باكر يقولون عبدالله ومحبوبه ,, وافين وافين لكن حظهم عاثر!!

[السنــــافيه]

قصيده من اختياراتي المتواضعه اتمنى ان تعجبكم ..

ضيعت نفسي من شان رعبوبه ** واليوم راحت لابو المستقبل الزاهر

ضيعت ثنتين مستقبل ومحبوبه ** وياكبرها ياملا جرحين في خاطر

لو كل عاشق لقا شفه ومطلوبه ** كان البلد ماخلق فيها ولاشاعر!

ياقلب وش فيك ماتعزم على التوبه ** مادام من حب واوفى في الهوى
كافر!

خل الهوى العف واول واخر ذنوبه ** وارحل وهاجر ترى يرتاح من هاجر!

خل الهوى ياخفوقي مانت من ثوبه ** خل الهوى مانت لأوجاع الهوى قادر

خل الهوى دام مازانت لك دروبه ** واصبر ترى الصبر حلوى في فم الصابر

ياقلب عمري وعمرك للأسف نوبه ** لاتصرف اللي بقى في الموقف الخاسر!

محبوبك أهله تواصوابه وضحوابه ** باعوه بيعة ردي والمشتري تاجر

لفوه في ثوب حتى ضاقت جنوبه ** وزفوه في مشهد مايسعد الناظر

بغى يعاند ولكن خانه اسلوبه ** لانه مسيكين لاينهى ولايامر

وياقلب كانك تحبه لاتجي صوبه ** حافظ على سمعته من هرجة الصاغر

ومادام دونه رماح الموت منصوبه ** فأحذر من القرب واحذر غلطة الشاطر

باكر يقولون(عبدالله ومحبوبه. ** .وافين وافين..لكن حظهم عاثر)!

روحين مستسلمه للأمر مغلوبه ** وياويله الصب..(والمتمرد الفاجر)!

باكر..الا لآن قلب الصخر والطوبه ** باكر..يعود لنفس الدار من سافر

ياقلبي أنفاسنا في العمر محسوبه ** وأخاف نفنى وباكر مايجي باكر!!

وسلامتكم..
الشاعر:عبدالله عطيه

أختكم:
السنـــــافيه

[* الـمـنـتـظـر *]

لا حلوه :)

بس برضو راح أقول لك مثل ما قلت لسامي جده تري هذا مو مكان

القصيدة .. مكانها إستراحة الدرر ..

تحياتي ..

[المستشار]

النص الأصلي مرسل من قبل * المنتظر *


لا حلوه :)

بس برضو راح أقول لك مثل ما قلت لسامي جده تري هذا مو مكان

القصيدة .. مكانها إستراحة الدرر ..

تحياتي ..






عن اذنك يالسنافيه .. بس ودي اكلم المنتظر ..

الحين وش دخل هالقصيدة باستراحة الدرر !!!


ياخي مو منك .. انا حاس انك مجهد شوي هاليومين ..

كله من غليل ونزلة غليل ;)

[* الـمـنـتـظـر *]

الرمانسي

شكلي راح أوجه طلب للإدارة بحذف شئ أسمه إقتباس ..

ياخي ذبحتي كل شوي وأنت مقتبس وراي ..

عموما .. أنا أسف يالسنافيه ..

من جد ما أدري وش اللي يجيب الشعر هناك ..

===> يمكن واحد كان نفسه تنحط القصيدة في موضوعه ;)

تحياتي والمعذرة :)

[السنــــافيه]

يؤ يؤ يؤ والله يالمنتظر شككتني بنفسي قلت لايكون احوليت والاشي

وش دخل القصيده باستراحة الدرر والله يهديك بس ويصلح بالك:D

على العموم مشكور على الرد بس ردك باااااارد :MAD2:

شكلها مااعجبتك ::]

هلا بك اخوي الرومانسي خذ راحتك ولو تبي تكلم المنتظر او تبي تكفخه

خذ راحتك ;) =================> تمون

بس الرومانسي ماعطيتني رايك بالقصيده والاجاي بس تنسخ كلام


ورا المنتظر =============> قلبت عليه::*

على العموم الشكر لكم ..

أختكم:السنـــــافيه

[®{ بـريــ!!!ــتـيـج }®]

صح لسانك اختي السنافيه ..

والله لا استطيع وصف اعجابي الشديد بهذه القصيدة والتي تفتقد الدرر مثلها من الشعر النبطي والشعبي

بانتظار القادم من مختاراتك الرائعة



مع تحياتي //