[align=center]السلام عليكم ورحمة الله
إليكم طريقة عمل الكنافة بالقشطة
لعيون أمولة..
المقادير:
كيس كنافة بالكيلو الأفضل من الدانوب تجي لزيزة
2 علبة قشطة بلادي
1 علبة قشطة عادية مثل التاج
1 قالب زبدة ابو اصباع غير مملحة
سمن شويتين وزيت شوية
فستق مطحون خشن
الطريقة:
- في زبدية 2 قشطة بلادي + 1 التاج
- تسيحو الزبدة ع النار مع شوية زيت وسمن
- تقطعو الكنافة بيدكم في زبدية ويوضع عليها الزبدة والزيت والسمن تكون الكمية مناسبة مو كتيرة..
- بعد مايتجانس الزبدة مع الكنافة تقسم الكنافة على صينيتان متساويتان في الحجم الأفضل 30 سم قطرها ..لأنه كل وجه حيتحمر لوحده في صينيه
- بعد كدا تحطو الصواني ع الأرض يمكن انكم تضغطو ع الكنافة بيدكم أو تحطو صينيه في وسطها صغيرة وتطلعو فوق الصينيه الصغيرها عشان ينضغط مضبوط ويصير مرتب..
- بعد كدا حيكون كدا شكلها:
-تحمر الصينيتان في الفرن والحرارة على تحت طبعـا إلييين ماتصير مرة حمرا عشان تقرمش,
- بعد كدا تخرجوها وتبردوها شويتين انا احطها لمدة 3 دقايق في الفريزر عشان بسرعه لأنه اذا حطيت القشطة عليها وهيا حارة القشطة حتنزل في الطبقة الي تحت.
- بعد ماتبرد الصينيتان, تحطو القشطة على صينية الأولى مثلا وترشو اذا حبيتو فستق:
- بعدين بشويش, تجيبو غطـا قدر يكون مضبوط مستواه, وتحطوه ع الصينية التانية وتقلبو الصينية ع الغطاء,
- بعدين بشويش جدا تنزلو الكنافة الي على غطا القدر فوق الصينية التانية زي الصورة االي تحت بس مرة بشويش لأنها حتتزحلق معاكم وممكن تخبصلكم القشطة وانتبهو ع القشطة لا تنقشع مع غطا القدر :
- بعد كدا صارت جاهزة:
طريقة عمل الشيرة:
صراحة انا احط مقادير من عقلي بس بقولكم ايش احط,
موية - سكر - هيل - موية ورد
وبالعافية عليكم
استنى الكل يعملها [/align]
[align=center]طباخة صح؟![/align]