كل شي وارد هالايام !

[doli]

[align=center]


سلام

خلاص ولا يهمك

وانا راح ارد على اي موضوع هنا واحط الرابط




خربشات قلم


كيفك ان شاء الله بخير


حبيت اسلم عليك

لك الود[/align]

[المجد برهان...]

يقولون رد السلام واجب :p

و عليكم السلام و الرحمة ..
.
.

دولي كنتي بتحطين موضوع في شريط الاهداءات بعد .. ؟!
جان فضحيتي بتصير بجلاجل ((ايه ، خرفت و استخفيت و قعدت)) .. !

و اذا وصل لقناة الجزيرة عادي ، ربعي ما بيحطون الـتفاصيل كلها :p

و انتي ياية و حاطة لي موضوع ما اقدر ادشه ، في الاقتراحات و البلاوي ..
و صادني فضول ، فأحسن لك ، تسوي لي الموضوع كوبي و بيست اهني لا يصير شي مو زين ..

و ما عليج من خربشات ما لها سلطة اهني :p

شي ثاني ،، شكمل انتي تبين تطلعين باقي الفضايح .. ؟!
أنا اذا يصيدني أرق جذري ترى أقول كل شي ، الممنوع و اللاممنوع و تصير فضايح ..
فأحسن للجميع إني أتم ساكت في قسم الأدب و أنخمد و اكتب لي كلمتين عشان يمدحوني :p
و أقرا الردود و أقول .. "ايييه" شسوي في عمري أنا ، أنتحر ، أرمي روحي من السطح ، ليش محد راضي يفهمني " ..
.
.

خربشات ..
يا حبكم يالنسوان حق الهذرة و مضيعة الوقت ..
و اش قال .. قال شيطنة ..
قبل اذا كنت أروح ألعب في الرمل برا ، اتيي لي أمي و تطقني
اتقول ما اتيوز ، اشهالشطانة قايلة لك لا تلعب في الرمل بعدين تتلعوز و تلعوز البيت و تمرض ..
و أقول لها ، انزين ابي لعبة "كرين" ، الكرين هذا الأصفر العود اللي يشيل السامان ، اللي جدامه في شي يرتفع و ينزل ، يشيل الرمل و هالسوالف ..
و يوم يابوها لي ، كسرتها
يقولون قبل كل ما اييبون لي لعبة أكسرها ..
شالسبب عاد مادري ..
.
.

ايييه يقول الشاعر ..

أشتاقُ أن آكلَ الآن
من قِدْرِ أمي مزيداً من الحُبِّ تعصرهُ
في الطعام ..
فيغدو كمائدة الروح
عيسى عليه الســـلام ..
.
.

و هاي الوجوه اللي حاطتهم خربشات تحت .. كناية عن دولي و خربشات في النص و الثالثة عابدة ..
طبعاً خربشات هي الآشدُّ وطئاً في الهذرة و التغطية :p

[خربشات قلم]

هلا دولي وعليكم السلام

تسوين دعاية للموضوعات هني ههههههههههه

سولفي ياقلبي سولفي واذا ماكفاج متصفح نفتح لج عشرة متصفحات

يامجد ياناكر الجميل انت طيييييييييييب

بس اصلي وراجعة اثأر لكرامتي المهدورة هني

[المجد برهان...]

عاد ها ..

أبي ثأر تاريخي ..

يعني ابيج تشرشحيني اهني :p

[خربشات قلم]

مابخليه تاريخي اسفة، انا ادرس علم نفس وش لي بالتاريخ

انت طايح في النسوان هذرة وما يفهمون وماعندهم منطق،، وفي الادب مو مرفعين سوقك الا هم تكتب فيهم وعنهم ولهم

اترك التفلسف عندك واعترف ان النساء رياحين خلقن لكم ومن منكم لا يشتهي شم الرياحين

بعدين طاولة الاجتماعات اللي فيها انا وعابدة ودولي، هذا اصلا مؤتمر قمة ندرس فيه النظرة المضطهدة للمرأة وكيفية التغلب عليها

انت شوف حالتك اذا تتملل بتحس ان النسوان كلهم على بعضهم منطق

وفي سالفة الرمل، انت مصدق ان امك خايفة عليك؟! هههههههاااي اصلا خايفة على البيت لا يروح تعبها في تنظيفه ولا انت مو مهم مرضت ولا صحيت.. يمكن بعد خايفة على الدود اللا في الرمل منك

والكرين آآآآه يالكرين راحت ضحية عبثك ولا مسؤوليتك وياريت اكتشفت من ورى تكسيرها شي بعد جان الحين قدرت تصنع كرين بدل ما تدور اغاني عبد الحليم

[المجد برهان...]

المشكلة اني حدي جوعان ..
بروح جسميز باخذ لي شي آكله ..
و بجي اهني بسوي ليش سالفة :p

في مثل يقول ..

احذر ثورة الحليم اذا غضب :p

[خربشات قلم]

ههههههههههه سهر وملل وجوع

لو مرة تتحمل عادي

لكن رجال؟!!!
بيهلوس

ههههااااي

[المجد برهان...]

أحد قال لج لا تدرسين علم نفس .. ؟!
افهمي المغزى من تاريخي ، ترى ما يتعلق بالدراسة ، بس عاد وين ، المشكلة مره :p

أما مِن ناحية كتاباتي ..
أنا ما أكتب حق النسوان ، اكتب للفكر و عامة الناس ( يا عيني عليي )
أما سالفة أكتب عنهم ، جان الله يصلحهم و يصلح عيشتنا ..
المشكلة محد منهم راضي يتعظ :p
ثانياً كتاباتي غالباً تشوفينها عن النساء لكن واقعياً هي تتحدث عن شي ثاني (في قلب الشاعر) :p
لأني لما أكتب .. عندي الفكرة الأم ، و الفكرة الظاهرة ، و الفكرة الفرعية ، و طبعاً الفكرة الأم محد يعرفها إلا اللي يتعمقون ، و الفكرة الظاهرة هذي اللي الكل يعرفها و الفرعية اسمها فرعية ..
و حتى إذا تلاحظين ، أحياناً عنوان موضوعي ما يتعلق بالفكرة الظاهرة للنص ، و هذا clue يخليج توصلين إلى الفكرة الأم :p

بس وين عاد .. :p

من ناحية التفلسف يا بحر العلوم :p
أنا ما اعترف إلا بشي واحد بس و هو إن النساء شر لا بد منه .. !
فمن جذي أنا أحارب اللي ما يعجبوني منهم جان الله يصلحهم "و يفكنا منهم" ..
يعني اتجيك و خاصة المرأة العربية ..
امرأة غير ناضجة فكرياً ، بعضهم متخلفين طبعاً ، كلهم يبون يعرسون :p
أهم شي عندهم المظاهر ..
و اللي يدرسون منهم تلاقيهم بسرعة يبون يخلصون دراسة عشان يشتغلون ..

يعني الحين بسألج سؤال ، انتي ليش تدرسين علم نفس .. ؟!
.
.

طاولة الاجتماعات هذي ادرسوا فيها شلون تطبخون ، أحسن من الحش في خلق الله :p
يعني يجونك النسوان من الصبح ، بدل ما يطبخون لأزواجهم ، يتجمعون في بيت وحدة ، و خذ عاد السوالف ..

أم صالح : شلوونج يا ام حسين ..
أم حسين : ابخير الله يسلمج ..
أم صالح : ما دريتي .. ؟!
أم حسين : شنو .. ؟!
أم صالح : بنت النشمي جيران بيت أبو حسن انخطبت ..
أم حسين : يووووووووو .. من خطبها .. ؟!
أم صالح : واحد من المنامة يقولون طيار .. و خوش صبي يختش ، بس أم وصفي ا تقول عنه اسود وجه و قبل كله يروح فنادق ..
أم حسين : يووووووووووووو ، سوَّد الله وجهه ، و وافقوا عليه لو لا .. ؟!
اتجيك عاد أم وصفي و تقطع السالفة ..
أم وصفي : سلام عليكم ..
الجماعة : و عليكم السلام ..
أم وصفي ، شحوالكم ان شاء الله زينين .. ؟!
الجماعة : بخير الله يسلمج و يحفظج ..
أم وصفي : أكي زينبووو بنت النشمي سودة الوجه خطبوها ..
أم صالح : ايه توني اقول حق ام حسين ..
أم وصفي : ايه يختش اللي خطبها أحلى منها ما تستاهله ..
أم صالح : لكن هو اسود وجه بعد !!
أم وصفي : ايه بس هيي بعد سودة وجه ازيد منه ، كل يوم تطلع في السيارة العصر ما ترجع إلا الساعة 10 في الليل ! وين اتروح مادري ..
و اذا اروح اقعد ويه أمها ، كله قاعدة على هالكمبنيتر (الكمبيوتر) مادري شتسوي ..

و هكذا و هكذا :p

أما من ناحية سالفة الرمل ..
فهي سالفة قديمة عائلية بحتة ..
يعني بالله عليك يا قارئ ، في أحد يخاف على دود .. ؟!
هالمرة دوري لج شي منطقي :p
و أمي أصلاً اتخاف علييييييي ولدها الوحيد المدلل المغوار الفارس الشجاع السيف الأغر الأكر الأشول المُنصهر في بوتقة الظلم و الضيم في قارعة طريق مجهول ليس به سوى النخيل السامقات و الطيور المعولات المتوجهات إلى بلاد الرافدين العتيق العظيم حيث صدام حسين يخطب بالشعب و يقول : فليخسأ الخاسئون ، احنا هواية ذبحنا الأمريكان ، بس باقي ندفنهم :p

أما سالفة الكرين هذي ما لج خص فيها خليني وياها بروحي :p

[خربشات قلم]

خوووووش فهم يابو منطق انت.. الحين شدعوة ما فهمت كلمة تاريخي ،، لكن انت الواحد لازم يجاوبك دايركت بنفس كلماتك يالله توصل المعلومة

بعدين ياشاعر يابو قلب مدام المعنى في قلبك جان خليت الكلام في قلبك بالمرة.. ولا يعني تبي تقيس عقول القراء منهو يتعمق في فهمه ومنهو يمسك الكلو ويوقف عليه بس

والنساء اللي ما يعجبونك ادع لهم بالهداية ما يحتاج تحاربهم، وعلى فكرة سالفة كلهم يبون يعرسون ، هذي اسقاط واااااضح

وحوار بيت النشمي شعرفك فيه دامه سوالف نسوان؟ ولا يعني مثلا تقعد تسمع سوالفهم؟! ولا المنطق يقول هالشي؟ ولا مجرد تخمين ياشاعر

و(فيما يتعلق) بالدود فهو من الطبيعي ما ينخاف عليهم، لكن يشذ عن الطبيعي ان اللي مواجه الدود هو انت فطبيعي يتحول الخوف عليهم مو عليك

ودامك ولدها الوحيد،، انا اقوووووول وين السبب في .... ! يا مدلل انت
والكرين ، ارجع واقول آآآآه يالكرين// لو طحتي بيدي جان لحد الحين ملمعة مع باقي الالعاب

[خربشات قلم]

ايه نسيت اجاوبك يا منطقي..

انا ادرس علم نفس عشان افهم نفسيات المدللين واعالجها لو استدعى الامر ..
سووؤال مو منطقي ابداً.. انت كنت تطول بالدراسة عشان ما تتخرج؟ ولا يوم تخرجت ماحملت هم التوظيف؟ يا مثقف

مسكينة المرأة العربية مدام تواجه رجال مثقفين لدرجة مبالغ فيها، شلون تنضج فكرياً

[المجد برهان...]

انتي قبل كل شي ، ما جاوبتي على سؤالي ..
ليش تدرسين علم نفس .. ؟! :p
.
.

و الله من اجابتج فوق ما اعتقد انج فهمتي المغزى من كلمة تاريخي :p
لأنها كلش كلش ، ما تتعلق بالدراسة .. ! ((سبحان الله ياخيك))

اما سالفة ابو قلب هذي ، فما في أحد ما عنده قلب يا ام القلوب :p
ليش أخلي الكلام في قلبي و أنا أبي الناس تستفيد ، و إن كان اللي اكتبه ما فيه فايدة أنا واثق إن فيه شي من الواقع الإجتماعي المؤلم اللي عايشينه و اللي بالتأكيد يفيد :p
شي ثاني .. أنا ما لي حق أقيس القراء ، كل واحد أدرى بمعرفته و اشلون يطور هالمعرفة ..
بس أنا أحب أغطي الفكرة الرئيسية بفكرة ظاهرة ، و هالفكرة الظاهرة بعد فيها من الشي الممتع ;)
و اذا كل واحد شاف منكر و دعى للي سواه بالهداية ، بدون ما يسوي شي عمره المجتمع ما راح يتصلح و عمرنا ما راح نتطور يا ام قلوب يا انتي :p
يعني في واحد ما يدرس ، و يقول يا رب نجحني و ينجح .. ؟!
بعد ما يصير .. لازم على الاقل يقرا المادة :p
أما سالفة كلهم يبون يعرسون .. فهذا شي واقعي و أليم
إن كل فكر المرأة العربية و خاصة الخليجية في الزواج .. "يا امرخص الحريم فكنا من شرهم .."

و سالفة بيت النشمي هذا حوار أصلي مسجل في الذاكرة :p
من يوم كنت ياهل و اقعد في المطبخ في بيت خالتي .. يا حرِّيفة ;)

و مرة ثانية يا قارئ ، قالت في خوف على الدود ، يا ربي من اللي يخاف على الدود .. ؟!

و لا تقطعين الحجي و انتي تردين ، وين السبب في شنو ها .. ؟!
قوليها خليني اراويج يا ام لسان طابقين .. !

و مرة ثانية اقول لج خلي الكرين في حالها ها ..

ايييه يقول الشاعر ..
ياللي تطالع و جنك ما تطالعني ، نظرتك هذي حبيبي لا تكررها
صحيح شاطر لكن صعب تخدعني ، انا على الطاير افهمها و اطيرها

الظاهر هذا الشاعر كان يربي حمام !
و بقول لج شي ..
هذي الدراسات النفسية اللي يعطونكم اياها ، لا تحاولين تطبقينها علي لأنها ما تفيد :p
ياما قريت كتب نفس و اللي موادها تشيِّب راس الواحد و لا يستفيد شي .. !
كله نظريات فاجهه و فاشلة تعتمد على التخمين و التجارب على جم واحد ..

ايه في اغنية اتقول ..

على الويل وييييلاه ، يا سمسمة يعني لما عذاب السمسمة !
تخيَّل ..

[المجد برهان...]

المشكلة في المنتدى ، انه فيه تقنية ناقصة ..
لازم انسوي فيه اشارة مرور ياخي ما يصير انا اكتب الرد و اهيه اترد :p

بالنسبة للسؤال تراه منطقي ..
انزين سؤال بعد ، ليش تبين تفهمين نفسيات المدللين و تعالجينها .. ؟!

و فترة الدراسة ، كلش ما كنت شايل هم التوظيف ..
لأن هدفي كان العلم مو الشهادة ;)

و المرأة العربية عمرها ما بتتطور لأنها كله اتعاند و تحط بالها و بال الناس :p

[خربشات قلم]

لا انا كتبت الردين قبلك بس انت من العجلة والذكاء ما قريتهم اثنينهم ..

الله يسلمك افهمها واعالجها لان وجودهم بهالطريقة من التفكير يسبب اذى للمحيطين بهم ويعطيهم ثقة زايدة احتمال تعرضهم لاحباطات واحراجات مستقبلاً.. يعني فهم الحالة لعلاجها من اعراض حاصلة ووقايتها من اضطرابات محتمل حدوثها..

ماشالله عليك يابو علم، ويوم تعلمت قررت تقعد بالبيت تواصل ثـقافة بدون توظيف؟

مشكلتها انها ما تدعي لهم بالهداية، مصرة تحاربهم عشان يتصلح المجتمع (ياحامل هم الأمة)

((يامرخص الحريم)) احلى دعوة للي يبون يعرسووون من المتطورين..

[المجد برهان...]

لا انا ما شفت الا رد واحد ، و يوم رديت شفت الثاني يا ثقافة الأمم :p
.
.

انزين ممكن تفصيل بسيط يحتوي كيفية علاج هالنفسيات يا دكتورة .. ؟! ;)

بالنسبة لعقب ما خلصت دراستي ، و الدراسة عمرها ما تخلص ، أكيد اشتغلت عشان أطبق هالدراسة في العالم الحقيقي و أطور معرفتي و أخليها تفيد المجتمع .. :p
.
.

و سالفة امرخص الحريم هذي حرق أعصاب ما عليج :p
و أنا واحد ما أفكر أعرس صراحة ، شلي بعوار الراس ، تتزوج وحدة كل شي تبي تسوي ، كل شي تبيه حقها ، ما تقتنع .. ما في وحدة هالأيام تستحق تشاركني حياتي :p ( يا عيني على الغرور )

صدق لين قالوا .. المرأة شر !

بالنسبة لشسمه ، دراستج هذي النفسية ..
بعد هالحوار السطحي هذي ..
ممكن تشرحين لي مشكلتي النفسية يا دكتورة .. ؟!
خل نشوف يمكن مريض بعد و انا ما ادري
الواحد هالأيام ما يضمن روحه :p

ايه يقولون ..

عمِّي يا بياع الورد .. قلي الورد بايش قلي ..

[خربشات قلم]

انت تبي تتعالج عندي ببلاش ؟!

كل شي بحقه .. بس عشان اعطيك فكرة بسيطة عن العلاج انا احس ان انت يبيلك علاج معرفي (لان العلاج انواع) والعلاج المعرفي يقول ان نفسياتنا هي بناء على معارفنا وما نعتقد به..

يعني حضرتك عشان اعالجك محتاجة احذف ثلاثة ارباع قناعاتك (بخلي لك ربع عشان احافظ على السلف استيم) واذا قدرت احذف هالقناعات اكون قطعت الشوط الاكبر في العلاج .. بعده لازم اكون عندك قناعات جديدة صحيحة .. بعدين اخلق لك اجواء لتطبيقها وتحقيق خبرات ناجحة بها .. وبعدين يجي دور التعزيز كآخر مرحلة وهو يعني الاثابة او المكافأة (ومو شرط تعزيز مادي)

وأما ما تفكر تعرس لان مافيه وحدة تستحقك، صج منهي تستحق العذاب هذا كله؟!

والتوظيف عشان التطبيق، ياعيييني.. الحمد لله المرأة العربية غير المثقفة تبي تتخرج بسرعة عشان تفيد المجتمع وتستفيد منه بعد، ياحامل هم اصلاح المجتمع :299:
وعن المرض، الحمد لله بديت بالاحساس بالمرض وهذا اول خطوة.. باقي تحديد المشكلة ونمشي بباقي الخطوات