نون النسوة تعالن اعلمكن الطباخ

[LEGEND]

عزيزتي الام طول الله عمرك يا الغاليه
عزيزتي الاخت غربل الله ابليسك لو ما وراك الا التعب
هذا انا بعلمكن اصول الطباخ دام انكن مب فالحات بشي غير النجرة والسنداره اتعلمن شي يفدكن
عزيزتي الشغاله والله انتي الي تكرفين كراف اليهد في هالبيت
سيري برع الباب اذا وصل بابا ساوي صفيره علشان ما يشوفنا نحيس في هالمطبخ

اول شي تذهبن الى الثلاجه وتفتحن
بشويش وبخطوات موزونه
تفتحنها تاخذين جيك ماي بارد
وتحضرين كاس
ثم(ن) تصبين الماي في الكاس
ثم(ن) تمسكين الكاس بايدكِ اليمنى ثم(ن) تسمين بالرحمن
بعد ذلك تردين كل شي مكانه
ويا دار ما دخلك شر


الوصفه الثانيه
تحضير الكورن فيلكس بالحليب
حليب + كورن فيلكس بالعسل+ وعاء معدني
يستحمل الغليان
الطريقة
احضري كاستان من الحليب
وثم(ن) كتي الحليب في الوعاء
والى ان يغلي ويصل حده من درحة الغليان
احضري مله والله مدري شو هي بالسعودي الحجازي
شي مثل الطبق مال الشوربه تعرفن الشوربة في شو تتقدم
الان كتي الكورن فيلكس ويا الحليب وسمي بالرحمن
وبالهناء والعافية


الوصفه الثالثه
احضري اربع حبات بيض
وواحده طماطم و ملح وواحده بطاطه
قطعي الطماطم الى اجزاء صغيره
ومن ثم(ن) البطاطه اقطعيهن وديري بالك على اصابعك لا تنجرح
اخلطي الان البيض ويا الملح
ومن ثم(ن) احضري المقلاه وضعي قليل(ن) من الزيت
ضعي الان الطماطم ومن ثم (ن) البطاطه وبعد الاستواء
ضعي البيض واحضري الخبز
من ثم (ن) كلي وسمي بالرحمن وبالهناء والعافيه
نادي على الشغاله تغسل المواعين لان اكيد جرحت(ن) اصبعك
هيه مب والفين ع الطباخ بس رقاد واكل

والى طبخه جديده هين ان دشيت المطبخ بعد اليوم والسلام عليكم ورحمة الله وبركاته

[ملكة البحار]

لجينيد ...
مشاء الله "شيف" شاطر خمس نجوم

تحياتي

[الشهد]

اول شي تذهبن الى الثلاجه وتفتحن
بشويش وبخطوات موزونه
تفتحنها تاخذين جيك ماي بارد
وتحضرين كاس
ثم(ن) تصبين الماي في الكاس
ثم(ن) تمسكين الكاس بايدكِ اليمنى ثم(ن) تسمين بالرحمن
بعد ذلك تردين كل شي مكانه
ويا دار ما دخلك شر

أضحك الله سنك ..
ربي يسعدك ..
شكرا جعلتنا نبتسم..

[رحاب]

الوصفه الثالثه
احضري اربع حبات بيض
وواحده طماطم و ملح وواحده بطاطه
قطعي الطماطم الى اجزاء صغيره
ومن ثم(ن) البطاطه اقطعيهن وديري بالك على اصابعك لا تنجرح
اخلطي الان البيض ويا الملح
ومن ثم(ن) احضري المقلاه وضعي قليل(ن) من الزيت
ضعي الان الطماطم ومن ثم (ن) البطاطه وبعد الاستواء
ضعي البيض واحضري الخبز
من ثم (ن) كلي وسمي بالرحمن وبالهناء والعافيه
نادي على الشغاله تغسل المواعين لان اكيد جرحت(ن) اصبعك
هيه مب والفين ع الطباخ بس رقاد واكل


تسلم يدك الوحدة في غربة وموعارفةتاكل وش الان بس الله يسلمك واللي ماعنده شغالةأو مشكارة على قولة الاماراتييين صح الكلمة؟
وش بيسوي ؟؟
يستخدم صحون بلاستيك للاستخدام مرة واحدة

أخوي نورتنا في حواء وشكلك راح تمسك الاشراف معانا لو أستمر نشاطك
.
.
أسعد الله قلبك وحفظك من كل سوء

[LEGEND]

لجينيد ...
مشاء الله "شيف" شاطر خمس نجوم

تحياتي

هييييه نحن نفيد
لو تبيني أطبخ طباخ صيني نحن حاضرين
اتقهوي ويانا ما يستوي يا ملكه
انزين غسلي المواعين
تحياتي

[LEGEND]

أضحك الله سنك ..
ربي يسعدك ..
شكرا جعلتنا نبتسم..

دوم هالضحكه
شفتن شلون يا الشهد نحن نفيد مثل النحل اجرنا ع الله
ان شاءالله بس استفتدن
عنبوه يا شهد اتقهوي ويانا عاد برايكِ
تحياتي

[LEGEND]

الوصفه الثالثه
احضري اربع حبات بيض
وواحده طماطم و ملح وواحده بطاطه
قطعي الطماطم الى اجزاء صغيره
ومن ثم(ن) البطاطه اقطعيهن وديري بالك على اصابعك لا تنجرح
اخلطي الان البيض ويا الملح
ومن ثم(ن) احضري المقلاه وضعي قليل(ن) من الزيت
ضعي الان الطماطم ومن ثم (ن) البطاطه وبعد الاستواء
ضعي البيض واحضري الخبز
من ثم (ن) كلي وسمي بالرحمن وبالهناء والعافيه
نادي على الشغاله تغسل المواعين لان اكيد جرحت(ن) اصبعك
هيه مب والفين ع الطباخ بس رقاد واكل


تسلم يدك الوحدة في غربة وموعارفةتاكل وش الان بس الله يسلمك واللي ماعنده شغالةأو مشكارة على قولة الاماراتييين صح الكلمة؟
وش بيسوي ؟؟
يستخدم صحون بلاستيك للاستخدام مرة واحدة

أخوي نورتنا في حواء وشكلك راح تمسك الاشراف معانا لو أستمر نشاطك
.
.
أسعد الله قلبك وحفظك من كل سوء

سلم غالينكِ هاي بس نقاقنق عاد لو شفتني اطبخ خبيصه ومجابيس
شو بتقولين
أظنك بتقولين سيبوني أعيط دخيلكم
صدووووه الاخوة الاماراتين ايقولون بشكاره
انزين شو رأيكِ تستخدمين نفس الاكياس بدل ما تتشرين صحون بلاستيك حق الخساير شو

اختيه انا الي اسعد فضه خخخخخخخ النور نوركِ في حواء وفي اي مكان ومشكوره وايد يا الشيخه
ع المجامله وعن الاشراف اريد مراقب ع نون النسوه

عفيت عنك لا تغسلين علشانج عزوبيه ومتغربه وحالتكِ صعبه
تحياتي

[إشراقة أمل]

أضحك الله سنك وأسعد الله قلبك أخي الفاضل ليجند

.

.

موضوع خفيف على القلب,,

.

لاحرمنا وجودك الطيب في حواء

.

دمت على خير وطاعة

[LEGEND]

أضحك الله سنك وأسعد الله قلبك أخي الفاضل ليجند

.

.

موضوع خفيف على القلب,,

.

لاحرمنا وجودك الطيب في حواء

.

دمت على خير وطاعة

الله يسعد ايامكِ يا اشراقووه
دوم هالسعادة ما تفارق محياكِ
مشكوره وايد ع المرور والرد الجميل

تحياتي

[بســـ قمر ـــمة]

اول شي تذهبن الى الثلاجه وتفتحن

بشويش وبخطوات موزونه

تفتحنها تاخذين جيك ماي بارد

وتحضرين كاس

ثم(ن) تصبين الماي في الكاس

ثم(ن) تمسكين الكاس بايدكِ اليمنى ثم(ن) تسمين بالرحمن

بعد ذلك تردين كل شي مكانه

ويا دار ما دخلك شر

تصدّق ما كنت أعرف .. هههههههههههههه

تسلـــم أخوي عالوصفات المفيده ..

والله يسعدك دوم مثل ما أسعدتنا بهالمشاركه الرائعة ..

و ننتظر وصفاتك الجديدة ..

دمت بكل الخير ..

[Nooosa]

مرحبا يالأخ العزيــــز / ليجند ..
بحكم الاتفاق اللي بيننا ( أبغى = أريد ) أعرف بعض المعاني اللي استعصى
عليّ فهمها ..
.

السنداره

كراف اليهد

برع

.
.

مله والله مدري شو هي بالسعودي الحجازي
شي مثل الطبق مال الشوربه تعرفن الشوربة في شو تتقدم

هادي الله يسلمك ويفتح عليك يارب ..
نسمها ( زبدية ) وجمعها ( زبادي ) .. >>>> في جملة مفيدة>>>> زبدية شوربة ..
.
.

ومن ثم(ن) البطاطه اقطعيهن وديري بالك على اصابعك لا تنجرح

والله وطلعت حنيّن يا ليجنــد ..
تسلم يارب والله يعطيك العافية ..
بس تعال أقولك شي .. وأنا أقول الصدق والصراحة .. لأن الكذابين ربي يدخلهم النار .. ( أعاذنا الله منها )..
المهم .. الصدق والصراحة .. إنه وصفاتك زي وجهك
>>لووووول>>
أقصد يعني عامل زحمة وتعالوا أعلمكم الطباخ .. شوف تراني أفلح منك .. وأعرف أسوي كبسة كمان .. مو بس موية وكورن فليكس وبطاطس
https://dorarr.ws/forum/showthread.php?t=14083

[اخت ( بعض الناس )]

اخي العزيز (( LEGEND ))

شكرا على وصفاتك الحلوه ... بس في مشكله صغيره

الطبخات أولا تاخذ وقت وإحنا زي منتا عارف ما عندنا وقت (( مشغولين يعني ))

والشي الثاني وهي بصراحه مشكله كبيره (( ما تشبع ))

التونه اسهل افتحلك تونه وجيبلك قرص خبز وانتهى الموضوع بدل ما تروح تجيبلك زبديه وبيض وطماطم وبطاطس وكمان فيها استخدام للسكينه يعني فيها خطوره والله شغله .. التونه اسرع و تشبع كمان.

.

.

.

مشكووووووووووور اخوي الله يسعدك ان شاء الله

دمـــــــــــت بخيـــــــــــــــــر

[LEGEND]

تصدّق ما كنت أعرف .. هههههههههههههه

تسلـــم أخوي عالوصفات المفيده ..

والله يسعدك دوم مثل ما أسعدتنا بهالمشاركه الرائعة ..

و ننتظر وصفاتك الجديدة ..

دمت بكل الخير ..

بسمة قمر دوم هالضحكه ان شاءالله
نحن دوم بالخدمه نحب نعلم نون النسوة
قال اخي (( لا بركةٍ في رجل تعلم علم وما علمه لنون النسوة))
لا تستحي يا اختييييه في اي سؤال تواجهينه اثناء عمليه فتح الثلاجة
ونحن حاضرين للطيبات اتفضلي اتقهوي

تحياتي القلبية

[LEGEND]

مرحبا يالأخ العزيــــز / ليجند ..
بحكم الاتفاق اللي بيننا ( أبغى = أريد ) أعرف بعض المعاني اللي استعصى
عليّ فهمها ..
.


.
.

هادي الله يسلمك ويفتح عليك يارب ..
نسمها ( زبدية ) وجمعها ( زبادي ) .. >>>> في جملة مفيدة>>>> زبدية شوربة ..
.
.
والله وطلعت حنيّن يا ليجنــد ..
تسلم يارب والله يعطيك العافية ..
بس تعال أقولك شي .. وأنا أقول الصدق والصراحة .. لأن الكذابين ربي يدخلهم النار .. ( أعاذنا الله منها )..
المهم .. الصدق والصراحة .. إنه وصفاتك زي وجهك
>>لووووول>>
أقصد يعني عامل زحمة وتعالوا أعلمكم الطباخ .. شوف تراني أفلح منك .. وأعرف أسوي كبسة كمان .. مو بس موية وكورن فليكس وبطاطس
https://dorarr.ws/forum/showthread.php?t=14083

نوسا مرحبا الساع باهل النمسا شو الجو هالايام ايقولون فنتاستك

انزين بعلمك الكلمات الي تريدين تفهمنها

اول شي مشكوره ع تعريف الاخوات بالزبديه لااله الا الله كل الكلام تندرينه تعرفله مشاءالله حكيمه نوسا ومتعاونه
1- السنداره :
قال البحبحاني في كتاب الاغاني الشهير في معاجم الالفاظ ان السندره عباره عن
شي في المخ ويسببه نون النسوه للرجل يعني عوار راس
2- كراف اليهد:
قال الشيخ كومار الذي يشتغل حارس في مزرعه ما:
الكراف الله يكرمك ويكرمني والسامعين ان الحمار يشتغل ولا يقول شي يشتغل بامانه ولا يقسى على الانسان
اليهد اي انسان مريض والحمار الله يكرمك يكرف وهو مريض ولا حد(ن) يعلم انه مريض بل يكرف كراف اليهد
3- برع: اي out side اي خارج المنزل

تعجبني قوة صراحتكِ بغض النظر انكِ غيرانه علشان طبخاتي بتوصل الى العالم وتدرس في المدارس يعني صراحتكِ خليها تاكل في نفسك لييييييييييووووول ولووووويييييل

اما طباخك محد(ن) كله عندي ثقه ان مامتك الله يطول بعمرها تجاملكِ ومستحمله الكوارث الي تحدثينها في المطبخ ما تريد تظربكِ في النمسا يوم تردون ارض الوطن ان شاءالله بتشوفين اثار الكارثه

ع فكره تاخرت بالرد اشاهد المبارة الف مبروك ع الفوز

تحياتي

[Nooosa]

والله الجو يا الطيب جنااااان .. فعلا مره مره مره حلووو .. روووعة سبحان الله .. والمناظر تهبل ياااارب الجنة ..
.
.
الله يبارك في حياتك .. وعقبالكم .. هاادا الأخضر لا لعب .. جهزوا كأس الذهب ..
.
.
الله يسعدك ياشيخ قوول آمين .
وتراني طباخة بشهادة نفسي .. ويكفيني >> مغروووورة ..