا لي دخل بشي
مجرد اني سألتهم وتطاقيت معهم

واحد قلت له المباره بين مين ومين

والثاني يوم شفت العالم تطامر سالته وش السالفه
قال جابوا هدف
قلت من وين جابوه ؟


واحد قالي يلعبون على كاس
قلت له تسذب يلعبون على عشب اخظر



عرفت واحد مشهور كل الناس تعرفه الا انا
اسمه ياسر بعد ماقريت اسمه على كراتنين حاطينها فوق روس الي بالملعب


شفت كم واحد يمشون مع بعض كنهم دعاية زيت مازولا ابو 2 لتر
سالت واحد قالي هذولا الحكام
وعرفت بعدها انهم غيروا الحانوتيين


شفت واحد طالع الماسوره وحاط سكوسكه وكلن يلاحقه .
ماعرفت منهو




الشاشه الاكترونية فاضيه قلت يمكن تنفع بالحوسات





تحياتوووووووووووو من الحوسه




ايه صح نسيت




من فاز بالمباره

[رحاب]

عشاااان كده الهلال خسر بـ 3 اهداف
ناصر حضر المبارة يصورهم

تحفة
من أول ودي أتشمت على خسارة الهلالين بس خفت من زعيمنا وأختي

والله إنكــ

بس ودي كنت بلقطات من المبارة ...
و كويس أنك ماتعرف بين مين المبارة
والا كان ممكن تشجع الشباب في قسم جماهير الهلال وتصير مطاقة على قولتكــ لين السماء














ناصر أقولكــ شئ
الهلال خسر ........أحسن

والعمدة هلالي....فبلاش نتريق كثير...أخاف يتشمع معرفي !!


دمت بخير ياطيب

[ناصر الأحمد]

مبروووك فاز الشباب


بس من جد الشباب لعب ويستحق الفوز صدقيني

حظرت المباراه وشفتهم شلون يلعبون



صراحه شي رهيب
ويستحقون الفوز


ولو جاوبني الي سالته من وين جابوا الهدف
كان جبت معهم



بس خساره ماقالي



رحاب

انتي تقولي ابو فهد وش يشجع ؟؟

[ابوفهد]

[align=center]
هلا ناصر
مساء الخيرات

إلا أقول الله يسغامح اللي قالك رح للملعب

حنا لو إرتحنا من خشتك بالملعب كان فاز الهلال بتوفيق الله

بس تدري أبركلك أنك ما تعرف للكورة وبلاويها

لكن من جد هذي رووووووووعة




بس لا عاد تعودلها

نعم العمدة هلالي حتى النخاع بس بتعقل ولله الحمد

سامع بعض الناس ودهم يتشمتون

طييييييييييييييييييب يا رحوبه

دمتم بخير [/align]

[الماسي]

مبرووووووووووووووووووووووووووو وووووووك

لليـــــــــــــــــــــــــــ ــــــــــــــــــــــــــــــ ــــــــــــــــــــث

لعب ونتيجة

[عمر باعقيل]

ناصر حوسة كم حسابك وايعد عن طريق الزعيم عشان بعدين راح ابكي عشان انهزمنا من الشباب

[ناصر الأحمد]

فيه وجبه عشى بعد كل هدف
تاكدت بعد ما شفت كل ماجابوا هدف يطلعون شله من الجمهور
سألت واحد قال مدري قلت يمكن فيه احد قالهم اقلطوا

ووووه طلعو الشله كلهم من الي طلعو ا يتعشون

واولهم ابو فهد

واسير الاحزان

بالعافية ان شاءالله


بس لييييه ماعودها


ابشرك الربع استانسوا على الصور والجايات ان شاءالله اكثر



ويااليت كل مباره فيها عشى



بعدين ماتمشتت هذه رحاب الي قالت ان الهلال خسر انا ماقلت شي



تحياتووووووووووو