اول شي السلام عليكم ورحمة الله وبركاته...
طبعا اليوم عندنا اكل غير شكل...طلعته من دفتر امى حق الطبخ...وعلى فكرة
هذول بس الوصفات الكاملات...اما الباقيات اما تكون مقادير بدون طريقة...
او طريقة بدون مقادير...او اسم الاكلة بس>>>>الزبدة يااختنا
اول شي نبدأ بالترحيب
حيوو الطباخة حيوووو..حيوو الطباخة حيووووو
*************
سلطة المكرونة
المحتويات..
علبة مكرونة دوائر صغيرة "بيتوني"
خيار
فلفل رومي اخضر واحمر واصفر
2 او 3 حبات بطاطس صغيرة
جزر
شبت
الطريقة..
**اسلقي حبات المكرونة في قدر ...وقطعي البطاطس والجزر مربعات صغيرة
واسلقيهم في قدر...
**قطعي الخيار لمربعات كمان صغيرة والفلفل رومي بكل الوانه...
**حطي كل المقادير في صحن التقديم وطبعا ماتنسي زيت الزيتون والخل...
**والشبت ممكن تحطيه مع المقادير او في النهاية تزينى بيه السلطة...
**حطي عليها مايونيز تطلع احلى واحلى واحلى و...
فطائر التوست
المحتويات...
1 كيس توست
علبتين متوسطة الحجم من جبنة كرافت
4 ملاعق مايونيز
بيضتين
الطريقة...
**قطعي خبز التوست من الزاوية عشان تعطيكِ شكل مثلث...
**رصيهم في صينية مستطيلة" لاتسألونى ندهن الصينية ولا لا"...
**الحين اكسري البيضتين في صحن وحطى عليهم جبنة كرافت بعد ماتبشريها والمايونيز واخلطيهم...
**حطيهم فوق التوست ودخلي الصينية الفرن...
**افتحي الفرن كل شوي وطلعى الصينية لمن تلاحظين ان الخلطة تماسكت
وحمرت شوى مو كثير...
**ممكن تزينيها ببصل اخضر مفروم...
ممممممممممممم وشو بعد
فطيرة الدجاج >>انصحكم فيها طعمها جنان..
مقادير العجينة...
2 ونص كاسة دقيق
بيضة
اصبع زبدة
ثلاثة ارباع كاسة ماي دافي
ملعقة صغيرة سكر
ملعقة صغيرة ملح
ملعقة صغيرة خميرة
1 ونص ملعقة طعام حليب بودرة
مقادير الحشوة...
دجاجة مسلوقة
فلفل رومي اخضر
علبة مشروم( فطر)
كاسة الا ربع جبنة دهن
علبة جبنة شيدر 52 جرام
ملح + فلفل اسود + بصلة
الطريقة...
**اول شي اخلطى مقادير العجينة واتركيها لمدة نصف ساعة...
**اسلقي الدجاجة وبهريها بالقرفة والهيل وشوية ملح...وقطعيها قطع صغيرة...
**وحطي باقي مقادير الحشوة مع الدجاج المقطع في صحن واخلطيهم...
**ارجعي للعجينة وقسميها قسمين...القسم الاول افرديه في قاع صينية دائرية مدهونه بالبيض" لاتسألونى عن قطرها " وحطي الحشوة فوقها...
**القسم الثانى افرديه فوق الحشوة وادهنيه بالبيض...
**حطي الصينية في الفرن على حرارة عالية نسبيا لين ماتحمر " لاتسألونى
عن الدرجة والمدة"...
عش السراي >>>هذا الحلى ونسيت طعمه لانى اخر مره اكلته قبل
عشر سنين بس اتذكر ان طعمه عجبنى...
المحتويات...
واحد كيس توست
2 بكت كريم كراميل
4 كاسات حليب سائل
علبة قشطة
قرطاسين دريم ويب
الطريقة...
**حطي تقريبا 4 ملاعق حق الاكل سكر "اتحداكم اذا فهمتهم شي " في صينية دائرية على النار...
**ارفعي الصينية لمن يصير لون السكر احمر...
**رصي شرائح التوست بعد ماتشيلي اطرافه...في الصينية وسوى طبقتين...
**عشان الكراميل... فرغي بكت الكريم كراميل في قدر وحطي فوقه 4 كاسات حليب سائل وحطي شوية ماى زهر...وحركيه لين مايغلي...
**بعدين صبيه مباشرة فوق شرائح التوست...وخليه لين مايبرد...
**حطي قراطيس الدريم ويب في الخلاط واخلطي القشطة معاها وحطيهم فوق الصينية...
**بعدين زينيها بالفستق المبشور" شخصيا مااطيق الفستق" وشرائح الكيوي والكرز...
تشوكلت موس >>>>>هذى عشان سويتى هههههههااااى
بس لحظة بدورها بالكتاب
لقيتها...>>>تكلمى مين؟
المحتويات...
بيضتين
60 جرام نسكويك (5ملاعق كبيرة مسطحة)
4 ملاعق كبيرة ماي حار
علبة نستلة 170 جرام
ملعقتين كبيرتين سكر
الطريقة...
**افصلي البياض عن الصفار من البيضتين...
**امزجي النسكويك مع السكر والماي عشان تصير مثل العجين...
**حطي صفار البيض فوق الخليط السابق وامزجيه مع بعض الين مايصير لزج...
**حطي النستلة في صحن ثانى...وحطي فوقه البياض وخلطيهم لين مايجمدو شوى...
**حطيه في كاسات التقديم وحطيهم بالثلاجة...
ودمتم سالمين