حنا شعب غنم ..

[LAST*HOPE]

السلام والرحمه والاكرام لكل المشاركين الكرام ..


تسائل قاهرني من دخلت السنه الهجريه ::[


هو فيه احد غيري قفل جواله ::[ ::[ ::[ ؟:confused:


هماني سمعت انه فيه مقاطعه وحركات للاتصالات والفكره كانت تقتضي بأن كل شخص يقفل جواله مع بداية السنه الهجريه .


المشكله اني امشي بين الناس واحس اني الوحيد اللي مسوي كذا ::]


آخر فاتورة جوال لي كانت 165 ريال <=(لا احد يسأل ليه سر) .. والجوال شغال تمام وكل شي زين ..
اقصد ان تقفيلة جوال مو عشان شي شخصي والا انا متضرر بفاتوره خمسة الاف واصلتني والا منقطع لي جوالين وهذا ثالث جوال أطلعه مثل بعض الناس.. .. لكن فقط اني اشوف هالقضيه اكبر من المصالح الشخصيه واكبر من انه يتسكت عليها !!

سرقه عيني عينك واستحقار للشعب واستخفاف فيهم بشكل غريب ! .. توقعت انه مثل هالاعتراضات والمقاطعات يمكن ترد شي من الكرامه المسلوبه وتنبه المسؤلين الى انه فيه تنظيمات وكل يوم تتصاعد اذا ما انتبهو لانفسهم وبدأو بتعديل الوضع ..

على الاقل كان هذا أملي .. لكن صديقي امس يضحك علي يقول:
(ياشيخ هنا شعب "غنم" لا تجلس تسوي فيها وتقفل جوالك ترى مافيه احد غيرك مقفل .. وانت الخسران هنا)
وقبل لا ارد بشي قال : (انا عارف ومؤمن بمبدأك وصح ميه الميه .. لكن مثل ما قلت لك حنا شعب غنم وآخرتنا للشبك ::[ )

كنت اقول وافكر انه اولا يكفي نفسيا اني احس بكوني ايجابي مع ناس يحرصون يسون عمل ايجابي وعمل يعطينا شخصيه ويفرضها على اللي ما يعترف فيها ..
وثانيا لابد انه فيه شخص ما في مكان ما يسوي نفس اللي اسويه ويفكر زي كذا او حتى يفكر بأي طريقه ثانيه المهم الهدف واحد وهذا يعطيني دافع آخر اني اكون معاه .


يسولف لي مدرس مصري .. يقول في مصر عندنا اتحاد الطلبه .. ورئيس الاتحاد هذا راسه براس مدير الجامعه شخصيا وكلمته ترد كلمة مدير الجامعه ..

يا ترى وش سوو الطلبه هنا ؟!!!


يا ناس والله شي يقهر ليه هالانانيه .. ليه الكل يمشي بمدأ نفسي نفسي .. واذا نوى يسوي شي قال يوووه مافيه احد غيري وليه انا بس اسوي كذا .. ليه بعد ما تنوي تسوي اللي تشوفه صح أول موجه تحطم عزائمك !! أول شخص يحبطك تمشي معاه !
لو أنها دزه للبحرين والله ان تسرق فلوس وتتسلف سياره وتجدد الجواز وتدور واسطات تطلعك من الجسر بسياره مو بأسمك ويضيق صدرك اذا ما لقيت سوزان ذاك اليوم وبدل ما تصير طلعتك يوم تصير اربعه تنتظر رجعة حبيبة الغفله !! ولو يجيك جسر الملك فهد براسه يقول لك ترى خلاص انهدمت ولا عاد فيه بحرين .. انك تستاجر تايتنك براسها اهم شي توصل هناك !



انا كثرت كلام وقمت اروح يمين ويسار .. ومشكلتي اذا تكلمت في موضوع متحمس معاه ما اوفيت الموضوع حقه ويمكن نقصت بعد المعذره مقدما ..


المهم كلام بالخاطر ولا لقيت احد غيركم قدامي اطلع حرتي فيه :o


و رغم كل الظروف .. سأظل انتظر اليوم اللي اشوف فيه مؤسسه شعبيه (اذا صح المسمى) هنا عندنا بهالديره .. موظفينها من الشعب ورئيسها من الشعب وتتكلم بأسم الشعب .. وتقدر تغير شي لصالح الشعب ..



والسلام ختام .

[إسراء]

مساء لانوار

اهلين last hope

الله يطول في عمرك يا شيخ

انا لمن قعدت اقول للبنات على الاضراب قعدوا يضحكوا محد مضرب

بجد مرة انقهرت ..بس عادي

انا عن نفسي و الله ما قفلت جوالي لان ما اقدر لو بابا او ماما

كانو يبغو يسالو عن شيء و خصوصي لما اكون بره البيت

فمرة ما اقدر لكن خليته مجدر انه يستقبل

لكن ما استعملته و لا ح استعمله

ليييييييييييييييين ما ينتهي الاضراب

و على الله يجيب فايده

تصدق انا كل شوبه يفصل جوالي بابا لمن يزعل يتصل

على الهاتف و يقلهم افصلوا الجوال http://www.mykit.net/smilies/cry_2.gif

نفسي اقلهم ما يسمعوا كلام بابا و ما يفصلوا الجوال الا

لمن انا اقلهم

فيعني شوف عاد متى يرضى بابا و يرجعه تاني

احيانا في نفس اليوم و ازا طولت معاه شهر

لكن مش مهم الامهم انه يرجع تاني :)



تحياتي

الأسطورة

[zadi]

____________



إسراءءءءءءءءءءءءءءء

أسسسسسسسسسسسو ,,,

وين ,,, ويـــــــــــــــــــــــــن ,,,,,,,

ههههههههههههههه

:hap: :hap: :hap: :hap: :hap:

[إسراء]

معليش زادي

غلطة و الله مرة ما انتبهت

لان قاعده اقرا موضوعك فعشان كده بس :)

[الملقوف]

سلام ...

سجل عندك واحد تيس .. بس من تيوس العارض اللي عليها القيمة

للمعلومية بس. ثاني دخل بعد البترول . دخل شركة الاتصالات

ياخي انا ما اتسلط على جوالي الا في اوقات الاضراب

بعدين اي اضراب على قولتك بس انت اللي مسكر جواله

المشكلة الحين مهي بس في رسوم الجوال !!

الحين انفتح علينا .. سعودي كول . وكون كول . والبحرين كول

والدجة كول والله يستر بعد من اللي يبي يجي

والله على قولتك شعب (( ماااااااااااااااء )

اقول لاست هوب .. عندك ( علف )

[* الـمـنـتـظـر *]

صباخ الخير ..

بعبع جديد ينط عليكم ..

واحد من اللي راحو وطي ..

خسر الجوال ونغمة الجوال .. (( ما وحشتك يا حبيبي )) ..

أقول ما راح نقدر نغير شئ ..

ولقاءنا بكره في شركة الاتصالات .. نطلع رقم ثاني ..

سلاااام :D

[المستشار]

شركة الإنفصالات ..

هذي ياطويل العمر ما تشبع أبد ..

ولكن العيب فينا احنا اللي فعلاً نمشي على كيفهم ==> طيب وش

بنسوي يعني ::[

المهم .. اعرف واحد خويي ضحك على شركة الإتصالات ما ضحكت عليه

تدري شلون ...

انا اقول:

ياطويل العمر هذا كان مطلع له رقم جوال حليو المهم وصلت فواتيره

9000 ريال .. وانفصل .. قعد سنتين مفصول ولا احد درى عنه ..

المهم الحين لمن بدأوا يصرفون الأرقام الملغاه شاف له واحد خويه

وطلع له نفس الرقم بس بإسم اخوه ..

والجوال الحين معاه من جديد ..

بس الله يستر لا يسوي فيه مثل ما سوى فيه أول ..


وتقبل تحياتي ،،

[ناصر الأحمد]

مساااااء الخير



سجل عندك ساكني مطلوب لاقرب مطعم مندي :hap:



كيفك LAST*HOPE

انشاء الله بخير


ياخي والله ماتلام شركه الزرف قصدي شركه الاتصالات


الحين كلنا نشتكي من سعر المكلامات انها غاليه


اوكى غاليه هي

بس وش تسمي الي يتصلون على كول وما كول واقل شي الدقيقه

بخمسه ريال واقل وقت تلقاه من ثلاث الا اربع دقايق اذا ماصارت اكثر بعد


يعني الي للضروره الاتصال قلنا غالي والي فيه بربسه واغاني واقمار ماقلنا غالي واتصلنا عليه


طبعا ماهو الكل يتصل ولا الثلث تبي نقول الربع من مستخدمين الجوالات يتصلون


وذا كان هذا شي تعرفه شركه الاتصالات كيف تبيها تغير الرسوم


ولا تلام وهي تعرف ان فيه من استخدمه لتسليه لااكثر ومستعد يدفع اكثر

واعتقد ان سياسه الاظراب صارت ماتاثر كثير

بعد مانزلت الباغات الجديده


ولا اطول عليكم
بس اخر كلمه بقولها


اذا كنا نبي افضل سلعه لازم نكون افضل مستهلكين




تحياتووووو

[aljenny]

يسعد أيامك لاست هوب ..

يخوي حنا إن شاءالله نكرم عن الغنم ..

على الأقل عندنا " عقول " نقدر نستخدمها (I)

نقدر .. لكن التواضع حرمنا من هالكماليات الغير مرغوبه (العقل وخلافه)

(شعور حلو إنك تملك شي يميزك عن باقي المخلوقات وتستغني عنه .. كذا مزاج)


أبشرك .. بالنسبه للمقاطعه مادرينا عنها .. أو بالأحرى ماعادت تستهوينا القراءة عنها

كلها كلام مكرر .. والمستفيد الوحيد شركة الإتصالات

قللي بالله عليك وسيلة نشر لهالتهديدات والمقاطعات غير مسجات الجوال والإنترنت ؟

ما أعتقد إنك محتاج أشرحلك الجواب


طيب خلنا نطيعهم ونقفل الجوال يوم كامل .. وبعدين ؟ وخير ياطير !

يعني تفهمني إنك بتاخذ فاتورتك وتروح لشركة الإتصالات وتخش بعينهم وتقول أنا ذاك اليوم ماشغلته إخصموا ريالين من المئه وعشرين ؟!

أكيد الجواب ماغيره .. موّال من الفلكلور الهاتفي :

" سدد الفاتورة وبعدين تعال إعترض .. ياعييييين "


الموضوع يخوي منتهي .. شغل جوالك بس



على فكره (I) <- (إستخدت عقلي .. إستهلكت كمالياتي)

السطرين الأخيرات في موضوعك لاعلاقة لهم بدنيا الإتصالات .. والدليل إستخدامك لكلمة (شعب) وعدم إستخدامك لكلمة (مواطنين) ..
نظرتك جايه من فوووووق بزاويه منفرجه وعلامة فرجها الشطحه الظاهره في آخر الموضوع

بس حلوه .. خلتنا نسلم عليك

تحياتي

[LAST*HOPE]

السلام والرحمه والاكرام .. على احلى غنم :D



ياهلا ومسهلا بالاسطوره .. والله يطول في عمرك على الطاعه :)


أصل اهل الحجاز كلهم على الدين لكن وين اللي يقول لهم .. والله مافيهم احد يقول لا :D

بالاضافه الى اعجابي بتمسكك بما ترينه صحيح اراكِ تبثين معتقداتك وافكارك التي تؤمنين بصحتها بين الناس .. انا مثلك اعلم ان الكثير يضحك من مثل هذه المقاطعات لكن ان انت تمسكتي .. وانا تمسكت سيبدأ الحمقى بالتساقط الواحد تلو الآخر في شبكة الادراك وفهم ما يجري وما يجب ان يجري :)

مسألة انك تتركين الجوال مفتوح حقيقه لا تحقق الا نسبة 50% من المقاطعه لان الشركه تكسب سواء اتصلتي او استقبلتي .. لكن يبدو ان لديك بعض الظروف التي تضطرك الى ذلك لذا فكل حسب قدرته ..

اختي دعواتي القلبيه لك وامنياتي بالنجاح في كل خطوات حياتك .. امثالك هم من يستحقون النجاح .. وامثالك هم من سينجحون :)

[LAST*HOPE]

زادي هلا ومسهلا واشكرك لاضافتك المفيده :D ..


وهلا بالاسطوره والمكان مكانك .. هذي المره بس :rolleyes:



--------------------------


عليكم السلام يالملقوف :)


ولو ترى اخوك يعجبك يعرف التيس الاصلي من التقليد على بعد عشره كيلو :hap: :moh:


شوف يالغالي .. قبل فتره وللمعلوميه بعد .. الاتصالات عندنا عدت حتى دخل البترول .. لكن هالكلام على ذمة وكالة يقولون .


تبي الحق ما ادري وش سعودي كول ولا هالاشياء .. انا اعرف انه اغلب شعبنا الكريم يوفر من مرتبه ويوزعه مابين جوال وثابت وانترنت ... الخ

كان ممكن نستفيد من هالاشياء في مجالات ثانيه .. لكن الله المستعان . حنا اللي نجيبه لانفسنا :)



حياك اخوي ومداخله تبين وجهة نظر الغالبيه ..

[LAST*HOPE]

يا هلا بالمنتظر ..

اخوي حالك حال الاغلبيه .. ما فكرت في يوم (ما اقصد شخصك) تترك اللعان والسب والدعاء .. وتبدا بالتعامل مع الموقف حسب المعطيات والامكانيات ؟؟


مافكرت انه حان الوقت عشان تسوي شي يبين لهالشركه وجهة نظرك ؟؟


عموما قولك :"ولقاءنا بكره في شركة الاتصالات .. نطلع رقم ثاني .. "


يوضح انك لسه ما فكرت بهالاشياء :D


والله لا يحدك تفكر بها .. لانك بتلقى من الاحباط مالله به عليم ::]


تحياتي لك وشكري لمداخلتك :)

[LAST*HOPE]

الرومانسي .. حضورك ملأ المكان عشقا وحباً .. لدرجة اني بديت افكر احب شركة الاتصالات :moh:


تقول "ولكن العيب فينا احنا اللي فعلاً نمشي على كيفهم ==> طيب وش بنسوي يعني "


تسائل جميل .. لكن المشكله ان الواحد اذا فكر بهالطريقه ينتظر شي مثل انه واحد يخطف طياره ويطب على مركز الاتصالات العالمي :rolleyes:


اسمح لي أحور سؤالك واقول .. هل انت اصلا حاولت تسوي شي !!؟؟



والقصه التي ذكرتها كثيرا ما تحدث .. صحيح اني اول مره اسمع واحد اخذ نفس الرقم :D ...

لكن خلني اسألك هل حقاً لعب على شركة الاتصالات ؟


أول شي يوم طلع جوال ثاني فهو كسب شركة الاتصالات بشكل او آخر ..

ثاني شي يقول لي واحد في المطار ان شركة الاتصالات تقردن (من قردن يقردن قردنتاً اذا حاول الشخص يغري الطرف الآخر) الخطوط السعوديه بحيث تصير اتفاقيه بينهم ما يطلع احد على طياراتهم وعليه فاتوره ما تسددت .. طبعا الخطوط ما تزال رافضه ..


الفاتوره غداً ستدخل في جميع امرك .. ولا تنسى انهم يقطعون تلفون كل من له علاقه فيك .. اخوك ابوك امك زوجتك .. وهذي حقيقه .. ولا انسى حادثه نشرت في جريدة الرياض قبل فتره ليست بالبعيده ..


والله يستر على المسلمين جميعا :)


تحياتي لك ..

[LAST*HOPE]

يا هلا وكل الغلا باخوي وحبيبي المستكشف جعجع ما ادري جعجع المستكشف :rolleyes:


ابشرك يا غالي انا في خير حال بشوفتك وشرواك .. انت بشرني عن احوالك وعساك بخير ؟ :)



يالغالي انت تطرقت لنقطه ايضاً تشكل هاجس من يستسخف المقاطعات .. ومن يبرر لشركة الاتصالات مبالغاتهم وحقيقه ان الامر جد واقعي ولو انا من شركة الاتصالات والله لو تموتون موووت انقص هلله وحده ..


لكن انت تقول خلني اقول الربع من مستخدمي الجوال يستخدمون مثل هذه الاشياء (والله النسبه كبيره وانا ادعي من قلبي ما يكون عدد المتخلفين عندنا كبير لهالدرجه :() .. طيب يا اخي الكريم باقي ثلاث ارباع ما راح اصير طماع لكن بقول ابي الربع من هالثلاث ارباع يقاطعون ويمشون عكس تيار الافراط ..

لو تحققت هالمعادله تحقق التوازن نوعا ما .. وعندما تطرح قضية الاسعار على طاوله ما .. سيؤخذ بالاعتبار الربع المتحج مثلما يؤخذ الربع المفرط ..

وهذا في حد ذاته رأي يسمع .. وكلمه وصلت .. انها خطوه أولى

وهي خير ألف مره من تقاعسنا بحجة اننا لن نستطيع فعل شيء .. !!

او ان فعلنا لن يقدم او يؤخر ..



اخي الكريم سأخبرك بقصه حدثت لي شخصيا في يوم ما .. وسأترك لك أمر الحكم في ما اذا كانت مثل هذه المقاطعات تفيد ام لا ..

في المعهد الثقافي البريطاني في مجمع الموسى .. كنت قد سجلت هناك لأخذ دوره في اللغه الانقليزيه وتضايقت قليلا من المبلغ الكبير لتلك الدوره فهي تصل الى ألف ريال تقريبا !!!


بعد مضي بعض الوقت تناقشت هناك مع شقيق يمني يشتغل لدى المعهد وتطرقنا لأمر الاسعار وبينت له احتجاجاتي واعتراضاتي وكم في اعتاقدي هم مبالغون في اسعارهم ..

أتعلم ما قال لي .. قال:

لو أن كل شخص كلمني انا شخصيا في مثل الكلام الذي حدثتني به , كتبه في ورقه وقدمه للمعهد بشكل رسمي , لوجدت الاسعار نصف ماهي عليه الآن ..

يقول : مشكلتكم انكم لا تعملون شيئا مقابل ما تريدون .. المعهد كل ستة شهور يعقد اجتماعات ويناقش مثل هذه المواضيع .. لكن يجد القليل جدا من الشكاوي والتذمر .. والكثير من المشتركين والمسجلين !!

ويقول لي انهم يعلمون انهم مبالغون في المبلغ وعلى استعداد لتخفيضه لكن أين من يطالب بذلك !!



تحياتي لك يا صديقي .. اسعدتني مداخلتك :)

[LAST*HOPE]

ياهلا ومسهلا بالجني .. ويسعد لحظات سنينك كلها يالغالي :)



صدقني انا مؤمن وأعلم اننا نكرم عن الغنم .. لكن انتم ترفضون ذلك (لا اقصد شخصك الكريم بل حتى انا مشمول في "انتم" :))

ثم انك تقول عندنا عقول "نقدر نستخدمها" .. "نقدر" :mad:

السؤال هو ليييييييه ما نستخدمها .. ليه نكتفي بأننا نعرف اننا "نقدر" ..

ههههههههه .. اضحكني كلامك .. صراحه لا أعلم مع اي طرف انت يبدو لي في كلامك سخريه مريره وتهكم واضح :D .. عموما اربكتني بفلسفتك لان كلامك يقول انك ضد الفكره .. لكن اسلوبك يبين وجهة نظر اخرى ;)


لكن خلينا مع القادم لان اشتم فيه رائحة يأس ::[ .. او ربما خيبة أمل :)


"أبشرك .. بالنسبه للمقاطعه مادرينا عنها .. أو بالأحرى ماعادت تستهوينا القراءة عنها

كلها كلام مكرر .. والمستفيد الوحيد شركة الإتصالات

قللي بالله عليك وسيلة نشر لهالتهديدات والمقاطعات غير مسجات الجوال والإنترنت ؟ "


شوف يالغالي فيه نقطتين هنا جدا جدا مهمه .. سأبدأ بالاقل اهميه .. وهي مسألة نشر هالدعوه ..
اعتقد انه من الحماقه نشر مثل هذه الامور عن طريق مسجات الجوال و ارى انك انت اكتشفت هذا الامر مثل الكثيرين وفي هذه المقاطعه رأيت تجنب الناس للمسجات وهذه نقطه ايجابيه كبيره .. أما مسألة النت .. فيا أخي الكريم دقيقه واحده على النت تستطيع ان ترسل رساله واحده لملايين البشر .. فهل تعتقد انك خسرت شي .. او ان شركة الاتصالات كسبت شي ;)


لكن النقطه الأهم هاهنا .. هي مسألة لمااااذا و ألف علامة استفهام حول كون هذه الطريقتين هي الوحيده للتعبير عن افكارنا ورغباتنا واحتجاجاتنا :mad:

حقيقه تغضبني أيما غضب وتعكر صفو مزاجي مع انه بالعاده اصلا متعكر .. لكن ما يغضبني هو تجاهل الاعلام لنا .. هو ان الاعلام متخلف ثم متخلف ثم متخلف عن مشاعر الشعب .. والمواطنين :o

فلو ان الصحف والمجلات تعاونت معانا بشكل أو آخر .. لو اصبحت دعايه لراياتنا وقراراتنا نحن ابناء هذا الوطن لاستطعنا في اغلب الاحيان الوصول لمبتغانا ..

هذه نقطه كبيره تستطيع ان تطرح في موضوع آخر مستقل .. سيسعدني ان اقرأ لك مثل هذا الموضوع <=(واحد بيورطك:D )


____________

"طيب خلنا نطيعهم ونقفل الجوال يوم كامل .. وبعدين ؟ وخير ياطير !

يعني تفهمني إنك بتاخذ فاتورتك وتروح لشركة الإتصالات وتخش بعينهم وتقول أنا ذاك اليوم ماشغلته إخصموا ريالين من المئه وعشرين ؟! "

أول شي لو ناظرت لأغلب الفواتير لوجدتها بين 700 -1000 وان كان هناك الكثير يربو عن هذا المبلغ لكن نقول اضعف الايمان ..

لو ان كل شخص يتحدث بمعدل عشره ريال يوميا .. لكانت الفاتوره المتوقعه( 300+300+120=720) الله يستر لا يكون حاسبها غلط ..

طيب لو قلنا ان عندنا في المملكه 5 ملايين هاتف جوال فقط .. وقلنا ان نصف هالعدد قفل جواله ليوم واحد ..

10×2500000 = 25000000 بالعربي خمه وعشرين مليون في يوم واحد ..

لن اطالب شركة الاتصالات بأي مبلغ كما فهمت انت .. فقط سأكتفي بأن اخسرهم خمسه وعشرين مليون في يوم واحد .. يا ترى ما ذا لو طالت المده لثلاثة ايام او اسبوع او شهر .. ;)


اخي جداً اسعدتني مداخلتك اثرت الموضوع بذباتك اللي مالها داعي .. خااصه الاخيره .. لأني احس اني تهزأت فيها :D



شكرا لك مره اخرى ولكل من شارك .. وان كان لديكم المزيد فما زال في جعبتي ما يزيد :rolleyes:




والسلام ختام .