المساعد الشخصي الرقمي

مشاهدة النسخة كاملة : الرجاء الدخول قبل ارتكب جريمة


الملقوف
25-03-2002, 11:46 PM
سلام ......

مسيكم الله بالخير ويا هلا فيكم ...

الموضوع سؤال واحد بس والرجاء الاجابة بسرعة قبل ما ارتكب جريمة :mad:

اذا قالت الشغالة ...

بابا انا كلاس ما يبغى شغل ..وبالعربي ( ماني مشتغلة وش عندك !)

وش اسوي بها .. مع العلم ان عندي انواع الاسلحة النارية

وانواع الاسلحة البيضاء ..

واجيد عملية التحنيط بالفورمالين .. ولا تخافون عندي جره ممكن

احط الشغالة فيها واحط الفورمالين عليها ..

هي مالها شهر جاية وشييييييييييييييييييييييينة مرررة

وريحتها تشمها في اخر الشارع مدري هي حرمة والا تيس

وتتروش بالفكس تروش . الناس يدمنون مخدرات هي لا .. مدمنة

فكس .. وفوق هذا كلة ليتها مسلمة ..

والله لو يشوفها ابليس كان يسلم .

والحين صاكة الباب على حالها وجالسة تبكي من الصبح .

عاد تقل بيطلع من هاذيك العيون دموع ؟!؟!؟! اخاف يطلع صوارير

مسوية اضراب ...

تقول انا لازم فيه موت .. :MAD2:

وانا اقول لا تكفين لا تموتي راح اتعذب

ما تدري اني باتصل بالبلدية يشلونها مع الزبايل وانتم بكرامة

ارجو الافادة بسرعة لان العد التنازلي بدا .. وسوف يتم

الاقتحام اذا ما فتحت الباب في تمام الساعة الخامسة فجرا

اما لو تطلع الحين &%^%^#^^%$&&**
الشيهانة
26-03-2002, 12:04 AM
مساء الليل ملقوف..


ماقلت لنا هالجرذي صارله كم شهر عندكم؟؟:D


مالك الا تفز تطق عليها الباب وتقلها يالله حجزنا صري البقشة


ويالله ياحلووة سرينا:D


تقوم عاد هي تفتح الباب علشان تسافر فرحانه:) عاد انت البد لها


عند الباب بس تفتح الباب اتقص برقبتها وقطها تسول لين تشوف لها


دبره..


ترى هذول مايلاعبون يعني اذا قالوا لك انا لازم في موووت تراهم يسونها


:( :( وفك عمرك من السين والجيم ..وقبلها فك عمرك من خيستهم


بعد مايودعون:mad:




الله يعينك على مابلاك :MAD2:
زهرة البساتين
26-03-2002, 12:10 AM
طيب يا ابن الناس خليك متفاهم وسفرها وخلاص


ايش هو استعباد


:mad:


دحين انت لو كنت بتشتغل عند احد وصنقرت لاي سبب من الاسباب وما تبغى تشتغل ايش حيكون موقفك


مو حتسوي اضراب


يعني حط نفسك محلها الله لا يبلانا


هيا موظفه زيها زيك مو عبده حره عسى عمرها ما اشتغلت

والي خلقها خلق مليون غيرها


والله يعوضك بالي احسن منها


ولا تودي نفسك في دهيه بسبب شي ما يستاهل


:MAD2:
الشمس
26-03-2002, 12:15 AM
مساء الخير ..

وخروا أشوف , فيه أحد طالب مشورة ... :cool:


شوف أخوي ..
مافيه إلا حل من اثنين تاليهما التسفير , يا توديها لمكافحة التسول مثل ماقالت لك الشيهانة قبل لا تسوي بنفسها شي ..

أو إنك ترجعها للمكتب بما إنها مالها شهر جاية , عشان تلحق يجيبون لك غيرها ولا تضيع فلوسك عليك ..


خبرة شغالات إحنا :D

والله يعينك على مابلاك ..

سلام

الشمــــــــس
ابوفهد
26-03-2002, 12:28 AM
هلا وغلا بالملقوف

الا انا وش دخلني هنا ؟

الثلاثي المـــرح واصحاب الخبرات لشؤن الخادمات

اعطوك المشوره :moh:

وصدقنى ترهن صادقات ومايعرف للخدمات الا هن

ومايفسد الخدمات الا هـــن بعــد :hap:

الله يستر بس من تحول الهجوم من الخدامة لي ::]

شف حبيب خبرة 15 خدامه ولا فخر

اقرب قطار ودها على طول وخذ خدامه غيرها من المكتب

ولاتقبل بالتسويه انتبه لان العمال اللى من نفس جنسيتها

بالمكتب يتفقون معها انها تصبر الين تنتهى الثلاث اشهر

وبعدين تسوى اللي تبي ::*

وعلشان تبرد كبيدك منها احجز لها على رحله حسب

خط السير : القصيم - الرياض - دبي - بومبي - دلهى

علشان ثاني مره تتوب ماتقول ابرجع

والله يعظم اجركم عليها لين تسافر :hap:

تحياتي
*الورديه*
26-03-2002, 12:51 PM
:D

:D




:D

:D


:D


... كان الله في عونك اخوي الملقوف ...تصدق هذا مرض مرض وفيروس جديد توه منتشر ... اسمه ((انا مايبقى شغل))
البندري...
26-03-2002, 04:04 PM
هلا والله بالملقوووووووووووووف...

سار الشغالة ماتبي شغل... وعاد ياليتها على سنع...<== قاهرتني..:(

بقلعتها اخوي...

اللي مايبينا حنا مانبيه... بيني وبينك فكه انها ترووووووووووووح... والله يجيبون الغثا...:(

وماشالله على شيهونة وزهورة وشموسة ماقصروووووا على النصايح...

ويسلمووووووووووووو الله يعينك...

اختك:
البندري...
عبدالرحمن الطويل
26-03-2002, 07:27 PM
ها حمد ...

بشر ..... ارتكبت الجريمة والا توك ..

<====== واحد مستني بلوة علشان يفرح :)


اقول ... شوف من اكثر واحد تكرهه في هالدنيا واهديها له ... بس لا يكون انا :moh:
الملقوف
27-03-2002, 01:59 PM
سلام ...

من وين ابدا ؟؟ ايه .

الشيهانة ... طال عمرك هالجرذي ماصار له شهر جاي

ومكتب التسول هو مصيرها بس ودي ابرد تسبدي شوي

نعنبوها جيتها كنها حالة ولادة من كثر ما تردد على هالمكاتب

وليتها بعد جت بسرعة .. انا بس ودي ادري وش شايفة بعمرها

ما ادري وش في السقف اذا مشت تطالع فيه .. جلست يومين

عيني في السقف ابي اشوف اللي هي تشوف والله ماشفت

الا فراشة لا تصير بس من فئة الضفدعيات وتبي هالفراشة؟؟

============================== ===

اقول يا زهرة البساتين ليتها بس تشتغل يوم في بيتكم كان

اشوف كلامك وشلون يتغير .. اذا حرقت بالمكوى لك فستانين

واذا جيتي ولقيتيها تدق حنك في التليفون !! مدري من تكلم

وانصاص الليالي في السطح ما ادري وش تسوي ..!! كان قلتي غير

كلامك هذا ..

============================== ===

حيالله الشمس والله الكلام اللي قلتيه عين العقل بس زي ماقلت

للشيهانة لازم ابرد على قلبي شوي ..

============================== ==

ابو فهد على طاري الشغالات بقولك هالسالفة بسرعة ...

هذا واحد من الشباب شبت مرته عليه تبي شغاله .. عند الاكل تقول

جب شغالة .. عند الروحة والجية جب شغالة .. في كل مكان

جب شغالة حتى قبل النوم تهرية جب شغالة ..

والرجال رافض تماما يجيب شغالة وش سوا ؟؟؟

راح لمكتب كان بينهم علاقة ( خويه راعي المكتب )

قاله ابيك تجيب لي ملكة جمال اندنوسيا .. المهم جت الشغالة

وفعلا كانت جميلة مره .

خوينا قام يطالع الشغاله هي رايحة وجاية في البيت يبي

يقهر زوجته .. وكان دايم يروح للمطبخ كذا لعانة منه ..

وش سوت زوجتة !!!

قالت الله يلعن الشغالات وساعتهن .. ومن يومها وهو يعيش

في سبات ونبات

وخلف صبيان وبنات ...

والبيت ممنوع من الشغالات ..

============================== ==

اهلين بالوردية صحيح هو مرض بس اعتقد له علاج ..

والله يخلي الزبيريات ( تكرمون ) ...

============================== ==

حياك الله يالبندري .. وانا ميت عليها !!! درب يسد ما يرد

ابشرك خروج بدون عوده .. مع كف على الطاير ..

============================== ===

حياك الله يا غريب الدار .. والله بعد حصار طويل دام اكثر

من عشر دقايق سلمت الشغالة نفسها بعد تدخل خارجي

من شغالة الجيران اللي اقنعتها انها تأجل موتها بعدين

وايضا بوعود من وزارة الداخلية بمنحها حصانة دبلوماسية

عاد ما جاها الا كف واحد بس بس اضنها جلست يومين

ما تدري وش اسمها ..

.
الأخيــــــــر
27-03-2002, 02:43 PM
ارحموا من في الارض يرحمكم من في السماء

هذي يااخوك يبيلها فتره تتركوها وتفهموا سبب زعلها .وتوضحوا لها سبب جيتها بهدوء
واذا مانفع معها... سفرها
ولاتثقل عليها لابكلام او معامله... حاول تعاملها بالحسني يمكن ربي يهديها للاسلام
واذا مافاد معها...سفرها ولاتكسب ذنبها
*نجـ سهيل ـم*
27-03-2002, 03:03 PM
مساء الخير ملقوف ..

والله ياخوي أخاف الشغاله هذه طفشت من لقافتك .:D

وقررت إنها تتوكل على بلدها ..

وبعدين إنتبه يمكن تكون تلعب كاراتيه وانت منت بعارف ;)

تعطيك ضربة معاد تقوم منها ..

وكل اللي بقوله ..

صح اللسانك يالأخير ..

والله إنك جبتها صح

:moh:
الشمس
27-03-2002, 10:09 PM
مرحبا الملقوف ..

اكتشفت إنك نجدي مافيه كلام ..
صح ؟! :D

من جبت طاري الزبيرية عرفت إنك من ربعنا .. ربع فيذا :p
ماعندكم وقت , يازبيرية يا عقال .. ذكرتني بسالفة صارت عندنا في البيت الكبير قبل سنين .. لكن مارح أقول عنها , بصراحة مالي خلق أقول سوالف طويلة ألحين :rolleyes:

يابن الحلال خلها تطس في اللي مايحفظها وافتك منها ومن شرها ..
ولا تكسب فيها اثم وخل الزبيرية لوقت ثاني .. تحتاجها ترى ..
خصوصا إذا مانفعت خطة ملكة الجمال , يمكن تعصب مرة ثانية وتبي تبرد على تسبدك :eek:


الله يعينك ..

سلام ..

الشمـــــــس
aljenny
28-03-2002, 03:25 PM
هلا بالـ " نجدي "

خلني أشوف سنونك ؟ .. إيوالله ثِني !

بخخخخخخخخخخخخ <-- (ماصدق على الله)


بصراحه يالملقوف الحلول واجد ..

لكن خلنا الحين نجرب معك برنامج علاجي على عدة مراحل ..

جب طشت وعبّه مويه وحط فيه قطيعات ورق وإكتب فيهم خرابيط ودراسيع وإسم أمك .. وحط فنيله من فنايلك بس لازم فيها ريحتك (هذي مهيب صعبه أبد) وخذ الطشت والشغاله وعلى أقرب مركز شرطه وبلغ عنها إنها تشعوذ .. عاد هم مايصدقون على الله يلقون سبب عشان يترززون في جرايد الجمعه (مايعطونهم وجه وسط الإسبوع)

صدقني بيجيك مكتب الإستقدام على ركبه عشان يعوضك بس لاتفضح إسمه


خذها نصيحه من أخوك الجني <-- (صاحب مكتب إستقدام سابق وتوجعه ركبه)
الملقوف
29-03-2002, 10:15 PM
سلام ..

مساك الله بالخير اخوي الاخير ...

اخوي ترا الدعوا كلها مزح بمزح صحيح انها رافعة ضغطي

بس احب اقولك ان حتى مدة يدي ما فكرت امدها عليها . :SMIL:

وجزاك الله الف خير اخوي

حيالله نجم سهيل واسمك مسروق واحد من الربع اسمه سهيل

جاه ولد وسماه نجم يعني دور لك اسم غيره :SMIL:

اخوي نجم ما اعتقد ان هالشغالة راعية كاراتيه

قلي ليه ؟؟

لانها بالعافية تمشي يعني نفدفها على الشغل ... الله يستر

ما تموت عندنا بس ..

الشمس مساك الله بالخير .. ما عندك سالفة الزبيريات مهي

من كلام القصمان القصمان يسمونها ( قراره ) وانتم بكرامه

وابشرك انها طست من دون زبيريات ...

ياهلا بالجني ... اموت وادري وين تغيص بس ...

شف يالغالي .. كلامك على عيني وعلى راسي بس اخاف

اذا راحت ديرتها سحرتني من جد بعدين رقعها انت وحلولك
*نجـ سهيل ـم*
31-03-2002, 11:57 PM
مساء الخير ...

أخوي الملقوف .. كيف حالك.

بصراحة انا اطالب درة المحاماه .. متمثلة في أخونا الرومانسي

والمشرف على هذه الدرة ..

أن يضرب بيد من حديد .. وراء الإدعاء .. المسبق حول الاسم .

والذي أدعي بأنه مسروووق ..

.. ياخي تراني أمزح .. معك ..

أقول ==== كيف الحال .