وش حيلة اللي ما تهنا بدنياه
يعاني هموم الشقاء كل ليلة
مما بقلبه عذاب ومعاناه
وقصة عذابه وانكساره طويله
يشيل جرح بين الاضلاع مثواه
ويشيل هم ما تشيله قبيلة
لا نوم لا راحه ولا شي يهناه
ضايع وضيع في حياته دليله
حتى اقرب العالم لقلبه تناساه
وعزي لمن مثله يبيعه خليله
كل وقف ضده وكل تحداه
كنه كسير ما لقى من يشيله
عيبه يقول الصدق والصدق مبداه
والصدق هاليومين ناسه قليله
الطيب له سلم وعاده ليمناه
يمنا بفعل الجود ماهي بخيله
كم واحد عده رفيق ودناه
ووقت الشدايد ما بهم من يجي له
واليوم يوم القلب باحت خفاياه
حبيب ابين للزين واشتكي له
