.×.العيد فرحة وأحلى فرحة.×.

[رحاب]

(طرومبة وطرووومبة)واطفال يرددوا وراه

هذا اللي سمعته أمس وأنتِ تكلميني من العيدروس

امس فعلا حسيت شئ أسمه عيد وأنا أسمع صراخهم ياأم أصلة إنتِ جد موهينة والله لا وبعد نمر وحركات عندكم ....بجد أغبطك على طفولتك أستمتعي بيها ماشاء الله

إنتِ تتسلقي شجر توت وانا أتسلق كنت شبابيك الفيلا من برة زي القرود على قولة بابا

والله عبودة مع الاطفال راح نحس بالعيد

طرطعي يالغلا ونشدي وافرحي ترى العمر اقصر بكثيييييير من لحظة حزن او كدر

بس دخيلك ابعدي عن الحية (الاصلة) والحركات دي ادري عنك تعمليها وتجيبي أسد في بيتك

وفرحانة جدا لأجل قلبك إنه فرحان عسى الله يديمها عليكِ ويبسط يوسف

وعلى قولته وديه العيد

دمتِ عيدي وفرحتي

[عابده لله]

ما صدقتي يا روبي ...

ايـــــه تـــيـــب ...

لكن أتحداكِ اذا عرفتي باقي الانشوده





رااااااااااااااااااااااااااااا اااجعــــــــــــــــــــه





عابده

[الشجاع]

اول شيئ كل عام وانتم بخير
والله باين العيد مررره حلووو عندكم
بس أحنا العيد عندنا نوووووم
يعني صلينا العيد وبعدين على طووول نووم حتى أذان المغرب وبعدين صلينا مغرب وعشاء وبعدين على طول إلى النت وبعدين نووووم وهكذا الحال كل يوم
يعني مافيه مكان حلووو واحد يروحه

[رحاب]

وأنتِ بخير ياهمس ويااااارب تكوني عند أهلك السنة الجاية
ليلة عيدكم فيها ملامح مننا يكفي ريحة العود على الفجر ....
وطلع تشاركونا كمان السؤال الخطير:مين معيد معانا
هو احلى مافي العيد انك تشوفي ناس زمان عنهم وتحسي بفرحة الاطفال
وصدق آلمني أنك في غربة وعيدك هناك
انا رمضان ماقدرت أتحمله فما بالك بالعيد وأنتِ بعيدة عن أهلك!
بس خلينا نتقوى ونقول اننا في جهاد وإنه علمنا راح يكون ابتغاء مرضاة الله وفي سبيله وإننا حنرجع لأهلنا رافعين راسهم ان شاء الله
وانبسطي بالطراطيع كلها ايام وتعدي
(نفسي اطرطع طرطيعة قبل ماسافر والله )

ودمتِ بخير

[إشراقة أمل]

ها بشروني أخذتوا العيدية ولا لسه؟؟

حبيت أعيد عليكم بخمسمية وكم عشرة

مدري.. أروح أشيك على الحساب.. حطيتي شي فيه؟

بس دخيلك ابعدي عن الحية (الاصلة) والحركات دي ادري عنك تعمليها وتجيبي أسد في بيتك

تسويها

هم يوسف عاجبته بالحيل المراجيح القديمة والهزازات وكل الحركات
وقالي اليوم يا ماما جا العيد وباكر بنروح العيد مرتن ثانية ( على باله يغمه )

هاليوسف الغالي..

فرحت بشوفته أمس











سموا بالله وقولوا مـاشاء الله

















هذا هو يوم راح للعيد في العيدروس



هذا وهو يظهر ميوله الرياضية





وهذا يوم شفته.. بس الصورة مو واضحة بسبب كاميرا الجوال







الله يخليلك يوسف ياأم يوسف ويحفظه ويصلحه...

وريه الصور وقوليلي ردة فعله




دمتم بكل خير وطاعة

[همس الشوق]

[align=center]هلا رحاب الغاليه وكل البنوتات الحلوين

وشبابنا الطيبين ..

وأهلاً بليالي العيد والسمر ..






[glint]اليوم خطر في بالي أكلات العيد..[/glint]


طبعا كل شعب وكل منطقه لهم أكلاتهم وعاداتهم



نحنا في الغربيه .. عادة إفطار أول يوم العيد

جداً مميز بأكلاته وبإستقبالاته ...


العاده جرت بأن تكون في بيت عمدة العيله

إفطار بعد صلاة المشهد بحوالي ثلاث ساعات ..


تتقابل العيله وتتلم مع بعضها .. الأولاد والأحفاد وأولاد العمومه والأخوال ..


كل واحد يجيب معاه بعض من حلويات العيد والعيديات وطبعاً رائحة المنزل بخور وعوده معبقه المكان ...


[glint]الأكلات المشهوره :[/glint]


الدبيازه << أموت فيها


اللدو .. واللبنيه ..

الهريسه ..

المعمول البيتي الطازه .....

تمره .. << لازم تكون عالسفره

والقهوة ..


والجبنه البيضه .. والمربى ووو << الإفطار العادي


العيش الشريك << زينة السفره


طبعاً الشاي والعصيرات المتنوعه وبعضها

ذات نكهة رمضانيه مثل الخشاف أو الكشاف
وعصير التوت أو الفيمتو!


وبعد الإفطار والكل بملابس العيد تبدأ .. الهوشه عن العيديات


ومين جمع أكثر وكل واحد كم وصل .. والألعاب والبالونات


وطبعاً بهذه اللحظه يبدأ الحديث عن النيو لوك وكل واحد

ايش عمل جديد .. " بشعره مثلاً أو بلبسه إلخ .."



لحظات إفطار العيد من اللحظات التي تبقى بالذاكره

للأبد


وكل مالعائله تكبر ماشاءالله ينحصر هذا اللقاء أكثر فأكثر



وحتى همسه أخرى عن أعيادنا


لكم أرق التحايا وأعاده الله عليكم بالقبول والغفران


همس الشوق [/align]

[نبضة الخير]

[align=center]يختي عليه ماشاء الله يجنن يوسف
الله يحفظه يارب
.
العيد لاطفال له معنى تاني وتحسي معهم وبوجودهم شئ غير
.
يسلمو شروقة
.
وعابدة يحفظه ربي لكِ [/align]

[همس الشوق]

[align=center]ماشاءالله لاقوة إلا بالله


الله يحفظه يارب ويبارك فيه ويفرحك فيه ياعبوده


تسلمي يا إشراقة أمل على الصور الجميله ..


لكن ممكن تسمحولي أسألكم سؤال ..؟؟

إيش تطلع العيدروس منطقه ولا ملاهي وماهو تاريخها .؟ وأين تقع؟



سلمولي عالقمر الي بالصوره ربي يحميه


وأنا كان ودي أقترح إقتراح بس خفت يقابل بالرفض

وهو نبغى نشوف أولادكم كيف عيدوا ووفين بالصور ..


والعرض لازال قائم لجميع الدررين شو رأيكم ؟


أختكم الهمس [/align]

[رحاب]

ياحبيبي يايوسف
وحشني والله يسعد قلبه يارب.....نفسالملاهي اللي كنا بنلعبها واحنا صغار طلع العيدروس يقرب لملاهي ينبع

اهم شئ انه حس بالعيد عبودة
وخلاص فرحيه وبسطيه ترى زوج بنتي ولازم تبسطيه على الآخر ماابغى ينكد على بنتي بعدين

اما امولة على فكرة رسالتك كانت خير اتصلت علي وحدةتقولي فعلا دا رصيدك تبغيارسلك فلوس عليه
أمولة عبودة وهموس ونبوضة أستأذنكم الان وقت سفري الان دعواتكم لي وعودة ان شاء الله من الامارات

[Nooosa]

يا حلاوة العيــد .. ياحلاوة

من باب جديد ياحلاوة

أشكال وألوان .. ياحلاوة

شغل الفنان .. ياحلاوة

وطرمبة .. طرمبة .. يا حلاااوة

بياع الشوووربة ياحلاااوة

..( أهازيج العيــد في العيدورس .. آآآه ياجدة وحشتيني وحشتيني وحشتيني )..

همس الشوق .. العيدروس : منطقة شعبية في البلد .. قريب من باب مكة .. عن برحة باب جديد .. خلف ميدان البيعة تقريبًا ..

عشان كدا في الأغنية ( من باب جديد )

عبووودة .. جبت النشيد ولا لأ؟
ذكرياااااااااااااااااااااااااا اااااات
الله يسامحكم
.
.

جدة والعيد والأهل .. والأصحاب .. والمشهد .. والفطور .. والدبيازة .. والحمرا والعيدروس ..
شكرًا رحاب

[همس الشوق]

[align=center]مساؤكم ورد طائفي


لأول مررررررره بحياتي أشعر إنه فيه أماكن بجده ما أعرفها


طبعاً أعرف باب مكه وباب جديد<< أسمع فيه

ولكن لا أعرف العيدروس





وأطفال اليوم أعتقد لن يغيب عن ذاكرتهم العيد على البحر

والألعاب الناريه وتشيكي تشيز وفن تايم والشلال ...........إلخ



جعل الله أيامكم أعياد ...

نوسا الغاليه شكراً ياحبيبه ...


همستكم [/align]

[رحاب]

أول شئ أطلب السماح منك اخي الشجاع

والله ماأنتبهت لردك إلى الان الله يسامح البنات عاملين زحمة هنا

وعيدك مبارك

بس غريبة بابا يقول ماحتسوا بطعم العيد الا في اليمن وأنت حسستني كده انه عيدك يشبه عيدنا

ربنا يسعدك ويجعل ايامك كلها فرح وسعادة

[عابده لله]

يا جماعه كنه شبه يوسف


.
.


عابده

[رحاب]

سامحوني لتجاوزكم همس ونوسة
بس عاد حبيت ارحب بحماة بنتي (بدينا شغل الحموات من الآن)

فديته يوسف الله يحفظه لينا يارب وكويس انك اعطيتي امولة الصور والا كانت راح تنام عندك وماكنا راح نشوفها(عاد عبودة يومها بالسنة )
المهم انا بانتظار الفيديو اللي قلتيلي عليه......
مع انه احساسي يقول ماحشوفه الا السنة الجاية ان ربنا احيانا

دمتِ أحلى حماة

[الأمــل]

[align=center]من البدر المنور في غرة شوال ؟؟
ما شاء الله عليه يوسف الله يحفظه ويرعاه..ويحميه من كل شر..

الحين اكتملت عندي العيدروس...

من كم يوم الصوت... واليوم الصورة...ويحيا العيدروس.. بفرحة الأطفال وبراءة لعبهم...

ربي يقر عيونك يا عبودة بيوسف وإخوانه..ويعينك على تربيتهم، وتنشئتهم..

وتقبل الله منا ومنكم...وكل عام والدرر وأهلهم بخير..

بارك الله في الجميع..

الأمــل[/align]