جسم أبيض وناااااااعم كالحرير.... تعالوا, خطوة بخطوة

[مون مون لولو]

السلام عليكم ورحمه الله وبركاته

احب اقولكم ان كل البنات حلوات ... صدقوني
لكن طبعا مع العنايه والاهتمام وعدم اهمال الجسم والبشره ...

جسمك محتاج لعنايه منك حتى يحافظ على نعومته وشبابه .. يعني مايكفي انك تعتني بوجهك وتتركي جسمك لا.
لازم تداومي على تقشيره وصنفرته وترطيبه علشان يحافظ على حيوته ومرونته وبالتالي يقاوم التشققات اللي تظهر بعد السمنه المفاجئه او الحمل وغيره ... وطبعا لاغنى عن التغذيه الصحيه اللي لها الاثر الكبير في صحة الجلد وشبابه وكذالك الرياضه ...

انا بسوي لكم جدول عناية متكامل يشمل : ازالة السواد من بعض المناطق ، التنظيف والتقشير ،بعض الوصفات الخاصه بشد الجسم وتجميله وتطهيره ، الترطيب
والمواد المستخدمه طبيعيه وتقدرين تعملينها في البيت ..

اولا: ازالة السواد من بعض المناطق :
طبعا فيه كثيير خلطات للسواد لكن انا اخترت افضل شي :
1/ وضع زيت زيتون على المنطقه السوداء سواء الركبه او الكوع او غيره وفركه بنصف ليمونه مغطسه بملح ناعم ..... او
2/ فرك المنطقه بنصف ليمونه مغطسه في بيكربونات الصوديوم ....... او
3/ كميات متساويه من : الليمون ، خل التفاح ، ماء الورد . اخلطيهم وادهنيهم على المنطقه ..
**طبعا الخلطات هذي قبل الحمام .... اذا تبغي نتيجه سريعه استخدمي بعد الحمام :
** ادهني المناطق السوداء بالجلسرين مع الليمون ...
او تدهنيهم بزيت الورد .. طبعا كل يوم بعد الحمام وقبل ماتنامي .. وفي الصباح اغسليهم ..

ثانيا : التقشير :
اختارو احدى هذي الوصفات او جربي كل مره وحده منهم فكلهم ممتازين

1 / الوصفه الاولى :::
اخلطي كميات متساويه من الليمون ، زيت الزيتون ، ملح ناعم ، سكر خشن
ادهني جسمك فيهم وخليكي ساعه او نصف ساعه على الاقل .. في حمام مليء بالبخار
بعد كذا افركي جسمك وشوفي الاوساخ اللي بتطلع ..... وامسحي جسمك بفوطه قديمه ..
بعد كذا اغسلي جسمك بماء دافي وجل الاستحمام او الصنفره وافركيه بالليفه ..واغسليه
بتحسي بنعووووومه ولانعومة الاطفال من اول مره تستخدميها
ومع كثرة الاستخدام بيتفتح لون الجسم وبيصير كله لون واحد
صدقوني رهيييبه الوصفه هذي ومجربه ..

~*~*~*~*~*~*
2/ الوصفه الثانيه :::
المقادير
ملعقة فكس ......ملعقة جلسوليد......ملعقة زيت اللوز الحلو
ربع كأس مبشور صابون الغار الطبيعي ......ملعقتين ورس(مطحون) ..ملعقتين قشر برتقال مطحون (تجفف القشور وتطحن ) ملعقتين شوفان كويكر(مطحون)
كأس ماء بقدونس....ربع الكأس عصير ليمون
الطريقة:
نغلي ماء البقدونس ثم نضع الصابون المبشور والكريمات ثم الشوفان وقشر البرتقال والورس
توضع الكمية في الثلاجة ويؤخذ القدار الذي يكفي لتقشير الجسم...
الإستخدام :
في حمام مليء بالبخار يدهن الجسم بهذا المقشر وبعد عشر دقائق يقشر براحة اليد بحركة دائرية بعد ذلك يغسل الجسم بالماء وجل الاستحمام ..
النتيجة المرجوة :
توحيد لون الجسم وتبييضه وإزالة الجلد الميت منه وتنعيمه ...
يستخدم مرتين بالأسبوع

~*~*~*~*~*~*~*~*~*
3 / الوصفه الثالثه :::
جيبي ملعقة كبيره ورس مطحون اخلطيها مع علبة كامله زيت زيتون
واتركيه لمدة ساعتين لحد مايتغير لون الزيت ..
بعد كذا ادهني جسمك فيه ... وروحي البسي ملابس قديمه عندك
وخلي الخلطه على جسمك لمدة ساعتين
بعدين روحي جهزي الحمام واملي البانيو مويه حاره على قد ماتتحملين
وبعد الساعتين اجلسي في المويه شوي ...
وتليفي وشوفي كمية الجلد الميت اللي بتطلع ....
بعد كذا افركي جسمك بالليفه والجل ..واشطفيه

مع الاستمرار على هذي الخلطه بيبيض جسمك ويكون ناااعم

*** ضروري يابنات الاستمراااار على هذي الوصفات علشان تبان عندك النتايج المبهره ...

= = = = = = = = = = = = = = = = = =

# ثالثا : الوصفات الخاصه بتطهير الجسم وشده وجماله : (تكون بعد الاستحمام )

1/ املي البانيو مويه واضيفي عليه ملعقة او ملعقتين خل تفاح وشوية ماء ورد... واسترخي فيه
بعدين خليكي تحت الدوش وافتحي المويه البارده ... ياسلاااام انتعااااش وحيويه
..هذ الوصفه.. لها عدة فوائد : مثل تطهير الجسم وتعقيمه وازالة رائحة العرق الغير مستحبه ، وكمان خل التفاح يشد الجسم وخصوصا الصدر ، ويساعد في تفيح لون الجسم مع الاستمرار ...

2 / املي البانيو مويه بارده وحطي عليه ثلاث فناجيل نشاء الذره وشوية ماء ورد ... واسترخي فيه .. بعد كذا افتحي الدوش على المويه البااارده ..
فايدة النشاء انه يشد البشره ويقفل المسام وكذالك يطهر الجسم من رائحة العرق ويعطيكي نعووووووومه فائقه
ويهدي البشره المتعبه ويريحها ... وغيره .. وغيره ....


رابعا : ترطيب الجسم :

مهم بعد الاستحمام وبعد ماتجففي جسمك رشيه بموية الورد (جيبي بخاخ المويه وعبيه ماء ورد ) وبعد مايجف استخدمي المرطب اللي تحبي ::

1/ زيت اللوز الحلو : مفيد جدا في شد الجلد واكسابه المرونه .. يستخدم في عمل مساج للجلد

2/ زبدة الكاكاو (علبه كامله ) ، نصف علبه جلسوليد ، زيت لوز حلو
اخلطيهم مع بعض وادهني فيهم جسمك بعد الحمام ..
هذى المرطب ثقيل شوي لذلك ينفع بعد ماتعملي تقشير لجسمك .. فهو يعطيك نعوووومه وليووونه ويوحد لون الجسم ...
اذا حابه تحطيه قبل الحمام اضيفي عليه عصير ليمونه وحطيه في الليل وفي الصباح استحمي

انا عن نفسي استخدمه بعد الحمام وبدون الليمون ..

3/ اذا حابه المرطب يكون خفيف فيه اشكال وانواع من الكريمات المرطبه الخاصه بالجسم ...اختاري اللي يعجبك .. انا عن نفسي احب استخدم كريمات من ماركه اسمها سويس فورمولا كويسه ورخيصه ومتوفره
او جونسن اند جونسن او نتروجينا ........وغيره


هذي بعض الوصفات اخذتها من منتدى ثاني ....( ربي يخلي اللي كاتبينها) ... اعجبتني .. وجمعتها ورتبتها بها الطريقه وقلت لازم تستفيدو منها .....
ومهم المدااااااومه عليها حتى تعطيكي نتيجه حلوه ومرضيه
....... ومهم ترطيب الجسم لاتستغني عنه ابدا حتى مايجف الجلد

منقول

[المرهفة]

وصفات روعة مشكورة ويسلموا ايدينك على النقل الأكثر من رائع

محبتي

[الأمــل]

مساء الخير أختي الحبوبة مون.. الله يحفظك..

جزاكِ الله كل خير... وتلسم دياتك يا حلوة...

شكلها وصفات مفيدة، بس الموضوع يبغالة وحدة متفيقة(فاضية بس تصنفر في نفسها!!!) ...

بارك الله فيك..

لكِ محبتي..

أختك/ الأمــل

[رحاب]

ياعيني على الدلع
شئ ماحصل بصراحة تحسي نفسك قطنة( مؤنث القطن )
هادي راح اجربها قبل سفري الواحد يروح متضبط قبل ماتعدمه الجامعة

مشكورةياعسل على هالوصفات عساني مانحرم من طلتك في حواء
دمتِ في حفظ الرحمن ورعايته

[Miss Nany]

شوووووووووكرا ياعسل على الوصفاات الراااااااائعه...


.

.

[اللؤلؤ المكنون]

جزاك الله خيرا يا أخيتي على هذه الوصفات وعطاج على قد نيتج يارب

[مون مون لولو]

شكرا على مروركم الكريم............



تحياتي الحارة.......