جلسة حش..... للنساء فقط

[أم إياس]

السلام عليكم ورحمة الله وبركاته


والله بصراحه من الملل والزهق

قلت ما في شئ يسلي الا الحش

ما في احد نحش فيه احسن من الرجال

شفتوا كيف احنا طيبات

نضحي عشانهم حتى بالحسنات

يالله خلهم يشيلون حسنات



اكره ما عندي

لما نكتب موضوع عن الرجال

ويجي واحد حاط له جناح وحلقه فوق راسه مسوي عمره ملاك

يا ربييييييييي على الملائكيه

ويجلس يدافع

واما بعد تلقاه يدافع عن الحرمه واما يجلس يعتبر نفسه هو الضحيه وهي الظالمه

يحليلكم

يعني الواحد يبي يناقش الموضوع بعقلانيه وواقعيه

ما في فايده فيهم

مهما نقول خلكم صادقين نبغا نحل المشكله اللي بينا وبينكم

ابد

يقولون مافي مشكله انتوا اللي تعملون المشكله

اف

واللي يجي يرمي عليك كلمتين يسم بدنك

او انه يرد عليك بشئ خارج الموضوع

واذا ناقشتيه يا ويلك يلف فيك يمين وشمال وينسيك الموضوع من اصلو


والله بصراحه انا جاتني فكره طيبه

ليش ما يخلي العمد يوم واحد في الاسبوع للنساء فقط

وباقي ايام الاسبوع للعوائل

يا سلالالالالالالالالالام

مثل الملاهي

في يوم خاص للحريم

لازم المنتدى يعمل نفس الفكره

علشان ناخذ راحتنا، وما في واحد يجي ويحشر روحه بمواضيعنا

يعني مثلا الحين

هنا جلسه نسائيه وكل وحده كاشفه راسها

اكيد ولا بد بيجي واحد بيحشر روحه ويقول مسامحه جيت بالغلط:drr05_80:

يا يبه مكتوب على الباب للنساء فقط

لكن ابد ما في فايده

حصل لي إيه يا جماعه

من كثر ما المنتدى ممل

اللي طفشان

واللي رايح ينوم روحه غصب واللي واللي

بس مدري انا ليش جالسه هنا واكتب

الظاهر عندي حاله صعبه شوي

اسمها الحاله الدرريه الفنكوشيه المستعصيه



يالله يا حريم وينكم القهوة بتبرد

[uppermoon]

Pass Without Comment !

[أم إياس]

upermoon

طيب تنحنح على الاقل ، البس حجابي

[أم إياس]

القهوة بردت ولا حد جا

يعني اكلم نفسي

والا اكلم جدار

والله هالرجال يخلون الوحده تكلم الجدار

مثل مره كنا معزومين بيت وحده
وكانت وحده من الضيفات مو جالسه تاكل على راحتها

قالوا لها ليش ما تاكلين عامله رجيم

قالت ايوة
قالوا لها ليش جسمك زين
قالت: زوجي يبيني اضعف

اللي شافوا زوجها فتحوا عيونهم مستغربين

كيف وهو ماشاء الله عليه درام ( يعني: برميل )

خليه يضعف نفسه الاول

وهي ضحكت المسكينه عروس جديد

وحليلها

ويجيك الرجال بعد 10 سنوات زواج كرشه متر قدام

ويجلس يتمسخر على جسم زوجته وكل شوي يسم بدنها ويقول لها ضعفي
اعملي رجيم
العبي رياضه

طيب قول لتفسك الاول

تنتفخ على ولا شئ

اكل ومرعى وقلة صنعا

فالح بس الصبح تروح الدوام

يالله وخاصه لو كان شغله على المكتب

يا ويلي

ويرجع البيت يقول انا هلكان

والحرمه المسكينه تحمل وتخلف وتربي وتسهر

واذا انتفخت شوي ما اعجبه

وهذا غير انه هو مغثثها وجاب لها الهم صارت تطلع حرتها في الاكل

ارحم الحرمه شوي

هو ينتفخ ويبغا زوجته مانيكان

رجال ما يملى عينهم الا التراب

[الدره العالية]

ترانتى مريت اسلم ولما يجى الوقت المناسب بيب دلتي الشاى والقهوه

وبيلس ودقها سوالف 000

[وردة وردية]

ام اياس........

يا سلام قهوة وحلوى بحرينية

طاسة الحلوى بتخلص والقهوة راح تبرد وسوالفنا ما راح تخلص.....

والحلوى من اهم اسباب المتن..... واحنا ندور على الرشاقة
بس انا وحدة المهم عندي بطني يكون مليان، وما أحب احرم نفسي من شئ عشان الرشاقة....
لأن الرياييل ما يملأ عينهم الا التراب....

وبعد شخباركم ؟؟؟؟؟؟؟؟ بس بغيت اسألتك يا ام اياس كيف انتي من البحرين والامارات؟سؤال شخصي ولك حرية الجواب يالغالية....... يا مديرة الجلسة



وينكم يا حريم ويا بنات؟؟؟؟؟؟؟؟؟؟

[zadi]

____________________

أقووووووول

تغطين ياحريم ,,, أبي فنجال قهوة معمرة وباقول كلمتين وأبي أذلف الباب ,,,

شوفي يامارجريت تاتشر المنتدى إنتي يا أم إياس

كلكم من راسكم لأصبع ( ريولكم ) تراكم ( مرمى ) حششششششش وتقطيع ,,,

يعني لاتفكين على نفسكم باب صعب تسكرووووه

خلص الفنجال ,,, وين الباب ؟

أبي أروح أشوف مباريات الخليج أبركلي وأبي أرد بعدين ,,,

شااااااااااااااو

[أم إياس]

الدره العالية

حياك الله

وليش يختي مب عاجبتك قهوتي

لا تخافين قهوتي فاتحه بالهيل والزعفران ما تشبعين منها

وبسوي شاي ياوخيتي عشان ناكل وياه المتاي اللي يبته( يعني: جبته)

وحياك الله اي وقت

[أم إياس]

وردة وردية

حيا الله بنت الامارات

حيا الله ببنت زايد الله يرحمه اللي مابيجي حد مثله

الله يرحمه ويغفرله ويرضا عنه ويرضيه



ياختي اكلي وما عليج

حتى لو تسوين رجيم يوم واحد ما بيأثر لخبطي على كيفج

ترا من نصايحي للي تبي تسوي رجيم

على الاقل مره في الاسبوع لازم تخرب رجيمها علشان جسمها ما يتعود

وما فيها شئ لو كل يومين كلتي قطعه صغيره من اي نوع من الحلويات

بس اهم شئ لا تثقلين بالغدا:drr05_26:
ولا تتعشين ونامي بدري

صدقيني احسن رجيم

وعلى فكره الضعف وايد تراه شين .. حلو الجسم المتناسق مب هيكل عظمي



وبالنسبه لي يختي .. تعرفين احنا اهل الخليج متنثرين

كل جزء منا في جهه

يعني اهل الخليج كلهم اهل

وانا حاليا في الامارات

رايحه جايه من البحرين للامارات ومن الامارات الى البحرين

وخذي راحتج يالغاليه

[نفرتيتي]

سلالالالالالالالالالالالالالال الام

جلسة حش فينكم من زمااااان عن هادي المواضيع السنعه:drr05_30: بصراحه فتحت باب لن يغلق بأذن الله الا على قطع الرقاب===> يقولواجنس ناعم خخخخخخخ
ايووووووووووووووووا جنس ناعم غصباً عنكم في احد خلانا نخشوشن غيركم يالرجال ....
ايوا اختي ام اياس ايش كنتي تقولي ....عن اللي مايتسموش
مو عاجبينك!!!! عادي ايش فيهم حلووووو اصلاً سوس و وحشين واصواتهم خشنه...وتفكيرهم منحصر في الكوره اوالحروب او المشاكل امممممم وفيهم شعر في كل جسمهم حتى الوجه يااااااااااااي
ههههههههههه بس بجد مادري ايش احساسهم لمن يغسلوا وجههم وفيه شعر
اتخيل انوا احساس مرعب يووووو...اقول لأخويا زي كده يقول عادي ماعندك حواجب زي كدا..خخخخ ايش جاب لجاب......
هادا الرجال عموما...لكن الأزواج غيررر... بصراحه ما قدر اتكلم عن زوجي حالياً إلا بكل خير>>>>لسه عيد زواجهم ومدلعها ههههههههه
لكن على العموم مع اني قراءت كتاب النساء من الزهره واالرجال من المريخ===> يعني اني مثقفه..
قدرت افهم نوعا ما هما كيف يفكروا هما عمليييين مو عاطفييين واحنا العكس... كده ببساطه....
.....................
اقووووول فين القاتوهات...
نفرتيتي

[أم إياس]

zadi

الله يخس ابليسك

تغطين يا بنات وانت داش ( يعني : داخل)

اصبر شوي ليما نلبس عدل

والله الحش فيكم ما يخلص

مو بسببنا احنا راعيات الحش

بسبب سوالفكم اللي ما تخلص

خلونا نحش شوي ، علشان كل وحده تجابل( تقابل ) رجلها واللي في قلبها طلع
احسن من تجابله وهي قلبها مليان والا انت شرايك



اليوم فيه لعب؟؟؟؟

كأنه مافي.. والا أنا غلطانه

تراني مدري بالكوره

بس أسأل مين ومين يلعب

ولما تخلص ، من فاز ؟؟

بس هذي معلوماتي



ولو سمحت هذي شاو تقهر

تكلم عربي من فضلك

وبسك قهوة خلصت الدله

الباب على يدك اليمين

[أم إياس]

نفرتيتي

حيا الله الغاليه

بنت الارض الطيبه اللي احبها واموت فيها



هو في احلى من الحش

والله بصراحه بيني وبينك بس لا تعلمين حد زوجي الحمد لله مافي زييه

بس انا متمرده شوي

يعني مو لاقيه فيه عيب

طيب ابغا احش

احش في باقي الرجاجيل



بس هذي سالفتي


لما اشوف صديقتي اللي كانت دوم تضحك

وبعد الزواج زوجها مطين عيشتها

والا غاثها بكلمتين

والا والا

والقصص اللي نسمعها كل يوم

ليش ما يصيرون كل الرجال طيبين وحبوبين

ليشششششششش

أففف



استني الجاتو بعد الحش

[أميرة العرب]

[align=center]السلام عليكم

حبيبتي ام اياس
والله مشتاقة لك وحبيت ادخل اجلس معكن شوي
ومنه اشوف شو قصة "الحش اللي ما تخلص"

اول شي بدي فنجان قهوة من يدك الحلوة مع سكر زيادة الله يطول بعمرك

**
تاني شي شو بدك انت بوجع الراس وشاغلي بالك بالرجال وقصصهم اللي ما تخلص...!

تعي اقولك انه في رجال والله ما في احسن منهم مع نسوانهم
واللي تقول عنه حريمهم يتنفذ وكلمتها ما تصير اتنين

وفي صنف تاني من الرجال الله لا يوريك
مهما عملت المرة منه عاجبهم (اذا كانت تخينة بدو ياها ضعيفة
واذا كانت ضعيفة بدو ياها تخينة
واذا كنت متعلمة وموظفة منه عاجبه و يقول شايفة حالها
واذا كانت ست بيت يقول اووف بدي مرة تشتغل وتساعدني بالمصروف

حليها بقى كيف تنحل معهم

يعني بالمختصر المفيد كل وحدة هي وحظها (لازم امها تدعي لها بليلة القدر حتى يجيها رجال يحفظها ويستتها بالعربي المكتوب ما منه مهرب...

**

راح اقولك سر ( بسمع من والدتي الله يطول بعمرها تقول الرجال لمن يصير معه مصاري كتير يصير نمرود ويصير بينخاف منه وبيصير بدو يتزوج على مرتو ويقضيها بالسهرات وبصرف المصاري بطعمة وبلا طعمة فبقى اسمعوا مني يا نسوان ما تخلوا مع رجالكم مصاري "نصيحة اخوية" :299:

ما خلص الحديث

ممكن نتقابل بالمسنجر على رواق

**
مشكورة على الاستضافة
ارجع لك تاني ان شاء الله[/align]

[وردة وردية]

الغالية ام اياس


الله يرحم الوالد زايد ويرحم كل حكام العرب
ويطول في عمر البقية آمين


وانتي احمدي ربك ان زوجك " ما شاء الله عليه" زين ومدلعك" الله يخليكم لبعض"


شوفي بعض الرياييل مطلع قرون لزوجته الله يهديهم



حياتي اميرة العرب

احنا قهوتنا اصلا مافيها سكر


واذا تبين تصير حلوة اشربيها مع الحلوى او الجاتوه

زيديني من القهوة يا ام اياس



الظاهر الليلة ما راح انام لأن القهوة تطير النوم من عيني

اشوفكم على خير

[أم إياس]

مسماحه تأخرت عليكم رحت اسوي قهوة حلوة سكر زياده للغاليه الحبيبه أميرتنا الرائعه ربي يحفظها