المساعد الشخصي الرقمي

مشاهدة النسخة كاملة : الرجاااااء الدخول للمساعده........


Petals
25-03-2002, 06:22 PM
سلام للجميع.انا عضوه جديده،يعني مالي اسبوع في المنتدى.واشتركت لوجود الأخ محمد اللي ساعدني في امور كثيره تتعلق بكومبيوتر.وايضا حتى استفيد من خبرات الأخوان والأخوات اللي موجودين في المنتدى.....وحتى اقولكم قصة كومبيوتري العجيب!!

طيب يا اخ محمد راح ابدا اسال كالعاده!! وانت تعرفني.كتيرة اسئله.فاتمنى من الجميع حلمهم وصبرهم وعونهم معايا..

وراح ابدا اسرد *بقية* قصتي مع الكومبيوتر العقده اللي معايا.خلي البقيه يتسلوا!!

كان يامكان كمبيوتر من سالف العصر والآوان!
هذا الكومبيوتر ياما مر عليه من هذا الزمان.وشاف الويل والأحزان.من ويندوز 95 و NT ومرورا بال98 بقسميه وبعدها الملينيوم.....وانتهى دحين بالإكس بي.وجاره 98 SE!

بالرغم من انه مع ويندوز اكس بي خفت مشاكل الإنترنت.وصار ماينقطع الإتصال..اللي هو بحد ذاته عقده.الا انه مع الإكس بي طلعتلي اكبر المشاكل واكثرها عقده.

يعني فجأه الصوت يختفي.وساعه يرجع.كيف؟
اقولكم: زي دحين مثلا اصوات الويندوز شغّاله، زي تكبير الصفحه وتصغيرها.والخطأ...الخ..لكن الأغاني والموسيقى.ما تطلع.راح تقولولي عرفي الصوت من جديد..
وهنا راح اضيف الجمله اللي لازم تحفظوها ( السي دي درايفر ما يشتغل)..
طيب من وين انزل تعريف الصوت؟!! راح تسالوا ايش هو نوع كرت الصوت اللي عندي صح؟
طيب اتوكل على الله واقول هذا:
Crystal SounFusion(tm) CS4281 WDM Audio
لكن في اكثر الأحيان لا صوت الويندوز يطلع عندي ولا شي تاني.........والله ابغى الصوت يتعرف.اكره الصمت اللي فيه.كأنه ميت!!

طيب هدي هي المشكله.او القصه الأولى!! وراح استنى تنحل على اياديكم الكريمه.ومن ثم الى المشكله اللي بعدها.يعني معايا اللي يبغى التحدي يدخل!!
وعلى فكره مشكلة الصوت بدت معايا بعد ما كلم الأفندي اخويا اصحابه (تشات صوتي) .والمسكين الكومبيوتر انفجع منها!! ما الومه..انا كمان انفجعت!!

اوه نسيت ما اقول.........الشروط:
ممنوع تقولولي سوي Seystem Restor
ولا Scan Disc
ولا روحي للـ Safe Mode
ولا ولا خصائص الكومبيوتر........ولا اي شي تاني يخص السيستم!!!




اختكم :

Petals::]
محمد المحيا
25-03-2002, 07:41 PM
أول شي أرحب فيك في المنتدى .. وإن شاء الله رح تنحل كل مشاكلك هنا :)

وكلنا على استعداد للمساعدة مهما كان الأسئلة كثيرة.

صراحة قصتك حلوة مع كمبيوترك العجوز :)

وأنا منتظر بشوق نهاية القصة عشان أعرف كيف صلحتي مشكلة الصوت والسيدي درايف ;)

-------------------

طيب ندخل في الموضوع :)

بما إن جهازك مخضرم وعاصر الويندوز منذ عهد ويندوز 95 وخلفائه حتى ويندوز إكس بي (ما شاء الله) الله يعطيه الصحة وطول العمر :)

طيب هل نفس "اسم" كرت الصوت المعرّف في ويندوز 98 هو نفس "الاسم" المعرّف في الإكس بي؟؟

لأنه احتمال يكون من نفس الشركة بس ما يكون نفس الكرت بالضبط ..

وحتى لو كان هو نفسه ... يمكن إن ملفات التشغيل غير محدثة..

ما رح أكثر الأسئلة عشان ما تصير أسئلتي أكثر من أسئلتك ;)

بانتظار ردك أول عشان أقدر أفهم طبيعة المشكلة أكثر..

تحياتي

محمد
BackShadow
25-03-2002, 08:42 PM
مساء الخيرات

اول شي احب ارحب فيك انا

والشي الثاني واضح من كلامك ان كرت الصوت عندك معرف

ولو تبين تتاكدين روحي لـ Control Panel

وادخلي على Sounds

ولو اخترتي اي واحد من انواع الـ Sound Events

مثلاُ ( Asterisk او Critical Stop )

حتلاقي ان فيه شكل سماعة بجمبها

ولو ضغطتي على زي التشغيل حتسمعي صوت

او على الاقل حتشوفي ان فيه حركه معينه تبين انه فيه صوت اشتغل

وهذا يدل على ان كرت الصوت عندك معرف


يعني فيه احتمالات كثيرة مثل :

* السماعات عندك مش مزبوطة او مش شغاله اصلاً

* الصوت مقفول عندك في الجهاز نفسه

* وجود فيروس في الجهاز عندك


حاولي تتأكدي من الاشياء هذي وتعطينا خبر


مع تحياتي
Petals
25-03-2002, 11:53 PM
أهلين بالأخوان.

طيب حتى ما اضيع وقتكم راح اجاوبكم على اللي سألتوه:

1- الأخ محمد (My Boss):
بالنسبه لويندوز 98 ,اساسا الصوت فيه ماهو معرف من يوم ماجابه.عشان كدا ماراح افيدك في ذي..

وانا اظني ارسلت لمجموعة سعيد شكل السي دي تبع الصوت على العموم راح اجرب اضيفه هنا....
وانا معايا السي دي لكن نفس الجمله (السي دي درايفر مايشتغل ابدا..........انسوه)
===
الأخ BackShadow:
مرحبتين...بالنسبه للحركه اللي طلبتها.ما في.كل ما اختار اي صوت ما يطلع .ولا تيجي اشارة الـPlay المثلث الصغير..
وكيف السماعات ما تكون شغاله وانا اسمع دحين اصوات الويندوز..زي التصغير والتكبير.اساسا حتى لما اروح لتسجيل الأصوات تطلعلي رساله تقول:

Sound Recorder cannot record or paly back becoz a sound device is not install.To install a sound device,go to control panel.....etc..etc...

فايروس!!!! الله يستر.ما اعتقد مع وجود محاولات كثير لدا الشي الفضيع.لكن الله موجود يحمي امته المسكينه..ثم النورتون انتر فايروس 2002 تمام.وما استلمت رسايل من ناس ما اعرفهم ابدا.وحتى لو, ما افتحها....

الصوت مقفول!! كيف...اظن الرساله اللي فوق تقول العكس..


ودحين راح اذكر شي..لو رحت ل
Control panel--->sounds and audio devices properties------> hardware

الاقي هدي الأسماء:
Crystal SoundFusion (tm) CS4281 Joystick
Crystal SoundFusion (tm) CS4281 WDM Audio
Audio Codecs
Legacy Audio Drivers
Media Control Devices
Legacy Video Captuer Devices
Video Codecs

وفي ال type
مكتوب فيها:
Sound,Video and game controllers
====

انتهيت.اووووووووووووووووه....
خلاص يالله دوركم.للجوله الثانيه أ :)

Yours truly



Petals

ملاحظه: اخ BackShadow انا لاحظت الإسم.واعتذر.بااااااااااااي
محمد المحيا
26-03-2002, 12:49 AM
طيب ايش رأيك تنزلي ملف تعريف كرت الصوت الخاص بنظام ويندوز إكس بي .. لأنه احتمال إنك استخدمتي الدرايفر حق الويندوز 98

اضغطي على الوصلة هذي:
ftp://ftp.euro.dell.com/audio/C42UA03i.EXE

نزلي الملف على جهازك وبعدين شغليه وكملي الإجراءت كالعادة.

وإن شاء الله رح يضبط المرة هذي :)

تحياتي

محمد
BackShadow
26-03-2002, 03:45 PM
مرحبا Petals

فيه شي غريب انتي قلتيه

يا ريت تشرحيلي ايش تقصدي بالجملة هذي

"بالنسبه للحركه اللي طلبتها.ما في.كل ما اختار اي صوت ما يطلع .ولا تيجي اشارة الـPlay المثلث الصغير..
وكيف السماعات ما تكون شغاله وانا اسمع دحين اصوات الويندوز..زي التصغير والتكبير ."



يعني انتي بتقولي انك تسمعي اصوات الوندوز زي التكبير والتصغير

معناها ان كرت الصوت معرف وشغال !!!!


اعتقد المشكلة عندك في الاعدادات حق كرت الصوت مش من الدرايفر

حاولي انك تشوفي اعدادات الصوت .. يمكن يكون فيها شي

واذا ما نفع

بامكانك زي ما قال محمد تنزلي تعريف كرت الصوت من الرابط اللي حطه لك .


مع تحياتي
Petals
27-03-2002, 09:50 PM
اهلين ولكمو!! للجولة الأولى ب اعتقد؟!!

أولا احب اشكر للأخوين محمد و BackShadow
على تعاونهم معايا........

وراح اسرد اللي سويته......

اولا نزلت البرنامج اللي كتبته يا اخ محمد :)

وفتحته........ونزل طبعا.وشغلت الأيقونه التانيه اللي معاه...المهم..بعد عدة تعقيدات ومحاولات رجع الصوت....لكن.........اها هنا......... لكن.
كل مره يروح الصوت.واضطر الى تشغيل البرنامج من تاني!!
وكان في الأول جميع الدرايفرات اللي تخص الصوت معرفه.ماتشتغل.لكن معرفه!!
لكن دحين صارت فيه علامة تعجب صفرا بجانب هدا:
Crystal SounFusion(tm) CS4281 Joystick
واظن انه اللي يخص المايك.لأني ما اقدر اسجل..ولا استخدم المايك. والمايكرفون ايوه شغال حلاوه!!
وايضا لاحظت قلة الخيارات في الصوت.اولا كانت تملي الشاشه كلها.اما دحين حوالي 5 او 6 بس..وما هي موجوده في الخيارات اساسا.انا اعرف مكانها من كثر ما لعبت فيها :)

وبعض الأحيان اذا جا صوت الويندوز راحت الأصوات التانيه.واحيانا العكس!!

وهذا ملخص المشكله.وكمان عندي سؤال تاني:
انا ما اقدر اعرف كرت الصوت بالملف اللي نزلته على 98 صح؟!!

على العموم انا ما ابغى اتعبكم كتير معايا .لأني اعرف ان الكومبيوتر راح يروح الحجر الصحي *يمكن* بعد يومين!!
لكني ابغى اصلحه انا.
أو ازيد في خرابه حتى يجي للراجل معدوم على اعلى مستوى :)
وحتى اذا اتصلح...لا تتوقعوا راح تخلصوا مني :)

ملاحظه:حلوه حركة تغيير واجهة الآوتلوك اكسبرس.انا اقدر دحين كل ما افتح الآوتلوك.صفحة المنتدى تنفتح.وبكذا اتصفح.وانا انزل :)

تقبلوا مني احلى الأمنيات..

Petals
:D
محمد المحيا
29-03-2002, 02:38 AM
أول شي نقول مبروك إلا ربع :)

وبانتظار خروج الجهاز من المحجر بالسلامة إن شاء الله ..

طبعاً الملف ما يصلح للويندوز 98 وإذا حبيتي ممكن أدور لك عليه

المهم لما يرجع الجهاز ضروري تقولي لنا النتيجة....

وبانتظار أسئلتك القادمة ;)

تحياتي

محمد
Petals
29-03-2002, 05:52 PM
اخ محمد تأجل موضوع ارسال الكومبيوتر لللإنعاش!!
بكدا عندي وقت حتى اعذبه زياده.......
وراح اطلب منك تزويدي بملف تعريف الصوت في 98


وايضا تذكر موضوع ملفات ال temporary والمشكله اللي عندي........ياريت تعلمني كيف احذف اللي سويته في الريقيستري؟ لو سمحت يعني.......


وتراني بديت العب في السيستم للكومبيوتر..........يعني لو خرب.خرب.فداءا للعلم....
:D ::* ::* ::* ::*


Take care every one..and chill out..

Petals
محمد المحيا
30-03-2002, 07:02 PM
مرحبا :)

ملف التعريف حق الويندوز 98 على الوصلة هذي:

http://www.fmworld.net/support/otheros/swebdt/audio/cs4281/wdm5018.exe

ومشكلة الريجستري رح نحلها الليلة إن شاء الله.

والله يعين العلم عليك ;)

تحياتي

محمد
محمد المحيا
01-04-2002, 07:11 PM
مرحبا :)

أول شي آسف على التأخير في اليومين اللي راحوا..

بالنسبة لمشكلة الريجستري... سوي الخطوات هذي بالضبط مثل ما أنا كاتبها ... وأي غلطة ممكن تخلي الجهاز يروح فيها .. وانتي تتحملي المسؤولية ;)

من الويندوز XP اضغطي Start وبعدين Run

ادخلي الأمر regedit وبعدين OK

الآن رح يفتح "محرر الريجستري"

روحي للدليل التالي الموجود في الريجستري:

[KEY_LOCAL_MACHINE\SYSTEM\Curre ntControlSet\Servi
ces\Dnscache\Parameters]

احذفي الإدخالات التالية (تضغطي بزر الماوس اليمين على كل واحد وبعدين Delete):

CacheHashTableBucketSize
CacheHashTableSize
MaxCacheEntryTtlLimit
MaxSOACacheEntryTtlLimit

هذا بالنسبة للتعديل الأول :)

أما التعديل الثاني حله أسهل .. سوي نفس الخطوات بس بدل ما حطيتي 0% رجعيه مثل ما كان أول يعني 20% وبعدين OK

بعد التعديلات هذي سوي إعادة تشغيل للجهاز Restart

وإن شاء الله تنحل المشكلة :)

تحياتي

محمد