مرينا بيكم حمد (مظفر النواب)

مرينه بيكم حمد
واحن بغطار الليل
واسمعنه دق اقهوة
شمينا ريحة هيل
يا ريل صيح بقهر
صيحة عشق
يا ريل
هودر هواهم ولك
حدر السنابل كطة

يا بو محابس شذر يلشاد خزامات
يا ريل بالله بغنج
من تجزي بأم شامات
و لا تمشي مشية هجر
قلبي بعد ما مات
وهودر هواهم ولك
حدر السنابل كطة

جيزي المحطة
بحزن...
وونين.. يفراكين
ما ونسونه , ابعشكهم
مو عيب تتونسين؟
يا ريل جيم حزن
اهل الهوى ..امجيمين
وهودر هواهم , ولك
حدر السنابل كطة

يا ريل طلعوا دغش
والعشق جذابي
دك بيه كل العمر
ما يطفه عطابي
نتوالف ويه الدرب
وترابك ترابي
وهودر هواهم ولك
حدر السنابل كطه

آنه ارد الوك لحمد
ما الوك انا لغيرة
يجفلني برد الصبح
وتلجلج الليرة
يا ريل بأول زغرنه
لعبنه طفيرة
وهودر هواهم ولك
حدر السنابل كطة


(مظفر النواب)



مودتي
رجاء جمعة سلمان

[sound]http://songs.6arab.com/elham..maraina-bekom-7amad.ram[/sound]