عرض للطباعة
السلام عليكم ورحمة الله وبركاته
كل عام وانتم بخير
واخص الحبيب محمد المحيا
اخواني انا عندي مشكلة في الهاردديسك الخارجي
عندي هاردديسك توشيبا
وجهاز الكمبيوتر مايتعرف عليه
يعني ماتطلعلي ايقونات الهاردديسك في جهاز الكمبيوتر ( ال f و ال h )
مع ان اللمبه حقت الهاردديسك شغالة
وجربت في جهاز ثاني نفس المشكلة
يعني الجهاز مايقرا الهاردديسك نهائيا
ارجو المساعدة
ولكم جزيل الشكر
وعليكم السلام والرحمه والاكرام
وانت بصحه وسلامه عزيزي
المشكله هذي صارت لي اكثر من مره
وتحتاج الى تغيير الغلاف (يسموه الكيس )
وان شاء الله يضبط
مشكووووووور عزيزي على التجاوب
لكن وشو الغلاف او الكيس
اقتباس:
المشاركة الأصلية كتبت بواسطة ابو لجوني
اقتباس:
المشاركة الأصلية كتبت بواسطة ابو لجوني
شوف عزيزي .. هذا الهاردسك بدون كيس
http://i939.photobucket.com/albums/a...e_embed001.jpg
وهذي هاردسكات بالكيس
http://i939.photobucket.com/albums/a...isk_drive_.jpg
الف الف شكر
لكن - بشغلك شوي
ايش علاقة الكيس بعدم ظهور بيانات الهاردديسك؟؟؟
اقتباس:
المشاركة الأصلية كتبت بواسطة ابو لجوني
هلا عزيزي
حتى انا كنت مثلك مستغرب
لكن السبب ان السلك اللي نشبكه من الكمبيوتر الى الهاردسك ينشبك في كيس الهاردسك (الصورة الثانيه) مو في الشريحه (بالصورة الاولى)
يعني اللي يخرب هو مدخل السلك
ونصيحه مني
اذا خلصت شغلك من الهاردسك افصل السلك منه
حتى ما يخرب عليك الكيس:drr05_06:
يسلمك ربي
ومشكووور على المعلومة والنصيحة الرائعة
للاسف عزيزي
وديته لكذا محل صيانة
وآخر واحد فالي المشكلة في الدينمو
وقالي برجعلك البيانات والملفات بـ450 ريال
وش رايكم
وش الحل؟؟؟
هلا ابو لجوني
يعني انت شفت الفني وهو يفكه قدامك؟
لأن أنا عندي نفس الهاردسك وطاح على الأرض قبل كم يوم
بعدها ما صار يظهر في جهازي بالمكتب
فكيته وضغطت البورد الداخلية عشان تثبت تمام بالهاردسك
واشتغل الحمد لله
أقصد يمكن الشغلة سهلة بس الرجال مكبرها عشان ياخذ فلوس أكثر
حاول تفكه بنفسك ترا سهلة كأنك تفك جوال..
اخوي محمد ( ولا يهون الشباب )
انا شفت كذا فني يفتحه قدامي وكلهم يتسمعون للهاردديسك ولا يسمعون صوت
وزي ماقلت ان الكهرباء واصله لأن اللمبه شغاله
الا آخر واحد قالي الدينمو خربان وبرجعلك المعلومات
انا مايهمني الهاردديسك بقدر ماتهمني البيانات الي فيه
يعني ممكن استعيد المعلومات بأي طريقة ؟
والله ملفاتي مهمه جدا بالنسبه لي والهاردديسك مايهمني اشتغل ولا لا
هلا أبو لجوني
والله صراحة ما أقدر أفتيك والهاردسك ما شفته.. لكن ممكن ترجع البيانات سواءً بفك الهاردسك الداخلي أو بدون.. المهم يكون الفني شخص أمين وما يكلفك مبلغ كبير على شغلة بسيطة..