[align=center]



انتي مو فالحه بأي حاجه ....



هدي الجمله اللي غالبآ ما نسمعها من اخواننا في البيت


ايش الطاري؟؟؟؟


الطاري يا طويلين العمر انو اخويا العزيز ( عمر ) قرر يوسوس لماما وبابا ضدنا احنا اخواتو المساكين

وصار يقول ( يا امي ( طبعآ مايقول ماما لو ايه ... خايف احد يقول عنو مدلع )

يا امي الشغالات مالهم داعي ... ومعروفين بالسحر ... وما نبغى شغاله باختصار
( بعد ماكبر صار يقول ما نبغى شغاله ... وهوا زمان كان يموت بكا لما تسافر شغالتنا)

*************

طبعآ انا ( جن جنووني ) لما سمعت دي الجمله




وقلت ... ليه ومين بيقوم بالبيت ؟؟؟؟

قال : اربع بنات يا امي ... ولا هما قايمين بالبيت ... كيف بيفتحوا بيوت ..!! و... و.. و....


وماما الله يهديها سمعت كلام المحروس ( عمر) وقال اي والله ... خلاص ما بدهاش ... راح نستغني عن الشغاله


*****************************

اخواني :

والله الشغاله صارت من الاشياء الضروريه مررررررره ...

يعني صعبه الحياه بدونها

خاصه للي متعود عليها منذ الصغر

انا من صغري وعندنا شغاله ( كانت ماما تنادي تقووول يا ( ناني)

وانا اكمل الجمله واقووول : ( شيلي امل) ياعمري عليا وعمري 3 سنين
*******************





انا والله اعرف اطبخ ... بس مين اللي يغسل الصحون ( لأني اكره الجلي)

ومين اللي يكوي ( الثياااااب) لأنها تطلع الروووح في الكوي

؟؟؟؟؟؟

نفسي اصير ست بيت ممتازه ... بس كيف ؟؟؟

مو قادره

ولاتنسوا اني لسا ادرس ... يعني معذوره ولا مالي عذر؟؟؟؟؟

قولولي ...

ويعدين اخواتي عديمات المسؤوليه ... يعني بيخلوني لوحدي بما اني اكبرهم



**********************

بس مو مشكله خليهم يستغنوا عن الشغاله ... انا كلها كم شهر واتيسر ( واجيب لنفسي شغاله ) << شريره بقوووه

**************

شاركوني بآرائكم ....

هل الشغاله ضروريه ولا لا ؟؟؟

وكيف نقدر نعالج البنات اللي اتدلعوا امثالي ... ونخليهم يتحملوا مسؤوليه البيت ؟؟؟؟؟؟؟؟؟؟؟


ومتى بنتخلص من دي الجمله ( بابا وماما بليييييييز لا تستغنوا عن الشغاله )
ربي يسعدكم ^_^[/align]