رحلة مع صناعة الدخون؟؟

هذا الدخون من صنع امراة اماراتية من راس الخيمة وهذه طريقتها وكلامها



اولاً وقبل شي انجهز القفازات ^_____^

http://up4.m5zn.com/9bjndthcm6y53q1w.../lts1z04ok.jpg


شوفوا الصور من اليمين لي اليسار ,,انا اموزعه الاغراض الخاصة بالدخون فعدة علب عحسب الاغراض الي فيها ^___^ من اليمين لي اليسار(السحال*بودرة عود* واتحصلونه عند العطارين بس نوعيته ما اتكون جيدة ومعظمة مغشوش فسيروا عند أجمل اضمن لكم و على50درهم للجيس الواحد -مسك طياري ب125 من اجمل ويكون على شكل حصى بس انا اهنا طحنته وحطيته فعلبه*مسك بودرة ب25درهم مادري ب50 مب متذكرة >_<من اجمل -عنبر ب200من اجمل) ^_____^

http://up4.m5zn.com/9bjndthcm6y53q1w.../acvgij862.jpg

وهاي صورة من فوق^_____^
http://up4.m5zn.com/9bjndthcm6y53q1w.../okxpoe6ol.jpg


اهنا انلاحظ شي دبات وهالدبات فيها زيوت عطريه بنستخدمها فالدخون اتلاقونها فوايد اماكن وعلى حسب العطر اتلاقون الاسعار شي على 100وشي150 انا ماخذه هاييلا من الرصاصي وبتلاقون شي منهم بعد فمحلات لعطور العادية-دهن الورد ب45اظن وبعد خذته من اجمل بس انا فريت القوطي يوم فتحته اول مرة ولازم يتغطى وعلبته اتكون اصغيره -شكر)^___^

http://up4.m5zn.com/9bjndthcm6y53q1w.../nhq2rz086.jpg

انخل السحال^____^

http://up4.m5zn.com/9bjndthcm6y53q1w.../mdn3npvw0.jpg

لاحظوا الشوايب الي فيه(معنه نوعيته ممتازة بس بعد ما يخلى من الشوايب)
^____^
http://up4.m5zn.com/9bjndthcm6y53q1w.../ndy4ehdzd.jpg

اضيف المسك الطياري وانخله^___^

http://up4.m5zn.com/9bjndthcm6y53q1w.../6az29xi8g.jpg
واحينه المسك البودرة وانخله^_____^
http://up4.m5zn.com/9bjndthcm6y53q1w.../vnwq4f894.jpg

لاحظوا الفرق بين الاثنين(الطياري ايي لونه على صفار وريحته اقوى) ولازم ما اكثر من المسك عسب لا يلبق الدخون ولا اتكون ريحة الدخون ما تنقبل>_<

http://up4.m5zn.com/9bjndthcm6y53q1w.../z1g3kxzxb.jpg


اضيف الشكر وانخله^___^

http://up4.m5zn.com/9bjndthcm6y53q1w.../biyo4g422.jpg

احينه احط خلطة العنبر وهاي مكوناتها (عنبر+دهن الورد+ماي ورد)^_____^
http://up4.m5zn.com/9bjndthcm6y53q1w.../kyzh08yth.jpg

هذا العنبر (آخذ منه كسرة )^____^

http://up4.m5zn.com/9bjndthcm6y53q1w.../rv756p011.jpg


وهذا ماي الورد ويكون امركز(لا اتحطون العادي مال الاكل >_< وشي ناس ما اتفرق بين القابل للأكل والغير قابل)

http://up4.m5zn.com/9bjndthcm6y53q1w.../d46r79i48.jpg



اهنا ما رمت اصور هاللقطة وانا اشتغل على الجولة لأنه الغازات سامة وحارة والمفروض الواحد ما يقرب ويهه من الخلطة وهي عالنار(اييب طاسة واحط كسرة العنبر +ماي الورد+دهن الورد)واخليهم عالنار بس اوطي عليهم واتريا لين ايذوب العنبر وعقب اشله

لاحظوا هذا لونه من عقب ما يذوب العنبر-عقب احطه فوق السحال وباجي المقادير^_____^

http://up4.m5zn.com/9bjndthcm6y53q1w.../gnvrgbb6s.jpg

احينه اييب لزيوت^____^

http://up4.m5zn.com/9bjndthcm6y53q1w.../lspe58dtz.jpg

واصبهم فوق الخلطة ^___^
http://up4.m5zn.com/9bjndthcm6y53q1w.../8s3x7c5l1.jpg

واخلطهم-لاحظوا فهالصورة ممكن اخلي الدخون عبارة عن دخون بودرة ابهالطريقة ,,يعني ابجذا يكون هالدخون جاهز بس نحن بنزيد من كمية لعطور وبنكور الدخون ^___^

http://up4.m5zn.com/9bjndthcm6y53q1w.../rozsiowzv.jpg


اهنا كورت الدخون--احينه لازم اخليه يومين فحجرة فيها تهوية--اكبر غلطة انك اتخلي الدخون فالشمس لأنك جذا اتخلي العطر يتبخر منه وبتكون ريحته مب شي وانته ادخن منه^___^

http://up4.m5zn.com/9bjndthcm6y53q1w.../02g9t4din.jpg

عقب ما اخلص هاليومين اقوم واييب غرش نفس هااييلا ^____^

http://up4.m5zn.com/9bjndthcm6y53q1w.../u6cyl73tj.jpg

واعبيهم واخليهم مدة اسبوع ما افتحهم الا من عقب ما اخلص هالمدة و عادي اتبخر ^___^
http://up4.m5zn.com/9bjndthcm6y53q1w.../h3uke6wxb.jpg



وانا احب الدخون كثير


وجربت معظم الشركات

ووجدت ان العود المعطر من اجمل هو افضل الانواع


http://www.akhbaralarab.net/images/stories/ajmal.jpg

وانتم من وين تشترون الدخون او العود؟؟