__ ماسيجات .. بعد التكفيخ من المانيا __

[naif_y]

سلام



واللي يبي يزود الله مير يحييه



* صدور قرار ملكي بتغيير جملة ( لا إله الا الله ) في العلم السعودي الى .. ( لا حول ولا قوة الا بالله )

* صدور قرار من الأمير نواف بن فيصل بعزل مدرب المنتخب ناصر الجوهر وتكليف ناصر القصبي

* نعتذر لهذا الخلل الفني .. ويمكنكم متابعة المباراة على البلاي ستيشن

* في تعليق لعبدالله سليمان بعد المباراة : حشرناهم ماقدروا يجيبون التاسع !!

* في نشرة وزعتها جمعية المهتمين بمصالح البلد .. ان سبب الهزيمة قرار دمج الرئاسة مع الوزارة !!

* سؤال اليوم .. وش كان لابس حارس المانيا وكم رقم فانيلته ؟؟

* احتج ناصر الجوهر على حكم المباراة ان منتخب المانيا كانوا يلعبون .. آخر واحد حارس

* سامي الجابر يدخل التاريخ .. أول كابتن يسنتر تسع مرات في كاس العالم !!

* قالوا بنروح المونديال عشان ندخل التاريخ من اوسع ابوابه ... دخلناه من اوسخ ابوابه

* يقول اخونا راشد .. ان الهزيمة كانت وفق برنامج علمي ومدروس .. والمكافأة مضاعفة ثلاث مرات

* دعوة لتحويل المنتخب السعودي لكرة القدم الى لعب (طجمة) ابرك لهم.

* في سؤال لناصر الجوهر بعد الهزيمة عن سر ثقته بالفوز قبل المباراة اجاب :

فزت عليهم قبل كذا خمس مرات بالبلاي ستيشن .. لكن كنت مختار البرازيل !!!


* في سؤال للحسن اليامي عن عدم وصوله للمرمى الالمانى .. اجاب : كان مكتوب (للعوائل فقط)

* في تصريح لصالح بن ناصر عقب المباراة : منتخبنا قدم مباراة كبيرة و حافظ على مستواه .. اربعة بكل شوط !!

* واحد من الجماهير قعد يصيح بعد المباراه , والربع يهدونه .. يابوي ترى منتخبنا ازين من التاكسي !!!

قال وشلون ؟؟؟!!! قالوا له : التاكسي يشيل اربعة .. منتخنا شال ثمانية !!


* سؤال في من سيربح المليون ... " من هو اللاعب الالماني الذي لم يسجل هدف ؟ "






والضرب في منتخبنا ... حلاااااااااااااال








ولكم محبتي بالثمان



شالوم

[* الـمـنـتـظـر *]

يالله أن تمسيه بالخير

وشلونك طال عمرك

يا رجال أش دعوى .. قلنا عشرين مره أني وأنا أشوف المباراة كنّي

ألعب بلستشين مع برستيج ما يعرف يلعب :p

ولا أيام زمان لما كنا نلعب باب واحد

LOOOOOOOOOOOOOOOOOOOOOOOL

سلام يا قمر

أستناك يوم الربوع ;)

[الصتيمه]

واحد ألماني قال لعياله إذا نجحتو هالسنة أبجيبلكم المنتخب السعودي تلعبون عليه
سؤال: فيه دجاج يبيضن كل يوم ثمان بيضات ليه
جـ- لأن ديكهن أماني
آخر أنشودة
(( أفتح يا دعيع أبوابك نحن الألمان
أحتج الجوهر على الحكم لأن القير ( اليد) حقت السوني خربانة

المنتخب يستفزع بالنزهان علشان يعاون الدعيع
منتخبنا مستواه ثابت 4 الشوط الأول و4 الشوط الثاني
مصدر ألماني يقول : أبن لادن مشكوك بجنسيته ، مامن ورا هالدلوخ إرهاب

عسى يعجبنكم

[رمز]

[c]

تحيـــــــــــاتي واحتــــــــراماتي نايف

وضيــــــوفة وحــــــــروفــــــة

في تصـــــريح للمدرب الألمــــــاني قبل

المبــــاراة صــــرح

للجمهور الألماني عبرا لصحافة

طبعا لا تفكرون اني أتكلم ألماني

لا اشاعات طالعة

(أنا _المدرب _ طبعا مو أنا _رمز_أضمن لكم ستة أهداف


في المباراة فان كان هناك زيــادة فهي من


اللاعبيــــــن)

الحمدللة ما توقع ستـــــة أهــــــداف




في كل شــــــــــــوط



تحيـــــــــاتي وحيـــــــــــــاتي
[/C]

[بسمه]

السلام عليكم

مشكور اخى naif_y

بصراحه يسلمو ايديك على هذه المسجات بصراحه رووعه

موتتنى من الضحك

ههههههههههههههههههه

والله كلها طبعتها برسلها الله يعينى على الفاتوره :rolleyes:

بس مايهم

اخى الصتيمه مشكور على المسجات الروعه والله تهبل كلها

ومعليش اعذرونى ماعندى احلى من الى قلتو بس اول مايتوفر عندى من عيونى @@ الثنتين

راح اوافيكم بالجديد


بس حبيت اشكركم من جد رووعه كلها وجديده

هههههههههه الله يسعدكم

باى

تحياتى بسومه:p

[naif_y]

سلام



المنتظر ..

هلا والله بالمحتري

بس ايش رايك في بريستيج .. سعودي 100%

ينهزم ويقول اهم شي الاخلاق !!!




الصتيمه ..

هلا وغلا


مشكووور على هالماسيجات ويعطيك العافية

ايه اعجبننا :p




رمز ..

هلا والله

مشكور عزيزي



بسمة ..

الله يسلمك يارب ويسعدك كمان وكمان

اقول بسمة .. فيه ماسيجات ماوصلتني على الجوال

ماودك ترسليها بدربك ::*

ومنتظرين جديدك

مشكورة مرة ثانية على الرد









وهذي جديدات بعد ..

ومن يزوووود



* كيو سي شو يو تي مونق ..... هذا كوري يقول يرحم أم الواسطه اللي اهلتهم :p


* الجوهر يتوعد في المباراة القادمه وسيدعم المنتخب بالاعب حمود الفشقه


* الأمير نواف يأمر بأغلاق المرمى السعودي لأداء الصلاة


* ارتفعت دعاوي بمقاطعة المنتجات الالمانية احتجاجاً على الهزيمة ..

الظاهر بتصير الايرلندية والكاميرونية بعد


* في تصريح لعبدالله سليمان على الهزيمة : مالهم فخر لعبهم تكسير !!!


* محمد الشلهوب ماشاف المباراة .. كانت فيلم مرعب لسنه :p








شالوم

[بسمه]

هههههه بصراحه بصرااحه





جديده بقرااطيسهاااااا







رووعه تجنن الله يسعدك والله ماقدرت اصبر قلت لازم ارجع واشكرك اخوووى naif_y


االله يسعدك دوووووم مهب يووم

بااي

تحياتى بسومه:p

[*نجـ سهيل ـم*]

مساء الخير ...
أخوي نايف ..

وش لونك .. والله ولك وحشه يا جحش ..

أقول وين الأشرطة إللي أشترته أنا من أبحر أنا وياك ليه تاخذها وتشرد على الرياض ..

لكن الله يسامحك .. ( احد يشتري شريط لجواد العلي ) آآآآآآآآآه يالقهر

موضوعك ..

بالنسبة للمنتخب سوا اللي عليه وما قصر والله يعطيه ألف عافية ..

عاد هو لمن يلعب قدام الكويت ولا عمان ولا مصر ولا سوريا ولا قطر ولا ولا ولا

من هذي الطقه من المنتخبات تشوفوا المنتخر .. ولكن تبونه يلعب قدام الماكينه ا

لألمانية ويفوز . .. أنتو مخابيل .. ولا تستهبلون ..

الله يخلي الألمان






وردوا لنا البنز




و ال BMW



وثمانية بالمجان ..




تحياتي ..

[naif_y]

سلام



بسووومة ..

هلا وغلا والله

ويسعدك ويحلي ايامك بضحكاتك وينور دروبك يارب


خليتيني استانس مشكورة مرة ثانية , وبانتظار جديدك

ولو جتك الفاتورة مالي شغل .. :p






نجم غليل :p ...

وعععع وش تبي الحين انت

وكمان عشان شريطين شريتها خلاص بتسويلي فيها ..

قصدي ثلاث اشرطة . . والله مدري هي ثلاث او اربع :p


كمان جواد العلي وش فيه .. ولد زي القمر :p

والجلسة تجنن .. اغاني الرويشد وعبدالمجيد بعذوبة صوته




بالنسبة للمنتخب ..

الا قصروا و قصروا وقصروا

ولا طقوا كورة ابد

ومو ذا المنتخب , الظاهر معسكرهم قالبينه كرخانه

والشرهة على اللي خلاهم بهالاعلانات

من بيبسي لحليب لنظارات لعصيرات ..

مابقى الا دعايات اولويز و بامبرز


نشوف وشلون بيسوون قدام امومبا و ثيرانه







شالوم