المساعد الشخصي الرقمي

مشاهدة النسخة كاملة : سياحة مع درري رقم ( 2 ) مــع *amula_beauty*



ابوفهد
12-07-2009, 11:16 PM
السلام عليكم ورحمة الله وبركاته
لقاءاتنا السياحة مع الدررين مستمرة فحياكم الله معنا
لقائنا اليوم هو اللقاء الثاني
والذي سيكون مع الغالية
*amula_beauty*
أتمنى لكم رحلة سعيدة وممتعة مع ضيفتنا الغالية لهذا اليوم
دمتم بخير



اقتباس:
س1 : أول وأخر سفرة قمتم بها وإلي أين ؟

اول سفره كانت الى لبنان وانا صغيره مررررررره يعني بحدود 5 سنين

وطبعآ ما اتذكر منها ولا شي ..

آخره سفره كانت لينبع الاسبوع الماضي
:drr05_22:



اقتباس:
س2: أقصر سفرة وأطول سفرة بحياتك ؟


اطول سفره كانت الى الاردن

واقصر سفره كانت لسوريا


اقتباس:
س3: ما هو أجمل مطار شاهدته في سفراتك ؟
مطار هيثرو << ماشافتو الا بالصور حقة ابوها:drr05_19:

والله الصراحه كل سفراتنا بريه وبحريه لأن بابا عندو مشاكل صحيه تمنعو من ركوب الطائره

يعني احنا لنا اهل بالشمال ... تلاقينا نسافر من هنا بالسياره ... تكون رحله طويله وحلوه نمر على تبوك وحقل |100|

ومنها الى الاردن اوسوريا


وبعد اللي صار بعبارة السلام ( ما شكلنا بننزل مصر) :drr05_47:


اقتباس:
س4: ما هي الدولة التي تحب تزورها باستمرار ولماذا ؟

الاردن .... لأن لنا ارحام وقرايب هناك



اقتباس:
س5: تذكار تحتفظ فيه ومن أي دولة وما هو ؟

تمثال صغير لأبو الهول |564|

وكرت فرعوني .... فيه الحروف الهيروغليفيه ... واللي يقابلها بالانجليزي

:drr05_15:



اقتباس:
س6: ما هي الدولة التي تتمنى زيارتها مع نشر صورة على الأقل منها ؟

انا احب الجزر

كان نفسي اني اتولدت بجزيره , تعرفوا عاد اللون البرونزي راكب على الجزر
|103|

نفسي ازرو جزر المالديف

http://www.dorarr.ws/forum/uploaded/30460/maaal.jpg

و

http://www.dorarr.ws/forum/uploaded/30460/male.jpg


****************************
او جزر القمر


http://www.dorarr.ws/forum/uploaded/30460/maldef.jpg

اقتباس:
س7: هل هناك أكلة محددة تحرص على تناولها إذا زرت أي دولة وما هي ؟

اكله معينه ؟؟؟؟؟

والله ما اشوف زي المرقوق ..... |66|

الا الاكل احسوا شي عالمي يعني بأي مكان حنآكل الاكله اللي تخص اي دوله

لا تقولي لا منسف ولا مسخن ولا محاشي .... غير المرقوق ما اشوف

آآآآآآآآآه وال sea soup


ترا جُعت على سيرة الاكل .... ومين مايحب الاكل .... |129|



اقتباس:
س8: ما هو أجمل مكان أو معلم سياحي شفته بسفرك ؟


اجمل معلم سياحي شفتو ؟؟؟؟

مافي شي محدد ببالي .....

بس نفسي نفسي انط من على البراشوت كدا من طياره
:254:
نفسي اجرب دا الشي .... ليا فتره احاول ببابا ... وقال احتمال يوديني شرم الشيخ اذا عندهم
واجربها

<< بس شكلو دي الصيفيه بنقضيها بجده وينبع والشمال ...:172:





اقتباس:
س9: كم مرة سافرت بحياتك ؟

ااممممممممممممممممممم

سفرات داخليه .... لاتعد ولا تحصى

سفرات خارجيه .... تقريبآ 12 مره



اقتباس:
س10: موقف محرج صار لك في سفرك ؟



موقف محرج ؟؟؟؟

1- افتكر زمان كنت سنه 3 ابتدائي تقريبآ ... وقتها ماعندي حيا ابدآآآآ

كنا بمصر ورحنا على مطعم لطيف

المهم كانو الناس مهيصين .... ورقص وحركااااات:298:

واختكم كانت فيفي عبده على غفله .... :256:
وبابا يصفقلي وانا ارقص

اخرتها من الحماس طلعوني ع الطاوله

وهات يارقص

<< منجد مدري فين كان الحيا عندي .... كل ما افتكر نفسي واشوف الصور اخججججججل :130:

هنا southstar عاش الموقف وواكبو .... بس يترييق عليا ... حتى قبل فتره :137:
وريناه ديك الصور اللي مدري ايش تبغى بالحياه



--------------------------------------
2-
كنت بالاردن الصيف اللي قبل الماضي ... وصاحبتي (غدوره) كووولكم تعرفوها مرت عليا عشان
نفرفر انا وهيا لوحدنا ... ووقتها استغربت انو بابا سمحلي ...

كنا ب(الزرقا) نزور قرايبنا ... نزلتلي غدوره .. واتفقنا مع اهلي اننا نازلين سوق الزرقا |57|

المهم نزلنا السوق .... لما شفتو مررررررره ماعجبني ... كأننا ماشيين بقبا هنا بالمدينه

يعني سوق شعبي ومرررررررره زحمه .... نزلنا على كوفي شوب

وما هان علينا تروح الخرجه كدا :drr05_83:

كانت الساعه 10ونص بالليل .... رحنا اخدنا تكسي وقررنا نروووح عمااااااااااان :drr05_98:
انا وهيا وبسسسس
ههههههههههههههه

يعني من الزرقا لعمان 50 كيلو تقريبآ .... :252:

نزلنا على احد اسواق عمان المعروفه

وكاااااااااااااانت الطامه

مين قابلنا ؟؟؟؟؟؟؟

قابلنا ماما واخويا هنااااك
|39|

طبعآ انفجعنا ... واتخبينا منهم

وبسرررررررررررعه طيران نآخد تاكسي ورجعنا


المفروض و العقل البشري يتوقع نرجع للزرقا بالحي حقنا...:drr05_09:
بس احنا رحنا للزواهره .... حي شويا بعيد بالزرقا الجديده يعني هوا كمان مشوار

ونزلنا عند جدة غدير :179:.... شويا وبعدها اخدنا تكسي كمان ورجعنا للببيت الساعه 3 ونص

ولا من شاااف ولا من دري :drr05_02:

---------------------------------------------


مره كنا بمطعم ,,,, وكانو يحتفلو بميلاد زبونه عندهم .... :drr05_01:

وطبعآ مقدمين وسكي لضيوفهم

وتقوم الحرمه دي ترقص وهيا سكرااااانه مع زوجها وحااالتهم صعبببببببببببببببببه :141:

واحنا ميتين ضحك على اشكالهم << بابا يقول ضحكنا بس من ريحة الخمر :drr05_08:

وشويا يقوووم اخويا ويروح للحرمه والرجال
:201:
ويقعد يصفقلهم كأنو يصفق لرقاصه
:159:

منجد خجلنا اخويا بتصرفوووو العبيط
:219:

****************************

اقتباس:
س11: ما هي الدولة التي يعجبك التسوق فيها ؟


يني وبينكم عندنا كل شي هنا .... ما احب اتوسق برا
بس احب اتمشى ... كأنوا ناقصنا ملابس:217:




اقتباس:
س12: ماذا يعني لك السفر وهل تحب تسافر كثير؟

لسفر شي جميل جدآ ....بس هوا مو حلى يعني

انا ما اشوف زي المدينه .... ولا ارتاح الا ببيتنا

يعني لو مرررررررره كارهه نفسي ودوني منتجع آراك بينبع بس 3 ايام ....

ارجعلكم كأني رحت فينيسيا |100|



اقتباس:
س13: ما هو الشيء أو الأشياء التي تحرص على حملها معك في سفرك ؟


هنا السؤال الحساس
:drr05_83:

انا من النوع اللي يحب يشيل اشياء مهمه معاه ... وكل اشيائي مهمه

ملابس << قولي والله ؟؟؟ :289:

كريم مرطب لليدين ... هدا اهم شي بالحياه :229:
كريم الجسم ...
مشطي ... نظاره شمسيه:255: .... كتاب اتونس بيه بالطريق
شال ... ما اقدر اروح الا شالي :157: معايا ... لأني اخاف امرض بعد ما اتحمم

تلاقيني بالشال حقي جالسه الين احسني ماحمرض

سجادتي الصغيره .. ومصحفي الصغير ... وسبحتي اللي لازم تنلف بيدي بكل سفره

و ( الاونو) << مررررررررره تونس خاصة لما ماما وبابا تآخدهم نومه وننحبس بالاوتيل
:131:


http://www.dorarr.ws/forum/uploaded/30460/ure.jpg

رفيقة السفر





اقتباس:
س14: لو أحببت أن يصحبك عضوان من الدرر فمن تختار ؟

مين آخد معايا؟؟؟؟

اول شي فكرت اخد عمدتنا ابو فهد << عشان يدفع :221:

بس بعدين بطلت قلت يا بنت بلا طممع :174:

آخد معايا southstar محرم :drr05_13:

و البنات ( دانيا , توفي , عشوقه, كادي )

<< انا كريمه انتو طلبتوا اتنين بس

ماعليكم الباقيين انا اتكفل بمصاريفهم << شحاته



كان بودي آخد كوووول الاعضاء ... بس المكان ما يكفي :178:



اقتباس:
س15: ما هي النصائح والتوجيهات التي تحب تقديمها للمسافرين من أعضاء الدرر ؟


اربطو حزام الطياره << يا شييييييييييخه ؟؟؟؟:drr05_89:


والشباب ... انصحهم يبعدوا عن 3 اشياء
بنات وخمر وملاهي ليليه
:drr05_87:

واكبر نصيحه ... روحوا مع اهاليكم

والله السفره بدون الاهل بااااااايخه
|527|


اقتباس:
س16 : مطلوب منكم عرض صورة أو صور من تصويركم لدوله زرتها ؟

للأسف انا مو من هواة التصوير:drr05_16:

يمكن فيه صور عند اهلي

بس مو عندي بالجهاز

لسا ما خليناها ديجيتال << مسويه فاهمه|574|


**************************

واخيرآآآ
اشكركم واشكر عمدتنا العزيز على هدي الاسئله

بجد استمتعت وانا بجاوب عليها


شكلي مرررررررررره زودتها باجاباتي وطووولت عليكم

:277:

ربي يسعدكم

قمر الغربية
13-07-2009, 12:23 AM
مقابلة تحفة من جد روعة وضحكتيني يامغامرة وعلى سيرة ينبع أنا لو طفشت الله يخليك خلينا نروح المدينة نغير جو ولا على قولك أروح منتجع آراك وكأني عايشه في جده من كثر مو كارهة ينبع أشوف المدينة أحلى وأتمنى يعملوا تلي فريك على جدة كان كل يوم أروح أجلس بين أهلي أحسن من المنفى اللي أنا فيه ( ينبع ) وتعالي زوريني وخلينا نغير جو
وبطلي شقاااااااااااوه في السفر

To0ofy
13-07-2009, 03:54 AM
اقتباس:
س6: ما هي الدولة التي تتمنى زيارتها مع نشر صورة على الأقل منها ؟
انا احب الجزر

كان نفسي اني اتولدت بجزيره , تعرفوا عاد اللون البرونزي راكب على الجزر
هع هع عاد الجزر..

وما أجمل حكايات الجزر..

ومنظر الغروووب..

شي من جد رووووووووعة..

وااا عاد ياأمووووله..

نسافر انا وانتي ودانيا وعشوقه وكادي..

وربي نتووونس..

والاونو مايخيب الجلسه..

ابووو الحمااااس..

استمتعت بقراءة هروووجك..

وثاني مررره لاتروحي اسواق شعبية زي سوق قبا

عاد ولا سوق قبا ووووعع ربي لك الحمد

تبغي ضغطك يرتفع روحي هناك..

يلا سيا سوووون..

دمتي بود..

((كــــــــادي))
13-07-2009, 09:51 AM
مشكور يابو فهد على المجهود الطيب ...





و البنات ( دانيا , توفي , عشوقه, كادي )

بس ما قلتي حتاخدينا على فين !!

اكيد جزيرة ... و تحكمي فينا ندورلك الكنز :drr05_19:



والشباب ... انصحهم يبعدوا عن 3 اشياء
بنات وخمر وملاهي ليليه
:drr05_87:



يسلم فمك و تفكيرك يا موووله ...

من جد مو مضيع الشباب إلا هذه الأشياء ..

و المصيبة ان اغلبهم يسافر عشانها :249:

~*~*~*~*~

اللقاء كان جداً حلو و خفيف دم ...

*amula_beauty*
13-07-2009, 10:12 AM
اولآ :

احب اشكر عمدتنا العزيز على هذا اللقاء


منجد ماقصرت يا ابو فهد

ويارب يكون دمي خفيف عليكم

^_^

*amula_beauty*
13-07-2009, 10:14 AM
اهلآ وسهلآ بيكِ عزيزتي :

قمر الغربيه

وعلى سيرة ينبع أنا لو طفشت الله يخليك خلينا نروح المدينة نغير جو ولا على قولك أروح منتجع آراك وكأني عايشه في جده من كثر مو كارهة ينبع أشوف المدينة أحلى وأتمنى يعملوا تلي فريك على جدة كان كل يوم أروح أجلس بين أهلي أحسن من المنفى اللي أنا فيه ( ينبع ) وتعالي زوريني وخلينا نغير جو

والله ياريت يا بنتي

تصدقي اني احب ينبع بعد المدينه

^_^

ياشيخه تعالي خدي رحلاتي لجده

بعد اسبوع ونص تقريبآ رايحه رحلة العذاب لجده

ونطووول هناك

تبادلي؟؟؟؟

انبسطت بحضورك

ربي يسعدك
^_^

*amula_beauty*
13-07-2009, 10:17 AM
صباحك سكر يا :

توفي


وااا عاد ياأمووووله..

نسافر انا وانتي ودانيا وعشوقه وكادي..

وربي نتووونس..

والاونو مايخيب الجلسه..

ابووو الحمااااس..

استمتعت بقراءة هروووجك..

تخيلي يمدينا نسوي كدا ؟؟؟
والله قمة الوناسه

منجد احس حنبسط ع الآخر

اشكرك على المرور الحلو

ربي يسعدك

^_^

وبالنسبه لسوق قبا

يابنتي اللي رفع ضغطي سوووق الزرقا :139:

ولا سوق قبا هاجرينو من زمااااااااااااااااان

*amula_beauty*
13-07-2009, 10:22 AM
مساء الورد والرقه لأحلى مشرفه عامه :

كادي


بس ما قلتي حتاخدينا على فين !!

اكيد جزيرة ... و تحكمي فينا ندورلك الكنز

اكيد لجزيره يا كادي
ولا تنسي انا اللي مآخدتكم معايا .. يعني حكرفكم مزبووووط

واحتمال نجوع

ونآخد وحده فينا نحطها بقدر ونسوي زي الهنود الحمر :drr05_49:

وهاتلك يادوران حولين القدر

بس لا تخافي .. ما حنآكلك لانك الشيف حقنا مانستغني عن طبخك

حنآكل ياتوفي يا دانيا يا عاشقه

:150:

******************************

ياشيخه انبسطت بشوفتك

والله انتي اللي حلوه ودمك خفيف << :228:

zadi
13-07-2009, 02:33 PM
_____________________


يا أمولة عبدو :drr05_79: أو بعد التعديل الأخير نسميك أمولة مرقوق :drr05_76:

رحلة العداب لجدة ها ؟؟؟ :301: دا إنتي شكلك من الترم الأول مزبطة شنطتك وقاعدة مستنية تجي جدة :drr05_81: عشان تتمشي وتنبسطي يختي :200: قال عزاب قال :220:

جدة لكم يامداينة زي لاس فيجاس :242: لنا نحنا الجدادوة :133:

وكمان حتجي ومعاكي فريق إكس إم :168: الدراجات السريعة :129:

غطوني وصوتو غطوني وصوتو :123:

أتاريكي مو بس شريييييييييييييييييييرة بنمرة وأستمارة |21| كمان مووووووووووووجرمة سياحة وسفر |103|

اللللللللللللللللللللله يكون بعونك يا أبو راكااااااااااااااااان دي راح تخليك شووووووووووووربة شووووووووووووووووووووفان |107|

dawaimeh
13-07-2009, 03:02 PM
أهل بالست أمووووولة في بلدها الثاني الأردن ،،،

يسعدني زيارتك للأردن وحبك لزيارتها دائماً ،،،

وبالذات للزرقا لأني أنا لمعلوماتك من مدينة الزرقا برضو ،،، :216:

بس صارلي أربع سنوات ما زرتها وانت الله يسامحك شوقتيني الها من كلامك عنها ..

بصراحة وبلا مجاملة : استمتعت وانا أقرأ في مغامراتك الرائعة ،، وإسلوبك الراقي في الطرح ...

ما شاء الله عليكي هذا انت كاينة ( بنت بطوطة ) وإحنا مش عارفين ،،،،

تصحيح ،،،، يا ستي العزيزة المسافة بين عمان والزرقا 20 كيلو !! بس الي بروحها أول مرة بشعر إنها بعيدة ...

وأجمل شي عجبني موقفك الثاني لما شفتو أخوكي وأمك ( مامتك ) في سوق عمان عنجد ضحكتيني من قلبي ..
ربي يسعدك بانتظار المزيد من المغامرات ...

قمر الغربية
13-07-2009, 04:37 PM
نتبادل مافيش مشاكل أبداً

*amula_beauty*
13-07-2009, 04:58 PM
مرحبتين بعمو عتريس :drr05_22:


يا أمولة عبدو أو بعد التعديل الأخير نسميك أمولة مرقوق


والله اسم حلو ... اعتز بيه منجد ...

يا شيخ جوعتني وشهيتني بالمرقوق الله يسامحك

جاتني فتره كنت اقول فيها ابغى مهري مرقوق
بس الحمدلله ربنا تاب عليا من الكلام دا :200:



جدة لكم يامداينة زي لاس فيجاس لنا نحنا الجدادوة


ياسلااااااااااااااااااااااااام ؟؟؟؟

بالله ايش فيها جده ؟؟؟
حر ... وزحمه ورطوبه

منجد ما احوووووبها

بس لأنو اهل ماما عندكم ... عشان كدا الزياره الزاميه ولمدة اشهر كمان :249:


******************
اشكرك ع المرور الحلو يا عتريس بيك :165:

ربي يسعدك

^_^

*amula_beauty*
13-07-2009, 05:01 PM
مسا الخير اخويا :

محمد


تصحيح ،،،، يا ستي العزيزة المسافة بين عمان والزرقا 20 كيلو !! بس الي بروحها أول مرة بشعر إنها بعيدة ...


يا سيدي 20 زي 50 :drr05_89:

كولها بعيده

ولاتنسى زحمة السير ع الطريق

كأنو الطريق واقف والناس تمشي بالدووووور

:165:


***************************

والله انا اللي انبسط بالاردن

لأنها حلوه بأهلها وناسها

^_^

ربي يسعدك

^_^

الجوري
13-07-2009, 09:24 PM
و البنات ( دانيا , توفي , عشوقه, كادي )

:301: لا لا مو معقوله ما تبغيني اكون معكم اهئ اهئ زعلت منك ياموله
كان اقل شي نلعب مع بعض
http://www.dorarr.ws/forum/uploaded/30460/ure.jpg

مره حلو القاء معك واتمنى لك تقين شهر العسل في جزيره زي ما تحبي

وردة وردية
13-07-2009, 10:43 PM
امولة الغالية

وانا بعد زعلت :139:

ليش مو ناوية تأخديني معاكم:drr05_47:

مقابلة حلوووووة بحلاوة روح امولة الغالية

*amula_beauty*
13-07-2009, 11:06 PM
لا لا لا

الجوري


ورده ورديه
لا تزعلوا مني بالله

منجد راح عن باااااااالي مرررررررره

سامحوني

انتو حتكونوا ضيوف الشرف بالرحله ^_^

ولا تزعلوا

بس العمده يوافق :236:

**************************

اشكركم على المرور الحلووو
بالله لا تتضايقوا مني

عارفين قدكم عندي

*amula_beauty*
14-07-2009, 11:19 AM
اهلين عزيزتي /

قمر الغربيه

يابنتي موافقه بيديني ورجووولي

:236:

SOUTHSTAR
14-07-2009, 11:31 AM
انا اوريكي يا اموله .. الحين اعلم اخوكي عن سالفة طلعة عمٌان هذي .. مادريت عنها قبل ..

اما سالفة الرقص .. ذكرتينا بايام الفرح والوناسه .. والبراءه بعد ..

طيب اتفقنا انا اكون محرم لك .. والبنات الباقيات من محرمهم ؟؟

يعني انفع اكون محرم للكل ؟؟

هالبنت الحوار معها ما ينمل .. يعطيك العافيه يا ابو فهد على هالمجهود ..

*amula_beauty*
14-07-2009, 11:38 AM
مسا الورد والنور والسرور لأطيب شرير :

southstar


انا اوريكي يا اموله .. الحين اعلم اخوكي عن سالفة طلعة عمٌان هذي .. مادريت عنها قبل ..

طبعآ ماحتدري عنها ... لأنو سرررررررر

واكيد ما حتقول لبابا ... لأنك لو قلتلو ... أنا كمان حقول للست الوالده عن سوق الغنم اللي بالي بالك



اما سالفة الرقص .. ذكرتينا بايام الفرح والوناسه .. والبراءه بعد ..

فاكر صورنا بمصر :236:

منجد تضحك


طيب اتفقنا انا اكون محرم لك .. والبنات الباقيات من محرمهم ؟؟

يعني انفع اكون محرم للكل ؟؟

انتا محرمي

والبنات انا محرمهم :218:



هالبنت الحوار معها ما ينمل .. يعطيك العافيه يا ابو فهد على هالمجهود
انا اللي مبسوطه بجيتك رغم شقاورتها :drr05_22:

ربي يسعدك

^_^

منور منجد

ألنشمي
14-07-2009, 03:15 PM
000
00
0
عقبال ماتلفي العالم كله من الشرق للغرب ومن الشمال للجنوب

يعني تتعرفي على كل المناطق السياحية والغير سياحية

ومش شرط تكون سياحة

التعرف على اي بلد لاتقضي بالضرورة سياحة

الله يسعدك في الدارين امووولة

والشكر لاخي الغالي ابو فهد


حفظكم الرحمن جميعا

*amula_beauty*
14-07-2009, 05:37 PM
اهلآ وسهلآ بيك ياعمو :

النشمي

اشكرك على المرور .. وعلى دعواتك الحلوه

ربي يسعدك

والحمدلله على رجعتك سالم

^_^