[ALIGN=CENTER]
الإهداء / لكل من له صلة بالخيانة
إضاءة /
المشكلة لاتكمن في التعبير عن الألم أو الضحك
المشكلة تكمن فيمن لا يملك سوى التمثيل فهو لا يفرق بين الضحك والبكاء .. لأنه بالأصح لا يمتلك مشاعر .. فمن العبث محاكاة هذا الشخص .. لا بشعرٍ أو خاطرة
ومع هذا يستمر الضحك وبصوت عالي
للتنفيس لا أكثر
.
.
ملل يستأذن الغرفه سكن بين المرايا زول
.........غصب يستبعدك لوّك من النسيان منسيّه
.
اقول :السالفه حافز قصايد مالقت مدلول
............صحيح يقابل الشاعر خيال يوافق النيّه !!
.
سؤالي افهميه اول وهاتي للسؤال حلول
............واذا كل القصايد حب تموت القافيه حيّه
.
قصص ياكثرها واجد سوالف بعضها مجهول
.......... مشيت ورايتي بيضا وقلت البنت مبليّه
.
تجي من سافرت ولا تطس وعذرها مقبول
.............هذاك اول / غبي / طيب/ أجرّب لدغة الحيّه
.
خيانه في خيانه لاخيانه منهوالمسئول ؟؟
...............أبلعن كل ضحكاتك وابطرد نية الجيّه
.
تعرفين الوفا هنيا أشيله واعرضه بالطول
.............والبسّك الطهاره طبع لا مقصود حنيّه
.
تعلمنا خلاص اللي مضى من كذبتك محمول
................ومثلك كذبها باليوم تجاوز بالعدد ميّه
.
ذكرتي همي الأول على كتفي معك منقول
.............. اناظر همك ودمعك أحسبه مخلصٍ ليّه
.
تعالي قبل لا أ مشي رفيقك هالغبي مسطول
............ لا شكله ولا الأسلوب يساعد لعنبو بيّه
.
علاقة خاينه باهبل تضحكني وابكتب لوول
.................نصيحه ما يناسبلك ولا للخاينه ديّه
.
يموّتك الوفا فيني وابارحل واتركك للحول
.................سنه ولا بعد أ كثر فلا ارجع وآخذ السيّه
.
تدلين الطريق اللي لفيتي له عسى ماقول
...........على برا واهين النفس إلا من هنت لي بنيّه
.
ومثلك دربٍ محرم ولا اعرف حكمة المعسول
................كلامي مثل أ فعالي ينور غلطتك ضيّه
.
واذا زدتي كلام اقسم وربي أجرح المعقول
................. بدال البيت والبيتين اخليهم سبع ميّه
[/ALIGN]
