[align=center]
مساء الخير والورد
رجعنا بموضوع حلو يا حلوين
بينما كنت اتفرج ع التلفزيون .... كانو يتكلموا عن الفلكلور العراقي
وجابوا موال يقول (ليش ليش يا جاره ..ماتردين الزياره... زعلانه انتي علينا ؟؟)
فأنا استغربت بالحقيقه ؟؟
يعني لازم الواحد يرد الزياره ؟؟؟؟؟
طيب ...
انا صاحبتي زارتني .. وماقدرت ازورها
راحت البنت تقول ما اجيكي مره تانيه الا لما تجيني
****************
ليه طيب الوضع ماشي كدا ؟؟؟
طيب لو زارك شخص مره
هل يعني دا الشي انك لازم عليك ترد الزياره
؟؟؟؟؟؟؟؟؟؟؟
قبل فتره .. بالاختبارات ... جات جارتنا جايبه قهوتها العصريه
والله فرحت من قلبي ... صحيح احنا مازرناها لكن هيا واصلتنا وتزورنا
مو شرط ننتظر رد الزياره عشان تستمر العلاقات
****************
وبنفس الوقت الواحد ما يحب الارتباط
دحين لما يجونا ضيوف ... بابا يخليهم على راحتهم وما يلزم عليهم يتعشوا
ماما تزعل من بابا تقول ما اصر ع الناس ولا عزمهم ع العشا
لكل واحد وجهة نظر .. بابا شايف انو بكدا مخلي الضيف على راحتو والبيت بيتو
حب يتعشى الله يحييه
ماحب خلاص
وماما تقول لااا . لازم تصر وتحلف عليه
اشياء كتير تحكم علاقاتنا
والنفسيات تختلف
اش رأيكم بالموضوع؟؟
هل انتو من النوع اللي يرد الزياره ؟؟
واذا زرتوا احد تتوقعوا وتطالبوه برد الزياره ؟؟؟
واذا مارد الزياره تزعلوا ؟؟؟
واذا جاكم ضيف .. كيف تتعاملوا معاه
******************
يلا فكوووها بقاااااااااااا
واتكلموا وافصحوا عن مكنونات انفسكم
ربي يسعدكم
^_^[/align]