السلام عليكم ..
..
مسا الخير على الجمييع..
..
لقاء بنات الدرر في بازار..يفوووتكم..
وأخييييييييرا ..أمس الاربعاء ..وبعد ستمية رساله ..وستمية اتفاق ..وسته وستين هرجه ..كان لقاء بنات الدرر ..في احدى البازارت ..في مدينة جده ..وبالتحديد من الساعه عشره لإتنين في الليييييييل..
لقاء موطبيعي
مو عايدي أببدااا..
مره كان فله ومره انبسطنا الحمد لله ...وكانت الليله على بعضها مرره كووول..
أنا هنا ..حأحكيكم من أول ما رحت ..إليييييييييين ..إلييين ما طردوا أهلنا من البازار...
أول شي الخرجه أتاخرت مره.. كان المفروض اكون هناك من تسعه ونص على حسب الاتفاق اللي بيننا((الدرريات))..لكن حصل انو اختي دريت اني رايحه ..
وكان جوزها مسافر ..وطفشاانه ..وعاد أنوااع السلتحه ..لأني من الأول قلتلهم ما ابى أحد يجي معايا..ماابغى ارتبط بأحد ..وعاد اختي الكبيره و((حزنتني))..ووو..
عديت عليها .. وفي الطريق اكتشفت انها جيعانه ..و(كرهتها ديك اللحظه)..ووقفنا في عشرومية بوفيه والمطاعم اللي عالشارع ..وهي تقول انا ماني بايعه عمري اكل من أي بلا..وووو ووقفنا في مطعم محترم ..ووسااعه..عبال..ماتفكر بايش نفسها..
وساعتين عبال ما تطلب..وتلاته ..عبال ما...
المهم من الاخر ساعه راحت واحنا واقفين ..وانا طقيت ..وبعدين السيد السواق يقول ما في بنزين
وفيييييين وفيييييييييييييييييييييييين لين لقينا محطه وعبينا ..وساعتها ..أنا وصلت معايا لين جينا راجعين وضيعنا ..وصنقرت ..وقلت بطلنا ماعد ابى اروووح البازار..
واختي تقول صلي على النبي ..وانا اقول للادمي على البييييييييييتخلاص ضربت معايا
ساعتها..دق الجوااال ..ميييييييييييييييييين دا وقتو ...أجي أرد الاقي ميييييييين..
((تشيري ليبز))
_فينك يا دبه
_بالله تسكتي ياشيخه ماني فايقتلك انا دحين راجعه البيت..
_يؤيؤيؤ..ايش سارلكم شي..
_أعوذ بالله منك ..ولا شي يا ستي بس سارت شوية نكاده..وبطلت مني جيه.
_ياشيخه موقتك انت تصنقري
ولوودي برضو جات وبحاره ..وأخت بحاره تسأل عنك ..يلا عااد لا تفوتي اليوم..
_قلت مني جيه يعني مني جيه ..ألوو ..ألوو بت فين رحتي
_ألوو
_ميييييييييين
_أنا صدى ..برضو مح تجي ..
_آآآ ..أناوالله ..آآآ.
_يلا استناكي باي..
_باي
.......
يلا يا أخوو ..أرجع محل ما كنا ..
ايس هادا انت كلو سويه قول روهي هنا تآلي هنا ايس هادا انتي.
واختي تقول اشوفك غيرتي رأيك غريبه ..مين كلمك؟؟
_مالك صلاح كلمني اللي كلمني .وبعدين عيب انا مواعده البنات من اسبوع وانا اللي اقترحت عليهم الخرجه دي ..وبعدين ما اروح<<عامله وحده مواعيد وحركات
_اسكتي بس اسكتي انتي اصلا مالك كلمه
مارديت عليها عشان لا اضارب وقعدنا ساكتين الين وصلنا ..
وأول ماوصلت ..كان في استقبالي ..بنت خالتي (تشيري)..ووو معاها ..صدى ونبوضه ..
واااااااااااااو صدى هنا ..<<كني ما كلمتها ولا أقنعتني قبل شوي
..زعقت لأني مره انبسطت لمن شفتهم..وهاتك يا احضان ..ومن دا الكلام ..
يالله مره ما اتوقعت انكم تجو ..لأنكم اعتذرتو اكتر من مره ..وحبطتوني بس مره كويس.. الحمد لله انكم جيتو وشفتكم ايش الحلاوه دي يا صدصوده.ما نئدرش احنا على كده ...كيفك صدى ؟أخباارك
_الحمد لله بخير ..مدام اني شفت اخواتي الدرريات ..وعلى خير ..
وانت نبوضه لأ لأ بجد أتعب .. المهم عامله اييييه؟؟ وكيف المدرسه اللي متعقده منها وتقوليلي اختبارات ومش عارفه ايه..
_اهو يا ستي مشي حالك ..كلو بيمشي ..اهم شي اني جيت هنا ..واني شفتكم ..والله الجيه والشوفه دي ..بالدنيا..
وصفيت أخت تشيري<<قليلة أدب.
بس والله بالعاني غايظتني لابسه بندانه حمرا((تشبه بندانتي
قالتلي انا ؟؟!!
فحزنتني .. وحضنتها .. وسلمت عليها ..واعتذرتلها . .لأني كالعاده كل ما اتنكد احط حري في البنت دي..
هيا طبعا كانت فاهمتني فما علقت ابدا ..
..وقعدنا نهرج شويتين أنا وتشيري وصدى ونبوضه..والله كلامهم ما ينمل منو ابدا.. ورحت سلمت على لوودي وبحاره ..وجبتهم نقعد سوا ..
الا ونشوف وحده جايه علينا ..
ماشيه بكل ثقه ..
نظراتها ..
خطواتها..
كل ما فيها ..كان مبين مره رومانسيتها ..ودلعها ..وعقلانيتها..وحكمتها..وروووعت ها..
كل ما فيها كان يقول هادي رغد..
نطيت زي الملسوعه بلي <<اش على تشبيه..
وقفت وقلتلهم ترى دي رغد ..
سألوني أيت وفينها ..
وطبعا صدى وبحارة كانو يعرفوها ..فاول ما شافوها..ابتسمتلهم ..وعرفناها كلنا ..وانا كنت منشكحه على الاخر لأنو ظني كان في محلو..
سلمت علينا ..كلنا وحده وحده ..ابتسامتها ..مافارقت وجهها ..وكان هادا اكثر ما اثارني فيها ..لأنو رغم الالم اللي مايختلف عليه اتنين في عيونها ..كانت وبكل رضا مبتسمه ..مو قلتلكم راااااااائعه ..
انضمت معانا وحده ارتحت لها كثير ... يمكن علشان طيبة قلبها وااضحه ..وروحها الحلوه ..ولا عشني ملقوفه وما اعرفها شغلتني ..المهم كلهم كانو يعرفوها الا انا و(تشيري) ..سلمت عليا وقالتلي هلا نووسا كيفك؟؟.وانا اقلها هلا يا قلبي الحمد للله بخير ولا أدري مين هيا .
قعدت معانا ..وشويه جو مجموعة بنات مره كوليات ..على قول لووودي ..
وسلمو على البنت اللي باقلكم عليها وقالولها ..كيفك عابده من متى وانتي هنا ..
انا بلهت وقلت مومعقوووووووول لأ ..
عابده؟؟؟
قالتلي ايوا ايشبك يا بت بسم الله عليكي ..
ما ادري ليش حسيت اني ابى اسلم عليها تاني
ووووووووو ارتحت..
عرفتنا عابده على..القروب اللي جو دوبهم ..
وكانت اكبر وحده فيهم هيا (Petlas) بنت مره طيووبه وطعمه .
والتانيه ..صفاء الغدير ..برضو لزوزه ويختي عليها ..مره تنحب..
وو..سلافه ..ما ادري ليش من وجهها تحسوها عااااقله ..وبس تفكر..
والنعووومه ..سويت تشوكليت ..الله يسعدها ..يارب مره دمها عسل .
وآخر وحده الوجه الآخر(المرجوجه)
..
الللللللللمهم..
قعدنا نهرج هروج متعدده اولها ((اولاد الدرر))اللي اتمنيناهم معانا
أممممممممممممزح ..
قعدنا نتكلم عن الدرر ..وانو منتدى مميز ..ومره خطير مافي زيو ..أبداا..لو فرينا الشبكه كلها <<حلوه دي لو فرينا الشبكه ..
ودخلنا في موااااااااااااضيع يا كترها من هنا للصبح حاتكلم فيها ..
بعضها مهمه ..وبعضها .. مرررررررره مهمه ..
نحكيكم عليها بعدين حسب المناسبه ..
يووووووووووووه نسيت انو اتفقنا انو ما نقولها لأحد ..
معلييييييش يا بنات شكلي ناويه اتصقع اليوم ..
معللللللللللليش سقطت الهرجه سهوا..
على كل وانا قاعده مع البنات واخر بسطه ..يرن الجوال مين ..ماما ..يالله ..اطالع في الساعه الاقيها اتنين وربع يا بنات الساعـــ .. وكل وحده قامت تطالع في ساعتها أف مره سرقنا الوقت وما حسينا بيه ..وقمنا نطالع حولينا ..تلات ارباع المحل فضي..والدنيا شبه مقفله ..الأنوار ..والــ..ووالجوال لسى يرن ..
_ألو ..هلا يا ماما ..آآآآآآآ ..أنا ..
_كان اتفاقنا اتنين تكوني في البيت ولو اتأخرتي اظن فاكره اش قلت اللي رح يسير..
_بس يا ماما..آآآآآآآآآ
_أنا ماني على حسابك ..عندي مشاوير ..وابى اخلصها بدري ..وبكره كمان خارجه الصبح..
_طب خلاص روحي محل ماتبي ..دحين
_بعد ايش يا هانم الوقت اتأخر..
_لا عايدي أنا رح أرجع مع (تشيري)..وايش رايك لو نمت عندهم..والله بكره الصباح تلاقيني في البيت
_....
أوووووبس ..رخت السماعه في وشي كالعاده لمن أطلب منها الطلب دا ..<<وكانت ليله كحلي..
عااااااااايدي جدا تحصل في أحسن العائلات
.........
وكل وحده ساعتها افتكرت انو وراها اهل..واخوان ..ودنيا ..
وقمنا على عجاله .. كل وحده سلمت على التانيه وبرغم اننا كنا مستعجلين وكل وحده بالها في اللي رح يسيرلها ..وعلى التأخير اللي أتأخرناه ..
كان سلامنا .. وعناقنا ..مووووووووووعاااااااااااااااا ااااااييييييييدي..
حسينا قد ايش احنا اخوات ..
وقد ايش نحب بعض..
وقد ايش حلوه لحظاتنا مع بعض..
وقد ايش مره متأثرين انو عدا علينا الوقت ..ورح نمشي ..
وما ندري متى رح نتقابل تاني ..لأنو الخرجه دي تمت بعد طلوع الرووووووح..
..
آآآآآآآآه ما ابى افتكر اكتر من كده لحظة الوداع ..وان كانت للقاء تاني..
لأني بجد مهما وصفت روعت داك اللقاء مارح اكون ..وصفته حقيقي..
..
رغد..كنت رااائعه
صدى الحرمان ..سعدت جدا بمعرفتك ..فأنت شخصيه متميزه .
عابده لله ..أحبك ..لاحرمني الله قلبك الكبير..
نبضة الحب .. كنت مره كوول..ومره بجد حبيتك ..وكثير انبسطت بشوفتك..
بحاره ..غاليه انت على طوول ..لكن داك اليوم زاد غلاك لحد وصل فيه إلى الـ..بعدين اقلك فين
لوودي .. بدووووون تعليق ..كنت التوب ديك الليله ..اكيد فاهمه قصدي..
Petlas..أحيانا ..كتير نقابل ناس ونحس اننا نعرفهم من زماااااااان ..هادا هو بالزبط الاحساس اللي حسيت فيه لمن قابلتك ..وقعدت ..واتكلمت معاك..
صفاء الغدير..أعتز جدا بصداقتك يا غاليه ..واتمنى أن تدوم إلى الأبد
سلافه ..أهنئك على روحك الطيب ..ونفسك المعطاءه الخيره..دمت بود غاليتي..
سويت تشوكليت ..يختي عليكي مره نعوومه ولزيزه ..بصراحه اشياء كثيره فيكي نتشابه فيها..امكن هذا اكثر شي جذبني ليكي..لأني نادر الاقي وحده تشبهني ..في صفات زي كده ..ممكن اعتبرها من طبايعي وصفاتي"الصعبه"..
الوجه الآخر..آآآآه وما أدراك ما الوجه الآخر
وتحبه ..ثم تحبه ..طعومه وطيووووووبه لأبعد حد ..ومررره عسل ..
..........
وأخيرا ..
رنيم الريح ..
همس..
سحاب ..
البندري..
جودي..
الأمل ..
الشهد..
بسمة الحياة
هيلدا..
وجميييييييييع الدرريات ..
بحق تمنيت وجودكم معانا ..
نعوضها في الجيات التانيه ..
ان شالله..
وللجميع اجمل تحاياي ..
وارقها..
ولاااااااااااااااااااازم نعيدها يا بنات ..بعد العيد..
Nooosa
[/ALIGN]
[/align]
