حوار ساخن وجرئ بين الشباب والبنات

[SOUTHSTAR]

[align=center]

يعنى معنى كلامك إن الرجل يقعد يبحلق فى الرايحة والجاية و " إن الله جميل يحب الجمال" والواحد

لازم يمتع عينه بالجمال الربانى وبما إن كل واحدة لها لون ورائحة مختلفة فالرجل لازم ينوع

يعنى ما فى شئ أسمه غض البصر اللى كلنا أمرنا به من الله عز وجل "النظرة الأولى لك والثانية عليك"

قال تعالى" قل للمؤمنين يغضوا من أبصارهم ويحفظوا فروجهم" وقال أيضا " وقل للمؤمنات يغضضن من أبصارهن ويحفظن فروجهن"

ليه الرجل ما يكون عنده قناعة بشريكة حياته لازم يعنى تبقى عينه زايغة

والشباب العزاب لا يقعدو يعملولنا حجة إنهم عزاب ولسه ما تزوجو فيطلقو أبصارهم ويخلوها ع البحرى

وكمان زى ما الشاب ما يحب زوجته تطلع لغيره كمان الزوجة عايزة زوجها لا يطلع لغيرها

طبعا هو حد حيعرف يغلبكم يا معاشر الرجال عندكم مية حجة وحجة لكن برضه بتلفو وتدورو عشان ما تطلعو العيب عليكو

الرجال دول إبتلاء من الله للنساء فيارب الصبر من عندك

على العموم بنحترم كل الأراء

هههههههههههههه

انا ماقصدت اني اخلي الرجال يطلق العنان لنفسه ويشوف ويتمقل على كيفه .. الاحاديث واضحه وصريحه بوجوب غض البصر .. والتعفف ..

لكن انا بجاوب على السؤال من ناحيه بشريه .. وعن نفسي طبعا ..

وانا صادق بهالنقطه والله .. في احلى من البنات في هالكون كله ..؟؟

لكن الرجل لابد يضبط نفسه .. ويتحكم بأموره ونفسه .. وزيغ بصره ..

لان السؤال كان شامل للكل .. مطوع وغير مطوع .. شايب وصغير .. متعلم وجاهل .. اذا فالسؤال موجه للنفس البشريه .. والنفس البشريه الذكوريه بالذات .. فلابد الجواب يكون ليه طبيعة الرجل تسوي هالشي ..

علمونا متى ينتهي صدى هالسؤال .. علشان الشباب يسدحون سؤالهم للبنيات .. ونشوف اجوبتهم ..

دمتم بخير ،،[/align]

[لست بكاتبة]

عشوقة مو دحين تنهي وقتنا
صبر شوي (ياما في الجراب ياحاوي)
وياليت تحددي مثلاً يومين لنا ويوم لهم

[همسة عاشق]

س/ ليــــــــــــــــــــه الرجل عينه طويله مهما كان (مطوع أوغير ملتزم) (شاب أو شايب )(مزوج أو أعزب)(جاهل أو متعلم) ؟؟؟؟؟؟؟؟؟؟؟؟

أختي كاتبه قد سمعتي بالمثل اللي يقوول :: إللي يخلي نفسو قمامه تبعثرو الدجاج ؟؟

وبعدين مافي نار بدون دخان

البنت العفيفة محد يطل فيها لوو إيش ما صار أما اللي تتمرقعلي بالكعب العالي وطقطقه اللبان ولا الضحكات العالية ولا تقعد ماسكتلي الجوال رايحه جايه ولا تلاقي العباااية مخصرة على جسمها ولا ضيييقه وتجي تضيقها على وسطها ولا تلبس عباية ولا تقول فستان فرح دي ما يبغالها إلا بالتليك بعيد عنكم




وبعدين لييه تشملي وتقوولي مطوع او غير ملتزم ؟؟ يعني دا مو إستهزاء بالمطاوعة ؟؟؟
قولي الشباب ولا الشياب تهون الجاهل ولا المتعلم تهون متزوج ولا عازب برضو يهون بس إذا جات على مسألة الدين فعيب عليكي تقولي عنهم الكلام دا مرره صار حتى رجال الدين أو المطاوعة يتهمو بالشي دا ؟؟ اللي ما عندو دين وحاطط اللحية دي شماعة دا نقول عنو الكلام دا أما إسم مطوع ما ينقال على الوسخ اللي بتوصفيه


وبصراحة :: Southstar أجوبتك مستفزه
####عدلتها علشان ما أجرح أحد######
الصراحة كتبت كلام واللي خلاني أتراجع إنو ما أبغى أزعلك ولا أزعل اللي كلموني علشان أعدل ردي (( زادي و البحر ))


إما تحطو سؤال زي العالم والخلق ونتناقش فيه ولا بلاش تنزلو أشياء مالها داعي

[{البحر}]

من وجهة نظر شخصية بحته
الموضوع اخذ مسار تاني غير الي خطط له وبمباركه من صاحبة الموضوع الله يصلحها
المفروض يتغير اسم الموضوع اتهامات متبادلة بين الشباب والبنات
ونقلبها هيئة تحقيق وإدعاء عام وكل واحد يخبص بمزاجه مثل ماهو حاصل الان ونخلي البساط احمدي

مع احترامي لصاحبة الموضوع فهي اتبعت المثل الي يقول مع الخيل ياشقراء...
المفروض تنبه بعد اول سؤال ان لامجال للاتهامات ورمي الناس بالباطل والتهم والصاقها بالجميع

احنا مشكلتنا الازلية هي الجمع والتعميم
فمثل كاتبة اول تهمة هداها الله قالت ان الجميع بلا استثناء عيونهم طويلة وذكرت بالتحديد ان حتى المطاوعه-ولو انه مسمى غير صحيح-عيونهم طويلة وان كل الرجال سيئين

{س/ ليــــــــــــــــــــه الرجل عينه طويله مهما كان (مطوع أوغير ملتزم) (شاب أو شايب )(مزوج أو أعزب)(جاهل أو متعلم) ؟؟؟؟؟؟؟؟؟؟؟؟}
هذا كلام مستفز بمعنى الكلمة وكل ماتبع ذلك من ردود كان نتيجة الخطأ والسكوت عنه والتمادي فيه

ما اعتقد احد يقبل واولهم انا انه يجي احد يقول ان النساء والبنات جميعهن صايعات وداشرات ومدخنات الملتزمة منهن وغير الملتزمات..كذلك الحال في كل شيء يخص الجنسين
يجب ان نتعلم احترام بعضنا البعض ونقدر بعضنا البعض.. ونقرأ اي موضوع بتمعن قبل الرد والخوض فيه ونهدي السرعة شوي ومو كل موضوع لازم ارد عليه وبأي شيء وبأي كلام

آسف على الاطالة ولكن من حبي وعشمي

تحياتي

[dawaimeh]

أختي لست بكاتبة وأختي عاشقة بيت الله .... والكلام للجميع ..

نحن جميعاً نعلم أن غض البصر واجب على الرجل والمرأة على حد سواء ...

لكن والله المناظر التي نراها في الأماكن العامة والمجمعات وغيرها من الأماكن تجبرنا

نحن الشباب الى النظر اليهن .

ولا يمكن للرجل أن ينظر الا الى التي يسمح لها جمالها

بأن ينظر اليها ، ثم بما أنها لا تريد أن ينظر الشباب اليها إذاً لماذا تخرج بهذه الزينة ؟؟!!

الا تعتقدن أنها مقصودة من قبل بعض البنات حتى تلفت النظر اليها وتسمع الكلام المعسول؟؟

وفي النهاية : الا تعتقدن أيضاً أن البنات بشكل عام ينظرن الى الشباب أم النظرة دائماً

ما تأتي من الشاب فقط؟؟؟ فنحن نعلم ونرى ذلك يومياً..

إذاً نحنُ جميعُنا مدانون بهذه ( الجريمة ) وليس الشباب وحدهم ..

البنات جميلات ونحن نحب الجمال لذلك ننظر اليهن هذا الإختصار المفيد .. ودمتن بخير

[لست بكاتبة]

أولاً وعليكم السلام ..أحنا نتناقش أخوي ok..
ثانيا: في أن البت العفيفة.....الخ... هذي معاك حق أخوي صادق والله
ثالثاً : المشكلة أخوي ياليت كل الشباب مثلك مايطلعون بالبنت اللي تلبس جونتيات وعباءة على الراس
أخوي في شباب يتعمدوا ..وفي شباب لازم يعطيك نظره كامله ليه وهذا هو السؤال ؟ وأين غظ البصر اللي حثنا عليه الدين .. وهنا طبعاً الكلام للبنت والولد ..بس في سؤالي خصص الشباب
بعدين أخوي أنت صادق والله بس حضرب لك مثل وإنشاء الله أوصل لك المعلومة
أخي قد تحدث أن الفتاة المحجبة حجاب شرعي يضهر منها شي بدون قصد فمثلاً عند المحاسبة في سوق ومع وجود الاطفال وبغير وجودهم وهي تبغى تحاسب تتحرك العباءة ويبان شي ومن لون بشرتها طبعا المسافة بين الجونتي وطرف الكم (بصرحة ماأني عارفه كيف أشرح هذه النقطة للذكور)بس كل بنت ترتدي الجونتي حتفهم على تلقي يطويل العمر على طول الكاشير يطالع في الون البشرة ليه؟فين غض البصر

الفقرة الثانية
ليه تشملي وتقوولي مطوع....الخ
أولاً : المطوع مورجل ؟؟؟؟
ثانياً: معصوم من الخطأ
ثالثاً: كل من رب اللحية (مع إحترامي للجميع) رجل دين ..على كذا الرهابية أيه؟؟
رابعاً: كل رجل متدين الله يزيده وهو فخر للأمة وللرجالها وكل مين ماهو ملتزم الله يهديه ..ويختم لي وله بالخاتمة الحسنة

الفقرة الثالثة
إما تحطوا سؤال زي العالم.........
أخي الكريم
أختي الفاضلة عاشقة بيت الله
قالت في البداية اللي بيزعل يخرج عفوا قصدي لايشرك معانا وفي كثير مرو ومجاوبوا وفي مين علق بس
وماهي الأسئلة التي تريد؟؟
سؤالي يحث عن غظ البصر وهذا مايرمي إليه هل تود أن أغير من صياغة السؤال
طيب ..ولاتزعل
ماهو واجبك ايها الفتاه من قول الله تعالى (قل للمؤمنين يغضوا من أبصارهم ويحفظوا فروجهم) وهل حقاً تطبق هذا في حياتك اليومية ؟
نعتذرا منك إذا كان السؤال مانسبك أو أزعج فؤادك الكريم
العذر والسموحة وجميل منك ماعدلة وهذا أن دل يدل على أنك شخص ترجع حسباتك وهذه والله صفة جميلة ..أهنئـك عليها
وهذا لاينقص من قدر سؤالي فمازالت أطرح السؤال فهل من إيجابة وهل من تطبيق لغض البصر
وهل من طرق تساعد على غظ البصر ..
س/ ليــــــــــه الرجل عينه طويلة مهما كان (مطوع أو غير ملتزم )(شباب أو شايب)(مزوج أو أعزب)(جاهل أو متعلم)؟؟؟؟؟؟؟؟؟؟

[لست بكاتبة]

[align=center]أخوي البحر
ليه أنتم أختم الموضوع من باب .....
اليه ماتخذوه من باب الطرح
مثل أخوي همسة عاشق في البداية كلامه قال شي طيب أنه في بنات تلفة النظر..وهذا بصدق وحده من الاسباب
طيب ليه الهروب ؟؟
ليه ....؟
وليه....؟[/align]

[لست بكاتبة]

أخي الكريم (Dawaimeh)
والله أحببت أن أضع نص ماكتبت ولكن توجد لدي مشكلة مع الاقتباس
أخي الفاضل لا فوض فوك
وأطال الله بعمرك فهاذا فعلا ماأريد أن أتوصل إليه ونتبادل الحديث به وطرح الحلول له وحث كل من الآخر على السلوك الحسن
رزقك الله زيادة البصيرة ونور لك طريقة ورزقك الفردوس الاعلى من الجنة

[zadi]

_____________


أنا من وجهة نظري الخاصة إنو في ألمانيا والدول السكندنافية المتغدمة مابيطالعو للي تكون مكشوفة الوجه والدراعات ومرفوعة طرف الفستان من ناحية الساقات .

لأنو عندهم من دا كتييييييييييييييييييييييييير

لكن إللي تكون متحجبة ومو مبين منها غير عيونها , تلاقي كل واحد يطالع فيها !@!@! لييييييييييييييه ؟؟؟

لأنو كل ممنوع مرغوووووووووووووووووووووب , أفهموها بئا

وشكلوا الموضوع صاير هنا عندنا سيم سيم

الله يستر من إللي جاي

_____________________


فاصل ونواصل ,

[همسة عاشق]

طيب ليييه مصره إنو إلا وإلا الرجال ح يطل ؟؟ ليه كل الناس سواسيه ؟؟ فيه ناس بيغضو بصرهم وفيه ناس بيقعدو يبحلقوو فيها عساهم بالعمى :@

يا امي من قاصرها كل واحد له دينو وله أخلاقه ولوو يرضى على أهلو الشي دا راح يرضى على بنت الناس .

وليه وليه وليه >>> دي ما تقدري تتحكمي فيها ولا أقدر انا

أولاً : المطوع مورجل ؟؟؟؟
ثانياً: معصوم من الخطأ
ثالثاً: كل من رب اللحية (مع إحترامي للجميع) رجل دين ..على كذا الرهابية أيه؟؟
رابعاً: كل رجل متدين الله يزيده وهو فخر للأمة وللرجالها وكل مين ماهو ملتزم الله يهديه ..ويختم لي وله بالخاتمة الحسنة

المطوع رجل أكييد ومو بالمعنى إنو يكون معصوم من الغلط او لأ
لكن أختي عند العالم المتخلفة والكافرة إنو صار إسم المطوع زي الشماعة كل شي يتعلق عليه
أي واحدعلق كم شعره على دقنو سما نفسو مطوع وصار
لا يا أختي المطوع نقولها لرجل الدين فقط
أما اللي حاطط لحيتو زينه ولا علشان يقضي حاجتو دا منافق

الت في البداية اللي بيزعل يخرج عفوا قصدي لايشرك معانا

إنتي اللي أخرجي من دماغي :p
انا ما زعلت بس برضو المفروض يكون عندك أسلوب في وضع السؤال

هل تود أن أغير من صياغة السؤال

والله اتمنى الشي دا ولو في الأسإلة التاليه ياليت توزني سؤالك ولا تخليه عام وتشملي الكل فيه لإنو فيه إهانه للأغلبيه
زي لوو قلت لك ليييش البنت تلاقيهم يتمسخرو ويتميعو في الأسواق إن كان من مراهقات ولا حتى عاقلات << دا السؤال بذمتك ما يقهر ولا يزعل ؟

أقلها ممكن لو صغتي السؤال ::
س/ إيش السبب اللي يخلي الرجال يطلو في الحريم ان كان(شاب أو شايب )(مزوج أو أعزب)(جاهل أو متعلم) ؟؟؟؟؟؟؟؟؟؟؟؟
أقلها يكون أأدب وفيه إحترام للعامه

نعتذرا منك إذا كان السؤال مانسبك أو أزعج فؤادك الكريم

مدري دا تقصدي فيه الإستهزاء فيا ولا بتمدحي فيا ؟؟

وهل من طرق تساعد على غظ البصر ..

ممكن هيا طرق تساعد على غظ البصر ومنها تمنع من إنو أحد يفكر في النظر
1- لو تمشي المرءة بإحترامها وحشمتها قدام الكل
فيه حريم كاشفات لوجههم لكن محد يقربهم لإنو سبحان الله العقارب يبانو لو متغطين كمان
2- ليت لوو تمشي ومعاها محرم << رجال مو طيطي وجودو وعدمو واحد

3- تكون شديده لوو أحد سوا لها شي ترد عليه وتشرشحو قدام خلق الله مو تسكت وتمشي << أكيد بيقول اللي بيآذيها السكوت علامة الرضا ويكمل حركاتو

4-يكون في عام نخوه ودين لوو شافو أحد بيآذي يكلمو الرجال بس المصيبه لوو كانت نفس الحرمة اللي تدور ورى المصايب

[zadi]

_______________


ياجماعة الموضوع قلب جدل بيزنطي , مين جا أول الدجاجة أم البيضة ؟؟؟

فيه سوء فهم وسوء توصيل رسالة . بس .

الكلام مو كدا ياجماعة ,,,

حتى أعتقد إن عنوان الموضوع مايوحي للجدل دا .

الفكرة ممكن كانت غير كدا , يعني أسئلة متبادلة ممكن الشب أو البنت ماتعرف أو مايعرف إجابتها ,,, لكن أنا شايفكم وقفتوا كتير عند نقطة وحدة وضاع الموضوع برمته .

دايماً خلينا نفترض حسن النية وإنو فيه ممكن خطأ في أسلوب التساؤل لا أقل ولا أكثر , ولانحمل الموضوع أكثر من طاقته .

وبصراحة رحم الله من أهداني عيوبي في السر .

بس , ما أبغا أكتر كلام أكتر من كدا .

[لست بكاتبة]

[align=center]دستوووووووووووووووووو ياولد الفارسي
بس يارب ماكون غلطة بالقب
لماقالت نعتذرا منك موقصدي إستهزاء أخي أنت كريم وأبن كرم وردودك وموضيعك تعبر عن شخصك
فإن عارفه مين همسة عاشق مو أن أصلا اللي تستهزاء بشخص _ماعاذ الله
بس اللي كان هنا من رد وأخذ وعطا وشد وصل كان تحت عنوان حوار ساخن يعني اللي صار مرفوع عنه القلم أصلاً
أخوي : أسلوب ..طيب أسالك بالله لو في في المنتدى مراهق أو مراهقةبين 12_19 هل يستجيب لكلام أو سؤال بصيغة دينية .
شوف عاد ترك مخوفني اللي أعرفه عمرك 24 موتقعد تخذ حجج هههههه
أخوي همسة عاشق الطرق اللي طرحتها مشاء الله عليك والله عشره على عشرة أيوه هو دا الكلام
وفقرة الثانية (2)فعلا أنت صادق فيها احنا نبغى رجال مثلك وشرواك مورجال مايحمل غير جسم رجال بعيد عن صفات الرجولة
الفقرة الثالثة (3) لا أنا مومعاك فيها موكل بنت أهلها ربوها على طولة السان وأصلا في قانون معترف فيه عندنا البنات أنه لو رديتي عليه يزيد ويتماد
الفقره(4)صح في نساء وللاسف تبحث عن ذلك ..ولكن يجب عدم مجرات هؤلاء النساء وخصوصا أنهن يتبهين بنظرات الشباب وتفسرها أنها إعجاب وهي أصلا إستحقار حتى لايظهر من أرحامهم من يفسد لنا مجتمعنا
دمت بود سيدي
فقد كان الحديث معك مثمر[/align]

[لست بكاتبة]

[align=center]زادي
مشاء الله عليك متى دخلت ومتى كتبت
طيب احنا بدانا نضع الحلول والاسباب طال عمرك
نقفل ..طيب

بس منقدر نغير مجرى السؤال وصاحبة الموضوع ماقالت تم

مع أطيب التمنيات بالتوفيق[/align]

[همسة عاشق]

دستوووووووووووووووووو ياولد الفارسي

بورييييه منك
خمسة وخميس في عين العدو خخخخخخخخخخخ
<< مدري كإني شفتها في فلم قديييم

شوف عاد ترك مخوفني اللي أعرفه عمرك 24 موتقعد تخذ حجج هههههه

ههههههههههه إشبو عمري ؟؟ وعلى إيش مخوفك
مو شرط عمر البني آدمي صغير ولا كبير المهم كيف تفكيرو وعقليتو
انا ماشي بالمثل اللي يقوول :: لا ترمي الناس بالحجارة وبيتك من زجاج
وبعدين ترى عملي ووضعي يحتم عليا أختلط بالجنس الآخر لوو كان تفكيري زي ما بتقولي ((( عيون طويله )) ما كان أحد إتعامل معايا ولا وثق فيا

فعلا أنت صادق فيها احنا نبغى رجال مثلك وشرواك

شرواكي الطيب خيتو << بجد حسستيني إنك سعوديه بنت قبايل << مدري أنا اللي اعرفو إنك مصريه صح ولا انا مضيع السكه

موكل بنت أهلها ربوها على طولة السان وأصلا في قانون معترف فيه عندنا البنات أنه لو رديتي عليه يزيد ويتماد

لا والله مو شرط
تعالي أوريكي مناظر قدامي بتصير وحدك كسرت قزاز السيارة بكعب جزمتها الله يكرمك لإنو الرجال بس عاكسها <<<لا واللي يضحك جمها شايب مع زوجتو يقوولها ينصر دينك إتحمس الشيبه خخخخخخخ
عندنا في الأسواق حاطيين السكورتيه على أي أساس ؟ خلي وحده تسوي مناحه وسط السوق وربي تلاقي الرجال يشرد ولا عاد يرجع لها

فقد كان الحديث معك مثمر

الحمدلله ما طلع فيه تكسيير رووس خخخخخخ

وأنا إتشرفت بالحديث معاكي وأعذريني لوو زودتها في الردود << أحيانا الحماس يشدني بزيادة وأتهور


<< أبغى ترشييح ولا أسويلكم غلبه في الموضوع

[dawaimeh]

نلاحظ الموضوع طلع عن مساره وأصبح أشبه بالشات

يا همسة عاشق ، ألأخت الكريمة طرحت سؤال عاااااااااااااادي جداً

ومو شرط يكون قصدها عن جميع الشباب والرجال ، وإحنا لما نتكلم

مو شرط نكون نقصد كل البنات ....

السؤال مطروح بانتظار الردود عليه من الشباب إما تجاوب عليه أو إتركه

رحم الله والدينا ووالديك وجميع المسلمين ...

أرجو الإستمرار في الموضوع بعيداً عن المحادثة الشخصية كلٌ مع الآخر ..

وآآآآآآآآآآآآآآآآآآآآآآآسف للتطفل ....