المساعد الشخصي الرقمي

مشاهدة النسخة كاملة : طبق رئيسي رز بالخضـار مع كشنة الدجاج



DANiA
03-02-2009, 12:27 AM
السلام عليكم

مساء الخيرات :)

دي الطبخة يوم من الأيام عملتها وأخدت الطريقة من النت وأضفت عليها بعض الإضافات:drr05_03:
سهلة وبسيطة جداً
:drr05_60:

اتفضلو,

مقادير الرز بالخضار:



بصلة مقطعه صغير
ثوم مدقوق
كاس رز ابوكاس منقوع بماء حار ثم مسلوق ليس استواءكامل مقارب للنضج
نص كاس بازلاء
نص كاس جزر مقطع صغير جداً ومسلوق نص سوا
نص كاس بطاطس مقطع صغير ومسلوق نص سوا
نص كاس ذرة مسلوقة
ملح
مكعب صغير ماجي

(( الخضروات زيدي بالقدر إلي تبغيه لا ترتبطي بالمكتوب, انا زودت البطاطس.. , والرز طبخت كاسة ونص - ممكن إضافة الكزبرة المجففة والبصل الأخضر المجفف مع الخضروات كبهارات , اعتمدو على زيت الزيتون في الطبخ )) :152:


الطريقه:

1/ نشوح البصل حتي يحمر ثم الثوم ونقلب ثم نضيف الماجي
والخضار ونقلب قليلا ( الأفضل تخلي الخضروات تحمر شوية وتستوي ) ثم نضيف الرز المسلوق ونقلب بحذر بالشوكة بس عشان تمدجيه مع الخضار.
ثم نضيف الملح ونقلب قليلا ثم نطفي عليه .



كشنة الدجاج
المقادير:

3صدور دجاج مقطع صغير ( عملت صحن صدور فيه تقريباً 4 او 5 صدور)
بصلة مقطعه صغير
ثوم مدقوق
مكعب صغير ماجي
ملعقتين كبيرة صلصة
ملعقة صغيرة من(كمون-هيل-فلفل اسود-ملح -بهارات مشكلة)

الطريقه:

1/نشوح البصل ثم الثوم ثم الدجاج ثم الصلصة ثم نضع البهارات كلها والملح والماجي ويترك حتى النضج
ويجف من ماء الصلصة قليلا.

الأفضل يتقدم الدجاج في صحن والرز في صحن, عشان مايتلخبط الرز الزايد بالدجاج:drr05_13:



طريقة صوص بالثوم مرة لزيز:

حبة ثوم بكبرها وبقشرها تسلقيها مع ماجي ( مرقة الدجاج) , بعد مايستوي ويصير مرة لين :288: بالملعقة خرجي الثوم في صحن والقشر أرميه, + اعصري نص ليمونة + ملعقتين مايونيز .. واخلطيهم مع بعض .. :130: مرة طعم مع الرز..


ممكن تعملي كمان شوربة الكريمة بالدجاج :)

وبالعافية

وردة وردية
03-02-2009, 07:01 AM
DANiA

ما شاء الله عليك

كل امرأة لها نكهتها الخاصة في الطبخ

فجميل ان نبدع في الاكل ونضيف اشياء حتى تطلع الطبخة احلى

نحن النساء نستطيع ان نبدع في كل شئ حتلى الاكل:214:

تسلمين يالغالية على الطبخة الحلوة

((كــــــــادي))
03-02-2009, 04:54 PM
مرحبا // دانيا


عندي طريقة رز مشابهة جداً لطريقتك ..

بس انا اضيف زيادة على الخضار فلفل رومي مقطع مكعبات صغيرة .. يطلع خييياااااااال


و يا ريت تقولي لي رز ابو كاس مزة او بسمتي ! لأني ما اشتريه ما عرف ايش نوعه !

انا استخدم في هذا الرز .. رز مزة.

وطريقة صوص الثوم جديدة .. راح اجربها

***

يعطيكِ العافية .. و دمتِ بخير

DANiA
03-02-2009, 07:58 PM
:)

أهلا وردة وردية , أهلا كادي
مرحبا فيكم

* الطبخ الصراحة يجي بالمزاج :d
* بالنسبة للرز أي رز أحسه ينفع بس يكون حباته واقفة , أستخدم بنجابي المهيدب

صوص الثوم دا ترى لزيز .. ان شالله لمن تعمليه يعجبك

* تعرفي ماما تعمل حاجة مرة تعجبني , تجيب خضروات زي ( الشبت - الكزبرة - بصل أخضر - زعتر بري ) اي خضروات زي كدا,, المهم الشبت مثلا يقطفو الأوراق طيب , الكزبرة برضو - البصل الأخضر تقطعيه كلو نحيف - الزعتر تقطفيه , المهم بعدين كل واحد تحطيه على الصحون الكبيرة إلي تجي من الخسف او اي حاجة تقدري تجففي عليها و تحطي عليها مناديل , تحطي كل شي لوحدو وتجففيه مثلا في الصالة جنب الشباك , حيتجفف في يوم واحد اصلا ويحتفظ بلونه, بعد كدا حتحطيهم في علب في الثلاجة وتستخدميهم زي البهارات في الأكل..
ممكن تحطيه فوق صينية الدجاج او عالشوربة او على الخضار ..

:)

ان شالله يعجبكم
وشكرا على تواجدكم

aminafiraskazaz
08-02-2009, 12:11 AM
شكل الاكلة ومواصفاتها بتشهي
ما شاء الله عليكي روعة سلمت الايادي

DANiA
22-02-2009, 03:04 AM
الله يسلمكم ويسمنكم كدا حته شوية عاليمين :d

نبغى بنات الدرر طباخين, ابدعو و بدنا نشوف ابداعكم هنا في الطبيخ والنفيخ ,,