جلسة حش..... للنساء فقط

[أم إياس]

أميرة العرب

تفضلي القهوة بالسكر الزياده
مع اني لو حطيت كيلو سكر في الفنجان ما بتحسي فيه لأنك انتي سكر

والله يالغاليه انا بعد مشتاقه كثيييييييييير لحبيباتي عضوات المنتدى

وافقتدتكم مره فقلت اعزمكم عندي واغريكم بالحش عشان اشوفكم

خبرك احنا البنات والحريم نحب نسولف ونحش
مع اني سمعت والله حتى الرجال يحشون بس جاهزين يعلقون علينا

ما علينا

والله صدقتي ياختي
وانا هالنصيحه كثير اسمعها في الافلام المصريه
انه الحرمه الذكيه لازم تفضي جيب زوجها علشان ما يتزوج عليها

بس ياريت ينفع
ابو عيون زايغه لو ايش تفضل عيونه زايغه

وياليت نلتقي على المسنجر عشان نكمل وناخذ راحتنا بالحششششش

[أم إياس]

وردة وردية

هلا بوردتنا الغاليه

والله يختي احمد ربي كثير على النعمه اللي اعطاني اياها

بس بعد ما ارضى على خواتي انهم ينظلمون

وما ابي انا اكون مرتاحه وهم تعبانات يا عمري عليهم


والسهره حلوة

بروح ازيد الدله قهوة
وبسوي وحده ثانيه بعد

[أم إياس]

والله الرجال أنانيين

في رجال والله متزوجين حريم وكأنه بس لازم تنثبر وتجلس في البيت

ليش

انتوا تطلعون الصبح من البيت رايحين الدوام

تراها بعد اسمها فكه من البيت

وبعدين عندكم طلعاتكم مع الشباب

والاحلى عندكم خمس اوقات للصلاه تطلعون فيها من البيت وترتاحون ولو نص ساعه

وقليل تصير نص ساعه

احيانا يروح لصلاة المغرب يرجع بعد العشا
ليش؟؟ شفت صاحبي في الطريق وجلسنا نسولف والا عزمني على قهوة

انا ما اقول لا تطلعون

بس خلو الحرمه تتنفس شوي



لما بنت ابوها حاكرها
ولما تتزوج زوجها مخليها كأنها في السجن

وفي البعض حتى بيت اهلها يالله في الشهر مره تروح

حرام

وبعد لو الحرمه جاتها حاله نفسيه والا تكلم نفسها
مو عاجبهم

خلوها تروح عن نفسها شوي

امسك يوم عيالها وخلها تطلع مع اهلها

وانت طلعها يوم في الاسبوع لحالك معها
وخل العيال عند اهلك والا اهلها

بالمره يكون فيه تجديد

وخلها تتكلم على راحتها

مو بس انت اللي تتكلم ، اسمعها
حتى لو كلامها تافه

وانت ايش دراك ان كلامك مو تافه

والله احيانا الرجل يتكلم كلام افففف ممل


خلوا الجلسه شاعريه
والله انت بعد بتنبسط

[DANiA]

تصدقي جلسه فلة
مرة عجبتني الفكرة..وان شالله يرضى ابوفهد..
حتى مرة قلتله في حواء يخليها خاصة للحريم....
المفروض..
يعني نحن مانشوف بعض مرة إلا في الكم سنة مرة<بس لسه ماشفتكم..,
وكمان يعني مايكون لنا قسم لوحدنا بس
حطو القسم وانا أشرف عليييييه

فلللة والله حأخلي الحريم يدخلو بدون تذاكر ومتكشخين كمان.. وحأجيب شيخ يوقف عالباب يشوف الي طالع بدون حجاب..
ياعيني..
مرة فكرة خطيرة وعجبتني
يلا يا أم اياس يداً بيد انا وياكي على ابو فهد


<<لا تزعل مني يااابوفهد بتغشمر

[وردة وردية]

ام اياس الغالية.........


صدقتي يوم قلتي الرياييل انانيين.....

بس شوفي البنت يوم كانت في بيت ابوها كانت مو مسؤولة عن بين وزوج وعيال...... يعني مو مشكلة لو نامت متاخرة أو صحيت متأخرة أو طبخت أو لا....

لو طبخت في بيت ابوها.......
أبوها يقولها شاطرة يا بنتي" لو كانت الطبخة مو حلوة"
بس عشان ما يكسر في خاطرها ويشجعها

الحرمة الحين في بيت زوجها وطبخت كل انواع الاكل والحلويات
يجي زوجها ويكشف عن الاكل ويدخل ايده في المجبوس ويحطي في فمه لقمة ويقول: "امممممممممم حلو بس ناقص شوي ملح وبعدين شوي العيش يابس والدياي ليش لونه اصفر"

وبعدين يمسح ايده في "اوزاره" وياخذ من الحلو ويقول" اممممم بس ترى فيه وااااااااااااايد سكر ....... ويعقد يصرخ ويقول انتي يا حرمة تبين تمرضيني وتخليني فيني السكري"

وهذا حال الزوج في الاكل ما يعجبه العجب


ووالله بيت اهلنا كنا مدلعين وحلوين

[أم إياس]

وردة وردية

هلا وغلا

ايه الطبيخ

والله انا شفت بعيني ومحدش ألي

وحده ما شاء الله عليها معروفه بطبخها الحلو

عمره زوجها ما مدح اكلها
لكن اذا شوي فيه عيب يقعد يقول اكلك كذا وكذا

ولما يقولون له ليش ما تمدح اكل زوجتك لين زين وتذمه اذا كان فيه شويه عيب

يقول : هي تعرف ان اكلها زين، ومادام تعرف تطبخ المفروض اكلها دايما مضبوط

يعني حارمها حتى لو بشويه مديح

ولوجابت الاكل لسه مسخنته وحار لو حط يده في الرز ولقاه حار يجلس يدعي عليها، نار جهنم تحرقك

يا ويلي عليكم يا رجال

.................

اعتذر اكتب الرد بسرعه ورانا طلعه

تسلمين يا وردتنا الغاليه

لا تحرمينا من حشك الحلو

[الدره العالية]

السلام عليكم


ترانى ييت ومعاى قهوتى تر قهوتك حلوه انا قهوتى الى احبها بلحليب000خذى فنيان وقولى وش رايك

اه ياختى ام ياس لا تقلبين المواجع

انا ضعيفونه تصدقين وزنى 35

وريلى هد حيلى كل يوم ويقول كلى وايد عشان تسمنين

واختك ما تصدقين اكل مثل اليراده ما يبان على

وهو يحليله يبى يسير ضعيف

شفتى هو يبى يضعف ويبى سمنى

والله انا فى حاله ما فى وصفه الا وسويتها ولا حبوب الا وبلوعت ولا باين كنك تنفخين فى قربه مخزوجه

المهم كل يوم يقول لى حط يدك على حطب وحط يدك على خشب

والله من ضعفى اكون انا واولادى فى اي مكان يقولون اختهم

من شكلى الضعيفون

وهذا الى عندى يسوى رجيييم وانا حالتى حاله

اه تلفونى يرن شكله ريلى يبانى يالله مع السلامه
وبى باشر اكملج معانتى ويا الدب

[DANiA]

كويس انا أتخن منك ب 4 كيلو

[وردة وردية]

الدرة العالية خليك ضعيفة احسن

ترا الرياييل يبون يحطون على المرة لو شو ما كان جسمها

اذا ضعيفة قالوا هيكل
واذا متينة قالوا فيل


واحسن ان يقولوا انك اخت عيالك

ولا انهم يقولوا انك جدتهم


وصدقني وااايد يتمونون رشاقتك يارشيقة
ويمكن زوجتك يغار من رشاقتك عشان كذا يقولك اسمني شوي

[ايفا مون]

طاك طاك طاك " يعنني بأدق الباب......"


السلام عليكم ورحمة الله وبركاته


هلا والله و غلا اشلونكم خواتي خذي عني الشنطة

يا ام اياس جاية من المدينه

عشان احش معاكم

لكن اللحين اعذروني ودي شوي ارتاح


قبل لا اريح والله عندي فكره اتمنى انها تعجبكم

اشرايكم نعمل اجتماع مسنجر كلنا يالحريم نلتقي عشان
ما نضطر نغطي كل شوي

ونتعرف على بعض اكثر اتمنى ما تخيبوني انا اشوف ان الفكرة رووووووووعة


واللحين اعذروني

[هدى البقالي]

أهلا بنا انا وياك يا ايفا مون
الحمد لله على السلامة للوصول .
اتفضلي البيت بيتك احنا كلنا معزومين عند ام اياس (عند الكرم كلو )

وينك يا ام اياس؟ مستنين قهوتك

[سارونه]

خلي اللي ينفخ ريشه على زوجته

ارحم من اللي متشيطر على خواته

وتجيه وحدة توطا في بطنه

مايقول حرف



صبوا لي قهوة نشف ريقي

[السـ ـأهـ ـره]

مواضيع تفتح النفس منجد

يسعدك ربي ام اياس..بس اشبكم كلكم تغمو الواحد
تخوفون من الزواج ياربي
بس ماعليكم بسوي عليه قوه من ايام الخطوبه
يوم يجي اللي امو داعيه عليه واعطيه دروس والله يستر
اكيد يابشد شعري
يا شعره
بنااات بعدين تعالو
مو معقول ام اياس تسوي القهوه على طول حراااام
خل الدله بالدووور عليكم يوم تخلص
وزودوهــا هييييييييييل

هاتو حبايبي ماعندكم فضفضوو
وبجد بلاشي لقافه الرجال

[أم إياس]

يا حبنا في الحشششششششش

وبالذات الحش في الرجال

خلونا نقهر بعض الناس خخخخخخخخخ

[أم إياس]

الدره العالية

تاخرت عليكم

رحت اجهز دلة قهوة ثانيه

والله يختي بصراحه معذور 35 عاد ماشاء الله عليك

حلات الحرمه فيها شوي مو عظام الله يهديك

اكيد انتي عصبيه وعلى طول حارقه في اعصابك

هدي شوي وبلاش حرقه اعصاب مافي شئ يستاهل