كل شي وارد هالايام !

[خربشات قلم]

حشى FM اونلاين

وينكم يا مشرفين حذفو موضوعه

(ذنبكم حاطين الاهداءات من 600000) مشاركة.. كان الحين (طر) الاغنية في اهداء بدل ماياخذ مساحة من المنتدى

المشرفين بسابع عشر نومة وانت تهذر هني بروحك

اطلب اغاني خلني اروح ادورهم، ابي الوقت يمشي بسرعة جتني النومة

[المجد برهان...]

ليش تبين الوقت يمشي بسرعة .. ؟!
اخذي له سيارة ..
بس المشكلة ما عنده رخصة !
ما يمشي بسرعة إلا اذا المُنتخب مغلوب

المشكلة ما اسمع اغاني وايد ..

في اغنية اتقول ..

أنا مريت على بابكم مرة ، و خذني الشوق بيديني
لاقيت نفسي تمنعني من الروحات و الجيات .. و الجيات ..
لقيت الخطوة تسبقني لدروبك يا غالي .. و لقيت اني في نفسي كلام بحور باقوله ..

هي يعني اغنية كلام فاضي ، بس ما ادري ليش اغنيها !

و في مثل يقول ..
مد لحافك على قد رجلك ..

و في حكمة اتقول ..

لا تسأل النايم ..

تعالي لحظة ..

اشفيج على موضوعي .. ؟!
كله عِبَر و حكم و أمثلة و أبيات ما صارت و لا استوت

لا تحذفونه خلاص غيرت رايي ..

جيبي ليي اغنية يا صاحبي شوف الدهر خلاني أصرخ آه
يا صاحبي عفت الصبر ماقدر على فرقاه
بعد الهنا صرت ابكدر

و ابي الرابط اللي يخزنها مو الرابط اللي يسمعها دايركت . .

و قلاص (كوب) ماي ..

و بارد بعد :p

ترى لا تخليني آخذ عليك مشكلة ..
و لا تاخذين عليي لأني مو في وعيي ..

المشكلة نايم زين ،، بس مو في وعيي هذا من وين ما ادري ..


بينْ الفينةِ و الفيْنة ..
أبكي على طفولتي ..
على أيَّامي الماضياتِ ..
.
.

ما كان في بلاي ستيشن
الواحد كان يضطر يلعب في الرمل

[خربشات قلم]

كل ذي وما تسمع اغاني وايد

ايه امبلى كله حكم صح

المشكلة ان المنتخب داااايم مغلوب ، على قولتهم نبي انجاز يتيم بس لكن الوقت مو دايما يمشي بسرعة،، وانا ابيه يمشي لان مابي انام وماعندي شي اسويه ان قمت من الكمبيوتر بانام داايركت

جيب اسم المغني مو جم كلمة من الاغنية، قالو لك انا اف ام مثلك

قلاص ماي باااارد بعععععععد ماتبي فرش ليمون ينعنشك على الصبح ؟:299:

المشكلة في الملل (1) في القلب الرقيق اللي ينكسر خاطره بسرعة (2) والـ60000 مشاركة المطلوبة عشان الاهداءات (3) والوقت اللي ما يتحرك (4)

ولا جان ما عرضت نفسي لمذلة اني اجيب قلاص مااي من تحت لهنييي للمجد

[المجد برهان...]

اذا ما عندج شي تسوينه ليش ما تبين تنامين .. ؟!

ايه ما اسمع اغاني وايد ..
لأنها تقسي القلب ، هذا مثل طاجكستاني ..

مادري من يغني بس هو خليجي ..

و في اغنية اتقول ..

سيدي وصالك زاد عليَّه حنيني ..
و الباقي شنو عاد ما ادري ..
بس هي مغنية و تقول فيها بعد
ده انته النسايم اللي بيها العمر حالي
انته يا سيدي كلمتين ترووف بحالي

و كذلك في اغنية اتقول

كانَ صديقي و كانت حبه الأبدي
بل كان حُبهما حكاية البلدِ

و في مصيبة اتقول ..

Now I can tell you what I've done for you, fifty thousand tears I've cried, screaming deceiving and bleeding for you, and you, still won't hear me
going under .. و صدى صوت

انتي تدرين ان اللي يموت يوقف نبض قلبه .. ؟!
بس اشلون انا ميت و قلبي للحين ينبض ؟!!

هذا لغز حليه ..

و بعطيج لغز بعد ..

ثلاثة اشخاص و قدامهم حارس واقفين ورى بعض و قدامهم جدار يطالعونه .. يعني ما يطالعون ثيابهم ..
اثنين لابسين اسود و واحد لابس ابيض ..
اذا اللي لابس ابيض قال اني لابس ابيض ، ينجون الثلاثة
و فعلاً واحد قال انا لابس ابيض ..
اشلون عرف انه لابس ابيض بدون ما يطالع ثيابه .. ؟!

في مثل يقول ..

اللي اختشوا ماتوا ..
قصته ترجع إلى حمام حريم :p

و في حكمة اتقول ..
السر ما يصير سر اذا انقال لواحد ثاني :p

[عابده لله]

[align=center]

صباح الخير

تبون مساعدة :cool: [/align]

[خربشات قلم]

ههههههههههههههه

صباح الجوري

حياج عابدة.. المجد يمر بحالة عصبية نفسية متأزمة..

فكرت احط له برنامج علاجي بس احتاج لناس خبرة معه اكثر مني عشان اخذ معلومات عن الحالة

[المجد برهان...]

عابدة بعد جيتين اهني ..
انتون ناويين على روحكم بالجنون ..

عابدة ابي لعبة شطرنج كاملة حق الجهاز يعني بالكراك و هالسوالف ..
و أبي حكمة قويَّة تنفع حق حالتي حالياً ..
و ابيج اتقولين حق خربشات ان الاغنية حلوة :p

المشكلة و الطامة الكبرى في المنتخب انه كله مغلوب ..
و المشكلة الأعظم .. إني اليوم غير طبيعي !
مو اليوم .. جم يوم الحين جذي بس اليوم الحالة زادت ..
يعني تخيَّل .. قسم التجارب صار مستشفى مجانين !
و مربط الفرس يكمن في إني قاعد أهلوس و أقول كلام فاضي ..
يعني واحد يبي يكتب أي كلام ..

الوقعة .. إن ما يصير أحط اهداء
مسكين هالصبي في كل شي مظلوم
حتى اهداء أبي اكتب حكمة ما يصير ..
ما في واسطة .. ؟! :p

بعد ما يصير جذي ..

لأن في مثل يقول ..
لو لا حرف الواو لعُدمَتْ الأبجدية !
يعني هو الصلة الدائمة بين الفاقد و المفقود !
انا ما ادري اشدخل الفاقد و المفقود في الموضوع بس بينهم واو يعني في شغل ..

في اغنية اتقول يا عابدة ..
أخرجَ من معطفه الجريدة و علبة الثقابِ ..
و دونَ أن يلاحظ اقترابي تناول السكر من أمامي ..
تناااااااول السكر من أمامي ..
و كذا يعني ..

المشكلة في الاغنية علبة الثقاب ..
ما كان فيه ولاعة ذيك الأيام يعني.. ؟!

[المجد برهان...]

بعد بتعالجيني خربشات .. ؟!
المشكلة هذي الحالة ما مرت على هالمنتدى من قبل ..
هذي الحالة في الجهراء الله يرحمها صارت وايد ..
يعني سويت مشاكل اهناك ..
مرة من الفضاوة ، سويت أحزاب في الجهراء ،،
الحزب البرهاني و حزب النسوان المتمردات و صارت مشاكل ..
كل ما تصيدني هالحالة تصير مشكلة الله يستر

بس الحزب البرهاني كان يعني حزب عنيف ياكل الاخضر و اليابس ..
الله .. أيام ..

هذي الحالة ارحم في حالي يعني ..
ساعات تصيدني حالة "ضد النساء" هذي ما تطلعون منها إلا محد منكم يشتهيني

بس بيني و بينك يعني .. المرأة شر :p

((يبي يفتح سالفة))

[خربشات قلم]

ههههههههههههههه

كنت بنصحك تروح درة التواصل تحتج مع الحبيبة حبيبة هي حاطة مطالبة بتخفيض رسوم الاهداء..

لكن دام حالتك واصلة لهالدرجة فشلة تطلع في واجهة المنتدى..

خلك بتجارب المجانين اهون

عبودة شوفي للرجال حل,, انا عالجت حالاات بس بهالدرجة من التقدم في المرض ما واجهني

[خربشات قلم]

ههههههههههههههه

احسن افتح سالفة خل يطوف الوقت

ابي بسررررعة ياذن الظهر اصلي وانام من امس ما نمت

[عابده لله]

[align=center]

لااااااااااااااااااااااااا الوضع جداً سيء ..

أنا اشوف أنك يالمجد تمشي بـ العلاج خطوة بـ خطوة مع خربوشه
وضعك مب زين أأأأأأأأأأأأأأبد ياترى وش سالفتك

خربوشه ..
شوفي له حل سريع قبل لا تنومين تريه يحتريه .. [/align]

[المجد برهان...]

بعد أروح درة التواصل أحتج ..
تبين تكبر السالفة .. ؟!
قالوا ، ورى كل مشكلة إمرأة :p

و حالتي هذي مو نفسية ..
لا .. هذي حالة روحانية تحتاج إلى رعاية تامة و أنيقة و يبي ليي ماي ورد و علوج (علكة) بو اربع آنات ..
و قلاص ماي بااااااارد ..

و أكتب موضوع جديد في درة الفلسفة بِعنوان .. الأعمى و المجنون !
و الله يستر ..

تدرين قرأت في مجلة إن نسبة تفكير المرأة المنطقي ما يتعدى الـ 1% .. ؟!
سُبحان الله ..
و في مُقارنة بين نسبة تفكير المرأة و الببغاء ..
طلعت إن الببغاء تفكر أكثر من المرأة .. !
تخيَّــل ..
و مرة شفت برنامج اسمه المرأة كناية عن المشاكل ..
يقولون إن كل مشكلة وراها امرأة ، و المثل شاهد ((فتِّش عن المرأة)) ..

في اغنية بعد حق عبدالحليم اتقول ..
سواح و ماشي في البلاد ..
.
.

و يقول فيها ..
سواح و انا ماشي ليالي ،، سواح ايه اللي جرى لي
و كذا و كذا ..

و في رواية اتقول ..
إن عبدالحليم ما مات ..
و في رواية ثانية اتقول انه مات بس للحين يغني !
و في رواية عن الشارع الرياضي اتقول ..
إن عبدالحليم كان يطالع كورة و هو يلحن !
و في رواية عن الراوي المعروف المجد برهان ابن النفسي النفيس اتقول ..
إن اليوم ما بيعدي على خير ..
و الله يستر ..

و نهاية الموضوع مشكلة ..
و السالفة في فم الشاعر اللي يقول ..

لا تنسى من خلَّاك تبجي على الغدا ..
باجر تلاقيه ياكل و تتسمَّمْ المعدة ..

و الشعر اللي يقول ..

أنتِ التي في القلبِ باقةُ سوْسَنٍ
أضحى بِها قلبي عطر كارتير !

و في نهاية المطاف أهديكم اغنية ..

زيديني عشقاً زيديني
يا أحلى نوباتِ جنوني .. زيديني
زيديني غرقاً يا سيدتي
و هكذا ..

[المجد برهان...]

عابدة شالموضوع .. ؟!

شلون الوضع وصل لهالدرجة من السوء
وين الشطرنج

و خربوشة من هذي .. ؟!
خربوشة ما حلت الألغاز للحين :p

و هذي الجملة ما فهمتها

شوفي له حل سريع قبل لا تنومين تريه يحتريه ..

شلون يعني .. ؟!

[خربشات قلم]

احمد ربك

ما انقذتك من ملل محتم وجابت الاغنية هني الا امرأة كسرت خاطرها

وبعد تتفلسف على النسوان..

لكن مووووو منك.. من الحالة الـadvanced اللي تعاني منها..

في هالاوضاع انت لازم تتعامل مثل اللي مرفوع عنه القلم

هههههههههههههه تاعب نفسك يالس تكتب في اغاني عبد الحليم انصحك تروح الاستراحة او الثقافة وتفتح متصفح باسم فنانون خلدتهم الذاكرة .. وتكتب كل اللي بخاطرك عن عبد الحليم

ولا يهمك عبودة كاني امشي في خطوات العلاج

مسيطرة عالوضع تمام

[عابده لله]

[align=center]

الله يرحمك يا عبد الحليم ..
اليوم سوقه عالي ..

اشفيه طاري على بالك ..والإ اثرك من عشاقه ..؟

بس تبي الجد يا المجد..
انت تتحرش بـ الحريم ..
يعني تجر سواليف وياهم وهذا صج مب بصالحك
[align=center]
[blink]قال 1% قال [/blink][/align] [/align]