تعالوا يا بِـنِـتَّـات .. وحسوا يوم إنكم سِتَّــات..

[Nooosa]

السلام عليكم ورحمة الله .. وبركاته

مساء الورود .. ياحلوااات ..

.
.
يقولون .. سافر فـ في السفر خمس فوائد..
وأنا أقـــول

بل أكــــــــــــثــــر..!

وخير برهان ما أقدمه اليوم .. بين أيديكم ..وأتمنى بالفعل أن يحوز على رضاكم وإستحسانكم
.
.
بسم الله
.
.
طبعـًـا بعد الكرف اليومي في المطبخ..
والوضع الجديد تمامًا..!
ونصائح أختي الكبيــره
وخبرااات الوالــده الحبيبه

وتجاااربي السابقه ..المتواضعه

أقدم لكم اليــوم سفره كامله من يداتي طبعًا
اتدبست فيها بعد ما أهلي عملوا حركة باااايخه
صحيوا في الصباح بدري يتمشوا وسيبولي كلمه صغيـــره .. أبيخ

(( الغدا اليووم عليكِ ))
.
.
بس.. الحمدلله مرّ اليووم بسلااام ..
وحتشوفوا دحين كيف اكتشفت إني ســــــت بيــــت مـــحــــتـــرمــــه
.
.
.
في البداية لازم نحط في بالنا ايش نبغى نعمل من بدري عشان الحوسه برضو تكون من بدري
الطبق الرئيسي أولاً ..لازم يكون شي محترم .. يعني رز ودجاج .. رز ولحم .. إيــدام محترم برضو..وزي كدا..وحنعمل اليوم احنا (( كبسه )) << على قدنا

تانيــًا..السلطه .. ودي مهمه جدا وماتكون سفره بدوونها..والسلطه تكون على حسب الطبق الرئيسي يعني سلطه خضرا..أو سلطة لبن..الخ

تالتًا ..الأصناف الأخرى .. يعني ممكن خضار مشوحه .. شوربه ..متبلات ..وغيرها ..لكن أنا اليوم مارح أعمل منها شي ..مافي وقت

رابعًا .. العصيـــــــــــر

وخامسًا .. الحلى ..لو كان فيه وقت كمان
.
.
نيجي دحين للطبق الرئيسي ..
ومع طريقة عمل الكبســه :

نقطع أول شي بصله وحده مربعات صغيره تقريبًا..ونشوحها ع النار مع شوية زيت ..إلى أن يصفّر البصل
نحط فوق البصل بهارات الكبسه المعرووفه ..ومنها ( الخلنجان ،، والفلفل الأسود ،، ورق الغار،، كزبره ناشفه ...الخ )
بعد كدا .. نقطع الدجاج أرباااع ..بعد مانكون غسلناه كويس ونقلبه مع البصل والبهارات..ونغطي القدر شويه إلين يعرّق الدجاج عشان ياخد النكهه يعني..

في دا الوقت نكون ..
طاحنين حبة طماطم ونحط معاها شوية صلصة طماطم عشان اللون بس ولاّ الطماطم المطحوونه كفااايه..ونضيفها ع الدجاج ..ونقلبهم كويس..ونغطي القدر ونتركهم كمان شويتين
ونضيف بعد كدا المويه ..شويه شويه ..إلين نحس إنو الدجاج بدأ يستوي ..ونرش عليه الملح..>>> لأن الملح مايخلي الدجاج يستوي بسرعه

لمن يستوي الدجاج ..نحطه في صينيه وندهنه بالمايونيز والملح والثوم والفلفل الأسود ..وندخله الفرن ..ونشغل الفرن من فووق بس
لأنو الدجاج تقريبا مستوي من السلق..

عبال ما الدجاج يتحمر .. نكون مغسلين كمية الرز اللي نبغاها ..ونطبخها بعد كدا بموية الدجاج ..ونخلي عيننا على طوول ع الرز لأنو بسرعه يتلسع
وأثناء ماينطبخ نقلبه بـ شوكة .. لأن المعلقه تعجِّن الرز..

وبالهنا والعافيه..
.
.
.
.
الطبق التاني سلطة السيزر..<<< أحلى يا أحلى
بس إن شاء الله لمن أجي تاني
تقريبا .. انتهى وقتي اليووم
.
أتمنى ما أكوون طولت علييكم..

ستات البيوت لو سمحتو >>>> استروا ماواجهتوا

نبووضه وهمس وتشيري >>> عقباااالكم

[Nooosa]

مساء الخيــــر
.
.
الحمدلله
ماما اليوم أعطتني وقت إضافي
فـ قلت لازم أجي أكمل..


.
سلطة السيزر..وما أدراكِ ماسلطة السيزر
بجد شي جُنــان..
هي طبعًا من أنواع السلطات الخضرا .. بس كل اللي يميزها (( الصوص )) اللي يتحط عليها

وكـ طريقة عمل السلطات الخضراء جميعها..
بدايةً..
نقطع كل أنواع الخُضار المتوفره في الثلاجه..
خيار ..
فجل..
جزر..
طماطم..
خس أمريكي ..
بقدونس ..
كرفس ..
بصل أخضر..
.....الخ

.
كما وتضاف إليها قطع الدجاج الصغيره .. وقليل من الذره والمكرونه المسلوقه

نسلق نصف دجاجة تقريبًا لمدة ساعه إلا ربع >> كمية كاافيه جدَا
نقطع الدجاج على شكل مكعبااات صغيره .. وبعدين نشوحها ع النااار مع شوية زيت..ونقطة تووم|315|>>>> ما أحب التووم

كمان نسلق كمية قليله ..
من الذره .. ومن المكرونه >>> المكرونه الصغيره اللي على شكل حروف أو دواوير أو حلزونات..
المهم نسلقها شويتين ع النااار يعني تقريبا 10 دقاايق

وبعد كدا نضع جميع المكونات مع بعض >>> ;)
ونحطها في التلاجه .. ومانحط عليها الصوص إلا وقت التقديـــم..

وطريقة عمل الصوص..
نخلط 3 ملاعق مايونيز مو أكتر .. مع ملعقة لبن زباادي .. ونعصر عليها حبة ليمونة .. ونرش كمان الملح والفلفل الأسود وممكن كمان الفلفل الأبيض .. وشوية خل .. وممكن كمان نقطع شوية بقدونس عشان الشكل يعني;)

بس .. وقت التقديم ..يصب الصوص .. على السلطه ..
ويتاكل بالهنا والعااافيه..

.
.

[إشراقة أمل]

[ALIGN=CENTER]نوسة,, انتي مــا شاء الله عليك

عقبال الي ما يسووا شي ;)

دمت على خير وطاعة[/ALIGN]

[EDrara]

[ALIGN=RIGHT]آه يا بطنى

وجعتيلي بطنى يا نوسا

ممكن كم طبق؟ من عندك

ومين قال إنك منتى ست بيت
دنت ست الستات[/ALIGN]

[رحاب]

[ALIGN=CENTER]حركاااااااااااات ياقلبي
ماشاء الله فعلا بهرتيني
يعني ست بيت بحق وحقيقي
فخورة جدا بيكِ اليوم حاسة كأنه بنتي اللي دخلت المطبخ

عقبال باقي بنات الدرر يفكها ربي عليهم ويحنوا شوية للمطبخ

نوسة استمري ولاتحرمينا من وصفاتك خاصة السلطة كنت بدور عليها

دمتِ في حفظ الرحمن ورعايته[/ALIGN]

[رغــد]

مساء الإبداع يانوسا ..
إنت فنانة فعلاً ..
يعني بدايتك قوية بصراحه ..
لأني اللي أعرفه إن البنوتات أول مايبدؤا يسووا شي في المطبخ ..
يبدؤوا بالحلى !! لأنه أسهل شي .
بس إنت كسرتي القاعده وبدأتي بالأطباق الرئيسية .. " كبسة مرة وحده "
يم يمي ..
برافوا عليكِ ..
.
.

طبعاً الملاحظة الوحيدة كانت هي :
حطيتي حبة طماطم وحده ..
أنا أشوف إنها ماتكفي إذا كنت جالسة تطبخي لك ولعائلتك ... خصوصاً إنك طابختها على دجاجة كاملة .
عشان كذا زوديها شوية .. حبتين أو ثلاث .. لأن طعم الطماطم أفضل من الصلصة .... والصلصة هي اللي لازم تكون شوية . << خبرة

.
.
أشكرك نوسا على طبقك الرائع .
وإلى الأمام .. والمزيد من الأطباق .

[DANiA]

[ALIGN=CENTER]
هلا بحبيبة قلبي نوووسة السوووسة النااموسة..

يارزة..

أحب أباركلك بسبب انك حققتي حلم مامتك ..
طبعا اي شئ من يدك لزيييز ان كان رزو دجاج ولا السيزر <<عاد داه شئ تااني..


بس بأقوولك كلمة حطيها حلق في اذنك..((( أحسلك تجلسي هناك)))
نوسة..كل رزة تاكليها اتذكريني..
وكل دجاجة تاكليها أفتكريني برضو
وكل سيزر تاكليه أفتكري أول مرة أجبرتيني على ذوااقتو..[/ALIGN]

[المحروووم]

[ALIGN=CENTER]

نوسا ..

ماتسوين فيني خير وتعلميني كيف اسوي الشاهي ..

بايووو خيتووو

[/ALIGN]

[DANiA]

[ALIGN=CENTER]انا بعلمك كيف يتسوى الشاي..
أول شئ تحمي المويه إليييييييييييين تقووول صصصصصصصصصصو..

بعدين تحط المويه على الكوب وتغمس اللبتون فوق تحت وبس وشويه سكر مع اضافه القليل من الليمون و إذا فيه نعناع..بس..[/ALIGN]

[نبضة الخير]

سلاااااااااااااااااااااااااااا م
ايه
الحركتات دي
عقبالي يارب
افتحها عليا
كل يوم أطبخ براياني لأهلي ( طبعا في الحلم)
الظاهر
انا عندي عقدة
من طبيخ
كل ماأسوي حاجة تخرب
الله يعينن مامتي

يسلمو نوووسة على الغدا الحلو

[Nooosa]

أهلا .. أهلا ..إشراقة

أنا كدا >>>؟؟؟
.. طب مره شكرًا

شكرا لمرورك الغالي..أختي..
سعيده جدا .. بمتابعتك..

[Nooosa]

كاتب الرسالة الأصلية : edrara
[ALIGN=RIGHT]آه يا بطنى

وجعتيلي بطنى يا نوسا

ممكن كم طبق؟ من عندك

ومين قال إنك منتى ست بيت
دنت ست الستات[/ALIGN]

أنا وجعتلك بطنك .. أفااا
>>>

<<<

.
تفداك الأطباق كلها يا الطيب..
.
.
جبر الخواطر على الله
شكرا للطفك .. أيها الكريم // إدرارا

[Nooosa]

أهليــــــــــــــــــن .. أبلتي حبيبتي..
أنا اللي فخورة جدًا جدًا إني فرحت قلبك..
ومبسووطه كمان لأنك لقيتِ اللي تبغيه هنا..

ولا يهمك .. خلاص عرفت طريق المطبخ

الله لا يحرمني من أخوتك ..أبدًا
أكيد أنا محتاجه لمتابعتك .. ودعمك..
لا عدمتكِ .. ذخري..

[المحروووم]

[ALIGN=CENTER]

كاتب الرسالة الأصلية : Cherry Lips
[ALIGN=CENTER]انا بعلمك كيف يتسوى الشاي..
أول شئ تحمي المويه إليييييييييييين تقووول صصصصصصصصصصو..

بعدين تحط المويه على الكوب وتغمس اللبتون فوق تحت وبس وشويه سكر مع اضافه القليل من الليمون و إذا فيه نعناع..بس..[/ALIGN]

يادين النبي ..

انا قلت نوسا ماقلت شيري علميني كيف اسوي الشاهي .. |320|

يعني الانبراشات هذي ..

لا حتى جزمه مو لابسه .. الحين لو انا انصبت

ايش راح تسوين ليا ..

والا شي حتى المستشفى ماراح توديني ..

واذا تكرمتي عليا راح ترميني عند باب المستشفى ..

شيري ..

حسني لعبك والبسي جزمات وانتي تلعبي كوره ..

[/ALIGN]

[Nooosa]

كاتب الرسالة الأصلية : رغــد
مساء الإبداع يانوسا ..
إنت فنانة فعلاً ..
يعني بدايتك قوية بصراحه ..
لأني اللي أعرفه إن البنوتات أول مايبدؤا يسووا شي في المطبخ ..
يبدؤوا بالحلى !! لأنه أسهل شي .
بس إنت كسرتي القاعده وبدأتي بالأطباق الرئيسية .. " كبسة مرة وحده "
يم يمي ..
برافوا عليكِ ..
.
.

طبعاً الملاحظة الوحيدة كانت هي :
حطيتي حبة طماطم وحده ..
أنا أشوف إنها ماتكفي إذا كنت جالسة تطبخي لك ولعائلتك ... خصوصاً إنك طابختها على دجاجة كاملة .
عشان كذا زوديها شوية .. حبتين أو ثلاث .. لأن طعم الطماطم أفضل من الصلصة .... والصلصة هي اللي لازم تكون شوية . << خبرة

.
.
أشكرك نوسا على طبقك الرائع .
وإلى الأمام .. والمزيد من الأطباق .

أهلين رغـــد ..
مساء الورد ياورد ..
.
.
حقيقي يارغووده .. ردك أسعدني جدًا جدًا..
وبعدين
أنا شفت الكبسه أسهل شي تقريبًا وما كان فيه وقت كمان .. اتصرفدت صرفده محترمه
والبنوتات اللي يسووا حلى ترى ما في راسهم طبيخ ولا نفيخ صدقيني
.
ملاحظتك كانت في محلها ياحلوه .. بس الحمدلله ماما ماانتبهت للطماطم لأنهم رجعوا جيعانين
وأنا شفت لون الرز فاتح حطيت شوية صلصه
ماعليكِ ياست الحبايب .. ومنكم نستفيد
.
الله يخليكِ يارب يارغووده .. رفعتي من معنوياتي كتيير
وإن شاء الله .. إلى مزيد من الأطباق
بس أهم شي لا تحرمينا الطلات والخبرااات;)
.
.
دمتِ بخير وسعاده وراحة بال يارغد..