كونكشن

[DANiA]

مانفع معايا.. رسلت من موبايلي,,ماجا شي..

[DANiA]

اهو عملتو.,,,حركات

طب كيف اعمل إلي عالمسن؟

[((حواء))]

الف شكر النسر الابيض ..

على فكرة الرسائل العشرة الاولى مجاناً ,
مع العلم إن 25 هلللة سوف تُخصم من رصيدك للرسالة .
وفي راس السنة سوف يتم بطاقات الشحن للخدمة ..

أمنياتي لكم بكنكشة راقية.

المتالقة حياتي يكفي إنك تكتبين رقم كونكشك في المسنجر بس.

[DANiA]

كيف 10 مجاناً

أرسلت لنفسي واتخصم ربع ريال؟..

[Petals]

آه يا ربي

يا كتر ما أحب صرعاتك والله


يا ستي الـ 25 هلله تدفعيها تدفعيها...

شركة الإتصالات مالها صلاح، تاخد حقها كامل ومكمل...



الرسايل المجانية ( العشرة) بس حتى تجربي الخدمة فإن عجبتك تدفعي...




( حتى تتأكدي انو ( الخطأ ) من عندك وبس )




سلامو

[DANiA]

طب كيف استخدم ال10؟؟

وانتي عندك ؟

[Nooosa]

ترى بيتالسو ماعندها شي .. بس كدا تقعد تتونس على راسنا :p
>>>>>>>> حتى أنا أموت في صرعاتها والله ..داناو والأجر على الله

[saroonah]

أشك إني فهمت شيء


حأرجع لمن أصحصح..

[Petals]

طب كيف استخدم ال10؟؟

يعني (الشروحيات ) أعلاه مانفعت (؟)


مو قلتي ارسلتي لنفسك رسالة (!)


شوفي يا ستي لمن تبغي ترسلي لأحد لازم تعرفي رقم الكونكشن تبعو

يعني جربي أرسلي لحواء ورقمها (17829)

كيف (؟)

1- افتحي رسالة جديدة

2- أكتبي 17829

3- سيبي مسافة ( فراغ)

4- أكتبي رسالتك

5- أرسلي للرقم 77000 90 055


وخلاص انتهيتي


وانتي عندك ؟

نو، وبعدين إيش أبغى بيه وأنا معايا رقمك (؟)



بس كدا تقعد تتونس على راسنا


وإيش جاب راسك هنا (؟)


نسيتي انك - حاليا - ( خارج التغطية ) موتي غيظا




بتونس بيييك وانت بعيد عني...

[saroonah]

طيب.. مافهمت حاجة

دحين عندي 10 رسايل مجانًا

وبعدين؟

ايش هوا رقم الحساب؟

يعني فاتورته تتسدد غير الجوال

هدي الخدمة تابعه للاتصالات؟ ولا أحد مسويها؟



طيب لو كانت فاتورته لوحدها وما سددناها<<<<<وحدة تفكر في شيء شرير

حتنفصل الخدمة.. ولا الجوال كله؟

[Petals]

قلب موضوعي... بالإذن منك حواء

سارونة

أختصرلك وأقطع أحبال أفكارك الشيطانية

شوفي مافيه شي بدون شركة الإتصالات سواء الإتصالات بجلالة قدرها أو موبايلي...


يعني بيهم بيهم...بدونهم مافيه، وتدفعيلهم فوق ماتدفعي عن الخدمة...

دي -بس -لمن ماتبغي أحد يعرف رقم تليفونك....


يعني يمكن (تنفع) في المنتديات والنت عموما...


تشتركي في السنة بـ 120 ريال ويدوك عليها 250 رسالة، والحساب عندهم بعدد الرسايل...

وبعدها لو خلصتيها تجيبي بطايق وتعبي ..

وزي ماقلنا برضو تدفعي الـ 25 هلله لشركة الإتصالات عن كل رسالة


فخمتا


شوفي الموقع دا اللي كتبو النسر الأبيض يفيدك

http://connection.cc/index.asp



روحي لقسم الأسئلة المتكررة



سلامو

[saroonah]

مدري ليش أحس.. مجرد إحساس.. إني أكره شركة الاتصالات وما أحوبها<<<<يختي عليّا

بصراحة مالهم داعي

طب لو كانوا يتفقوا مع الشركة على سعر ياخذوه منهم

ولا يحسسونا إننا زي الهبل قاعدين ندفع مرتين

مجاغة والله




مشكورة بيتالز تعبتك معايا

وما انتبهت لرابط الموقع غير دوبي




دمتم

والسلام عليكم ورحمة الله وبركاته

[نسايم الليل]

خدمه حلوة بس لو كان رقم المرسل يظهر بيكون افضل عشان لا تصير معاكسات للبنات

[DANiA]

بيتالزن لمن تعملي الخدمة تعالي اتفلسفي...(!)..

أول شي ال10 الرسايل المجانيه مهي راضية تستعمل..

يلا قوليلي يا ام الفلسفه..





مين رسلي اليوم

[DANiA]

بيتالزن لمن تعملي الخدمة تعالي اتفلسفي...(!)..

أول شي ال10 الرسايل المجانيه مهي راضية تستعمل..

يلا قوليلي يا ام الفلسفه..





مين رسلي اليوم الساعه 5 الفجر كيفك المتألقة بس بجرب الخدمة؟؟