ليـــــــــش ..؟

[رغــد]

[ALIGN=CENTER]

في أحد الأيام الممطرة كنت أنا وزوجي وأبنائي نلف بالشوارع بالسيارة طبعا
وشفنا حديقة أكل عليها الدهر وشرب ..
الأشجار حالتها حالة .. والأرض ممتلئة بأوراق الشجر ومحد يحن عليها ويكنسها|210|
وفيها كم لعبة أطفال .. والحديقة عموما غير صالحة للجلوس بس جلسنا فيها
ليش ؟
لأنها فاضية .. والواحد يقدر ياخذ راحته فيها .
ومرت الأيام .. واحنا صارت عاجبتنا هذه الحديقة وكل مرة نروح لها وحبيناها .
وبعد وقت صرنا نشوف سيارة أو سيارتين عند الحديقة حقتنا وناس وأطفال .
بعد وقت صرنا مستحيل نمر على حديقتنا نلقاها فاضية
مزحومه على طوووول
وبالأخير انحرمنا منها نهائياً .. الله يجازي اللي كان السبب

..

فكرت .. ليش دائماً السعوديين كذا ..
إذا أحد شاف شي وعجبه لازم الجميع يقلده .

إذا فتح محل خياط في شارع .. فتح سته أو سبعة جنبه .
وإذا فتح مطعم مشويات .. زي شهار عندنا .. امتلأ الحي كله مطاعم مشويات.
إذا كم عيلة سافرت ماليزيا .. تلقى العالم كلها رايحه لماليزيا .
أروح مطعم فاضي ويهش الذبان وبعد شوية ألقى السيارات جاية والعوايل داخله .
طلع جوال الكاميرا .. شفت الناس أغلبها تغير جوالاتها وتشتري جوال الكاميرا.
جبنا عامل يغسل سيارتنا .. صار يغسل سيارات كل أهل الحي .. واحنا ينظفها من برى عالماشي وماينظفها من الداخل
شكلهم أغروه أكثر وأخذوه مننا
..
لاخصوصية ولا إستقلاليه للناس
ليش ؟
.
.

رغــد[/ALIGN]

[المحروووم]

[ALIGN=CENTER]

عن جد ؟؟؟؟؟


ليشششششششششششششششششششششششششششش ششششششششش


اشتريت تي شيرت مكتوب عليه رقم كل العالم اشترت زيه ..

يعني عشاني مسكين ..

رغد ...

ليش منزله الموضوع هذا

تحياتي

<<< ماينفع بقرش في موضوع حق نقااااااااش [/ALIGN]

[عبدالله الكناني]

اهلين
اخت رغد


مثل ماني عارف إن كان صيني او هندي وا انقليزي او فرنسي ====(يقول إذا وجدت مشكله في مكان ففتش عن المراه)



رحتوا الحديقه وكشتم (لا تعني بالضرورة قشطه) الكشته = الرحله



وكل ماتعدا مره قالت لابو عيالها شفت الناس اللي تمشي حريمها كيف؟؟


ماهو مثلك تطلعنا بين الطعوس والرجال مسكين وده يرضيها يقول ابشري
كل يوم اطلعك هنا

ومحلات الخياطه تجي المره عند زوجها وتقول والله زوج صديقتي ذكي

فتح محل خياطه في الشارع الفلاني والزباين زي الرز ماهو قادر يلحق عليهم
يقوم يفتح محل خياطه فكل زاويه


ثم تجيه وتقول اخو زميلتي رجل اعمال وعنده مطعم مشويات في الحي طبعا

يقوم اخوها ويفك سلسلة مطاعم ===ماحدش احسن من حد


وتقول البنت لابوها ياحظ زميلاتي اهلهم بيروحون يصيفون في ماليزيا
والعام الماضي كانوا في تركيا جابوا حاجات تهبل معاهم
وحنا ماعندنا غير جده غير والطايف احلى

ماتدري والا ابوها جايب التذاكر وجوازات السفر
وووووينك يابلاد برا

بصراحه الله يعين الرجال مساكين

ولا سمعت عن حرمه تقول لزوجها شفت صديقتي فلانه زوجها تزوج عليها
تدري انه بيروح جري للخطابه




مشكوره
اخت رغد

مع وافر التقدير

[رغــد]

[ALIGN=CENTER]أهلا وسهلاً المحروم ..
صح فعلا ليش يشترو زيك ؟؟
ليش ؟
وليش برضو نشجع الأهلي زيك ؟
>> حاسة إنك فاهم الموضوع خطأ

عموما شكرا لحضورك .

.
.

رغــد[/ALIGN]

[رغــد]

[ALIGN=CENTER]


أهلا أهلا الطائر الشادي
كل هذا في قلبك على الحريم وساكت .|315|
أجل إحنا سبب للغثا والهم ؟
مسوي يعني إنكم مساكين .. وكل رجال يسمع كلام زوجته
اللي يمشيها لماليزيا وتركيا واللي يفتح لها مطعم ومحل خياطة وجوال
دنتوا مدلعينهم دلع محصلش
..

على فكرة
الغيرة ليست فقط في مجتمعات الحريم
بل حتى عند الرجال
يشوف صديقه شارك بالأسهم أو فتح محل أو اشترى سياره يقول خليني أسوي زيه .. عشان كذا الفورد مالي البلد
شووووووووكرن لحضورك الفعال
..

رغد[/ALIGN]

[إشراقة أمل]

[ALIGN=CENTER]صدقتي غاليتي رغد


لـــــــــــــيـــــــــــــش؟ !

بس هذا طبع أغلب الناس إذا موكلهم الحين.. ما يعجبه الشيء إلا إذا شافه في يد أحد ثاني..

ما صار عندنا عقول تحب إنها تبتكر مشاريعها الخاصة ..

صرنا نحب التقليد في أشياء كثيرة..

أشكر طرحك غاليتي..

دمت على خير وطاعة[/ALIGN]

[جف البحر]

السلام عليكم

يسعد عمرك رغد..

كلمتين بسيطه ..

الحسد والغيره..



مع حووووووووووبي،،

[BackShadow]

الله يرجك يا الطائر الشادي

قسم بالله اني جلست اضحك

من جد حلوة حكاية ان المره اللي تقول لزوجها ان زوج صديقتها اتزوج

الله لا يحرمك من الروقان يا شيخ ... تعال كل يوم الاستراحة



رغد ...
للاسف الشي هذا يسموه التقليد الاعمى
احنا عالم ما نعرف نفكر ... نخلي غيرنا يفكر ويتعب وبعدين نقلده على طول
اسهل شي عندنا هو سرقة الافكار



مع تحياتي

[الوجه الآخر]

[ALIGN=CENTER]سلامو يا رغد

ما اعتقد انو الشي دا بس في السعوديين
يعني العرب غالبا يحبو التقليد... يمكن المجتمع الخليجي أكثر ما ادري اقول يمكن...

بدءا من تقليدنا للغرب إلى تقليدنا لبعضنا البعض... كلو على العميان...
طبع فينا...

يمكن كحب للتغير والتقليد
يمكن زي ما يقول جف غيرة وحسد..
يمكن بس حب للتجربة إلى ان تصبح عادة...
يمكن احنا الحريم نكون السبب

المهم
يارب نكون مبتكرين لا مو قلدين


تحياتي القلبية
ودمتِ دون تقليد




تحياتي رغودة[/ALIGN]

[EDrara]

[ALIGN=CENTER]السلام عليكم

والله هذا الشئ لاحظته من كم سنة وأنا أقول أنزل موضوع عنه بس كنت خايف يقولوا هذا ضد الشعب العربي والاسلامي وإرهابي في النهاية;)

يا أختى
هذا شئ يجنن بصراحة خاصة وأن الناس تحب تتلقف بشكل يثير الغضب والحنق والغبن كذلك

مرة دخلت محل سمك وابغى أشترى سمك لأن عندي عزيمة وجاء واحد وراي وبدأ يطالع إيش أنا بأختار من انواع السمك ولما جننته سألني : يا اخي إيش أفضل (أو أطعم ماني فاكر) سمك في الموجود؟
قلت في نفسي أسوي نذاله وأعطيه شئ ما أحبه؟
لكن وبدون تردد أجبته هذا يعتمد على ما تحب وبدأت أشرح له (بالمختصر) الطعم لكل واحد <== لا تسألوني كيف أشرح الطعم بس أنا سويتها
وخليت الرجل يخرج بكم كيلو سمك من اللي نصحته به وحرمني من أخذ الكمية التي أبغي أشتريها من نوع السمك هذا<== قهر وسذاجة مني

أختى

الموضوع مهو حسد (قد يكون عند البعض لكن ليس الكل) لكن الموضوع الجهل بالشئ وحب الاستطلاع (اللقافة) والتعلم وهذا ليس بعيب

وكما قيل في المثل :
جنة بلا ناس ما تنداس[/ALIGN]

[أحمد السعيد]

رغد
لييييييييييييييييييييييش انتي (( لا... مو انتي انتو كلكم )) دائماً تنظرو للأمر من زاويه وحده بس ؟؟؟
انا رح اتكلم بس عن موضوع المحلاّت
لكن كل رجال وحرمته أحرار يمشيها والا مايمشيها بكيفهم
يشتريلها بلوزه سودا ومهببه وهي نفسها في بلوزه حمرا انا مالي صلاح
لكن بالنسبه للمحلات الوضع مختلف
اوكى
أولاً المساله ماهي مسالة حقد ولا حسد
خلونا نفكر من اتجاه ثاني
الحين لو الواحد او الوحده يبغى شي معين
وخلينا نقول مثلا مشتريات منزليه
لازم يروح سوبرماركت وتخيلو لو مافي الشارع هذا الا هذا السوبرماركت
فعشان ياخذ مثلا ملابس جاهزه لازم يروح لشارع ثاني
لكن لو كل مكان فيه اكثر من محل يعطو نفس الغرض واكثر من محل يعطو اغراض مختلفه رح نكسب حاجتين اساسيتين
الأولى هي أن الواحد يوفر في الوقت والفلوس وياخذ كل الي يبغاه من مكان واحد
والثاني ان عملية التناسب العكسي في عملية البيع والشراء غالبا ماتصب في مصلحة المستهلك
يعني اذا زاد العرض قل الطلب واذا قل العرض زاد الطلب

رغد

الظاهر انك تبغي تفتحي محل وكل مارحتي مكان لقيتيه مليان مشاريع من الي تفكري فيها عشان كذا جاكي احباط

<<<<<<<<< هذا الي شكله مو فاهم ولاحاجه في أي حاجه


أحمد

[EDrara]

[ALIGN=RIGHT]كلامك منطقي ونحن نعلم ذلك

لكن ألا ترى أن ذلك يسبب تخمة في العرض على حساب الطلب وبذلك يكون هناك إغراق في السوق غير مرتب له مما يسبب ضياع أموال في مشاريع خسرانه من قبل ما تبدأ؟[/ALIGN]

[أحمد السعيد]

أخي الكريم ادرارا

أحب أقولك شي مهم

أنا آخر إنسان في العالم كله ممكن يفهم في التجاره

أنا أفهم في الإستهلاك وبس

والي أعرفه تماما أن زيادة العرض في صالح المستهلك ويكون نتيجتها تنافس أصحاب المحلاّت في تقديم البضائع الأفضل أو الخدمات الأفضل ، وهذا الكلام أنا جالس أشوفه من واقع تنافسي موجود الآن وليس مجرد اعتباط .

أما مسألة مشاريع خسرانه أو كسبانه فهذي بيد الله عزّ وجلّ
ولو ماتعرف أحب أقولك أن عبدالله هاشم وكيل هوندا كان يبيع بليله
شويه شويه جمّع كم قرش وبدأ يتاجر
وفتح ربنا عليه اللهم لاحسد وشوف ايش صار الحين
مو المهم النوع المهم هو البداية والباقي على الله
(( الأمانة مفتاح الرزق ))
ورد في الأثر يا أخي الكريم أنّ (( تسعة أعشار الرزق في التجارة ))

و(( كلّ ميسّرٌ لما خُلق له ))


أحمد

[رغــد]

[ALIGN=CENTER]صباح الخير إشراقة أمل
أهلا وسهلا نورتي الموضوع ..
وليش احنا من دول العالم الثالث ... بسبب قلة تفكيرنا واعتمادنا على غيرنا .
كأن ربي ماخلق لنا عقول زي ماخلق لغيرنا ..
احنا لاهيين بالحياة .. والناس جالسة تبتكر وتتقدم .
شوووكرن لمرورك
.
رغد[/ALIGN]

[رغــد]

[ALIGN=CENTER]صباح الخير جف البحر ..
نورت .. أهلا بك
ممكن يكون الحسد ..
وممكن الغيرة ..
وممكن أشياء أخرى ...
هذا ليس كل شيء .!
شكرا لك
.
رغد[/ALIGN]