المساعد الشخصي الرقمي

مشاهدة النسخة كاملة : سؤاااال عن برنامج وين بروكسي



ناصر الأحمد
19-08-2002, 10:15 PM
السلام عليكم


صباح الخير


وين راعين الشبكات


ركبت شكبه محليه في البيت

واستخدم برنامج WinProxy2.1

اول ماركبته مافيه مشاكل

بس الحين كثرت المشاكل

اول شي سرعه الاتصال للاجهزه الثانيه بطىء جدا مع ان السرعه بين الاجهزه 100 ميغا بايت بالثانيه


وثاني شي يطفي الجهاز الرئيسي للشبكه من نفسه فجاء يطلع لي الشاشه الزرقا الي الا الحين مادري وش سالفتها ويطفي الجهاز

وش السبب ان الجهاز يطفي ؟؟؟؟مدري
وش سبب انه صار بطيء ؟؟ مدري

وهل يوجد برامج افضل من البرنامج هذا

الي يقدر يفدينا ياليت مايبخل علينا تراي انواع الحوسه عندي

ومشكور مقدما

محمد المحيا
20-08-2002, 02:31 PM
هلا جعجع

صراحة اللي مثلك المفروض ما يشتكي من المشاكل... مشاكلك مالها حل غير الفرمتة :)

انت قلت إنه كان شغال أول بدون مشاكل... معناه إنك سويت شي (أو أشياء) سببت المشاكل هذي كلها...

صعب جداً إني أعرف سبب المشكلة من خلال كلامك ...

لكن على الأقل قول لنا بعض المعلومات الضرورية مثل مواصفات الأجهزة ونظام التشغيل المستخدم فيها وعدد الأجهزة المرتبطة بالشبكة... الخ

وإن شاء الله نقدر نفيدك

تحياتي

محمد

ناصر الأحمد
21-08-2002, 10:25 PM
مساء الخير

اهلين محمد

والله كنك داري اي مشكله عندي مستعصيه رحت افرمت الجهاز
الهادري دسك مغير بس يدعي علي من كثر ماسوي له فرمته :D

بعطيك كل الحوسه الي عندي


الجهاز الي الرئيسي للشبكه بنتيوم 3 السرعه 700 النظام وندوز 98

االاجهزه الثانيه

الاول بنتيوم 4 السرعه 1700 النظام وندوز اكس بي و وندوز 98 وكلها مرتبطه بالشبكه

الثاني وندوز مي السرعه 550
الثالث وندوز 98 السرعه 233 الا انه قليل يكون شغال مع الشبكه

وبالنسبه لسوالك اني اكيد سويت شي

ايه نعم سويت اشياء
الجهاز الي الرئيسي للشبكه سويت له فرمايت ونزلت البرنامج عليه الي هو winProxy

واشتغل تمام بس غيرت الاشتراك وعدلت الأعدادات مره ثانيه

الا انه صار بطيء

وان شاء الله قدرت اوضح لك الي طلبته

تحياتووو

محمد المحيا
24-08-2002, 04:47 PM
هلا جعجع

إذا افترضنا إن الإعدادت اللي سويتها صحيحة .. احتمال تكون المشكلة عند الشركة الجديدة .. يمكن عندهم ضغط في الشبكة ...

وبعدين لا تنسى إن الأجهزة مشتركة على مودم عادي .. يعني البطء متوقع في هذي الحالة.

عموماً إذا حبيت تتأكد إن المشكلة ماهي من WinProxy جرب برنامج ثاني مشهور أيضاً اسمه Wingate وتقدر تنزله من الموقع التالي:
http://www.deerfield.com/products/wingate

ورجاء قول لنا آخر ما تتوصل إليه :)

تحياتي

محمد

ناصر الأحمد
30-08-2002, 01:49 PM
مساء الخير

اهلين محمد

اولا العذر على التاخير بالرد انواع الحوسه عندي

صراحه اول شي البرنامج حلمته وقلبت فيه يمين يسار ماعرفت له:hap:


وتلقفت وفرمت الجهاز مره ثانيه

الحين الحمد الله ضبطت السرعه عندي زي ماكانت قبل

بس مشكله ان الجهاز كل شوي يطفي ماراحت

اتوقع من المدوم بس مدري عندي سالفه ولالا


وزي ماقلت لي قبل ان عندك علىمدوم عادي والبطيء متوقع
ماستغني عن اشتشارتك <<<<<<<ماتحس انه مسوي رسمي بحتسيه :D

راح اسوي اشتراك الدي سي ال

وش تنصحني فيه بالنسبه للاجهزه والبرامج للشبكه اسويها

مع العلم يمكن تكون الاجهزه خمسه بدال ماهي اربعه حاليا


تقبل تحياتي وادري اني ابلشتك معي بس وش اسوي واحد مولود بتشليح ويحب الحوسه :D
ولقا من يعطيه وجه:hap:


شاكر ومقدر لك