..( نداء عــــاجل إلى بنات حـــواء )..

[Nooosa]

السلام عليكم ورحمة الله .. وبركاته ..

مسائكم ورد .. ياأحلى بنوتات في الدنيا ..

وصلت الحمدلله اليوم الساعة 2 بعد الظهر إلى المكان المتهبب على عينه .. إللي يقولوا انه بيتنا في فيينا ..

واللي يقولوا كمان .. اني حأعمل فيه العشا اليووم
..( )..

واللي قال هو بابا ..
وقال نفسه في مندي ...

ومايبغى كبسه لأنه طفش منها ..

.
.
.
إلا كيف يتسوى المندي .. تراني من كتر ماأعمله نسيته ؟؟؟؟
.
.
أنا خرجت الرز والدجاج .. والزعفران .. وبس
.
.
ساعدووووووني ساااعدكم الله ..

..( )..

[Nooosa]

اخسى عليكم يادبييين ..

أحد يحنّ عليَّ ..

أبغى أسوي الأكل وأناااااااااام ..

[وهــــــج]

والله كان نفسي أساعدك

بس من كثر ما أسوية نسيتة أنا كمان..

[إشراقة أمل]

الحمد لله على سلامتك غاليتي

.

.

أنا لها نووووسا الغالية..

.

.

ما يجيبها غير طباخينها.

.

.

المقادير:

.

-دجاجه منزوعة الجلدومقطعه ومتبله بالبهارات -

-2كوب ارز بسمتي -

-ملعقه صغيره بهارات ناعمه -

-ملعقه صغيره بهارات خشنه-

-2ملعقه كبيره زيت -

-مكعب ماجي -

-2ملعقه كبيره ثوم مطحون -

-2ونصف كوب ماء -

-2طماطم مقطعه شرائح+ملح حسب الرغبه.

.

.

الطريقة:

.

نضع الزيت على النار ثم نحمر الثوم ثم نضع الارز المصفى جيدا ويقلب مع الثوم ثم نضيف الطماطم والبهارات ومكعب ماجي ثم نضع الارز في صينيه خاصه بالفرن ونضع الماء المضاف اليه الملح ونغطي الصينيه بورق قصدير ونثقب سطحه بواسطة شوكه ثم نضع الدجاج المتبل فوق القصدير المثقب ثم نغطي الدجاج والصينيه بطبقه اخرى من القصدير ويوضع في الفرن على درجه 150 لمدة ساعه ويؤكل حار وبالهناوالشفا

.

.

..

وهذي طريقة ثانية

..

.

.

المقادير:

.

كوبين ارز حبة بصله- طماطم - فلفل رومي اخضر - و بهارات مشكله - سمن بري - دجاحه منظفه و متبله بالمقادير الاتيه: بهارات مشكله مطحونه مع ملعقة زبادي وليمون وملح- ونصف ملعقة زعفران

.

.

الطريقة:

.

نحضر صينية تيفال ونضع الارز بعد غسله و ثم نتبله بالبهارات المطحونه ثم نرص عليها شرائح الطماطم والبصل والفلفل الرومي ونصب عليها السمن البري ثم نغلفها بالالمنيوم وثم نعمل فتحات في الالمنيوم ثم نضع فوقها الدجاجه المتبله و نغطيها بالالمنيوم ونضعها في الفرن لمده ساعه وبعد ذلك نخرجها من الفرن ونحمر الدجاجه وفي تلك اللحظه نكون مجهزين الفحمه ونضعها مع الزيت ونخرج الصينيه وعلى طول نضع وسطها الفحم و بالهناء والعافيه

.

..

.

ولا تنسي تدعيلي.. بس تراه

.

.

تقدري تحطي معاه طبق بيض

.

..

.

دمتِ على خير وطاعة

[Nooosa]

والله كان نفسي أساعدك

بس من كثر ما أسوية نسيتة أنا كمان..

..( )..

يسلموو وهوجه .. ع المرور والمواساه ..
وجبر الخواطر على الله ياستي ..

أهم شي إنه شفناكِ .. ياعسل ..

[Nooosa]

الله يسلمك ويخليكِ ليَّ ياإشرااقة .. ياااااااارب ..
تسلمي ياقمر إنتِ ..
الطريقة التانية هي اللي أنا تقريبًا أعملها بس بدون الطماطم والفلفل الرومي ..
وإن شاء الله اسويها يوم الإثنين لأنه المطبخ شويه فاضي .. والسوبرماركت مايفتح بكره وبعده ..

واليوم .. خلاص الحمدلله .. عدى على خير .. وعملت رز بالحمص إنما إيـــــه ..

يسلموو يا ألبي ع المرور .. والمشاركة ..
ويجزاكِ ربي كل خيــر .. أموووله
.
سلامي لأختك الأمورة ..

[doli]

اهلين نوساا

الحمد لله على سلامتك ولا تجلسي تزعلي نفسك وتخلي نفسك مكتئبة وتقولي مكان متهبب على على عينه >> هوا له عيون ؟؟

دائما اتعودي تاقلمي نفسك وانظري بنظرات ايجابيه .. يعني بابا ماوحشك ؟؟ يعني مو محتاج عناية منك لانه في غربة .... يعني كدا

اسمعي انا اعرف المندي انه مافيه لا ثوم ولا فلفل رومي .. ويابختك جاتك وصفتين على طبق درري


انا اقول اللي اعرفه الشئ دا اللي اسمه مندي


رز امريكي 3 كاسات
دجاجة منظفة طبعا ومقطعة 4 او 2 على حسب يعني
ماء لسلق الدجاج
مكعب ماجي
هيل
قرفة
كمون
فلفل اسود
ملح
ملعقتين كبيره سمن بنكهة الزبده أو زبده عاديه
كزبرة ناشفه
طبعا البهارات كلها مصححة يعني مو مطحونه

نجي للطريقة :

تسلقي الدجاج حتى ينضج .. مع البهارات والماجي


بعد ماتستوي تصفي المسلوقة وتحطي الرز عليها يعني تطبخي الرز بالمسلوقه حقت الدجاج

ولما ينضج ترجعي تحطي الدجاج على سطح الرز

تكوني مذوبة قليل من صفار الزعفران في نقطة مويه .. وتمسحي على الدجاج بالصبغة وتنقطي شويه كمان على

الرز .. بس لا حظي يكون الرز مافيه مويه ابدا يعني مستوي وخالص

تولعي قطعتين فحم الى ماتصير حمره

بعد كدا تجيبي السمن في زبديه صغيره وتحطيه في وسط القدر بين الدجاج على الرز وتتضعيها في السمن وبسرعه

رهيبه لازم تغطي القدر عشان الدخان لا يطلع وتستفيدي منه

ووقت التقديمأسكبي السمن على الرز والدجاج و قلبي الرز جيدا حتى يختلط حبات الرز المصبوغه بالرز الابيض وعليه الدجاج


وبس

بالهناء والعافيه على قلوبكم .. معليش متاخره بس يمديكي تسويها بكره او وقت تاني



لك كل الود

[*همس الورد*]

الف الحمدلله على سلامة الوصول غاليتى...

كيف الاجواء عندك؟؟برررد

ياسلااام يانوساا ياسلااام...عارفة انى اشتقت للجاكيتات

طبعا عيونى انتى تعرفين انى مااعرف في الطبخ واصلا مااحب الرز

ولا ابغى اتعلمه...راح تقوليلي واذا تزوجتى؟؟راح اقولك يصير خيـــــــــر...

بس حبيت اسلم واتطمن...وشكلها الاوضاع مو مطمنة

[Nooosa]

أهليناااات .. بيكِ ياأبلتي ياحبيبتي ..
الله يسلم عمرك .. ويخليكِ يارب ..
وصدقيني والله ماني مزعله نفسي ولا مكتئبة بالعكس تمامًا .. كنت مهيئة نفسي كتيـــر ع الوضع الجديــد ..
بس لقيته .. للأسف أصعب وأصعب وأصعب من اللي كنت متخيلته ..!
واللي رابط على قلبي .. بس هو وجودي جنب بابا ..
وبعدين الدراسة ..!
.
.
نجي دحين للمندي .. ياست الحبايب ..
يجزاكِ ربي ألف ألف خيــر ..
ولا متأخرة ولا شي .. بالعكس جات في وقتها ..
ووالله قدمتيلي خدمة .. قاااااااااااااااااااد كدا .. ماأعرف أبدًا كيف أشكرك عليها ..
كتبت الطريقة وعلقتها على باب التلاجه ..
وإن شاء الله يوم الإتنين أعملها .. وأخليها كل اتنين كمان
أصلاً مين قدي دحين .. أبله دولي علمتني أكله ..
.
.
يسلموو دياتك .. ياعسل ..
ولا تحرمينا الطلاّت .. ( ) ..

[الوجه الآخر]

سلاااامووو

دولي ووهج كفو ووفو


وحدة بتشيل عزالها من هنا وتمشي
يا شماتة ابلة طازة فيا <<<=== خخخخخخخ مين دي

تحياتي

[Nooosa]

الف الحمدلله على سلامة الوصول غاليتى...

كيف الاجواء عندك؟؟برررد

ياسلااام يانوساا ياسلااام...عارفة انى اشتقت للجاكيتات

طبعا عيونى انتى تعرفين انى مااعرف في الطبخ واصلا مااحب الرز

ولا ابغى اتعلمه...راح تقوليلي واذا تزوجتى؟؟راح اقولك يصير خيـــــــــر...

بس حبيت اسلم واتطمن...وشكلها الاوضاع مو مطمنة

هههههه ..
أهليييين .. هموووسه ..
يسلمك عمرك ربي .. ويحفظك من كل سوء ..
.
.
ايوا الجو .. بـــــارد .. زي الآيس كريم .. برّه
لكن في البيت الحمد لله .. الدفايات ماتقصر ..
.
تقوليلي اشتقتي للجاكيتات .. أجل وجبت همووسه أشوفك وانتِ متلفلفه .. زي كدا يعني >>> عجبني هادا الشي
.
.
بعدين تعالي هنا ..
برضك انتِ والمطبخ ماتتفقوا ..
يابنتي اسمعي الكلام الله يصلحك ويهديكِ .. ترى الدنيا دي محد يعرفلها
اتعلمي .. ولا تقولي مااعرف .. جربي وحاولي واتعلمي .. على الأقل لنفسك ..
.
.
وشكرًا .. ياستي على المرور والمشاركة ..
دمتِ صديقتي ..( التي أحب )..

[Nooosa]

حيا الله جوجو ..
أهلين .. ياعسل ..
عااااش من شااافكم ياهووو
.
.
وعليكم السلام ورحمة الله وبركاته ..
وانتِ كمان كفيتي ووفيتي بمرورك ..العزيز ..
وأظنها أبله >> ظاظا >> مو شمتانه ولا حاجه
بالعكس مبسووطه مره لأنك هنا
.
.
شكرًا .. للجميع
شكرًا .. جزيلا ..للأحبة .. لكِ وهج وهمس الورد .. وجوجو
شكرًا .. لإشراقة أمل .. وأبله دولي ..
وجزاكم الله خيـرًا ..

..( المندي ع النار .. نوافيكم بالأخبار بعد الثالثة مساءً .. إن شاء الله )..

[رحاب]

كم يوم مر على حكاية المندي ولا شفت آخر أخباره

نوسة الحبيبة ياليت تطمنيني على المندي أقصد عليكِ

على فكرة وحشتيني أختي الحبيبة أسأل الله أن يهون غربتك

دمتِ بكل الحب

[نبضة الخير]

اهم شئ ماتنسين ترسليلي نص المندي
الله يسعدك نوستي ويهون غربتك

[Nooosa]

كم يوم مر على حكاية المندي ولا شفت آخر أخباره

نوسة الحبيبة ياليت تطمنيني على المندي أقصد عليكِ

على فكرة وحشتيني أختي الحبيبة أسأل الله أن يهون غربتك

دمتِ بكل الحب

حيا الله .. الحاضرة الغائبة ..

صدى الحبيــبة ..
.
.
والله . ياست الكل .. أنا أتذكر إني كتبت الرد ورسلته .. بس ماأعرف .. ايش اللي سار..
المنتدى أساسًا .. من يوم ماسار حلو مره كدا .. ساير ماأدري كيف .. >> يمكن يجنن .. بس مو عارفه أقولها .

المهم .. المهم ..
والله .. وانتِ كمان .. وحشتيني أكتر .. وأكتر .. وأكتر ..

والمندي ياستي .. الحمدلله طلع مررره لزيز .. وبابا مره عجبه ..
بس الموية حق الرز شويه كترت فاتعجن .. شويه .. شويه بس والله
أما الدجاج .. حسيت إنه يبغاله كمان .. فدخلته الفرن .. وحمرته شويه..
والحمدلله .. كان مره الأكل لزيز .. وبصراحة مااتوقعت إنه يجي مني حاجه زي كدا .. >>> تحطيـــم ..

الله.. يخليكِ ليّ يااارب ..
وشكرًا على مرورك والسؤال ..
.
.
أم عبدالملك .. الغاليه
الله يعطيك .. ألف ألف .. ألف عافيه .. قووولي آميـــــــن ..