.
.
.
الســــلام عليكم ..
مرحبــــا بالجميع ..
الموضوع ومافيه ..
إني من زمــــــــــــــــــــــان قبل أكثر من أربعه شهور ( يمكن )..
قعدت أتمشى بين خواص ومميزات المنتدى الجديدة ..
إلا ... وأشوف .. عضوية المجموعة .. وقلت خليني أسجل وأكتشف ..
المهم .. طلعت عندي .. مجموعتين وحده رئيسية والتانية خاصة ..
الرئيسية كلنا مسجلين فيها وما نقدر نطلع منها ..
أما الخــاصة فإسمها مجموعة الأســـود .. واتحمست بصراحة من اسمها ..
.
.
سجلت .. وخصوصًا إني مالقيت فيها ولا أحد .. وقلت خليني أكتشف ..
[blink]فـجــأةً[/blink] .. جاني ..( تهانينا لقد أصبحت عضوًا في مجموعة أعضاء الأسود )..
ياااهووو .. فرحت مره ..
وجيت أبغى أطلع من المجموعة الرئيسية .. عشان خلاص استقليت واستقريت ..
[blink]فجــأةً[/blink] قاللي ..( لا يمكن مغادرة مجموعة رئيسية )..
بيني وبينكم خايفة بالمرة .. بس أهوو نكمل ..
ياهووو طب مابدي .. خلاااص ..
[blink]فجـــأةً[/blink] قاالي ..( المجموعة الرئيسية المعروضة لك هي الأسود "مجموعة تجارب" )..
المهــم .. لا زلت فرحانة بالإنجاز دا .. ولفيت على أغلب لفات الأعضاء مالقيت ولا واحد منهم مسجل في مجموعة ..
بعديــن .. رحت لموضوع أنكل .. تبع خواص ومميزات جديدة في المنتدى الـ 2
لقيته في نهاية الموضوع التاني .. يقول للملكة بإذن الله إن راح يشرح عضوية المجموعة في الجزء التااالت ..
.
.
لا زالت .. فرحتي عارمة .. إلى أن أفاجأ اليوم .. وأنا أشاهد ملف مشرفنا ثامـر
أنه رئيس مجموعة الأســــود ..
خيــــــــــــــــــــر .. أنا إللي اكتشفتها أووول
وبعديـــن إشمعنى ثامر .. وإشمعنى دحين .. طب أعطونا خبر .. طب عبرونا ياهو
ولا كأني كنت أول عضوة في مجموعة الأســود .. أفــــاااا ياذا العلم
.
.
و[blink]فجـــأةً[/blink] ..
قلت خليني أسوي حركة .. وأزعل وأطلع من المجموعة
طلعت .. جيت أبغى أرجع تانــــي ..
قالللي .. لازم أسجل طلب وأرفعه
ولازم حضرة رئيس المجموعة يصدق الطلب من عنده
وهادي الرسالة بالضبط ..( الطلبات للإنظمام يجب أن يصدق من مشرف المجموعة )..
أكيــد بخيت اللي كاتبها لأنه كاتب الضاد ظاء
حسيت نفسي بأنفجر .. وكتبت الرسالة دي عفوية .. في الطلب
..( سبب الطلب: مالي صلاح أنا أول وحده في الدرر أسجل في مجموعات من قبل مايكون في مشرف على مجموعة الأسود .. بعدين سويت حركة بايخة وطلعت بالغلط .. رجعووني مو لازم تصديق تقديرًا لأني جيت قبل المشرف بليــــز )..
.
.
.
والآن .. أرفع طلبي .. إلى حضرات المسؤلين والنواب ..
آملة منكم الكـــرم
.
.
..( عضوة في مجموعة الأسود سابقًا )..
نوسا..