المساعد الشخصي الرقمي

مشاهدة النسخة كاملة : أدور عن بقايا نور



* الـمـنـتـظـر *
31-03-2002, 09:14 PM
على ذاك الرصيف أقبلت ..

أدور عن بقايا نور ..

أدور عن بقايا حب ..

أناظر وش وراء هالسور ..

وأقول اليوم يا حظي ..

أبكتب في لقاها سطور ..


***


أشوف الدار مقهورة ..

تناديني تعال وشوف ..

وأشوف الخطوة مجبورة ..

وقلبي يا حسافه حسوف ..

ونفسي حيل مسحوره ..

أبي واحد يحن يروف ..


***


سألت الدار عسى ما شر ..

عسى اللي فيك مسروره ..

عساها تذكر أيامي ..

وباقي تعشق الصورة ..

وباقي عهدها لول ..

ومشية ريم مغرورة ..


***


ترد الدار تقول إشلون ..

تبيك وما تبي غيرك ..

تحبك يا فرح هالكون ..

تموت برسم تصويرك ..

تراك لدربها أعيون ..

ومن غيرك ومن غيرك ومن غيرك ..


***


تركت الدار وروحي تلوع ..

وقلبي والجوى مجروح ..

وعيني يا تهل دموع ..

يعينك يا مفارق روح ..


(F) (F)

Sara's Heart
01-04-2002, 11:27 AM
قالوا الأيام تنسَّي .. قلت يا أيام نسَّـيني

الأيام نسَّـتني نفسي ... لكن ما نسَّـتني شوقي وحنيني


ساروونـــه :heart:

إسراء
01-04-2002, 12:37 PM
و أدورك بين خبايا أيامي

و أتوه و لا ألقاك غير بأحلامي

و أدعي و أقول يا كريم

ترجع لي بعد الروح

يجي يداوي بعض اللي شفته و يروح

يجي .. وياخذ معاه كل الجروح

يجي.. و يا خذني و ياه وين ما يروح

خل يشوف قلبي وش كثر يشتاق

و ايش قد اظناه الفراق

يا رب مالي غيرك ارتجيه

حبيبي بيجيني و لا أنا بعمري أجيه

تعبت و أنا أمشي ارتجي سراب

يكفيك يا قلبي هم و عذاب

تعال يا بعد عمري مليت من كثر الهموم

مليت من وحدتي ..

و إنت يرضيك أعيش باقي العمر محروم !!!!!!!!!!!!!



(F) (F) (F) (F) (F) (F) (F) (F) (F) (F) (F) (F)

مساء الانوار

تحياتي اخي المنتظر

ترى انا فاشلة في الرد بالعامي

بس و الله عشان مرة عجبني اللي انت كاتبه فقمت حاولت :)


ان شاء الله يكون عجبك

تحياتي

* الـمـنـتـظـر *
01-04-2002, 09:07 PM
هلا والله بأختي ساره ..

أشكرك على المشاركة من أعمــاقي ..

وقمة الإخلاص ان تنسى نفسك ولكن ما تنسى شوقك وحنينك

لمن احببت ..

الف الف الف شكر .. على المشاكرة

وتقبلي تحياتي ..:)

الإعـــصــار
01-04-2002, 11:59 PM
مساااااااء الخير المنتظر
كيفك

بصراحه مشاركتك في قمة الرووووعه والى الامــــــــــــــام

وفقك الله

اخووووك إعــــصـــار

* الـمـنـتـظـر *
02-04-2002, 02:36 PM
يا حلم يا قصة فريدة ..

يا أحلى ابيات القصيدة ..

تآمر على اللي هي تريده ..



أختي الأسطورة ..

الف الف شكر على الرد .. وصدقيني ردك رائع ..

كل منّا له قلم وله فكر ..

لا نجد غيرهما للتعبير عن ما نحسه ..

أعجبني ردك .. ولك جزيل الشكر عليه ..

يبقى الكاتب سامي بكتاباته مهما كان نوعها .. سواء عامي أو غيره ..

أهم شئ أننا نعبر عن ما بداخلنا .. صح ;)

والحين ودي أكتب لك قصيدة للقحطاني ..

لأني أكتب الرد هذا وأنا أسمعها ..

شوفي أش كثر رووعه ..



معك طعم المساء غير .. ومعك حتى السوالف غير ..

معك يا حلو تقليب المواجع بين كفينك ..

تبختر بين دقّات الخفوق ونشوة التفكير ..

ترى كل الحياة أصغر من اللي بيني وبينك ..

أحس أنّك تجي والعشب ينبت والطّيور تطير ..

وأحس أنّ السّحاب يلوح برّاقه على ايدينك ..

أحسّ بروعة الدّنيا وأحسّ أن الزّمان بخير ..

وأحسّك للحياة أعذب ندى منتب مثل عينك ..

أشوف الصبح لا شال الشفق هز الظلام عصير ..

وأشوف الورد يضحك ما بقا إلا ينشدك وينك ..

وأشوف الريح تقبل مستخفه دمّها وتغير ..

تنثّر لك شعرك وتنتثر سلّة رياحينك ..

ورى ما ترقص القمرا بقلب خانه التعبير ..

مثل ما ترقص الألوان في مسرح فساتينك ..

دخيل أنشودة العشق وذنوب ترفض التكفير ..

دخيل آخر ربيع مرّني في حضن عشرينك ..

أنا اللي نزّلك من برجك العاجي وجاك يسير ..

يمدّ لك اليمين ولا يدري عن لهفة يمينك ..

وثرك تشوفني في حلمك اللي في رجاء التفسير ..

على ذاك الحصان الأبيض اللي في ميادينك ..

شعرت بطعم سكينك من أول ما بدأ التقدير ..

تمثنيت العروق وقبل أكبر جرح سكينك ...

لقيتك قبل ما أبحث عنك في الأبراج والتبصير ..

قريتك قبل اموت بلذه قرايت فناجينك ..

ابي للناس أسولف لك وأقول اللي يصير يصير ..

وحسّك سالفه لو سولفوها شوهوا زينك ..

حشا لو تطري الفرقى ماعدّك راعي التقصير ..

عزاي أني ملكت بوقتها عرش أجمل سنينك ..

يقولون أن الزمان أغبر وأنا أقول أن الزمان بخير ..

مادام اللي سكن في ناظرك ما طاح من عينك ..


هاه وش رايك ..:)

hardboy
02-04-2002, 11:16 PM
سلاااااام

يعطيك العافيه


يصعب علي مجاراتك فى كلماته الرائعه



تحياتى

المستشار
03-04-2002, 03:23 PM
ليه يالقلــب الحـــــنون ..

ليه يالقلـب الحنــون ..

ليه يالقلب الحنون ..




سأعود ..

* الـمـنـتـظـر *
03-04-2002, 04:00 PM
أخوي الأعصار هلا والله .. ومنور ..

أشكرك من اعماقي على ردك وإطرائك ..

تقبل تحياتي .. ويا هلا فيك ..

إلا كيف جده معااك بس :)

البندري...
04-04-2002, 06:23 PM
هلا والله بالمنتظر...

مبدع...

وصراحة تعجز الكلمات عن وصف مدى اعجابي بما كتبت...

ويسلموووووووو اناملك...

اختك:
البندري...

* الـمـنـتـظـر *
08-04-2002, 01:47 PM
هلا والله بالغــالي هارد بوي ..

هارد بوي نفسه وما يقدر على مجاراتي ..

ليه وش اللي صاير ..

لا تكون كلماتي حلوه من جد ..

تروا أصدق نفسي ..

عموما عيوني .. الله يحييك بأي وقت ..

وتأكد ما كتبته مجرد تعبير عن شئ بداخلي ..

أنا وأنت وأي أنسان يمتلك القدرة على التعبير عن ما بداخله ..

حتى لو كانت متواضعه ككتاباتي ..

الف شكر على الرد ..

وتقبل تحياتي ..

* الـمـنـتـظـر *
08-04-2002, 01:58 PM
هلا الرومانسي .. سؤال انت من يجد إجابته ..

في إنتظار عودتك ..

تقبل تحياتي .

* الـمـنـتـظـر *
08-04-2002, 02:09 PM
أختي البندري ..

الف شكر على إطرائك لي ..

ويكفيني أني رديتي في الموضوع ...

تحياتي لك ..:)

أبو سالم
09-04-2002, 03:40 AM
الله الله

هو ده كله كان مستخبي فيييييين!!

صح لسانك المنتظر..

وياريت لو تتحفنا اكثر واكثر من هالكلام الرائع

اخوك

محمد

* الـمـنـتـظـر *
09-04-2002, 12:35 PM
هلا والله باخوي أبو سالم ..

ويسعد مساك حبيبي ..

أشكرك من أعماقي على الرد .. اتمنى تكون بخير ومبسوط في غربتك

تقبل تحياتي وتقديري ..

أخوك / أحمد

أبو سالم
09-04-2002, 01:59 PM
هلا أحمد..

مشكووووووووووووووووووووووووووو وووور على السؤال عني..

وما احب انك تصفني اني في غربه..

لانه بصراحه ماهو غريب اللي يكون بين ناس مثلكم..

محمد

* الـمـنـتـظـر *
09-04-2002, 03:34 PM
يا هلا والله بأبو سالم ..

بصراحه احرجتني بكلامك .. وجدا سعداء بوجودك معنا ...

اتمنى لك كل الخير من اعماقي .. ودمت اخ وصديق ..

تحياتي :)

zadi
11-04-2002, 01:52 AM
________________


مسا الخير منتظر ,,,

أنا ماراح أقولك رائع وخلافه ,,, لا ,,, لأنه حقيقي منت محتاج لذي

الكلمة ,,,

لأنه الكلام إللي فوق بالفعل يتخطى هذي الكلمة ,,,

لكن بودي أقولك على شي ,,,

بالفعل منتظر إنت قدرت توجد لك طريق خاص بيك ,,,

بمعنى إنه لو ماأدري إنك إنت إللي كاتب هالموضوع ,,,

راح على طول أقول إنه يخصك ,,,

لأنه فيه بصمتك ,,, والله حقيقي ,,,

وبدأت أتعود عليها وعلى نوعية وطريقة فكرك ,,,

وهذا شي رائع ,,, لأنه بداية أو نقدر نقول هو الطريق الأقصر للإبداع ,,,

ولاتفهمني غلط وتتوقع إني أقيم هذي القطعة ,,, لا والله ,,,

أنا بس حبيت أوضحلك إنك فعلاً أصبحت مميز بطريق معين ,,,

على الأقل من وجهة نظري الخاصة ,,,

ألله يوفقك ,,, وتسلم منتظر ,,,

تحيات أخوك ,,,




_______________zadi:SMIL:

ملكة البحار
11-04-2002, 04:20 PM
المنتظر راائعه جدا ...

للمره الثانيه اقرائها ...


حروفك متعبه ..
وبقايا نور ...تدوره..

صورتك مافارقت خيالي..
ولسا صوتك يبكيني..

والحزن فيني دفين...

وشبح فراقك يخيفني..

أحبك وابيك واموت فيك..
ماكذبت الدار عليك..

عليله في بعدك ..
وقلبي مجروح ..

لاتدور بقايا نور..
دور على قلبي...

بتلقاه ..

داخلك ..

* الـمـنـتـظـر *
14-04-2002, 01:38 PM
أخوي الغالي زادي ..

أولا أعتذر عن عدم الرد بسرعه ..

والله ماذاك إلا خجلاً من تقصيري في الرد عليك ..

ماذا أقول في إنسان ملأني حماسا ونشوه ..

ماذا أقول في رجل له بقلوب الجميع كل الحب وكل التقدير .

ماذا أقول في علم يخفق في سماء الطيبه وحسن الخلق ..

ماذا أقول وما أقول ..

صدقني كل فخر الدنيا فيني اليوم وانا أقرأ كلماتك مره وأثنتان ومائة ..

لكم أعجز عن التعبير عن مدى شكري وتقديري لك ..

ولكم يسعدني كلامك وثناءك علي ..

فدمت لي أخ وتوأم روح .. له مني كل حب وتقدير ..

تقبل تحياتي ودمت والله ويرعاك ..

وعسى دربك سموح ..

* الـمـنـتـظـر *
14-04-2002, 08:44 PM
حبيبتي ..

لم تعد حروفي متعبه ..

بل كا ما فيني متعب ..

قلبي وعيناي متعبتان ..

حتى جرحي متعب ..

اناجيك بأسمى معاني حبي الكامن بقلبي النابض ..

أهمس في أذنيك وأقول أحبك ..

حبيبتي ..

عيشي كباقي النساء ..

أبتمسي وأسعدي ..

فيكفيني من الدنيا ان تكوني سعيدة ..

لم ولن أبحث عن حب بعدك ..

فآآآه من حبك آآه ..

كم فجر في قلبي ينابيع الحنين ..

وكم ذابت روحي من الأنين ..

**

تلك الدار القابعه هناك ..

أناظرها وأزورها كل ما أحسست بالألم ..

أزور تلك الدار لأتلم وأتلم .. لأبكي .. وأشكي ..

لتعلمين انني على عهدك ما حييت ..

حبيبتي .. لم البحث عنك بداخلي ..

فانت قلبي .. فكيف أبحث عنك فيه وأنتِ هو ..





أختي ملكة البحار ..


أسعد الله مساءك بكل الخير ..

لكم أسعتدني كلماتك بتلقائتها وعبقها الخلاب ..

لا أملك إلا ان أشكرك من أعماقي على سطورك ..

وصدقيني إطلالتك على الموضوع تضفي عليه جو آخر ..

تقدري تقولي عليه (( جو طُهر ))

رديت عليك برد لا أدري كيف كتبته .. كنت أكتب ولا أدري ماذا أقول

المهم اني كتبت ..

تقبلي تحياتي وتقديري ..

ودمتِ بألف خير وعافيه ..

الأصيـــــــــل
24-04-2002, 11:13 PM
أبنتظر

وباسئلك

وشلونها

يا دربها يا عطرها يا كلها

حبيبتي وش لونها

حبيبتي وينك

تعبت أبعد وانتظر

تعبت من السهر

تحت الشجر

اقعد هناك أجمع شتات الفكر

أجمع حروف الشعر

ابوصفك وشلون اوصفك

وانتي للقصيدة قصيدة

وللحروف معاني جديدة

حبيبتي لا تبعدي

ابنتظر

وكل يوم عند الجدار

عند الأسوار

تحت الشجر

ابنتظر...

*******************

لا أدري ماذا كتبت

ولا كيف كتبت

أخوي العزيز الرائع المنتظر

فعلا كلام جداً جداً رائع

الله يعطيك العافية



تحياتي،،،

* الـمـنـتـظـر *
28-04-2002, 04:08 PM
هلا والله بمشرفنا الغالي الأصيــــل ..

لا أملك إلا أن أقول يكفيني فخرا أن مرّ الأصيــــل من هنا ..

لك مني كل شكر وإمتنان ..

وأجلّ تقديرٍ وعرفان ..

بالفعل لا أجد نا اقول ..

دمت أخٍ وصديق غالي ..

وتقبل تحياتي ..

دمعة حزن
03-05-2002, 10:28 PM
مساء الخير أخوي المنتظر لا أعرف صدقني ماذا أقول ولكن كل ما بوسعي أقدر أقولك إبداع بمعنى الكملة وإنشاء الله نشوف منك الأفضل اخوي المنتظر صدقني أنا لا أعرف المجاملات . ( يسمح لي الجميع ) قرأت في بعض المواضيع ورأيت بعض المجاملات نوعاً ما أكثر من اللازم ولابد من الانتقاد من يرى عند ظهور أو كتابة الشي الغير جيد .

يسمح لي الجميع لابد من الصراحة حتى الكاتب نفسه يستفد من (النقد الهادف) .

* الـمـنـتـظـر *
03-05-2002, 11:41 PM
أختي دمعة حزن ..

لكِ مني كل شكر وثناء وتقدير ..

أسعدتني مشاركتك .. وما أنا إلا قلم صغير هنا ..

يحاول تسطير ما بداخله في حروف .

وما يساعدني على ذاك إلا انتم ..

أعود لأقول ألف شكر .. وما قصرتي ..

وفي إنتظار رأيك في مكان آخر ..

تحياتي ..