مساكم الله بالخير
هذه الأيام الجو عندنا بالمدينة جو --(طلعات) للبر ، ودك تشرد من المدرسة ومعك جيب ، وتضرب الصحاري حتى ماتشوف نور (لمبة) ولا المباني ، وتمشى مع الأمطار والسيول والربيع ومع ربع يونسون الخاطر بزين سوالفهم وحشمتهم لخويهم ، مثل ماتمنى الشاعر الكبير بدر الحويفي الحربي:
(بديار جعل اشجارها ما تجفي
تعلها غر المزون المراديف
في رفقة اللي نارهم ما تطفي
على الشرف والجود ربع مواليف
مجلاس طلقين الشوارب ابصفي
على الدلال اللي بهن ساخن الكيف
خويهم ما وجس كلام يحفي
غير المزوح الطيبه والسواليف
عقال وزن عقولهم ما يخفي
ولاهم على الفاظي خفاف وملاقيف).
=
المهم ..هاذي أمنيات البدو ، اسمعو الشاعر حميد ين موسى الحربي وأمنيته
(قالوا تمنى قلت: مزن به بروق
وبر وذود ولا تشوف المباني!
لا جاء العصر والمزن هتان ويسوق
والماء تشوفه حاير بالمثاني!)
=
وهذا شاعر بدوي يخبرنا بالشيء الذي يفرحة ويسعده
تخيلوا ماهو
0
00
0
يقول(أفرح بشوف البر لو هو عجاجي
فرحة سجين بشروه بخروجي!
لقيت في جو الطبيعة علاجي
يا عاذلي في البر خل الهروجي!).
=
أما بدر الحويفي فينشد ويقول
(أنا غرامي مع فجوج الصحاري
وشوف الرجوم النايفات المطلة!
لا شفت بالريضان نقع وخباري
راح الزعل والبسط حل بمحله!)
هذه دعوة من الجبل للسياحة الصحراوية.
متمنياً لكم رحلة سعيدة .
=
الجبل
[/ALIGN]
