فايروس الشيهانة

[محمد المحيا]

مرحبا شيهانة..

الصورة الأخيرة كشفت عن شخصية المجرم
وطلع من الموديلات الجديدة..

عندك فايروس اسمه W32/MyWife.a@MM
هذا الاسم اللي تستخدمه المكافي
والنورتون يسميه W32.Blackmal@mm
وبعض الشركات الأخرى لها أسماء غير بس هو نفس الفايروس..
وجميع الأوصاف اللي ذكرتيها تنطبق عليه..

الفايروس بدأ عندك لما ظهرت الرسالة هذي:

[ALIGN=CENTER][/ALIGN]

ولخبطلك الويندوز والريجستري وأرسل الميلات هذيك كلها...

خطوات إزالة الفايروس:

1. نزلي ملف تحديث المكافي الجديد من اللنك هذا:
http://a64.g.akamai.net/7/64/2015/20...l/sdat4350.exe

2. لازم تعطلي ميزة استعادة النظام System Restore لأنك لو ما عطلتيها ما رح يقدر المكافي يحذف الفايروس من ملفات استعادة النظام.. عموماً هي كلها خطوتين وما فيها أي خطورة حتى لو غلطتي فيها...
هذي هي الخطوات:
أ. اضغطي بالماوس اليمين على My Computer وبعدين Properties
ب. روحي لقسم System Restore
ج. حطي علامة صح قدام الخيار 'Turn off System Restore'
د. اضغطي OK ورح يطلب منك إعادة تشغيل الكمبيوتر برضه OK
بس كذا

3. بعد ما يشتغل الكمبيوتر من جديد يستحسن إنك تعيدي تثبيت المكافي مرة ثانية لأنه يمكن يكون الفايروس حذف بعض ملفات البرنامج.

4. سوي تحديث للمكافي بتشغيل الملف اللي نزلتيه قبل شوي من الموقع.

5. بعد اكتمال التحديث سوي فحص كامل للجهاز Full Scan وإن شاء الله رح يكتشف ملفات الفايروس وينظف الجهاز من آثار الفايروس..

6. رجعي ميزة استعادة النظام بالخطوات هذي:
أ. اضغطي بالماوس اليمين على My Computer وبعدين Properties
ب. روحي لقسم System Restore
ج. شيلي علامة الصح من قدام الخيار 'Turn off System Restore'
د. اضغطي OK ورح يطلب منك إعادة تشغيل الكمبيوتر برضه OK


إن شاء الله بعد كذا رح يكون جهازك سليم وخالي من الفايروسات...

تحياتي

محمد

[الشيهانة]

لا قول كلام غير دا ؟
بس الميلات صارت قليل جدا ما تنرسل او تطلع لي الواجهه الزرقاء لارسال الميلات

طيب انا سويت الي قلت عليه والبرنامج الي يكشف الفيروسات وما اختفت كاميرات الميديا

وهذا نتيجة السكان..

[محمد المحيا]

أهلييييين شيهانة...

انتي ايش سويتي؟؟

إنتي سويتي الخطوات اللي في ردي اللي قبل الأخير... اللي هو البرنامج Stinger
بس هذا البرنامج ما يكتشف الفايروس اللي عندك...

انسي كل الردود الأولة وسوي الخطوات اللي في ردي الأخير بس

معليش لخبطتك شوي.. بس خلاص قربنا نوصل...

تحياتي

[الشيهانة]

صباح الخيرات محمد ..

انا طبقت اخر رد .. لك يوم جيت احدث المكافي طلعت لي هاللوحة المرفقة ..

يعني ماينفع ازيل المكافي مرة وحدة .. واسوي داون لود جديد ؟

والتثبيت الي قصدته بردك .. لازم يكون متصل بالنت.. ينفع وانا معطلة النظام ؟

حبة حبة علي ياعلام ..

طب ينفع ارفق لك رسالة الخلل الي تطلع لي لما انهي عمل الميديا بلير

انا عندي احساس انهم سبب هالحوسة كلها ولا هو فايروس ولا فيروز

[محمد المحيا]

أهلين شيهانة..

الرسالة هذي الأخيرة معناها إنه التحديث ما لقى برنامج المكافي في جهازك!!

أوكيه.. احذفي المكافي من جهازك وارجعي سويله Install من جديد وبعدين سويله التحديث الأخير اللي نزلتيه من الموقع..

مو لازم تكوني متصلة بالنت وقت التثبيت Install ولا وقت التحديث ولا وقت الفحص..

وكمان ارسلي رسالة الخلل اللي تقولي عليها يمكن تفيدنا..

بس انا متأكد إنه فايروس متلبس بالجهاز ولازم يطلع يعني لازم يطلع

[الشيهانة]

صباح النور والسرور ..

الموضوع اني جيت احذف المكافي من اضافة وازالة طلع شيء يقولي روحي لمكافي سيكورتي سنتر
وقعدت احوس على شيء يحذف البرنامج من هناك مالقيت

انا عارفة اني منيلة الدنيا

اللوحة الي كانت تطلع لي لما انهي الميديا وتسالني اذا كنت ارسل تقرير او لا ترسل
كانت تقول على مافهمت خطا في hh exe
للاسف ماتطلع لي كل مرة انهي البرنامج ولا كنت ارفقتها هنا..

غيثني وقولي من اي حته احذف المكافي ؟
ادري تعبت معي بس شكلي بشتري مخدة وغطاء للفيروس واقوله تسدح لين تمل من الجهاز

[محمد المحيا]

مساء الخير...

أول شي لما تروحي إضافة/إزالة البرامج تحذفي برنامج اسمه McAfee SecurityCenter
وبعد ما ينحذف احذفي McAfee VirusScan

وواصلي العمل

[الشيهانة]

يامحمد أساسا ما في قائمة الاضافة والازالة غير McAfee SecurityCenter
وبرضك مش راضي ينحذف

[مرسال]

يابنتي لأجل الله...لأجل الله

الشيهانة

أرحمي الآدمي

خذي جهازك لأقرب محل كمبيوتر وصلحيه

المسألة كلها100ريال فرمته وأنتهينا

ليش التعذيب ذا

أدري بتقولي أيش دخلك

وأقول لك ملقوف وقطع قلبي أبو عبدالله

أنقطعت عن المنتدى فترة وأرجع والموضوع لسا مانتهى

عموما ماراح أرجع للمنتدى الا لما يشوفوا حل بالموضوع هذا

[محمد المحيا]

طيب سوي Install للمكافي من جديد بدون إزالة ولا شي..

يعني كأنه مش موجود...

[الشيهانة]

مرسال ............
أنت من وين طلعت ؟

فيروسي وانا حره فيه
اتعامل معه بالطريقة التي تروق لي
ماابي افرمت افهمهااااااااااااااااااااااااا ااااااااااا
انت ماتدري كيف انا تعبانة عليه
لو اقولك عليه ..
فيه برنامج قعدت اكثر من سنتين وانا احاول فيه
لين ضبط .........بعد ماغلبني وغلب المبرمجين الشرقاويين كلهم


وبعدين المشرفين في خدمة الدررين لما تصير مشرف ماراح اطلب منك

[الشيهانة]

محمد .....
شوف مرسال ...... ترى اذا تعبتك قول والله خلاص اصرف تظر عن الفيروس

عطني لينك المكافي اذا تكرمت <------------ عناد فيك مرسال

[محمد المحيا]

تفضلي شيهانة..

هذا الرابط:

http://ftp.anadolu.edu.tr/Antivirus/Mcafee/vsp701len.exe

<<>><<>>

أهلين مرسال...

نورتنا بوجودك (مجاملة ضرورية هنا) ;)

الله يرحم أيام الفلاش
تتذكر لما قعدت أسبوعين وأنا أعلمك كيف تفرق بين سائل الفلاش وملفات الفلاش؟؟ وضيعت علينا أسبوعين عشان ما تدفع خمسة ريال بس

تحياتي (هنا نعدل الطاقية)

محمد المحيا

[الشيهانة]

صباح الخير يامحمد ....


ايه عندك اياه طلع ماظهر منه وما بطن ..

اثريك منت سهل يامرسال اسبوعين وانت تتعلم

حصن نفسك من العين

[الشيهانة]

Dear User ,

This is A very High Resk Virus Alert.

This email is sent to you because one or some of your friends has been infected
with The W32.BlackWorm.A@mm Virus.
And you could be infected too.This Virus has the ability to damage the hard disk.
This Virus infects computers using many new ways :

1- it arrives as an email attachment inside of jpg pictures.
2- it infects the ip address without the victim's knowledge.
3- it infects Microsoft Word Documents using a new exploit in hex (00fxf0xf10x).


Notes:
• Symantec Consumer products that support Worm Blocking functionality automatically detect this threat as it attempts to spread.
• Symantec Security Response has attached a removal tool to clean and prevent the infections of W32.BlackWorm.A@mm.


وترجمتها ..

المستخدم العزيز,
هذا فيروس ريسك عالي جدًّا إنذار . هذا البريد الإلكترونيّ يُرْسَل إليك لأنّ واحد أو بعض من أصدقاءك قد أُعْدِيَ بW32 .بلاكوورم .فيروس A@mm .و أنت يمكن أن تُعْدَى أيضًا
.لدى هذا الفيروس قدرة لإتلاف القرص الصّلب .يعدي هذا الفيروس الكومبيوترات باستخدام طرق جديدة كثيرة :
1-يصل كداخل علّاقة بريد إلكترونيّ لصور جبج
.2- يعدي عنوان الإنترنت بدون الضّحيّة



مافهمت ..
1-يصل كداخل علّاقة بريد إلكترونيّ لصور جبج
.2- يعدي عنوان الإنترنت بدون الضّحيّة