انا وبنت العم ..بين شد وجزم

[هدهد6666]

[align=center]بسم الله الرحمن الرحيم

السلام عليكم ورحمة الله وبركاته

هذي كتابات من بنت عمي لي انا "هدهد" ..قبل مدة ليست ببعيدة ..

والان بعد ان اقتربت ساعة الصفر .. بحكي لكم عن بنت العم


وحدة عشقتني سنوات في صمت ..
وانا ماادري عنها ولا في بالي فكرت ..
بعدها حبت تقول بالصوت انا هنا يابن العم ان كنت مهتم ..
طبعا على طوول قلت لها لو عندي علم تقدمت ..
لو فكرت او ملت على بابكم اقبلت ..
جات في وقت عندي بدل الفكر افكار ومهتم ..
ولا على بالي بنت خال او بنت عم ..
عبرت بالفهم عن حبها وفهمت وما افهمت ..
وتشجعت بعد مدة وبالصوت العالي قالتها صريحة
حلمي اني اكون طول العمر معاك انت ..
تهربت يمين ويسار ولا لنت ..
وهي من زينها وفي جمالها غطت على كل بنت ..
وبين شد وجزم ..
مره اكون معاها ومره اقولها انت بنت العم..
قالت انا مثلي مثل اي بنت..
كرهت اني بالدم بك ارتبطت ..
وقررت اني اتقدم وفي داخلي كتمت ..
قاومت كل اهلها ومعاي استمرت ..
وانا اظهر لها الجفا وفي داخلي اقول يارب ..
جات في يوم بعد ان مل الصبر منها ومل ..
قالت اليوم تقدم فلان ابن الحي ..
والناس تمدح وتقول ماعابه شي ..
انا لك وحدك ولا ابغى الا انت ..
قرر الان او راح تندم ..
ومسكت ركني السلبي ولا قررت ..
وقلت انا الحين مسافر واذا رجعت اكون فكرت ..
قالت مافي فرصة ثانية بعد اليوم خلاص انا عزمت ..
لي ثلاث سنين ما اعرف من الحب الا انت ..
يا تقرر الان او تقول ياااااه كنت وماكنت ..
وسافرت ..
ورجعت وقالت تمت الشوفه وانا ارتحت و وافقت ..
رضيت بقسمة ربي وعن حبك تبت ..
لكن احسها للان في قلبي وقلبها ينبض ..
تقول كل حبي لك اصبح له..
دعيت من قلبي ولها امنت ..
ربي يسعدها وين ماكانت و كنت ..
هذي قصتها باختصار وبعد يومين كتب اكتابها يتم ..


هدهد بعد طــــول صمت


هذي قصائد من بنت العم ..
يوم كانت فيني تهتم ..
تقول بعض من بوحها ومن عذب كلامها أنهم
اثقل واتغلى وعلى بالها مش مهتم ..
ومن داخلي اهمهم ااممم اممم ..
راحت وانا اقول بكره اليوم اتقدم ..
القلب بارد و الفكر حاير وبطول الامل اسهب ..
كبرياء و حب و عناد ومشاعر من هنا وهناك ..
كلها في قلم بنت العم ..
بعرضها عليك من غير تعديل او حذف ..[/align]




[align=center]هدهد 10/11/2007 [/align]

[هدهد6666]

[align=center]بنت العم تبوح (1)

مطول الغيبات جاب الغنايم

وعندي لك كلام يصحي النايم

اثاريك بالدنيا ضايع وهايم

وعن الملام والكلام صايم

لاابشرك الليله الجو غايم

والجاي اكثر من كل الغنايم

وماجيت لجل اعتذر واسوي عزايم [/align]

يتبع

[هدهد6666]

[align=center]بوحـــها (2)

بس قم وطالع حواليك

اصح من غفلتك وناظر بعينيك

كنت أبي اعتذر بس ماني بلاقيك

وتصرفاتك وكبريائك هذا بيعميك

ماشجعتني أقول آسف واغليك

بس غيرت كل الي في قلبي عليك[/align]

يتبـع

[هدهد6666]

[align=center]بوحها (3)

داخله على الله ثم على عذالك

لجل اشتكي من مر افعالك

واتشفى فيك يوم أشوفك لحالك

ماسمعت منك خير ويا سوء فالك

وبآخذ بثاري حتى من عيالك

وأخليك تعيش بجوف خيالك[/align]

[الساحره]

[align=center]جميل ياهدهد


بس لا تكون عن جد>>>كشفنااااك


انتظر البقية..فلا تحرمنا جديدك


يعطيك العافية


تحياتي السحرية...ودمت,,, [/align]

[((كــــــــادي))]

هلا // هدهد


ما كتبت يتبع على الأخيرة ...

يعني كذا خلاص!!

ترى انا من امس متابعة

[هدهد6666]

[align=center]ساحرتنا الميمونة

بس لا تكون عن جد

نعم من الواقع القريب وليس ببعيد

وانا الان ارد..تخيلي

.. وهي مجموعة من الخواطر والقصائد راح اعرضها على حلقات من كتابات بنت العم في فترة من الفترات ..

انتظر البقية..فلا تحرمنا جديدك

مو جديد ولكن هو من راسائلها لي ..اللي عندي قلته ومااعتقد يطلع جديد



عساك عالقوة ياابله [/align]

[هدهد6666]

[align=center]الكـــــــــــــــــــــــادي

ما كتبت يتبع على الأخيرة ...

يعني كذا خلاص!!

تسلمي يا اميرة .. ولكن خواطرها كثيرة وانا انزلها بتدريج ..

وشعرت ان يتبع تسبب عائق وامتنعت عن كتابتها

يسلم حضورك ومتابعتك [/align]

[((كــــــــادي))]

هدهد ...


بالعكس ...

يتبع تسبب حافز مو عائق

لأنك كذا بتشدنا اكثر للمتابعة معك

[هدهد6666]

[align=center]بوحهــــــــــــا(4)

هذي أمانه بوصلها * لجل امشي بسلام

خلاص كافي أزودها * ماعاد بالخاطر كلام

هذي رسالتي افهمها * وماني جيه لملام

هي كلمة اسمعها * ولاتكون من الظلام

هقوتي تفهمها* لأنك بظني من العلام

خساره تضيعها * وهي بحموها ماتنلام

بس لاتعاودها * ويكفي كلام الأحلام

خذها من قاصرها * ولا عاد أشوفك بعد السلام[/align]


يتبع

[أبو مصعب السكندرى]

خذها من قاصرها * ولا عاد أشوفك بعد السلام

[هدهد6666]

[align=center]

خذها من قاصرها * ولا عاد أشوفك بعد السلام

هههههه ..يعني اقلب وجهي ..

ماكو اي تعليق طيب [/align]

[هدهد6666]

[align=center]بوحها (5)

يامراحب


الرد يبرق يوم جا كنه سحايب

يامرحبا تراحيب المطر بالحاضر الغايب

أسفرت وانورت واستهلت وأمطرت بقدوم الشايب

يازين شوفتك ويا زين ذوقك الزايد

لهفتي اعرف ردك وقلبي الرايد

بس أخاف أنصدم من فرحي الزايد !!!![/align]

[هدهد6666]

[align=center]


راح اســـــــــــــكت

العذر والسموحه طال عمرك ما قصدت

ماعاد فيني اسمع أكثر ولو عن غيرك ماسمعت

الرب واحد هو الحكم وأنا من بين الخلايق جهلت

لاخوف لو ظلمتك الخوف لاخاب ظني وانكسرت

اسكت طبعا راح اسكت السكوت من ذهب لكن بعمري ما سكت

وما ينفع الصوت لافات الفوت وقدام العواذيل انهزمت

ماانحسد وانا بين نارين صامده وقفت

لكن أبحتكم لأحكم الحاكمين وأتنحى بجنب وأسوى نفسي ما سمعت

إلي في داخلي اكبر من كل الهوايل وما عرفت

بس هذي المره أنا لعقلي رجعت

صحيت من غفلتي وسكت وعرفت إني لغيرك ماضعفت

ولولا معزتك عندي كان أمداك من الماسنجر انحذفت

بس ماتهون عليا شوفتك في سلة المهملات اتركنت

ماعاد لي مكان بعد ما عرفت إني بقلبك ما سكنت

أبشد الرحال و وين ماقالولي ارتحلت

ضاقت الدنيا علي وما صبرت

بعيش حياتي كني لاشفت ولا سمعت

ويكفي ما جا منك وما عرفت

وصدقني مانضمت قصيدي لجل تقول عني أحسنت وبرعت!!!![/align]

يتبع

[((كــــــــادي))]

[align=center]هلا // هدهد


معليش ... ابغى افهم

موالحين في بوحها رقم 4 قالت :خذها من قاصرها * ولا عاد أشوفك بعد السلام
طيب كان المفروض تكتب بوحك انت بعد كذا

لاأنها رجعت ورحبت فيك في بوحها رقم 5 وقالت :

الرد يبرق يوم جا كنه سحايب

يامرحبا تراحيب المطر بالحاضر الغايب

وهنا : أسفرت وانورت واستهلت وأمطرت بقدوم الشايب

و بعدين مين المقصود بالشايب ؟؟

عساه مو انت [/align]