بحسب ما قريت...
بالنسبة لإشتراك موبايلي فــ ما أحتاج للجهاز أبو 1000 ريال إذا استخدمت الجوال كمودم Usb ...
أبغى أتأكد من المسألة.. الدي إس إل ماحيجي..مافيه إمكانية قريبا أبدا لأن المقسم ما يدعم نهائيا ولا توسعة ولا يحزنون، أفتكر كلام إدرارا قبل نهاية السنة (اللي فاتت) وجالسة أحسّب!!! <-- على الشركة طبعا :)
اقتباس:
المشاركة الأصلية كتبت بواسطة Petals
طيب قيل لي ينفع :)
لكن أبغى الملف والطريقة .فيعني رح أحط موضوع بالشكاوي الكومبيوترية :)
سلامو
طبعا انا عندي مايدعى ( الدي اس ال المزعوم )
لكن اعرف لي صديق يشتغل من منزل من شريحة موبايلي وماعنده البطاقه اللي قيمتها 1000 ريال
فقط شريحه واشتراك واحد ميقا ويشغلها عن طريق برنامج النوكيا PC Suit
فيه خيار شبك الانترنت عن طريق الجوال.وتصفح عادي.
لو لو تبين سالت لك اكثر بالتفصيل عن هالطرييقه.
ايضا الاتصالات السعوديه طرحوا شريحه مع بطاقه اظن تستخدم فقط للانترنت قيمتها 600 ريال واحد ميقا طبعا تستخدم لمدة شهرين تشترى من مكتبة جرير فقط.
قبل ما تشتكي..
ما دام الاتصال رح يكون عن طريق مودم الجوال ما رح يكون عندك غير تعريف الجوال عن طريق البرنامج الخاص بالجوال.. مثلاً جوالات النوكيا عادة يتم تعريفها عن طريق برنامج Nokia PC Suite وهو يعرف الجوال والمودم ويسمح لك بالاتصال بالنت من الكمبيوتر عن طريق مودم الجوال..
أعطينا رقم موديل جوالك الموقر عشان نشوف هل يتوافق أصلاً مع الخدمة والا يحتاج توسعة هو كمان :)
أهلين عبدالرحمناقتباس:
المشاركة الأصلية كتبت بواسطة عبد^الرحمن
قصدك واحد جيجا :)
أعرف الطريقة بالنسبة للنوكيا مسهلينها مو زيي
أنا أستخدم برنامج الآكتيف سينك، لكن ماينفع زي البي سي سويت تبع النوكيا..
فيه واحد قال إن جوالي ينفع وهم يوروني كيف لكن حاسة أن الموظف تبع موبايلي مافهمني!!
بس أيوا ايوا ايوا..
أما بالنسبة للبطايق تبع الإتصالات فببساطة خليهم يولو
جيجا واحد، شهرين وبــ 600 ريال!!!!!!!!!!!!!!!!!!!!!
موبايلي الجيجا بــ 100 في الشهر والــ5 جيجا في الشهر بــ 200
شكرا
اقتباس:
المشاركة الأصلية كتبت بواسطة محمد المحيا
حاسة إنك حتحبطني :(
جوالي:
I-Mate Jam (POCKET PC :221:)
ونظامه Windows Mobile 2003 SE
ترى قالو ينفع بس تعريف الدرايفر مو عندي، السي دي تبع الجوال مو عندي عندي تبع I-Mate Jamin
بليييييييييييييييز.........لا تحبطني :(
بي إس:
عندي جوال SonyEricsson K300 معفن ومرمي ينفع؟ D:
اقتباس:
المشاركة الأصلية كتبت بواسطة Petals
أهلييين
بالعكس عندي لك أخبار حلوة :)
لا الآيميت ولا الاريكسون اللي عندك ينفعوا |310|
الخدمة ما تشتغل إلا على الجوالات اللي تدعم بروتوكول اسمه HSDPA
والجهازين اللي ذكرتيهم ما يدعموها.. شوفي مواصفات الجهازين في مواقع الشركات المنتجة:
i-mate JAM
https://www.clubimate.com/t-DETAILS_JAM.aspx
SonyEricsson K300
http://www.sonyericsson.com/spg.jsp?...e=pp&pid=10226
مافي أي شي في المواصفات يتكلم عن دعم HSDPA
هذي بعض الجوالات اللي تدعم HSDPA
i-mate JASJAM
i-mate Ultimate 5150
i-mate Ultimate 6150
i-mate Ultimate 7150
i-mate Ultimate 8150
i-mate Ultimate 9150
Nokia N95
Nokia E90
Nokia 6120 classic
Nokia 6110
Motorola RAZR2
SonyEricsson Z750
SonyEricsson K850i
SonyEricsson W910i
LG U830
إيش رأيك؟ :drr05_74:
[align=center]
______ :drr05_49: ______[/align]
بكيفك قالوا ينفع!
صحيح السرعة أقل بكثير من الـ 1.8 ميجا بس ينفع..
ماذا تقول في الرد على هذه الشبهات؟ :221:
يعني حيكونوا أفهم من الشركة اللي صنعت الجوال؟؟ :140:
أنا خايف لا يكون قصدهم خدمة جوال نت العادية اللي ممكن يشبك عليها جوال اريكسون "ألمعفن" :245:
شوف يا عمنا
بحسب ماااااااا فخمت
أنو أشتري شريحة وبعدين أتصل على موظف 1100 وأطلب نفعيل خدمة موبايلي كونكت..وأفعل الباقة اللي أبغاها!
لو اأشتري البطاقة نفسها فيها 3 شهور مقدم!
وبعدين إيش فايدة Hsdpa دي بالتحديد
عشان الجيل الثالث؟ أو السرعة!
أنا الأبراج عندي ماتدعم الجيل الثالث وما رح أطالب بإنترنت زي الدي إس إل، لكن على الأقل أهون من الدايل أب المعفن اللي يحسب بالساعة وياكل تكاليف زيادة على ملفات أو تصفح!!
يعني أهون من اللي عندي وبس :) <-- ما يصبرك على المر إلا اللي أمر منو!
وأنا لو جربت شهر بالجوال مو خسرانة شي :)
فخمتا :)
سلام
رح أوضح لك الشغلة بطريقة مختلفة :)
موبايلي منزلين الإنترنت بسرعة 1.8 ميجابت في الثانية
وعشان نحقق السرعة هذي لازم يكون عندنا شبكة الجيل الثالث متوفرة في الشريحة وفي أبراج الشبكة + اتصال عن طريق بروتوكول من بروتوكولات الجيل الثالث يدعم السرعة هذي
وفي حالتنا هذي البروتوكول المستخدم هو Hsdpa وبالمناسبة هو يدعم سرعات 1.8 و 3.6 و 7.2 و 14.4 ميجابت في الثانية
يعني إذا كان جهازك لا يدعم Hsdpa فما رح يستفيد من السرعة 1.8 حتى لو كانت الأبراج تدعم الجيل الثالث
وفي المقابل إذا كانت الأبراج لا تدعم الجيل الثالث فما رح يفيدك جهاز يدعم Hsdpa
لكن مو معناها إنك ما رح تقدري تدخلي النت
رح تكون السرعة أقل بكثير لكن أفضل من الدايل اب طبعاً (وهذا اللي تبغيه)
:)