حملة تبرع للمجد برهان .. !

[المجد برهان...]

صباح الخير للذي يقرأ هذا الموضوع في الصباح ..

و مساء الخير للذي يقرأه في المساء ..

قالَ اللهُ تعالى في مُحكم كتابه الكريم : ((و أقيموا الصلاة و آتوا الزکاة و ما تقدِّموا لأنفسکم من خير تجدوه عند الله انّ الله بما تعملون بصير )).

و نعمَ بالله ..
.
.

الأخوة الأفاضل أعضاء الدرر ..
الأخوات الأفاضل (( ماعندي شي اسمه ليديز فيرست لا حبيبي هذاك أول)) ...

السلام عليكم و رحمةُ الله و بركاته ..


أناشدكم بالله أن تتبرعوا لهذا الفقير ((المجد برهان...)) بالثلاث نقط ، فهو في حاجَةٍ ماسَّة لتبرعاتكم و مساعدتكم .. فما يمرُّ به من أمر يُقطِّعُ أوصالَ حياتِهِ إرباً إرباً .. و يسلِبهُ صباه و عنفوانَ شبابه ..

إن مِحـنتي العظيمة لا عالِمَ لها سوى الله ، و لا أدري مِن أين أبدأ أو من أي الجوانِب أشكو وَجعي الذي يُلازِمني في هذه الأونة ..
و منذ إطلال هذا العام المنشكح في صومعةِ الحظ التعيس ..

ألا إني ألتمِسُ المساعدة من كَرمكم و جودكم ..
و كُلِّي علم .. بأنكم لن تبخلوا على من مدَّ لكم يداً محتاجة ، و طلبَ منكم مساعدة مادية ..

الرجاء من المتبرعين إرسال تبرعاتهم على رقم الحساب التالي ..

(محمد العلوي) المجد برهان...
رقم الحساب:
المشاركات: 178

عدد النقاط: 250 قوة الترشيح: 6

و بهذه المشاركة سيصبح رصيدي 179 ..

و كل رد منكم عبارة عن مشاركة لي ، يعني اللي يبيني أرد يرد هني ...
أدري محد بيعبرني
مو أنا عارف الشغلة

عابدة يا ام 11000 ، فرحانة فيها و حاطتها في توقيعك ..
عطيني 200 و بدبر العشرين أنا جان أ قدر أكتب لي كلمتين في هالشريط المنيل بستين نيلة ..
عيل تسوى علي أبو فهد الصبح اليوم يتطنز و يتشمت ...
و يجيك الضيف الفلاني و يقرأ و يتشمت ..
و الضيفة الفلانية تقرأ و تضحك
و أنا الفقير بهمي ..
حرام مو زين جذي ترى ...
تبرعوا لي ما أقدر أنام الليل ..
و ما أقدر أشارك ..
و انا بيني و بينكم مُصاب في ركبتي ما أقدر أشارك وايد ...
سووا لي واسطة
بعزمكم كلكم في البحرين على عشا في مطعم كشمير <=== هذا مطعم هنود لكن معتبر .. أضمن لك تاكل منه ، ما تفارق التواليت قبل ساعة .. ضمان 100%

أبو فهد ..
أدري انك بتحذف هالموضوع ...
لكن اذا حذفته الله عليك ..
بتصيدك حوبتي

[ابوفهد]

[align=center]

هلا بالغالي مجد
يسعد الله أيامكم بالخيرات

لا حول ولا قوة إلا بالله العلى العظيم

أخر الزمان المجد برهان يقف عند باب الدرر يطلب العون ؟

فعلا صدقت عندما طرحت موضوعكم

كل شي وارد هالايام !

لقد حققت هذه المقولة بحذافيرها يا مجد

بسم الله وعلى بركة الله أفتتح هذه الحملة بتبرعي لكم

بعدد عشرون مشاركة مجانية

سوف تضاف لمشاركاتكم في نهاية الحملة

يالله يا أهل الدرر شاركوا حبيبنا المجد ولا تبخلوا عليه

ترى مشاركاته عديدة لكنها في درة التجارب ولا تحسب المشاركات هناك

والرجل فعلا يستاهل من يقف معه

دمتم بخير [/align]

[المجد برهان...]

اي اي اسمعوا كلام المِعَلِّم بأى (بقى) ..

مش ممكن اللي بيحصل ده ..
ده أنا نِشِف دمي و أنا آعد (قاعد) ..
أحاول أشارك بس ماعرف ، نسيت شلون يشاركون في المواضيع
صادتني حمى لا اترد إلا على موضوعك
الله يشفيني ..

بس أبو فهد بقول لك ..
شهالكلام .. شلون انت راعي المنتدى بكبره ، تعطيني 20 مشاركة
و لا .. آخر الحملة .. ؟!
اشهالبخل اللي ما توقعته منك :p ((الله يساعد أم فهد عليك ، شكلك ما توديها السوق)) (أمزح ترى لا تعصب ما فينا شدة))
انت أضعف الإيمان تعطيني 500 مشاركة :o


ايييه يا بو فهد .. شفت الزمن اشلون ..
مو أنا قايل لك .. "كل شي وارد هالأيام"

قالها المثل ..
ارحموا عزيز قومٍ ذل

ترى عشت الدور يا جماعة ..
أحس روحي لابس ثوب امشقق و قاعد بعكاز على باب مسجد :s
و واحد يطوف يعطيني ربية (ريال) و واحد يطوف يقول الله يعطيك

اتصدق في البحرين عندنا ظاهرة متسولين غريبة !
يعني يجيك عند المسجد في وقت الصلاة ..
و ثوب امشقق .. و حالته حالة
و ماد يده .. و يقول يا كريم
الناس طبعاً إنما الأعمال بالنيات ، يتصدقون ..

شوي إلا قايم لك هالفقير ، و امطلع الجوال من جيب الثوب المتشقق ..
و متصل .. هذا آخر شي يعني ..
و ذاك اليوم شفت واحد بعكازه عند المسجد ..
عقب اسبوع شفته في السيف مع زوجته أو خطيبته أو اخته أو أي شي
كاشخ و متعطر و رايح السينما و شكله كان متعشي زين يعني ..
ترى انا ما قلت شي يعني هذا شوف عيني .. ما كنت أراقب و لا شي :p
.
.

يعني في وقائع مريرة هالأيام ..
و سوالف وايد ..

[Petals]

قراية عالسريع


<<الأخوات الأفاضل (( ماعندي شي اسمه ليديز فيرست لا حبيبي هذاك أول)) ...>>



وتبغى عبودة تعطيك



ابدأ بالكبير أوي



على العموم لقائنا حيكون في مكان آخر...ومو شرط ترد

[رحاب]

دنيه كشرة(كلمة يقولها السواق الهندي دائما تبع الباص)

تعرف لو أنا مديرة منتدى ....كان خليت لنصوصــــــك مقياس خاص ...

كل نص شعري يــعادل 100 رد

وكــــل رد على نصوصك بقيمة 50 رد تضاف لك(العمدة شكله راح يخليني أشيل قشي)

المجد برهـــــــان

بما أنه واضح إنه هالموضوع راح يكون مكان للقبول التبرعات....

فأنا أعلن من هنا:

أنني فقيرة حرف....أعاني من نقص حاد في نصوصي

فهــــــل تمنحني تبرع قيمته....نصوصك وفكرك؟

وبعدين نصيحة :

إطلع من درة التجارب عشان تضاف مشاركاتك أوطالب بإضافتها إلى عداد ردودك

ليحفظك الرحمن ويرعاك

[المجد برهان...]

بيتالز ..

انتي بالذات مابي منك شي :p

ثانياً عابدة قلبها يحن بسرعة بترأف بحالي و بتعطيني 200 أدري عنها

إلَّا بقول لج ..
ما تبرعتي بشي .. ؟!
لو خايفة أخرب عليك شريط الاهداءات اللي مسوية عليه احتلال :p

[المجد برهان...]

اي احنا انقول بعد ، الدنيا قشرة

بس رحاب صراحة ، انتي (صورة واحد رافع ابهامه مادري وينهي)

يعني اقتراحك هذا يعطيني حالياً اممم ..

خل انقول ان عشرين من مشاركاتي ما تنحسب ..

يعني 160 ..

تقريباً لي اممم .. خل نفترض 20 موضوع ,,
20 موضوع في 100 ، هاي ألفين
و 140 في 50 ، هاي 7000
يعني 9000 ..
اوفر تايم 3000 ..
خلاص وصلت لعابدة :p

لا ، السالفة مربحة


خلاص رحاب أنا أعقد وياك اتفاق ..
أنا أعطيك معرفي تكتبي لي ردود بالهبل
و انتي تعطيني معرفك أكتب لك أشعار و خواطر ..
لمدة معينة :p
أو إنك تتبرعين لي بـ 200 مشاركة ..
و أعطيك أفكار موضوع .. و عنوان
و بداية بعد و انتي تكملين :p

و بعدين درة التجارب ما ينطلع منها لا
هذي داري ..
ما تدرين إن البحرينيين وجه فقر
مكان اللي ما منه فايدة يموتون عليه <=== هذا الوجه عاجبني مادري ليش ! من الكشة ، لو من النظرة ..
أحس كأنه واحد امخربين نومته !
.
.

رحاب .. فكري في العرض تراه جيد

[Petals]

إنت تبغى شريط الإهداءات



انت تعرف انهم أعطو ( عضو ) نتحفظ عن ذكر اسمه ، ( وضع خاص ) في الإهداءات

[المجد برهان...]

اشلون وضع خاص يعني ما فهمت ؟!

(شكلها السالفة جايدة))

يعني وجبة مجانية مثلاً ؟ :p
.
.

أو الإهداء ينحسب له برد ؟!
مو أنا حظي في كل شي عكسي معروفة ..

[Petals]

(يعني وجبة مجانية مثلاً ؟)


تقدر تقول عنها حافز للبقــاء...

بس شكلها مانفعت


والمؤمن لا يلدغ من جحر مرتين...

يعني شد، ومد، وإنشاء الله بتوصـــل..


كم ناقصك يعني، 150 مشاركة


على قولة الحضارم ( ما بك شي )

[عابده لله]

وعليكم السلام ورحمة الله وبركاته


ويه على إفادي كسر خاطــري

تدري مع انك محارش كبير للمره
وبتستفزهــا لكني تعاطفــاً مع حملتكم الموقرة قررت
منحك 300 مشــاركة ومهيب خسارة فيك

صحيح لك مشاركات دوم مخرخش فيهـــا ( كل شي وارد هالايام )
لكن بالمقابل عندك نصوص تشفع لك :drr05_30:


وبعدين مالك انت وهالشحاتين لا تحط عينك عليهم تريها لقمة
عيشهم حتى لو من وراها جنوا الذهب وراحو تعشوا بـ كشميــر


.
.

عابده

[ابوفهد]

سلام على الشحاتين والمتصدقين
ترى إتفاقيات سرية ماكو معلوم
بعدين اللي يتبرع ترى بتنخصم من مشاركاته وتمنح للمسكين
المغلوب على امره مجد
يالله إن شاء الله بتلاقي متصدقين
بسك يا طماع ما صدقت كلام رحاب
9000 مشاركة فرده وحده بيوم ؟
اقول يالأخو كيف الحال
دمتم بخير

[المجد برهان...]

حقيقةً و واقِعاً ..

أنا إنسان مضطهد

بيتالز ،، كلامج سياسي ترى ها ، أشتكي عليج ...
انتي قاعدة اتحرضيني :p و اتحاولين تشعلين الفتن ...
تبيني أقول ناس و ناس ، لا ما بقول ((إلَّا اذا كلش اضطررت ))
و الظاهر انتي كلش في الرياضيات !
باقي علي أكثر من 200 مشاركة شفيج ما تجوفين ما تطالعين ؟!

و أنا ما أقدر لا أمد و لا أشد ، أقول لج مصاب ..
كله قاعد بالبيت
أعرج ..

قالت لي أمي من زمان ،،
هذي الكرة ما منها فايدة ، بتكسرك و بتقعدك ..
ايه ، هذي نهاية اللي ما يسمع كلام أمه

[عابده لله]

هيــه نسيت ..

عندي لك اقتراح زين يا المجد

ليش ما تطالب بأنه يتنقل موضوعك كل شي وارد هالايام !
للاستراحـــة وبجي تضمن ان مشاركاتك تزيـــد على بال
ما تنتهي الحملة ونشوف بكـــم فزت من مشــاركات ;)

وعلى فكرة شريــط الاهداءات مال بيتاليز ممنوع الاقتراب منه
لسه العمده من اسبوع موقع لهــا عقد ملكية لمدة 6 أشهر

بما أنه واضح إنه هالموضوع راح يكون مكان للقبول التبرعات....
فأنا أعلن من هنا:
أنني فقيرة حرف....أعاني من نقص حاد في نصوصي
فهــــــل تمنحني تبرع قيمته....نصوصك وفكرك؟

سبحـــان الله حضرميــه حضرميـــه

مافيكِ فايــده خذ وأعطــي


.
.

عابده

[المجد برهان...]

عابدة ..
أنا كل يوم أسأل نفسي ..
انتي بحرينية و أنا مادري .. ؟! هذي ===> ((ويه على أفادي))
يقولونها البحرينيين يعني بكثرة :p

فيج عرج .. ؟! ((التفسير : عرق))

شفتي بيتالز ، مو قلت لك قلبها يحن بسرعة و بكسر خاطرها ..
مو أنا عارف الشغلة ..

و بما إن احنا وصلنا إلى أنك محارش كبير للمرة ، تيقنت انج مو بحرينية خلاص :p
عطيتيني 300
ما تقصرين و الله فيج الخير ...
أدري بيتالز بتموت قهر بس عـادي .. :p

خلاص وقفنا الحملة اكتفينا :p
بو فهد شوف شغلك .. ((الوجه اللي مستانس عليه))