________________________
هذا رد توفي , وراح أعلق عليه بنفس الطريقة للي سبق مع همس , ألبسوا نظارات
_______________________
توفي , يحرئ حريش أوباما على هيك رد إيييييييييشبك إنتي ههههههههههه
_____________________
جا دوري
زادي ـ يالله حيهم
بسم الله الرحمن الرحيم<<<راح أبدأ مرسوم ملكي
بس قبل لا أهرج لحد يزعل ولاحد ياخد على خاطره مني و أعتذر عالجميع اذا غلطت على أحد
أو إذا كنت صريحه زيادة عن اللزوم
مـــقدما
زادي ـ هاتي الهرجة وكلنا أذانا صاغية يافتاة
***********
دحين بقتبس من كلام خالي الله يحفظه اللي خلاني أنام وما أنـام وسبب لي إحباط
فوق الإحباط اللي فيني
زادي ـ طب ليه أخذتيه على إنه سبب إحباط ياتوفي ؟ إنتي في مكان مسئولية والموضوع مناقشة وحوار ماهي هجوم ودفاع .
وين نشاطكم عن الإستراحة ؟
زادي ـ صح أنا سألت كدا .
مافي نشاط..مانقدر نسوي حاجه لا ينشطنا ولا ينشط الأعضاء
زادي ـ مني فاهم ؟
ويش عملتوا شيئ مميز في الإستراحة ؟
زادي ـ صح كمان , أنا سألت كدا .
ولا شي غير المسابقه دي اللي تعبت فيها أنا ورحيق قبل ما ننزلها
زادي ـ طيب !
بتقول ليه أنا أقولك ياخال
زادي ـ قولي يابنت أختي قولي أطربيني وأشجيني
تفتكر ياخالي لما اول ما استلمت إشراف الاستراحه وقلتلك ابغى أترك بصمة ليا في الاستراحه
بفكره من بنات أفكــــــــــــــــــــــاري تفتكر ياخالي ولا ماتفتكر
زادي ـ فاكر فاكر تمام .
ومن يومها وانا كل ماطلعت براسي فكيره (تصغير فكره) أواجه الرفض
انه ما راح يتقبلها ,ما راح أحد يتجاوب معاها, محى تمشي تمام حتواجه الفكره الخمول
زادي ـ طب ليه تحبطي نفسك بنفسك ؟ يعني ليه تفترضي الإفتراضات السلبية قبل ماتعملي الفكرة وتطبقيها ؟ وبعدين المحاولة تبقى شي كويس والنتائج أكيد راح تكون كويسة إذا الواحد أجتهد .
مره على مره.. مره على مره.. صابني إحباط والمخ تنك
زادي ـ لأ , لأ ياتوفي , إنتي ماشاء الله عليك يجي منك , بس مشكلتك إنك ماحاولتي .
معليش هذي قدرتي عالأفكار وآسفه اذا ما وصلت أفكاري لمستوى أفكاركم
زادي ـ بالعكس ياتوفي , والله كلامك عن نفسك دا هو التحبيط بعينه وخشمه وإدنه , ليه ؟ الموضوع بسيط , إنتي لو نزلتي مواضيع عامة حوارية أو فيها نقاش أو حتى ترفيهية بقالبك المعروف عنك , يبقى شي كويس , وشوي شوي تجي الأفكار . وبعدين ياتوفي يا أختي الكريمة ياست المنتدى , والله كلنا عيال تسعة وكلنا واحد , بس فيه شخص عن شخص يفرق في بعض الأمور , وأعتقد إنك تمتلكي موهبة جميلة في أمور النقاش والحوار وروحك حلوة ومقبولة ومميزة .
شوف دي المسابقه ياخالي طلعت فيها من شهر
وانا أقلب فيها وأعصرها من مخي و أكلم رحيق لغاية ماطلعت وماشاورت فيها أحد غير رحيق
لأنها الوحيده اللي عجبتها الفكره لما طرحتها والوحيده اللي ما راح تحبطني
وبالرغم انه العمده طلب اننا نزلها من أسبوعين لكن مانزلتها الا دحين
والسبب اني لما ابغى انزل شي يكون شي عليه القيمه متعوب عليه
وشي جديد يختلف عن باقي المسابقات
زادي ـ ياتوفي أنا والله ما لي إعتراض على المسابقة حقتك بشكل خاص , لأني ما أطلعت عليها , أنا كان ولازال قصدي إن نكون مختلفين شوية , يعني مسابقات من هذا النوع ويش أستفيد منها إذا كانت أجوبتها على الجاهز عند قوقل ؟ أعيد وأكرر والله مالي إعتراض على المسابقة كونها من توفي أو من رحيق , قصدي كان على الفكرة بصفة عامة .
بتقولي 100 و50 بطايق شحن بقولك مو بيدي أحط الجوائز و لا أغيرها اللي
أقدر أفكر فيه المسابقه
أما اذا مافي أحد تجاوب طيب انا ايش بيدي!!!
شي تاني كمان عشان أضيف بصمه إني سويت شي بالمكان
اللي كلنا نحبه شوف البنر الكاشخ فوق دا أنـا سويته وماطلبته من الغالي كونـ
عشان بأثبت كمان وجودي وأبغى أعطي دا المكان شي من اللي قدم لي اياه
زادي ـ عشان كدا أنا أقول إن عندك مواهب وممكن يجي منك أكثر وأحسن , وهذا قسم بالله مو نفاق أو مزايدة , لأ , والله حقيقة , لأني أعرفك من أيام تيما ضي القمر
طيب بتقولي وين المواضيع يابنت أختي
بقولك تفتكر موقلت لك حنزل موضوع مشكله اجتماعيه
بالفعل كتبتها لكن تراجعت اني انزلها وفكرت مليون مره كيف الموضوع يكون كامل
ويكون واصل مو مجرد صف جمل وقلنا موضوع
برضو أعتذر
عقلية الناس اللي متواجدين بالمنتدى عقلية ناس كبيرة وفاهمه الحياة ناس
فاهمين عن ايش يتكلموا
أنا كبنت 20 سنة لازم أقولب نفسي لبنت في 30 سنة عشان أواكب مجتمع المنتدى
ومو أي أحد يقدر يسوي دا الشي فلم أكتب موضوع لازم يكون موضوع من العيار
الثقيل موجه لعقلية في الثلاثين وانت طالع
وانا مـا أقدر أكتب دا الموضوع لأنه أساسا مالي كم شهر داخله العشرين...
زادي ـ ياتوفي , الله يحفظك ويطول في عمرك , مو مطلوب منك إللي إنتي قاعدة تفكري فيه دا ,,, ياتوفي ياست الناس , أكتبي عن هموم إللي في سنك , عن مشاكلهم , عن أمانيهم , عن تطلعاتهم , عن تجاربهم , أكيد حاتلاقي مجال كبير جداً ,,, يابنتي إنتي منتي قاعدة مع عجايز هههههههههههه الله يقطع إبليسك قولي آمين .
لما نجي لحكاية الركود والجمود
صحباتي كتير سجلوا بالمنتدى يوم واحد وماعد دخلوا
تتوقعوا ليه؟؟؟
زادي ـ ليه ؟
وحده قالت لي مايحمس كله ناس كبــآر
زايد ـ بسيطة , نجيبلها صورة كرت العايلة
ودا أكتر سبب مافي شباب بالمنتدى أعمار 15 والعشرين مفقوده وان وجدت فهم اتقولبوا وساروا بعمر الثلاثين
زادي ـ ههههههههههههههه صدقيني أنا قلبت معايا العكس : ) حقيقي في هذي معاكي حق , ونفس الكلام دا قلته لرحيق , أنا بناتي نفس الشي بيشتكوا منه , وطفشوا من هنا .
وأكبر دليل عضوه من احلى العضوات محى اقول اسمها الكل يحسبها متزوجه وعمرها يجي 25
لكنها لسه زغنونه طالعه أولى ثانوي
زادي ـ طب كويس , يعني أخذت خبرة مجاناً , هذي من فضايل المنتدى ههههههههه
مافي مواضيع تجذب الشباب ومشاكلهم ولا أقدر أنا كمشرفه اني أكتب مواضيع شبابيه بعمري
لأني حواجه رفض كبير..
زادي ـ ليه راح تواجهي رفض ؟ إذا كان موضوع فعلي و واقعي , ليه تلاقي رفض ؟ بالعكس راح يكون شيئ كويس . جربي .
..........
حكاية التحبيط اللي اتكلمة عنها رحيق
في مشكله اجتماعية ايوا كتبة رد لأني كنت من جد محبطه
ياهووو
أقول رد ..فكره..رأي أبغى أحد يرد يقول كلمه وحده يا ايوا يا لا ألاقي تطنيش
يوم تزعلوا وتقولوا ليه ماقلتوا رأيكم
زادي ـ المسألة مافيها زعل , وإللي يزعل يشرب من موية البحر .
طيب سؤال أنا لما أقول رأيي إنت حتسمعه ولا حتهمشه
اذا عرفت ردك أكتر من مره هوا نفسه انك تطنشه أو ترفضه أنا محى أقول رأيي
واذا قلت رأيك بأقولك عين الصواب وبرافو لأني لو عارضتك بتحط مليون عيب وعيب
زادي ـ ما أدري , بس بصراحة مافهمت !!!
************
بالنسبة للحاجات اللي قالها أستاذ محمد المحيا ربي يسعده
قال اللي ابغى أقوله
و أوافقه مليون بالمية
كل ما بقول ياتووفي يلا فضيتي ابدأي سوا حاجه تطلع لي مليون حاجه وحاجه وتسبب غيابي
عن المنتدى وكدكوده حبيبة قلبي عارفه قد ايه بغيب
زادي ـ مسألة الغياب كلنا معرضين لها , كان الله بالعون .
************
بالنسبة للحاجات اللي قالها كونـ باشا
حكاية ارسال رساله للعضو..انا زعلانه وضايق خلقي بسبب حاجه طلبتها ومحد عبرني
ايش أسوي اللي أقدر عليه بحاول أسويه
انا مقصره واللي ذكرته فوق ممكن مايكون مبرر لكن شي أحسه كل مادخلت المنتدى
وانت ياخالي فتحت موضوع النقاش وجيت عالجرح وتبغى الإجابة وهادي إجابتي
لاحد يزعل مني ولاحد ياخد على خاطروا مني
وسوو نفسكم ماقريتو الرد أنا وحده لما أنفلت أنفلت
هيا سلام عندي اختبار الأحد ولسه مازاكرت __________________
زادي ـ أول حاجة , أبغى علبة مناديل عشان راح أبكي من دحين لبعد العصر ,,, ياتوفي إيشبك قلبتيها دراما ؟ واله لحد زعلان منك ولا فيه أصلاً أحد زعلان من أحد .
عموماً ياستي , الله يوفقك في إختبراتك أول شي ,,, وتاني شي الله يكون في عونك لمن ترجعي , وثالث شي أشكرك جزيل الشكر على هذي المشاركة والمصارحة الجميلة جداً ,,, ورابع شي وأهم شي , لاتزعلي مني , والله كان قصدي واضح , مو تجريح ولا تحبيط ولاخرابيط ,,, الموضوع ومافيه بأكلمك لأنك في مكان مسؤولية , فقط لاغير ,,, وشهادتي فيك وفي أخلاقك ونجاحك ونشاطك مجرحة , لأني أعرف مين هيه توفي .
الله يسعدك ويبارك في عمرك يارب .