..( أفكّر في ليلة صيـف )..

[Nooosa]

[align=center]مساء الخيرات...نوستنا...الله يحفظك..

فكرة الاجتماع..جميلة..تحتاج للتنظيم والمتابعة.. (الأمر واقع فوق راسك يا حلوة )

وفكرة ورش العمل رائعة ... والأروع (الأكل)..

لكن الأحلام تتحطم... والآمال تتكسر على أرض الواقع المُباعد، والالتزامات الأخرى..

لكن لا يضيع حلم وراه نوسا

(الوجوه التعبيرية في هذا الرد معطلة، لماذا؟؟)

وإن أذن الرحمن فليلة صيف > قادمة..

والتوفيق للجميع..

دمتم بخير وعافية ورضا..

الأمــل[/align]

وعليكم السلام ورحمة الله .. وبركاته ..
هلا والله .. حياك الله ياسفيرة الدرر ..
وصباحك رضـــا ..
.
الأمر واقع فوق راسي .. فوق راسي بس مو مشكلة أهم شي نجتمع ويسير ..
بليـــز .. ياأبلة الله يرضى عليكِ .. بلاش التزامات تتكسر وآمال تتحطم ..
ياليت لو تحاووولي كتيــر .. تزوري ( السعودية_ جدة ) في الصيف ..
أبله أمل .. أنتظر ردك .. لكي نحدد الموعد تقريبًا .. بالإجماع ..فلا تتأخري أرجوكِ..

وليــــــــــلة صيــــف قــــادمة ..

[Nooosa]

نووسا,, انتي بس ارجعي بالسلامة..

.

وبإذن الله يصير خيييير من هنا للصيف

خليني أشوف أول الانسانة اللي معاي هنا والشوفة ما هي راضية تضبط

.

دمتِ على خير وطاعة

أهليـــــــن .. بالإشراقة الحلوة ..عاش من شاافكم ياهوو
حياكِ أختي .. وعلى قولك خليني أرجع بالسلامة .. تدري إنه نسبة جيتي السعودية في الصيف مو أكتر من 10%..
لكن نقدم .. وبالله التوفيق .. ( نُقدِّم = نشتغل زن من الآن )..
وبعدين مين دي الإنسانة .. في وحده في الرياض غيرك و أم عبد الملك>>>من ورايا
.
بالنسبة لسؤالك..
التعارف لوحده قضية لا أؤمن بها ..
لأن التعارف بحد ذاته ليس قضية من الأساس.. فكيف أؤمن به ..
أنا هنا في المنتدى أعرفكِ .. يكفي ( وبالطبع لست أقصدكِ أنتِ )
البعض ( وقد مروا بي ) يا إشراقة .. شغلهم الشاغل وهمهم لمن يردوا عليكِ في المواضيع أو يسألوا عنك ع الخاص .. أو حتى توصل المعرفة للتواصل بـ ( الماسنجر )..
أول مايكلموكِ مباشرة .. كيف شكلك؟ كم طولك؟ كم عرضك؟ لونك؟ شعرك؟ نظاراتك؟ .. حشا تقولي بيخطبوا !!
وبعضهم لأ مايقولوا كدا .. بس لو تطفي الفضول اللي بقلبهم ويشوفوكِ يوم .. يوعدوكِ ماعد يقربوا تاني أبد
والبعض التاني زي وحده اتعرفت عليها بمنتدى قديم أيام المتوسط .. كانت تواصلني بطريقة عجيبة قلت سبحان اللي محببها فيني وهي ماتعرفني .. وصار واتقابلنا إلا وتاني يوم البنت منزلة موضوع وشفت نوسا .. وياحليلها نوسا
وكل ماتواجدت في موضوع ترد عليّ أو على كاتب الموضوع وتكتب عن داك اليوم .. اللي أصلا ماأفتكره بذكرى زي الأوادم .. لكن (عجبي)!
فعلاً .. إذا ماحطيتِ هدف من الأول للإقتراب من هذه الإنسانة .. وكيف حتكوني معاها .. بلاشي خليكم من بعيد وبلاش .. حتى يمكن تستفيدي منها أكثر وانتِ ماتعرفيها شخصيًّا ..
أقولها بصدق وصراحة .. أنا ندمت على أغلب الناس اللي اتعرفت عليهم لمجرد التعارف !
إلا قليل .. وهم من جمعتني بهم روح المحبة في الله .. فقط ! ( والقليل هدول هم اللي من الدرر ) ..
طولت عليكِ يا إشراقة سامحيني .. نشوفك يارب تاني في أقرب فرصة ..
ولا تنسي تقوليلي متى حتكوني في جدة من أول الصيف؟

[Nooosa]

عدت مع ردك ياأبافهد الغالي .. مرة أخرى ..

والمشكلة الأكبر هو في عدد المتفاعلين مع هذه الفكرة كم سيكون عددهم؟!

كما ترى ياأبافهد .. للموضوع أكثر من أسبوعين ..
وللأسف لم يتفاعل حتى مع الموضوع إلا القليل ..!!

فخوفي هو أن كل واحد أو واحدة سوف يوافقون على المشاركة لكن عند اليوم الموعود لا ينجح أحد للأسف الشديد .
من الأساس ماأحد وافق ع الفكرة مو حتى المشاركة ..إلاك و من رأيتهم هنا (الأحبة)..


ومن وجهة نظري حتى نضمن عدد كبير من الحضور أن يكون هناك اشتراك مالي رمزي من الأعضاء وإلا في حال الموافقة من الأغلبية على إقامة هذا اليوم الدرري فإنني مستعد بتحمل تكاليف إيجار الاستراحتين المهم الموافقة على إقامة هذا اليوم .
نعم .. ممتــاز .. لكن كيف نعلن عن هذا .. وأنا ماعبرني هنا إلا القليل الله يبارك فيهم .. أما النشاطات فيكون هناك مسابقات ثقافية خفيفة يتولاها لجنة مكونة من الدرريات والدرريين بحيث توضع الأسئلة وتعطى لأحد الدرريين يطرحها عليهم ونسخة تعطى لإحدى الدرريات لتطرحها عليهن ويكون هناك جوائز رمزية عبارة عن دروع توزع على الفائزين والفائزات أو اشتراكات بإحدى المجلات لمدة عام واحد.
مستعدة أعمل كل شي .. بس نوافق .. وبعدين ياعمده دروع وحركات .. هادي رمزيه ..الله يسعدك ياعمده

هذا ويفضل أن يكون بداية اليوم من بعد صلاة العصر إلى أن يشاء الله وذلك تفادياً لحرارة الجو وإعطاء فرصة للتجهيز لهذا اليوم.
معـــــــــــاك ..

وفي حال وجود تأييد للفكرة فإنه يجب الاتفاق على موعدها من الآن بحيث يكون الموعد مناسب للجميع وحتى يرتب المشاركين مواعيدهم وحجوزاتهم قبل الموعد المحدد ويا حبذا لو يكون الإعلان عن الموعد من الآن.

أتمنى أن نقرأ هنا مشاركة جميع الدرريين سواء كان بالموافقة أم لا مع طرح مقترحاتهم هنا.
أتمـــــــــــــــــنى .. وسأسعى .. ولن أيأس بحول الله ..

وأنني هنا اقترح أن يتولى التنسيق بالنسبة للدرريين الأخ همام (جف البحر) وتتولى الأخت عابده التنسيق مع الدرريات وأي خدمات يحتاجونها فإن الإدارة على أتم الاستعداد لتحقيقها لهم .
جف وشفناه .. فيـــــــــــــــــــن عابده ؟؟؟
والله يعطيكم العافية .. ماتقصروا أكيــد .. درريين أصل

[Nooosa]

انا عليه الدي جي

لا بجد فكره روعه نوسا

ان شاء الله ربنا يوفقكم عليها


مع حوووووووووووبي،،

آمين ..
طيب ياجف .. يعني دحين موافق ولا لأ..
حتشارك ولا لأ..
إيـــش أفكارك ..
.
.
ياهووو أبغى كل واحد يدخل يقول .. أنا رقم عشرة .. رقم صفر ..
المهم .. نشوف كم العدد ؟؟!!

[رهاف]

اهلين نوسا ..

فكره روعه ..

بس مسموح للدرريه الجديده انها تشارك ..

ولو ممكن انا ما ادري امكن ايه امكن لا ..

على حسب الوقت الا تختاروه و المكان ..

تحياتي ..

[ناصر الأحمد]

مطلووووووووووووووووووب

ماسويت ولا معي شي

بس ساطوره واثنتين قنابل يدويه ومعصاد جريش ومهباج
والتابعية وحفيظة النفوس بدل فاقد يعني برأءه ان شاءالله


ها وين الباب ولا فيه ابو زعبل



أحم احم ماقلت شي

طيب طيب بدون طق

مرحبتين نوسه

اجل ورش عمل ها

اي ورش عمل
اقول اخذي لك اقرب استراحه ويكون مافيه الا جدار وتلفزيون

قولي كوره ..اقولك ايوه... ابشري ...ياكثر من ييبي يشارك ... وان ماكفوا كل واحد جاب عيال الحاره



اصبرررررري لاتعصبي خليني اتشمت شوي

ان مالعبوا كوره جلسوا ييكلمون عن الكوره ...
وهذا سوا ,,,وهذا سوا,,,, والمشكله ياليت يطلعون بشي من عرفت الكوره وهم يتطاقون عليها ....

هذه ورش العمل اجل الي مابعد شفنا غيرها ولا فيه امل تتصلح ذا الورشه


خليني اكب عشاي شوي... ...

اكيد البعض يعرف موضوع( قدر العزوبيه )

طبعا الفكره انا كتبتها هنا بطريقه طريقه او هزليه لاني كاتبها لمجرد الفرفشه ووسعه الصدر
لكن الفكره كانت هي فكره صمام امان لجهاز عباره عن غرفه بخار خاصه
بعدها بفتره
ونا مصدق وجاي وبحضور ( المهندس الكبير)
قلت فرصه اتكلم معه يمكن ينبهني عن شي يخفى علي بخصوص هذا الشي....
بس حسن الحظ مو اول واحد اكل مقلب فيه


اااوووووه نسيت الاجتماع المهم الي للاسف ماقدرت احضره...
على شاني تاركهم ومعي قلم وورقه وجالس اشخمط فيها مع ان الكثير يلومني ليه ماحضرت الاجتماع معم وكنت احاول اني اعتذر عنه لاني ماعرف عنه شي ( مباراه مادري بين مين ومين )

واستمريت بشخاميطي لحد مانتهى الاجتماع الموقر في ذلك اليوم بمطاقات بين الفائز والخاسر وصراخ مادري وش سالفته ولا ا ادري اصلا من الي لعب ( الله يزيدنا بها جهل )

وشخاميطي صارت طلاسم على قوله احدهم ..
والحين انا اقول انها طلاسم
لان من ضمن الشخاميط هذا ( فكره ستايل اسخدمته بعدين لتصميم موقع اكبر شركه سياحية سعوديه )
شفتي شلون صار دنبوشي

بااا سلمي لي على ورش العمل بتاعه الاستراحااااات

جلد منفوخ يلحقها دلخ مسلوخ ,,,,, هذه الاستراحات وورش العمل

بس ابو فهد غالي علينا مانقدر الا نقوله سم وطاعه والي تامر فيه ابشر
واقولك فكرتك جد حلوه بس الله يعينك على الي يبي يرفع ضغطك


تحياتوووووووو وماني على فرقااك ياحوووسه ناوووووي

ترقبوااا ( الطلعه الاخيره والثالثه ثابته )




اكيد مؤبد

[همس الشوق]

أتمنى تتقابلوا عالخير والمحبه

ويكون يوم رائع مثلكم


لكم حبي ومودتي

[ابو ياسر]

الأخت الكريمة / نوســــــــــــــــا

السلام عليكم ورحمة الله وبركاته،،،

اقدم لك جزيل الشكر على هذه

الفكرة الرائعة كصاحبتها ـ صاحبة الفكرة ـ وانشاء الله

سوف اكون من ضمن حضور هذه الليلة الصيفية

التي تجمع الأحبه اعضاء واحة الدرر.

حفظك الله ورعاك.

[عابده لله]

[align=center]

السلام عليكم ورحمة الله وبركاته

أهلين اختي يسرى..

موضوع تواصل رائع بين الأعضاء والدرر الحبيبة ..عافاكِ

بـ النسبة لي أنا جاهزة لأي امر تطلبونه مني .. واذا اردتِ
التنسيق فـ عليكِ بالخاص او الميل ..

وسأكون بـ الخدمة ان شاء الله..

عابده ... [/align]

[Nooosa]

ياعيني على الافكار
الغربة تسوي حاجات في الناس
نوسة فكرة حلوة جدا جدا والحلم حق مباح بس يحتاج تخطيط عشان فعلا تصير لمة دررية كبيرة ومميزة
أنا معاكم ان شاء الله اذا ماصارت ظروف خارجة عن إرادتي
دمتم في حفظ الرحمن ورعايته

ياعيني عليكِ إنتِ ياأبلتي ..
ظنك الغربة تعمل في الناس كدا ( والله أكتـــــر )>> مخنوقه حتى الدموع ماتنزل..
أووووبس .. مين دا اللي يسوي نكاده .. أكيد مو أنا .. طيب أنا عارفة ..
المهم .. التخطيط ياأبلتي أتمنى إنه كل واحد تجي في باله فكرة يجيبها هنا ..
وأنا بدأت أرتب بيني وبين أوراقي ... كل شي وربنا يسهل .. ويوفقلنا
وأكيد اللمة ماتكمل وتحلى إلا بيكِ.. ولو ماجيتي .. بأجيبك ماعليكِ..
تسلمي يارب ..

[اخت ( بعض الناس )]

هلا والله بـ (( Nooosa ))
كيفك يا قمر؟ .. انا مبدئيا موافقه بس قولي ان شاء الله تتسهل
شوفي اذا كانت ليله يمكن ما اقدر اجي لأنه ماما ما ترضالي اخرج في الليل
اما اذا كانت في الصباح .. ممكن ان شاء الله ربي يسهلها وانتي كمان ان شاء الله تقدري تجي .

(( يا خوفي كلهم يجوو وانتي لأ .. الشر برا وبعيد ))

دمــــــــــت بخيـــــــــــــــــــــــــــ ـــر

[DANiA]

عشــان تنبسطي..

أنا رقم وااااحد..

بس أهم شي تجي ماتقولي والله باخذ كورس ألماني حأعضك وقتها..

[Miss Nany]

وانا كمااااااااان انشالله..


رقم 2....


اذا ماجيتي ياويييييييييلك....

.

[همس المشاعر]

فكرة رائعة .. والله ..

و صراحة .. الجمعات الي صارت كانت مشجعة للتكرار ..

أنا معكم انشاء الله ..

بس يسهل الله و يكون وقتها مناسب للحضور ..


تحية وتقدير

[Nooosa]

وعليكم السلام ورحمه الله وبركاته..

ماشالله عليكي ..أفكارك حلوة..جيتي في وقتها ..

اليوم وهو أخر يوم في جدة وستن أفتتاح :"الإبداعات النسائيه:" لقروب صناع الحياة لبنات جدة وإن شالله أروح أتفرج وأجي أقولك الأفكاار..

هلا تشيري ( المتألقة )..دانااو ..>>> مالك غيرووو
سجلتك خلاص .. وبدون ما تقولي أكيــد ..
شكرًا حبيبتي ..