المساعد الشخصي الرقمي

مشاهدة النسخة كاملة : سؤال مهم جدا ..... لكل عريس :)



عبدالرحمن الطويل
14-08-2002, 02:30 PM
بسم الله الرحمن الرحيم


بعض الشباب يضع امام عينيه عند البحث عن عروسة للزواج ان تكون بارعة في الطبخ


سؤالي انا


ايش الأكلة اللي اتقنتها البنت فهي فعلا بارعة في الطبخ

يعني ياخذها وهو مغمض عيوني بعد

أذكر في الأفلام كان المقياس هو القهوة .. إذا سوتها بوش والا بدون وش

لكن مش مقتنع ....

افتوني يا اهل العلم والطبخ

:D :D :D

ابوفهد
17-08-2002, 02:44 PM
هلا بالطيب الغالي ابورهف

مش معقولة والله

مايصير الله يسلمك

ثلاثة ايام ولم يرد عليك احد ؟::[

معقولة مافيه احد يعرف الجواب ؟

المهم ماعلينا حبيبي

طيب انت لما اتزوجت ام رهف اش كان مقياسك ؟:SMIL:

والا زي زمان وش القهوة :hap:

شف حبيبي

اعتقد ان كل منطقة لها اسلوبها بالتقييم

واعتقد ان الاكلات الشعبية في الغالب

كانت هى المقياس بان المرأة بارعة

بس بيني وبينك شباب وشابات هالزمن

دورهم عند الكبسة وبس

تعرف تسوي كبسة وتضبط البراد

خلالالالالالاص عز الطلب

ان شاء الله اكون افدتك

لك خالص تحياتي

دون جوان
17-08-2002, 03:16 PM
ســــــــــــــــلام

كيف الحال ابو رهف

لقيت الموضوع للعرسان قلت اتميلح و اعمل عريس :D


عزيزي انا اشوف انه الطبخ انواع و فنون و ماله اول من اخر

و يستحيل لوحده انسانه اتقان كل فنون الطهي

لكن المتعارف عليه الأكلات المحليه ...

و لا تنسى ميول الزوج لأكلات معينه هي شهادته الخاصه والتي تبحث
عنها الزوجه..

بمعنى انا احب المكرونه البشاميل و زوجتي تضبطها ميه ميه بس يمكن انت ما تعجبك و يمكن زوجتك تكون طبيخه بشاميل.... في حاله زي كذا ضاعت شهادة التوفل قصدي شهادتك لها بالجوده بسبب انك ما تحب الأكله اصلا...(لاحظ هذي دقه :D )

ادري اني دوختك

انا اطالب بتشكيل معهد عالي لفنون الطهي و اختيار لجنه خاصه لإصدار شهادات لهذا الفن العريق.....طبعا ما في غيرك يكون رئيس للجنه..


تحياتي

عبدالرحمن الطويل
18-08-2002, 05:52 AM
هلا أبو فهد

يعني انت ان شاء الله يوم تروح تخطب لفهد راح تقولهم يشوفوها اذا تعرف تسوي كبسة والا لا :)

ياترى ..هل مازال فعلا عصرنا اللي حنا عايشين فيه يهتم بان الزوجة تكون تعرف تطبخ ...



تعرف يابوفهد البصارى ؟


الوالد كنت اسمعه يقول اللي تعرف تطبخ البصارى تكون طباخة

لكن ياترى وشهي البصارى .. أحد يقدر يفيدنا !!

_________________
انا يوم تزوجت ماصدقت على الله وحدة رضيت فيني وخلاص

:cool:

عبدالرحمن الطويل
18-08-2002, 05:57 AM
هلا والله بالعريس اللي مصدق نفسه توه عريس :)

خلاص رحت عليكي ياسيدي ...



يعني البنت مسكينة مسكينة ...

رقبتها تحت رحمة الرجال

تقعد تتعلم الطبخ عند امها ... ويجي الرجال يكون متعود على المصقعة ...

وياويلها اذا ماتعرف تسويها .. صارت فاشلللللة



ياعيني عليكم يا صنف الحرييييييييييييييييييم

بس تدري لازم تكون هناك هيئة تعطي شهادة للبنت اللي تعرف تطبخ

علشان اللي يبغى يتزوج من غير ما يتعب اهله ومدر ايش يشوف الشهادة وارتحنا



تحياتي لك يا عريس :)

My-Spirit
18-08-2002, 02:05 PM
السلام عليكم جميعاً

اشكرك ابورهف على موضوعك هذا

بس تصدق عاد

انا لما تزوجت ماكنت اعرف اعمل بيضة

والمسكين .. كنت عاملته لي حقل تجارب

لكن ولله الحمد .. الحين غير

يعني ما اعتقد عامل الطبخ هذا مهم للزواج

كل وحدة راح تتعلم


وراح ارجع بعد ما اعمل السباغيتي :D

ابوشهد
20-08-2002, 12:43 PM
صارت خربطه الرد تحت اسف

ابوشهد
20-08-2002, 12:44 PM
والله يا اخوان ترى معرفة الطبخ شئ اساسي في العروسة لانه يدخل تحت تخصصها يعني اللي ما تعرف تطبخ عروسة ناقصة انا عندي اكلات مهمه كبسة مصقعه رز عربي
معرق رز بخاري والبنات اليوم اغلبهم فالحين بالحلى حلى بالتويكس والبف باستري وانت ماشي هذه نعمه صحيح بس لا تسمن و لا تغني من جوع ما أدري عرايس اليوم ليه طايحين في الحلى ويقولولك احنا نسوي رجيم!!!!!!!!!!!!!!!!!!
وانا عن نفسي طباخ لكن خارج المنزل مع اصحابي لمن اسافر الخارج معايا شنطتين واحدة للملابس والثانية لوازم الكبسة و النعناع والملوخية واللازم منه.
وام شهد معلمة طبخ بس لسه احيانا ما تجي على هوا المعدة احيانا
انا نفسي اعرف ليش بنات الزمن دا ما يعرفوا يطبخوا من عند اهاليهم لازم تتعلم في زوجها؟