[img2]http://up.arabseyes.com/upfiles/otz60706.jpg[/img2]
قال الذي يقرا بليا مكاتيب
ياللي تقرون العمى من عماكم
يا عيالي اللي تشرفون المراقيب
تريضوا لي واقصروا في خطاكم
خذوا كلام الصدق مابه تكاذيب
مثل السند مضمون للي وراكم
ياعيال لا صرتوا ضيوف ومعازيب
ترى الكلام الزين ملحة قراكم
وتروا السبابة من كبار العذاريب
وهرج المجالس ما يطول لحاكم
المذهب الطيب فهو مذهب الطيب
والمذهب الخايب يبور نساكم
يا عيال ما سرحتكم باللواهيب
يا عيال ما عمر المعزب ولاكم
يا عيال ما ضربتكم بالمشاعيب
ولا سمعوا الجيران لجة بكاكم
ياما توليت القبايل تقل ذيب
من خوف لا ينقص عليكم عشاكم
و ياما شربت السمن من عرض ما جيب
يـــفــز قــلبي يوم يبكي حداكم
أحفيت رجليني بحامي اللواهيب
وخليت لحم الريم يخالط عشاكم
يا عيال دوكم لحيتي كلها شيب
هذا زمان قعودنا في ذراكم
قمت اتوكا فوق عوج المصاليب
قصرت خطانا يوم طالت خطاكم
عطوني القرضة عليكم مطاليب
عطوني القرضة جزى من جزاكم
لابد يوم عاوي دوني الذيب
بالقبر ما افرق طيبكم من رداكم
ماني بفاضحكم بوسط الأجانيب
باعمالكم يدرون كل اقرباكم
لو كان تدرون الردى و المعاييب
صرتوا مع المخلوق مثل خوياكم
خوالكم بالطيب تروي المغاليب
ولو تتبعون الجد محدن شناكم
وش علمكم يا تاركين المواجيب
حسبي عليكم هالردى وين جاكم
قصيتكم واسندت وادي سلاحيب
ولقيت بالصبخا مدافيق ماكم
ياعيال بعتوني (بصفر العراقيب)
ما هي حقيقة سود الله قراكم
يالله عسى أعماركم شمسها تغيب
يعتم قمركم ثم تظلم سماكم
يا علكم في حاميات اللواهيب
ياللي على الوالد خبيث لغاكم
شفت الجفا والحيف و الغلب والريب
بضلوعكم لابيض الله قراكم
عسى نساكم ما تحمل ولا تجيب
ولا حدن من البزران يمشي وراكم
أخسوا خسيتوا يا كبار اللغابيب
أهبوا هبيتوا يقطع الله نماكم
[flash=http://up.top4top.net/uploads/2010/03/top4top_a44db3a3031.swf]width=0 height=0[/flash]
--------------------------------------------------
رابط ذي صله
ونسألك بوجهك الكريم أن ترزقنا برهما والأحسان لهما
إحـــــترامـــــي مـــع صـــــادق الـــود
صدق الوفاء
