سؤال بخصوص الجداول

[محمد المحيا]

هلا شموسة... كويس اللي فتحتي الهرجة

بخيت.. أنا ما زلت عند كلامي اللي هو كلام كل خبراء تصميم المواقع (وانت واحد منهم)
ترا المسألة مو مستاهلة والا كان دقيت على بيل غيتس عشان أتأكد منه أكثر.. ;)

عموماً هذي قاعدة معروفة ومنطقية... لا يمكن لأحد في العالم يصمم جدول بحيث يظهر بنفس الشكل عند تغيير إعدادات الشاشة... المثال اللي انت سويته هذا مو جدول.. هذي مجرد خلية فارغة.. اكتب فيها بعض النصوص وشوف ايش يصير فيها لو تغيرت إعدادات الشاشة.. أو حتى غير حجم الشاشة أو نافذة المتصفح وشوف كيف يتلخبط شكل الخلية... فما بالك لما يصير جدول كامل!!!

وحتى لو سألت الأخ رضا والا ما رضا رح يقولك نفس الكلام هذا

شفتي شموسة كيف تراضينا؟

[بخيت]

ياتعبان تعال هنا

انا جربت المثال وحطيت كمان مثال مكتوب فيه في موقعي

المثال الي حطيته هنا فيه خلايا مش خليه وخلايا فارغه عشان تكتب فيها الشمس الي تبيه هي مش نسيان مني يابو بيل غيتس

بعدين ياحنفي نعيد ونكرر اذا تبي خليه ثابته قلنا من بدري هذا ممكن بالمقاس بالبكسل انا نفسي افهم انت من فين اخترعت ان السؤال نزلته الشمس على اساس خليه ثابته

لكن مع ذلك اعيد واقول سهل وممكن بالبكسل ممكن تثبت الجدول او خلاياه او كلاهما

لكن الامثله الي هنا ليتمدد الجدول مع المتصفح اذا كبر او صغر مع البقاء على نسب ثابته بين خلاياه ( يعني تبقى الخليه الصغيره صغيره والكبيره كبيره مع اختلاف دقة الشاشه )

يله تعال هات حبة خشم|320|

[الشمس]

مرحبا..

بمــــــــا أن ساعة الصفر حانت، وبمـــــا أن العمل الجد رح يبدأ من بكرة، صار لازم نحسم الموضوع |320|
عشان أعرف وش أسوي ولا أحوس الدنيا وأتعب نفسي، يكفي إن كل شغلي اللي فات راح هباءً منثورا حسبي الله على مين كان السبب<== رمز للاتكالية المفرطة

- الجداول رح أستخدمها.
- نسبة حجم الجدول للشاشة ودي تكون ثابتة مهما تغير العرض.
- مهم جدًا إن النصوص ومحتويات الخلايا تكون ثابتة وما تتغير أو تتشوه أو تتلخبط.

محمد يقول طريقة بخيت مارح تنجح لأن النصوص رح تتلخبط.
بخيت يقول جرب وما تلخبط شي.

بمعنى يا سادة ياكرام، يا أحسن ناس في العالم
خلونا نلخص الأفكار بعد هذا النقاش الممتع، صدقوني أحس أنه أنجح موضوع في هالدرة، مو لأنه موضوعي طبعًا ، لكن لأنه احتوى نقاش مثمر ( أقول لا يكثر )


في انتظاركم، وخليكم دايم قريب.. سنعوووود لنغثكم قريبًا |558|

[ناصر الأحمد]

بخيت

بغض النظر عن الجداول
لان مشكلتها محلوله مهما تغير دقه الشاشه
ومحمد يقول مستحيل يتغير حجم النص على حسب دقه الشاشه

حوسه بسيطه مادري لسه ماجربتها بس فكرت فيها بعد مااتحركت الدمجه

داله شرطيه
والشرط هو المتصفح
والطبع
حجم الخط


انتظرك يالشين


الشمس اتكلي على الله بحوستك وخليهم يتطاقون ونا كل فتره بجي اعفس معهم




تحياااتوووووووووووو

[بخيت]

محمد انا منتظر حبة الخشم

الشمس
صدقيني الكلام لو يكون على شيء واقعي راح يكون افضل واحلى وتشوفي شيء يسرك باذن الله .. انتي توكلي على الله وابدئي وخلينا نشوف وراح نقلك على المفيد ان شاء الله

ناصر انت الان دخلتنا في موضوع جديد وهو حجم الخط يالشين خلنا ننتهي من هذا الموضوع اول واوريك في محمد
كلام الشمس يوم تقول موضوع رائع ترى من جد اشوفه موضوع رائع وانا معاكم في موضوع من هالنوع نزل موضوع عن حجم الخط وراح اكون معاك هناك;)

بالنسبه لفكرة الداله الشرطيه هي حلوه فعلاً وموجوده من قبل كجافا سكربت لكن مشكلتها الوحيده والحقيقه انها مش مشكله بسيطه انه راح تظطر انك تعمل تصميمين او اكثر عشان الداله الشرطيه وهذا مثال :

[ALIGN=LEFT]
<SCRIPT language="JavaScript">
<!--
if ((screen.width>=1024) && (screen.height>=768))
{
 window.location="highres.html";
}
else
{
  window.location="lowres.html";
}
//-->
</SCRIPT>
[/ALIGN]

[محمد المحيا]

هلا بخيت

أول شي صدقني أنا أتمنى إن الشمس تسوي طريقتك عشان تقتنع من اللي رح يصير بعدين مو عشان المحيا اللي قال...

وما زلت عند كلامي ولن أرضخ ولن أستسلم.. فإما النصر وإما الشهادة

قال حبة خشم قال.. أحسن لك خذلك حبة بنادول مع كوب ليمون بالهيل والزعفران مع البدنقان

...


جعجع..

أفهم من كلامك إن بخيت قايللك إني قلت مستحيل يتغير حجم النص على حسب دقة الشاشة؟!!
وليه تتصل عليه طيب؟
شوف كلامي اللي فوق وتأكد بنفسك..


...


شموسة..

الله يعينك

أنا ما أبغى أعقد المسألة عليكِ.. لكن لو لقيتي فرصة استخدمي الـ CSS وبتريحك كثيييير من الجداول ومشاكل التنسيق عموماً بما فيها تثبيت حجم الخط.. وبالمرة بتريحك من بخيت وكلامه اللي لا يودي ولا يجيب

على العموم رح يستمر النقاش هنا إلى أن ينتهي الموقع بالسلامة.. ونحن جميعاً حاضرين

[ناصر الأحمد]

اهلين محمد

وليه اتصل عليه هو بكبره اجره مع اذانه


بالعكس يامحمد انا ماقلت كذا الا اني فاهم الي تقصده وعلى شان كذا اقترحت الداله الشرطيه

وعلى العموم مادري مثل ماقترح بخيت نزلت الموضوع مستقل بخصوص الخطوط وووين ماتبين اجيب عجرتي وجايك


تحياااتووووو

[بخيت]

هههههههههههه والله يامحمد اني اضحك من قلبي

شوف يا انك مو فاهم الموضوع تمام فانصحك ترجع لموضوع الشمس الرئيسي وتسيب الردود وتحاول تطبق الطريقه .

او انك فاهم وجالس تسحب فيني وانا على نياتي معاك جالس اتسحب

عموما يابوتحدي انا نفسي فعلا يكون فيه فعل يعني اتمنى الواحد اذا جا يقول شيء يحط مثال عشان نتناقش على شيء واضح .. وانا مازلت اقول فعلا انه CSS تعد افضل واكثر تحكماً بالمحتويات

انتظركم

[الشمس]

CSS .. CSS، وشوركم وهداية الله
هو احنا ورانا حاجة.. أصلا ماسهرني اليوم غيرها |320|..

[محمد المحيا]

بالتوفيق شموسة

CSS وبس
وإن شاء الله بتنحل كثير من العقد على يدينها..



قلت لك من البداية طريقة بخيت فاشلة

[بخيت]

اولاً اعذروني يا اخوان على رفع الموضوع ..

والله لضحكت من قلب اليوم وانا اعيد القراءة للموضوع ..

محمد المحيا .. أسالك بالله ان تسامحني اذا تجرأت بكلام في هذا الموضوع وزعلت انت منه او تضايقت مع اني ما اتوقع تكون زعلت لان قلبك كبير .. لكن سبحان الله يوم قرأت الموضوع الان حسيت اني أمون بزياده فالسموحه منك

الشمس الله يذكرك بالخير هههههههه ضاعت بين عنيد واعند منه .. على الله يكون الموقع خلص بس

نصري الله يسعدك اكيد انك الآن تغير حجم الجول والخط بكل بساطه في برامجك الجديده ( واحد يبي يقول ان ناصر مبرمج ومره وحده يقول للمحيا تراها تصير )

والله اني ادخل للدرر كثير وأتمتع باعادة القراءة لهالمواضيع لانها فعلا تحفز الواحد يشغل عقله ويبحث من جديد عن طرق جديده وتقنيات جديدة

اعتذر مره ثانيه لرفع الموضوع لكن حبيت تكون وقفه تقدير لوقتكم في هذا الموضوع.

تحياتي ..

[محمد المحيا]

هلا بخيت.. منور الليلة

وأنا أقول ايش فيه الرجال من أيام الموضوع هذا ما كلمني

يا عمي أزعل على إيه؟؟ أصلاً الجداول خلاص أصبحت من التاريخ

المهم بس إن الموقع يكون انعمل

ولا تغيب كثير..