[align=center]سخنت ورجعت

باك يا زادي الخير

ياعزيزي :

كون ان المعلم وظيفته الاولى تربويه ثم تعليميه ... دا يبرر له التعنيف ولكن بحدود

يعني مو يفتري بالولد



والطالب سواء كان بنت ولا ولد يبغالهم تحسسهم بكاينهم
وتحترمهم وحيمشوا معاك زي الألف

فيه طلاب الله يهديهم قويين عين ... بس حتى قوة العين يكسرها الاحترام والحب

اولياء الامور زمان انا اعتب عليهم ... لأنو المعلمين افتروا فيهم افترا

بابا يقول ( الله يذكرو بالخير استاذ عبدالله .. يا كان يصفقني تصفيق)



ما ادري بصراحه ايش افهم من جملة بابا هدي ؟؟؟

يعني سب ولا مدح ... ولا حسبنه ؟؟؟؟؟



العنف قد يسبب للطفل والطالب عقد نفسيه ماتنحل ...

يا شيخ لو جبت صدق الوفا ما حيقدر يصنفلك العقده من اي نوع << بما انو خبير بالعقد ^_^

فيه وحده من بنات العيله

ابلتها كانت تضربها

تخيل البنت جاتها حاله نفسيه .. صارت تكره المدرسه

واذا راحت المدرسه اول ما تجي حصه دي الابله .. الله يكرمك البنت تقعد تستفرغ .. وتدووخ

دا حلال ولا حرام؟؟؟؟؟



عمومآ العمليه التربويه الآن مانرجو منها شي


لأنو للأسف معلمين دا الجيل بدال ما يكونو عوون صاروا فرعون

واصلآ بعض المعلمين يبغالهم تربيه واعادة تأهيل

الله يرحم زمن الوقار اللي كنا نشوووفو بعيون الابلات

دحين ولا وقار ولا شي
تلاقي الابله سخيفه

<< شطحت بقوووه

ربي يسعدك ياعزيزي

موضوعك رهيب

واحتمال ترا ارجع تاني ^_^

واجيب عاليها واطيها [/align]